Անկախ Հայաստանում
քանի անգամ և ինչու է
արտակարգ դրություն
հայտարարվել

1996
սեպտեմբերի 26 - հոկտեմբերի 10
Հայաստանում արտակարգ դրության ռեժիմ սահմանվեց 1996 թվականի սեպտեմբերի 22-ի նախագահական ընտրություններից հետո։
Նախագահի թեկնածու Վազգեն Մանուկյանը չընդունեց Լևոն Տեր–Պետրոսյանի վերընտրությունը և փողոց դուրս բերեց տասնյակ հազարավոր մարդկանց։
Ցուցարարներին հաջողվեց ներխուժել խորհրդարան, ծեծել ԱԺ նախագահ Բաբկեն Արարքցյանին ու փոխխոսնակ Արա Սահակյանին։
Սեպտեմբերի 26-ին ուժի մեջ մտավ «Իրավիճակից բխող անհապաղ միջոցառումների մասին» (դե ֆակտո` արտակարգ դրություն) հրամանը, զորքը մտավ քաղաք։
Ցուցարարներին ցրելու հետևանքով շուրջ 60 մարդ տուժեց։

2008
մարտի 1-20
Ընդդիմադիր առաջնորդ Լևոն Տեր–Պետրոսյանը չընդունեց 2008 թվականի փետրվարի 19-ի նախագահական ընտրությունների արդյունքները (Սերժ Սարգսյանի հաղթանակը)։ Փետրվարի 20-ից ամենօրյա ցույցեր սկսվեցին։
Մարտի 1-ին իշխանությունը ցրեց ցուցարարներին, ինչն անհնազանդության նոր ակցիաներ և ոստիկանության հետ զանգվածային բախումների հանգեցրեց։ Արտակարգ դրություն հայտարարվեց, զորքը մտավ քաղաք։
Բախումների հետևանքով 10 մարդ մահացավ, ավելի քան հարյուրը տուժեցին։

2020
մարտի 16-ապրիլի 14
Հայաստանում կորոնավիրուսի տարածումը կանխելու համար մարտի 16-ին արտակարգ դրության ռեժիմ հայտարարվեց։
Պարետ նշանակվեց փոխվարչապետ Տիգրան Ավինյանը։ Երկրում արտակարգ դրության ռեժիմ սահմանելու պահին 52 վարակված մարդ կար։
Խմբագիր՝ Արմինե Ալեքսանյան Հեղինակ՝ Դավիթ Գալստյան Դիզայներ՝ Շուշանիկ Սարգսյան
Աղբյուր՝ Sputnik Արմենիա