Բրիթնի Սփիրս

Բրիթնի Սփիրսն ամուսնանում է. ԶԼՄ

84
(Թարմացված է 13:44 22.07.2021)
Մոդել և ֆիթնես-մարզիչ ընկերոջ հետ Բրիթնին ծանոթացել է 2016 թվականին Slumber Party տեսահոլովակի նկարահանման ժամանակ։

ԵՐԵՎԱՆ, 22 հուլիսի – Sputnik. Հայտնի ամերիկացի երգչուհի Բրիթնի Սփիրսն ամուսնանում է, գրում են արտասահմանյան լրատվամիջոցները։

Սփիրսը դատական վերջին նիստերից մեկի ժամանակ մեքենա վարելու հնարավորություն է ստացել։ Հավանաբար, երգչուհին որոշել է այդ իրադարձությունը նշել իր ընկերոջ` Սեմ Ասգարիի հետ սրճարան այցելելով։

Պապարացիները հասցրել էին լուսանկարել հայտնի երգչուհուն այն ժամանակ, երբ նա վերցնում էր սուրճը։ Լուսանկարի վրա նկատել էին, որ աղջկա մատնեմատին թանկարժեք մեծ քարով մատանի կա։ Այդպես Սփիրսը լուրեր հրահրեց այն մասին, որ ամուսնանում է։

Անկախ նրանից, որ շատերն ուրախացել էին այդ լուրից, մյուսները հիշեցրել էին, որ նշանադրությունը կարող էր գաղտնի լինել, բայց հարսանիքը շուտ չի կայանա, քանի որ Սփիրսի խնամակալը դեռ նրա հայրն է։ Երգչուհին առանց նրա համաձայնության ամուսնանալ չի կարողանա։

«Ինձ ներարգանդային պարույր են տեղադրել, որպեսզի չհղիանամ։ Այժմ ուզում եմ ամուսնանալ և երեխա ունենալ։ Ուզում էի հանել պարույրը և երեխա բերել, բայց խնամակալը թույլ չտվեց ինձ։ Նրանք չեն ուզում, որ ես ծննդաբերեմ», – խոստովանել է Բրիթնին։

«Ինձ երջանկություն չբերեց». Ուլյանա Սերգեյենկոն` Դանիլ Խաչատուրովի հետ ամուսնության մասին

Աստղը մոդել և ֆիթնես-մարզիչ իր ընկերոջ հետ ծանոթացել էր 2016 թվականին Slumber Party տեսահոլովակի նկարահանման ժամանակ։

84
թեգերը:
ամուսնություն, Բրիթնի Սփիրս
Ըստ թեմայի
Ինչ միջոցների էին դիմում արտերկրում ամուսնանալ ցանկացող հայերը, երբ դեռ չկար համացանցը
«Իսկապե՞ս ամուսնացել են»․ համացանցում քննարկում են Դավա Մանուկյանի և Լուկաշևայի տեսանյութը
Տհաճ անակնկա՞լ, թե՞ տխուր հիշողություն. Ուեսթը Քարդաշյանին նվիրված նոր ալբոմ է ձայնագրել
Ժոնթան Լաքոտ

Ֆրանսիան Հայաստանին և Ադրբեջանին քաղաքական գործընթացների վերսկսման կոչ է անում. Լաքոտ

69
(Թարմացված է 14:07 28.07.2021)
Ֆրանսիան կդիտարկի Հայաստանի կողմից պաշտպանության ոլորտում աջակցության վերաբերյալ դիմումները, սակայն պետք է հաշվի առնել այն, որ Հայաստանը և Ֆրանսիան միևնույն ռազմական ալյանսների մաս չեն կազմում:

ԵՐԵՎԱՆ, 28 հուլիսի – Sputnik. Ֆրանսիան քաղաքական գործընթացների վերսկսման կոչ է անում Հայաստանին և Ադրբեջանին, այն պետք է լինի արդար և չպետք է տեղի ունենա ուժի կամ այլ ազդեցության ներքո: Ինչպես հայտնում է «Արմենպրեսը», Էրեբունու հնագիտական պեղումներն ավարտելու կապակցությամբ տեղի ունեցած ասուլիսի ժամանակ նման հայտարարություն է արել Հայաստանում Ֆրանսիայի դեսպան Ժոնաթան Լաքոտը:

«Մենք նաև գիտակցում ենք, որ այս ամենը տեղի է ունենում մի կոնտեքստում, երբ հայ-ադրբեջանական սահմանին վատթարացում կա: Սրանք իրադարձություններ են, որոնք առաջացնում են Ֆրանսիայի անհանգստությունը, որովհետև դա նաև հրադադարի խախտում է, դրա պատճառով նաև Հայաստանի սահմաններին անվտանգային իրավիճակի վատթարացում է գրանցվում: Այս համատեքստում Ֆրանսիան կոչ է անում Հայաստանի և Ադրբեջանի միջև քաղաքական գործընթացները վերսկսել»,–ասել է Լաքոտը` անդրադառնալով Գեղարքունիքի մարզում գիշերվանից ընթացող զինված գործողություններին: 

Նրա խոսքով` Ֆրանսիայի հիմնական մտահոգությունը Հայաստանի սահմանային իրավիճակն է:

«Բնականաբար, մենք չենք մոռանում նոյեմբերի 9-ի եռակողմ հայտարարության մեջ ուրիշ կետերի մասին, որոնց կատարման հետ կապված դեռ խնդիրներ կան, մասնավորապես, Ադրբեջանում պահվող բոլոր ռազմագերիների ազատ արձակման կետը»,- հավելել է դեսպանը:

Ադրբեջանում 2 հայ զինծառայողի 15 տարվա ազատազրկման են դատապարտել

Անդրադառնալով Հայաստանին պաշտպանության ոլորտում աջակցելու Ֆրանսիայի հնարավորությանը, Լաքոտը նշել է, որ Ֆրանսիան կդիտարկի Հայաստանի կողմից պաշտպանության ոլորտում աջակցության վերաբերյալ դիմումները, սակայն պետք է հաշվի առնել այն, որ Հայաստանը և Ֆրանսիան միևնույն ռազմական ալյանսների մաս չեն կազմում:

«Ընդհանուր առմամբ մեր նպատակը ոչ թե ապագա ինչ-որ պատերազմի պատրաստվելն է, այլ պատերազմից խուսափելն է, որովհետև, կածում եմ, որ տարածաշրջանում առկա խնդիրները չպետք է ունենան ուժային լուծում` Ղարաբաղի հարցը, հայ-ադրբեջանական սահմանի հարցը պետք է լուծվեն միայն բանակցային ճանապարհով: Ցանկացած այլընտրանք տանելու է փակուղի»,- ասել է Լաքոտը:

 Անդրադառնալով Ֆրանսիայի նախագահ Էմանուել Մակրոնի Հայաստան հնարավոր այցին, դեսպանն ասել է, որ իսկապես 2018 թվականին Ֆրանկոֆոնիայի գագաթնաժողովի ժամանակ նա պարտավորվել է կրկին գալ Հայաստան:

«Այս պահի դրությամբ ոչ մի հստակ ամսաթիվ չկա: Բայց, ընդհանուր առմամբ կարող եմ ասել, որ նախագահ Մակրոնը կգա այն ժամանակ, երբ այցը օգտակար կլինի տարածաշրջանում քաղաքական գործընթացներին աջակցելուն: Այդ պահին պարզ կտեսնենք, թե ինչ փաստաթուղթ կարող է ստորագրվել Հայաստանի և Ֆրանսիայի միջև»,- ասել է Լաքոտը՝ անդրադառնալով կողմերի միջև որևէ փաստաթղթի ստորագրման հնարավորության մասին հարցին:

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, երեք վիրավոր։

69
թեգերը:
Ադրբեջան, Սահման, Գեղարքունիքի մարզ, Հայաստան, Ժոնաթան Լաքոտ, Ֆրանսիա
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
ՊՆ–ն հրապարակել է ադրբեջանական կրակոցներից զոհված զինծառայողների անունները
ՀՀ նախագահն իր աջակցությունն է հայտնում հայոց բանակին
Սահմանին զոհված զինծառայողներից մեկը Չինչին գյուղի միակ շրջանավարտ Դավիթն է
Դատարան

Ադրբեջանում 2 հայ զինծառայողի 15 տարվա ազատազրկման են դատապարտել

42
(Թարմացված է 14:00 28.07.2021)
Բաքվի դատարանը նրանց դատապարտել է «լրտեսության և պետական սահմանի ապօրինի հատման համար»։

ԵՐԵՎԱՆ, 28 հուլիսի – Sputnik. Ադրբեջանում հայ ռազմագերիներ Դավիթ Դավթյանին և Գևորգ Սուջյանին դատապարտել են 15 տարվա ազատազրկման։ Տեղեկությունը հայտնում են ադրբեջանական լրատվամիջոցները:

Բաքվի դատարանը նրանց դատապարտել է «լրտեսության և պետական սահմանի ապօրինի հատման համար»։

Ավելի վաղ 7 տարվա ազատազրկման էին դատապարտվել հայ գերիներ Ռաֆիկ Կարապետյանը, Գուրգեն Գալոյանը, Հրայր Թադևոսյանը, Վաղարշակ Մալոյանը, Սասուն Եղիազարյանը, Արսեն Վարդանյանը, Վահագն Բահրիկյանը, Սեդրակ Սողոմոնյանը, Արման Դիլանյանը, Մանուկ Մարտոյանը, Մելս Ամբարդանյանը, Անդրանիկ Միքայելյանը, Ֆելիքս Գրիգորյանը։ Նմանատիպ դատավճիռ էր կայացվել նաև 13 հայ գերիներից բաղկացած մեկ այլ խմբի նկատմամբ։

Գերիների վերադարձը կարող է կառուցողական միջավայր ստեղծել. ՀՀ ԱԳՆ-ն պատասխանել է Բայրամովին

42
թեգերը:
Դատարան, գերի, հայ, Ադրբեջան
Ըստ թեմայի
Միջոցներ են ձեռնարկվում Ադրբեջանում գտնվող գերիներին այցելելու համար. փաստաբանների պալատ
Արմեն Սարգսյանն ընդունել է Շառլ Միշելին. խոսել են գերիների, պատերազմի ու Արցախի մասին
«Նոր գերիների փոխանակման հույս ունե՞ք». Նատալի Լուազոն հարցեր է ուղղել Նիկոլ Փաշինյանին
Զինծառայողներ

Հայաստանում նախատեսվում է պահեստազորայինների վարժական հավաքներ անցկացնել

0
Առաջարկվում է վարժական հավաքներին ներգրավվել մինչև 869 քաղաքացու, որոնցից 576-ը` շարքային կազմի, 107-ը` ենթասպայական կազմի, 186-ը` սպայական կազմի պահեստազորայիններ։

ԵՐԵՎԱՆ, 28 հուլիսի – Sputnik. E-draft.am իրավական ակտերի կայքում շրջանառության մեջ է դրվել «Վարժական հավաքներ հայտարարելու մասին» կառավարության որոշման նախագիծը, որով նախատեսվում է 2021 թվականի սեպտեմբերի 15-ից մինչև դեկտեմբերի 15-ը պահեստազորայինների վարժական հավաքներ անցկացնել։

Առաջարկվում է հայտարարել պահեստազորի առաջին խմբի առաջին կարգում հաշվառված շարքային, ենթասպայական և սպայական կազմերի պահեստազորայինների վարժական հավաքներ` երեք ամիս ժամկետով։

Նվում է, որ վարժական հավաքները հայտարարվում են պահեստազորում հաշվառված քաղաքացիների` ռազմական ունակությունների կատարելագործման, մասնագիտական վերապատրաստման, մասնագիտական պատրաստման,բարձրագույն կրթություն ունեցող ենթասպայական կազմից պահեստազորի սպաների պատրաստման նպատակով:

Առաջարկվում է վարժական հավաքներին ներգրավվել մինչև 869 քաղաքացու, որոնցից 576-ը` շարքային կազմի, 107-ը` ենթասպայական կազմի, 186-ը` սպայական կազմի պահեստազորայիններ։

Վարժական հավաքներին կներգրավվեն զինվորական 10 մասնագիտություններով պահեստազորայիններ։

 

0