Տոկիոյի օլիմպիական խոհանոցը

Ներքին խոհանոց. ինչո՞վ են սնվում օլիմպիական մարզիկներն ու լրագրողները Տոկիոյում

90
(Թարմացված է 14:34 22.07.2021)
Որքան արժե Տոկիոյի օլիմպիական ավանում սնվելն ու ինչպես է աշխատում այնտեղի խոհանոցը` ընթերցեք Sputnik–ի նյութում։

ԵՐԵՎԱՆ, 22 հուլիսի – Sputnik. Տոկիոյի օլիմպիական ավանում սնունդը մի քանի խոհանոցով է ներկայացված` եվրոպական, ճապոնական, կա նաև հալալ սնունդ (մահմեդականների մոտ ընդունված սնունդ, որի մեջ բացակայում է միսը)։ Տեղեկությունը հայտնում է Sрutnik Բելառուսի աղբյուրը, որն աշխատում է այնտեղ։

Հայտնի են Օլիմպիական խաղերի բացման ժամանակ Հայաստանի դրոշակակիրները

Օլիմպիական ճաշարանի ճանապարհն անցնում է խաղերի մասնակից երկրների դրոշներով ծառուղու կողքով։ Ճիշտ է, հակահամաճարակային խիստ միջոցառումների պատճառով բոլորն ամենուր ստիպված են դիմակ դնել. Տոկիոյում դրան հետևում են։

Победившая на кулинарном конкурсе кулинарных рецептов Олимпийской деревни Токио 2020 еда домохозяйки Йоко Нисимуры
© AFP 2020 / KAZUHIRO NOGI
Տնային տնտեսուհի Յոկո Նիսիմուրայի պատրաստած սնունդը, որը հաղթել է Տոկիո 2020 օլիմպիական ավանի խոհարարական բաղադրատոմսերի մրցույթում

Ինչպես նշել է գործակալության զրուցակիցը, մարզիկները կարող են ուզածի չափ նախաճաշ, ճաշ և ընթրիք վերցնել։ Ճաշացանկը բավականին բազմազան է, նույնիսկ բուրգերների տեսքով արագ սնունդ կա։

Ճաշարանը գտնվում է անգարի նման շենքում, այնտեղ խստորեն հետևում են սոցիալական հեռավորությանը։

«Ատլետների ավանում սննդի հետ կապված խնդիրներ չկան։ Կան ասիական, ճապոնական, եվրոպական խոհանոցի ուտեստներ։ Մարզիկները դեռ չեն բողոքում, համենայնդեպս, ես չեմ լսել։ Ճաշարանում կարանտինային խիստ միջոցներ են` միջնապատ` սեղանների վրա, թաց անձեռոցիկներ` դրանք մաքրելու համար», – պատմել է Sputnik–ի զրուցակիցը։

Օլիմպիական հավաքական. ովքեր կներկայացնեն Հայաստանը Տոկիոյում

Նրա խոսքով` լրագրողներին կերակրում են մամուլի կենտրոնում, բայց ընտրությունն այսքան մեծ չէ։ Ճաշի միջին գինը 1300-1500 իեն է (11,8 - 13,62 դոլար)։ Որպես կանոն, խավարտը լինում է բրինձ կամ լապշա, իսկ հիմնական ուտեստը` միս, հիմնականում` տավարի։

Сочетание четырех различных вариантов завтрака в отеле Washington в Токио
© REUTERS / KAI PFAFFENBACH
Նախաճաշի չորս տարբերակների համադրություն Տոկիոյի Washington հյուրանոցում

Ի դեպ, պարզվում է` օլիմպիական հանրային սննդի կետում լուսանկարել չի թույլատրվում։ Թե ինչի հետ է դա կապված, չեն պարզաբանում։ Գուցե պատճառը կորոնավիրուսն է, չէ՞ որ ճապոնացիները շատ են վախենում դրանից և նույնիսկ խաղերն են վտանգված։

Ռուսաստանի սուսերամարտի ֆեդերացիայի առաջին փոխնախագահ, հավաքականի գլխավոր մարզիչ Իլգար Մամեդովն ավելի վաղ նկարագրել է Տոկիոյի օլիմպիական ավանի կյանքի պայմանները։ Նա հայտարարել է, որ օլիմպիական ավանում իսկական միջնադար է։

«Իմ մասին չեմ մտահոգվում, բայց մարզիկներս իսկապես մեղք են», – հայտարարել է մարզիչը` նշելով, որ նախորդ 8 Խաղերի ժամանակ, որտեղ նա ներկա է գտնվել, նման պայմաններ չեն եղել։ Մամեդովը պատմել է, որ սենյակներն ու սանհանգույցը շատ փոքր են, սենյակների պատերը գիպսակարտոնից են արված, վարդակներն անհարմար տեղում են գտնվում, ինտերնետին միանալն էլ անհնար է։

Նշենք, որ հուլիսի 17-ին Միջազգային օլիմպիական կոմիտեն Տոկիոյի օլիմպիականների համար հաստատեց հակասեքս-մահճակալների դիզայնը։ Օլիմպիական ավանում մարզիկների սենյակներում միայն մեկ մարդու համար նախատեսված կահույք են տեղադրել։ Նման մահճակալները մինչև 200 կգ–ի են դիմանում և կոտրվում են կտրուկ շարժումներից։ ՄՕԿ–ը կարծում է, որ նման կահույքը թույլ կտա «խուսափել ֆիզիկական շփման ոչ պետքական ձևերից»։

«Մարդկային կյանքի հետ ոչ ոք իրավունք չունի խաղալու». օլիմպիականները` Տոկիո 2020-ի մասին

90
թեգերը:
Տոկիո, Ճապոնիա, մարզիկ, Օլիմպիական խաղեր
Ըստ թեմայի
Օլիմպիական պարգևավճարները կվերանայվեն․ Փաշինյանը հյուրընկալել է խաղերի մասնակիցներին
Օլիմպիական հավաքական. ովքեր կներկայացնեն Հայաստանը Տոկիոյում
Հայտնի են Օլիմպիական խաղերի բացման ժամանակ Հայաստանի դրոշակակիրները
Արթուր Դալալոյանն արդեն չի կաղում․ մարզիչը՝ նրան Օլիմպիական խաղերին պատրաստելու մասին
Դավիթ Քոչարով

Դավիթ Քոչարովը նշանակվել է ռուսական խոշորագույն Rutube տեսահարթակի գլխավոր պրոդյուսեր

4
(Թարմացված է 17:14 03.08.2021)
Rutube հարթակի վերագործարկման մասին հայտնի է դարձել ապրիլին։ Այն պատկանում է «Գազպրոմ մեդիա» հոլդինգին, որը 2020 թվականի վերջին փակել է տեսահոսթինգի 100% կոնսոլիդացման գործարքը։

ԵՐԵՎԱՆ, 3 օգոստոսի - Sputnik. Ռուսական Rutube-ի առաջատար տեսահարթակի գլխավոր պրոդյուսեր է նշանակվել Դավիթ Քոչարովը։ Տեղեկությունն իր Telegram ալիքում հայտնել է հեռուստահաղորդավարուհի ու պրոդյուսեր Թինա Կանդելակին՝ հղում անելով «Գազպրոմ մեդիայի» մամուլի ծառայությանը։

«Դավիթ, շնորհավորում եմ քեզ այս վաստակած նշանակման կապակցությամբ: Դու այն մարդն ես, որը և՛ ՍՏՍ-ում, և ivi - ում միշտ աշխատել է մինչև վերջ, աշխատել է դեկտեմբերի 31-ին և մինչև վերջ մոնտաժել է նյութը։ Դրա համար էլ գնահատում եմ», - գրել է Կանդելակին։

Նա ավելացրել է՝ շները հաչում են, քարավանը գնում է արտահայտությունը, հավանաբար ակնարկելով այդ բարձրության ճանապարհին ինչ-որ խոչընդոտներ։

Ընկերության հաղորդագրության մեջ նշվում է, որ Քոչարովը պատասխանատու կլինի բովանդակության, կոնտենտ մարքեթինգի ու Rutube Originals-ի գործարկման համար:

ՀՀ նախագահ Արմեն Սարգսյանն ընդունել է Փարիզի հայազգի փոխքաղաքապետին. տեսանյութ

2019 թվականի սեպտեմբերից մինչև 2021 թվականի ապրիլ Քոչարովը զբաղեցրել է ivi առցանց կինոթատրոնի գլխավոր պրոդյուսերի պաշտոնը։ Եղել է նաև ՍՏՍ հեռուստաալիքի մարքեթինգի գծով տնօրեն (2019 թվական), ՏՆՏ հեռուստաալիքի համացանցի ու արտաեթերային պրոմո-բաժնի ղեկավար (2013 թվականի ապրիլ -2015 թվական): Նա ՍՏՍ ու Ռոսիա հեռուստաալիքների համար կոնտենտ արտադրող «Goose Goose Films» փրոդաքշն ստուդիայի հիմնադիրն է։

Հայաստանը խաղաղություն է ուզում. հայազգի թենիսիստը աշխարհին է փոխանցել հայրենիքի ուղերձը

4
թեգերը:
Դավիթ Քոչարով, պրոդյուսեր, հայ
Ըստ թեմայի
Հայազգի բժիշկը կորոնավիրուսի դեմ պայքարի համար արժանացել է Պուտինի սահմանած շքանշանի
Հայազգի գործարարի ռեստորանը որոշել է սատարել Կոմունարկայի հիվանդանոցի բժիշկներին
Հայազգի ութ գործարար ընդգրկվել են Forbes-ի` Ռուսաստանի ամենահարուստ մարդկանց ցանկում
Սիմոն Մարտիրոսյանը վերցրեց օլիմպիական արծաթը

Սիմոն Մարտիրոսյանը վերցրեց օլիմպիական արծաթը

97
(Թարմացված է 16:58 03.08.2021)
Հայկական ծանրամարտում օլիմպիական խաղերում վերջին անգամ չեմպիոնի կոչումը նվաճել էր Իսրայել Միլիտոսյանը`Բարսելոնայում, 1992–ին։ Տոկիոյում հայ ծանրորդների «ոսկե» հաջողությունը թարմանցնելու շանս ուներ Սիմոն Մարտիրոսյանը։

ԵՐԵՎԱՆ, 3 օգոստոսի - Sputnik. Ծանրորդ Սիմոն Մարտիրոսյանը երկամարտի 423 կգ արդյունքով, տղամարդկանց 109 կգ քաշային կարգում դարձավ օլիմպիական խաղերի արծաթե մեդալակիր։

Ծանրամարտի օլիմպիական տղամարդկանց մրցաշարում Հայաստանի միակ ներկայացուցիչը՝ Սիմոն Մարտիրոսյանը, մրցումներին ներկայացել էր աշխարհի գործող չեմպիոնի կարգավիճակով։ Հայ ծանրորդը Տոկիո-2020-ում Հայաստանի մեդալի հույսերից մեկն էր։ Ոմանք հիշում էին Սիմոնի մասնակցությունը Եվրոպայի վերջին առաջնությունում, որտեղ հայ ծանրորդը հրում վարժությունում զրո ստացավ։ Բայց հայ դյուցազունն իզորու էր ապացուցել բոլորին իր բազուկների ուժը։

Штангист Симон Мартиросян
© REUTERS / EDGARD GARRIDO
Սիմոն Մարտիրոսյանը վերցրեց օլիմպիական արծաթը

Պոկում վարժությունում Մարտիրոսյանն առաջին մոտեցման համար նախապես պատվիրել էր 190 կգ։ Ռիոյի օլիմպիական խաղերի արծաթե մեդալակիրը նախ գլխավերևում պահեց այդ քաշը, հետո մի փոքր դժվարությամբ բարձրացրեց 195 կգ կշռող ծանրաձողն ու պոկում վարժությունից հետո դարձավ առաջատարը` ունենալով երկու կիլոգրամի առավելություն երկրորդ տեղով ընթացող Ակբար Ջուրաևի նկատմամբ և վեց կիլոգրամի առավելություն` երրորդ տեղում ընթացող բուլղարացի Հրիստո Հրիստովի։

Հրում վարժության առաջին մոտեցման համար Սիմոն Մարտիրոսյանի նախնական պատվերը 230 կգ էր։ Բայց տակտիկական պայքարից ելնելով` Մարտիրոսյանը մոտեցավ 228 կգ-ին և գխավորեց աղյուսակը երկամարտի 423 կգ արդյունքով, ինչը օլիմպիական նոր ռեկորդ էր։ Բայց պայքարը ոսկե մեդալի համար առջևում էր և պարզ էր, որ չեմպիոնի տիտղոսի համար պայքարն ընթանալու է հայ և ուզբեկ ծանրորդների միջև։ Ջուրաևը երկրորդ մոտեցման ժամանակ չկարողացավ բարձրացնել 234 կգ կշռող ծանրաձողը։ Սկսվեց տակտիկական պայքարը, ու մեր մարզիչները ստիպեցին ուզբեկ ծանրորդին երրորդ մոտեցմանը փորձըլ բարձրացնել 237 կգ-ը։ Ջուրաևը, սխրանք գործելով, գլխավերևում պահեց այդ քաշը և երկամարտում դարձավ առաջատար։

Սիմոն Մարտիրոսյանը դեռ երկու մոտեցում ուներ և 238 կգ բարձրացնելու դեպքում դառնում էր օլիմպիական չեմպիոն։ Երկրորդ մոտեցումը չհաջողվեց։ Մնաց մեկ հնարավորություն։ Կա՛մ օլիմպիական ոսկի, կա՛մ արծաթ։ Ցավոք, երրորդ մոտեցումն էլ չհաջողվեց, ու մեր մարզիկը բավարարվեց արծաթե մեդալով։

Բրոնզ և առնվազն արծաթի հավակնություն. ինչպես անցավ Օլիմպիադայի 10–րդ օրը հայերի համար

Այպիսով` օլիմպիական խաղերում մրցումային հերթական օրվանից հետո Հայաստանի օլիմպիական հավաքականը ունի երեք մեդալ՝ 2 արծաթե (Սիմոն Մարտիրոսյան-ծանրամարտ) և (Արթուր Ալեքսանյան-հունահռոմեական ըմբշամարտ) և 1 բրոնզե (Արթուր Դավթյան - մարմնամարզություն)։ Առնվազն բրոնզե մեդալ արդեն երաշխավորել է բռնցքամարտիկ Հովհաննես Բաչկովը, որը հավակնում է օլիմպիական ոսկե մեդալին։

97
թեգերը:
Սիմոն Մարտիրոսյան, օլիմպիադա, հաղթանակ, ծանրամարտ
Ըստ թեմայի
«Մոլագարության մեջ են»․ Զախարովան վրդովված է Օլիմպիադային` արևմտյան ԶԼՄ-ների արձագանքից
Վրացի երկու ձյուդոիստի հեռացրել են Օլիմպիադայից. ո՞րն է պատճառը
Արթուր Դավթյանը Հայաստանի առաջին մեդալը նվաճեց Տոկիոյի օլիմպիական խաղերում. տեսանյութ
Վրաստանի և Հայաստանի վարչապետները

Վրաստանի վարչապետն ուղերձ է հղել Նիկոլ Փաշինյանին

0
(Թարմացված է 17:18 03.08.2021)
Ղարիբաշվիլին ընդգծել է, որ տարածաշրջանի աշխարհաքաղաքական դինամիկան և առկա մարտահրավերներն ավելի նշանակալից են դարձնում Հայաստանի ու Վրաստանի միջև համագործակցությունը։

ԵՐԵՎԱՆ, 3 օգոստոսի – Sputnik. Վրաստանի վարչապետ Իրակլի Ղարիբաշվիլին շնորհավորական ուղերձ է հղել Նիկոլ Փաշինյանին ՀՀ վարչապետի պաշտոնում նշանակվելու կապակցությամբ: Տեղեկությունը հայտնում է վարչապետի մամուլի ծառայությունը։

«Թույլ տվեք անկեղծ շնորհավորել Հայաստանի Հանրապետության վարչապետի պաշտոնին նշանակվելու կապակցությամբ։ Տարածաշրջանի աշխարհաքաղաքական դինամիկան և առկա մարտահրավերներն ավելի նշանակալից են դարձնում մեր երկրների միջև համագործակցությունը ինչպես երկկողմ, այնպես էլ տարածաշրջանային ձևաչափում։ Հավատում եմ, որ Վրաստանի և Հայաստանի Հանրապետության միջև դարերի ընթացքում ձևավորված սերտ կապերն ու ավանդական բարիդրացիական հարաբերություններն ապագայում ավելի կամրապնդվեն: Նաև ցանկանում եմ պատրաստակամություն հայտնել ակտիվ երկխոսության համար այս փոխշահավետ համագործակցության էլ ավելի ամրապնդման գործում»,– գրել է Վրաստանի վարչապետն իր ուղերձում։

Արմեն Սարգսյանը զանգել է Նիկոլ Փաշինյանին

Ղարիբաշվիլին եղբայրական հայ ժողովրդին խաղաղություն և բարօրություն է մաղթել:Հիշեցնենք` Հայաստանի Հանրապետության նախագահը նորընտիր Ազգային ժողովի լիազորությունների ժամկետը սկսվելուց հետո անհապաղ վարչապետ է նշանակում Սահմանադրության 89-րդ հոդվածով սահմանված կարգով ձևավորված խորհրդարանական մեծամասնության ներկայացրած թեկնածուին:

Պաշտոնը ստանձնում եք կարևորագույն ժամանակաշրջանում. Փաշինյանը շնորհավորել է Սիմոնյանին

Իսկ քանի որ ԱԺ–ում մեծամասնություն են կազմում «Քաղաքացիական պայմանագիր» կուսակցության ցուցակով ընտրված պատգամավորները, նրանք երեկ առաջադրեցին Նիկոլ Փաշինյանի թեկնածությունը։

Ավելի ուշ ՀՀ նախագահ Արմեն Սարգսյանը հրամանագիր ստորագրեց, և Փաշինյանը կրկին նշանակվեց ՀՀ վարչապետ։

0
թեգերը:
Հայաստան, Վրաստանի Հանրապետություն, Նիկոլ Փաշինյան, Իրակլի Ղարիբաշվիլի