Հրթիռներ

Սիրիայի՝ ռուսական արտադրության ՀՕՊ համալիրները իսրայելական հրթիռներ են խոցել

244
(Թարմացված է 23:46 22.07.2021)
Իսրայելի ՌՕՈւ կործանիչները Լիբանանի օդային տարածքից չորս կառավարվող հրթիռներով հարված են հասցրել Հոմս նահանգի օբյեկտներին։

ԵՐԵՎԱՆ, 22 հուլիսի - Sputnik. ՀՕՊ համալիրները խոցել են Սիրիայի ուղղությամբ արձակված իսրայելական բոլոր հրթիռները։ ՌԻԱ Նովոստիի փոխանցմամբ՝ տեղեկությունը հայտնել է Սիրիայում հակամարտող կողմերի հաշտեցման ռուսական կենտրոնի ղեկավարի տեղակալ, կոնտր-ադմիրալ Վադիմ Կուլիտը։

Նա նշել է, որ հինգշաբթի գիշերը Իսրայելի ռազմաօդային ուժերի երկու F-16 կործանիչներ Լիբանանի օդային տարածքից չորս կառավարվող հրթիռներով հարված են հասցրել Հոմսի նահանգում գտնվող օբյեկտներին:

ՀՕՊ հերթապահ ուժերը բոլոր չորս հրթիռները ոչնչացրել են ռուսական արտադրության «Բուկ-Մ2Ե» համալիրներով:

ՌԴ-ն հատուկջոկատայինների համատեղ զորավարժությունների շարք կանցկացնի Աֆղանստանի սահմանին

Հիշեցնենք, որ այս տարվա մայիսին իսրայելական ավիացիան բազմաթիվ անգամ հարվածներ էր հասցրել Սիրիայի տարածքին։ Մասնավորապես մայիսի 10-ին Իսրայելի ՌՕՈւ մարտական ուղղաթիռը սիրիական բանակի դիրքերն էր գրոհել սահմանամերձ Էլ-Կունեյտրա նահանգում։ Հարվածի հետևանքով մեկ մարդ էր վիրավորվել։

Ռուսաստանը կսկսի ԱԹՍ-ներ վաճառել. «բայրաքթարները» պետք է զգուշանա՞ն

244
թեգերը:
հրթիռ, Իսրայել, Սիրիա
Ըստ թեմայի
Անտեսանելի պարեկություն. Ռուսաստանում BOSS հիբրիդային նավ են ստեղծել
Ինչու է ԱՄՆ–ը տանուլ տալիս բոլոր պատերազմները
Ռուսաստանը ռազմական ծախսերի գծով առաջին հնգյակում է. միտումները` աշխարհում և ԱՊՀ–ում
Սերգեյ Բեզրուկով

Սերգեյ Բեզրուկովը հինգերորդ անգամ հայր է դարձել. լուսանկար

2
Հանրահայտ դերասանը հրապարակել է կնոջ ու նորածին որդու լուսանկարը։ Ակնհայտ է, որ նա երջանիկ է։

ԵՐԵՎԱՆ, 24 հուլիսի – Sputnik. Ռուսաստանի ժողովրդական արտիստ Սերգեյ Բեզրուկովը հինգերորդ անգամ է հայրացել։ Ուրախալի լուրը նա հայտնել է Instagram-ի իր էջում:

«Անեչկան լույս աշխարհ բերեց իմ որդի Վասիլիին։ Ուռա՜։ Մենք ավելի շատացանք: Շնորհակալություն քեզ, հարազատս», - գրել է դերասանը և կնոջ ու նորածնի հետ լուսանկար հրապարակել։

Посмотреть эту публикацию в Instagram

Публикация от Сергей Безруков (@s_bezrukov)

Փոքրիկը Բեզրուկովի և նրա կնոջ՝ Աննա Մատիսոնի երրորդ զավակն է։ Նրանց դուստրը` Մաշան, արդեն 4 տարեկան է, իսկ որդին` Ստեփանը` 2։ Բեզրուկովը ևս երկու երեխա էլ (աղջիկ ու տղա) ունի դերասանուհի Քրիստինա Սմիրնովայից։

2
Արխիվային լուսանկար

Հիմա էլ H5N6. Չինաստանում թռչնագրիպի բռնկում է գրանցվել

41
(Թարմացված է 00:07 24.07.2021)
Մեկ մարդ արդեն մահացել է, մեկի վիճակը ծայրահեղ ծանր է։ Բոլոր հիվանդները շփում են ունեցել ընտանի թռչունների հետ։

ԵՐԵՎԱՆ, 24 հուլիսի - Sputnik. Չինաստանի հարավ-արեւմուտքում երեք մարդ է վարակվել H5N6 թռչնագրիպի վիրուսով։ Նրանցից մեկը մահացել է։ Տեղեկությունը հայտնում է Հոնկոնգի առողջապահության դեպարտամենտը։

Մահվան ելքով դեպք է գրանցվել Սիչուան նահանգի Սուանհանայում։ Հաղորդվում է, որ 51-ամյա կինը շփում է ունեցել ընտանի թռչունի հետ։

Ախտանշանները նա նկատել է հունիսի 25-ին, հուլիսի 3-ին նրան հոսպիտալացրել են։ Հաջորդ օրը կինը մահացել է։

Վարակման երկրորդ դեպքը ևս Սիչուան նահանգում է գրանցվել։ Կացզյանի 57-ամյա բնակչին վիրուսը փոխանցվել է թռչունից։ Նրա մոտ գանգատներ են նկատվել հունիսի 22-ին, հուլիսի 5-ին տղամարդուն տեղափոխել են հիվանդանոց։

Երրորդ դեպքն արձանագրվել է Չինաստանի կենտրոնական մասում՝ Չունցին քաղաքում։

Ավետիսյան. «Լեհական մսամթերքի արգելքով ՀՀ սահմանները զերծ ենք պահում թռչնագրիպից»

66-ամյա չինացին նույնպես կապ է ունեցել ընտանի թռչունի հետ։ Ախտանշաններն ի հայտ են եկել հունիսի 23-ին, հուլիսի 4-ին նրան հոսպիտալացրել են, այժմ հիվանդի վիճակը ծայրահեղ ծանր է:

Հուլիսի կեսերին չինական ԶԼՄ-ներն արդեն հայտնել էին Սիչուանում H5N6 թռչնագրիպով մարդու վարակվելու դեպքի մասին։

Դեպքի վայր ժամանած Հիվանդությունների վերահսկման և կանխարգելման տարածաշրջանային կենտրոնի փորձագետները պարզաբանել են, որ վիրուսը մարդուն փոխանցվել է թռչունից, մարդուց մարդուն H5N6 փոխանցման մասին դեպքեր չեն արձանագրվել, վարակի զանգվածային տարածման վտանգը չափազանց ցածր է:

«Թովմասյանն ինձ հետաքրքրել է այնքան, ինչքան թռչնագրիպը` Խորենացուն». Պետրոսյան

41
թեգերը:
Մահ, վարակ, գրիպ, Չինաստան
Ըստ թեմայի
Ուկրաինական հավերը Հայաստանում դեռ չեն «թռչի», իսկ թռչնամսի գինը կթռչի՞
«Մոլեգնում է հերթական անհեթեթ խուճապը». Արսեն Թորոսյանը խորհուրդներ է տվել
Կորոնավիրուսը ստեղծվել է լաբորատորիայում․ ռազմական փորձագետ