Ջուլիա Դյուկուրնո

Կաննի փառատոնի հաղթողները. գլխավոր մրցանակի արժանացավ բոլորին շոկի ենթարկած ֆիլմը

352
(Թարմացված է 14:38 18.07.2021)
Կաննի կինոփառատոնի հիմնական ծրագրին մասնակցեց 24 ֆիլմ։ Ժյուրին գլխավորում էր ամերիկացի ռեժիսոր և դերասան Սփայք Լին։

ԵՐԵՎԱՆ, 17 հուլիսի – Sputnik. Ֆրանսիացի ռեժիսոր Ջուլիա Դյուկորնոյի «Տիտան» սարսափ–ֆիլմը, որը փառատոնի ամենասկանդալային ժապավենն էր, ստացավ Կաննի փառատոնի գլխավոր մրցանակը՝  «Ոսկե արմավենու ճյուղը»։  «Հումը» սեքսուալ-կանիբալիստական թրիլերով հայտնի ռեժիսորին մրցանակը հանձնեց անկրկնելի Շերոն Սթոունը։

«Տիտանը» պատմում է բռնության զոհի մասին, որն ականջի մեջ տիտանե սարք է կրում և սեռական ցանկություն է զգում մեքենաների նկատմամբ։

Երկրորդ նշանակալի մրցանակը՝ հիմնական մրցութային ծրագրի գրան-պրին, ստացան կրկնակի օսկարակիր ռեժիսոր Ասղար Ֆարհադին «Հերոսը» ֆիլմի համար և ռեժիսոր Յուհո Կուոսմանեն «Կուպե համար վեց» ֆիլմի համար, որը Ֆինլանդիայի, Էստոնիայի, Ռուսաստանի և Գերմանիայի համատեղ արտադրություն է։ Բեմում Կուոսմանենը խոստովանեց, որ Ֆարհադիի տաղանդի երկրպագուն է և մեծ պատիվ է մրցանակը կիսել նրա հետ։

Церемония закрытия Каннского кинофестиваля (17 июля 2021). Франция
© REUTERS / JOHANNA GERON
Կաննի կինոփառատոնի վերջին ակորդները

Առաջին պատվավոր Ոսկե արմավենին՝ կինոյում ակնառու նվաճումների համար, ավանդաբար հանձնում են փառատոնի բացմանը․ այս անգամ դափնեկիրը դարձավ ամերիկացի դերասանուհի Ջոդի Ֆոսթերը, իսկ փակման ժամանակ ևս մեկ Արմավենու ճյուղով պարգևատրվեց 81-ամյա իտալացի վարպետ Մարկո Բելոքյոն, որն ուղիղ 10 տարի առաջ նույնատիպ պատվավոր մրցանակ էր ստացել Վենետիկում։

Ռուսաստանցի դերասանուհին Կանն է գնացել մերկ մարմնին հագած էժան պիջակով. լուսանկար

Պատվավոր Արմավենին Բելոքյոյին հանձնեց նրա հայրենակից Պաոլո Սորենտինոն։ Նրանց մեկ այլ հայրենակիցը՝ դերասանուհի Վալերիա Գոլինոն, «Լավագույն ռեժիսուրա» անվանակարգում մրցանակը հանձնեց Լեոս Կարաքսին, որի «Աննեթ» մյուզիքլը՝ Ադամ Դրայվերի և Մարիոն Կոտիարի մասնակցությամբ, դարձել էր փառատոնի բացման ֆիլմը:

Ժյուրիի հատուկ մրցանակով պարգևատրվեցին իսրայելցի ռեժիսոր Նադավ Լաբիդն ու թայլանդացի վարպետ Ապիչաթպոնք Վիրասետակուլը, որի ֆիլմում գլխավոր դերը կատարում էր Թիլդա Սուինթոնը։

Լավագույն սցենար ճանաչվեց Ռյուսուկե Համագուչցիի «Նստիր իմ մեքենայի ղեկին» ֆիլմը՝ Հարուկի Մուրակամիի պատմվածքի երեքժամանոց ճապոնական էկրանավորումը, որը ստացել է նաև Կինոմամուլի համաշխարհային ասոցիացիայի (FIPRESCI), ինչպես նաև էկումենյան ժյուրիի մրցանակները։

Դերասաններին հասանելիք Արմավենու ճյուղերին արժանացան ամերիկացի դերասան և երաժիշտ Քալեբ Լենդրի Ջոնսն ու նորվեգացի դերասանուհի Ռենատե Ռեինսվեն։

«Հատուկ հայացք» զուգահեռ ծրագրում գրան-պրին հանձնվեց Կիրա Կովալենկոյի «Բաց թողնելով բռունցքները» ֆիլմին։ Կովալենկոն Ալեքսանդր Սոկուրովի՝ ամբողջ փառատոնային աշխարհում հռչակավոր դարձած Կաբարդա-Բալկարական արվեստանոցի շրջանավարտներից է։

Երբ քամին հանդարտվի․ Արցախի մասին ֆիլմը ցուցադրվեց Կաննի կինոփառատոնում

352
թեգերը:
ֆիլմ, Կաննի կինոփառատոն
Ըստ թեմայի
Դավիթ Բաբայանի «Կաֆկայի երազը» ընդգրկվել է միջազգային փառատոնի մրցութային ծրագրում
Համատեղ ֆիլմարտադրություն և ոչ միայն. Թումանյանը հանդիպել է «Ֆարաբի» հիմնադրամի տնօրենին
Անկրկնելի Սոֆի Մարսոն ու մյուսները. «Ամեն ինչ լավ անցավ» Կաննում
Ձյուն

Բրազիլիայում և Արգենտինայում ձյուն է տեղացել

21
(Թարմացված է 00:08 30.07.2021)
Շատ տարածաշրջաններում այս ամռաննը անոմալ շոգ է եղել, իսկ շոգ երկրներում ցածր ջերմաստիճաններ են գրանցվել։

ԵՐԵՎԱՆ, 30 հուլիսի – Sputnik. Բրազիլիայի հարավում ձյուն է տեղացել։ Տեղումները գրանցվել են Ռիու Գրանդի դու Սուլ նահանգի 13 քաղաքներում, հաղորդում են բրազիլական լրատվականները։

Նահանգի որոշ շրջաններում նաև կարկուտ է տեղացել։ Օդերևութաբանները նախազգուշացնում են, որ հուլիսի 30-ին Բրազիլիայում կարող են սահմանվել 2021 թվականի նվազագույն ջերմաստիճանների ռեկորդներ: Այսպես, Պորտու Ալեգրիում, Ֆլորիանոպոլիսում, Կուրիտիբում, Սան Պաուլոյում և Կամպու Գրանդիում կանխատեսվում է 5 աստիճանից ցածր եղանակ։

Ձյուն է տեղացել նաև Արգենտինայի որոշ շրջաններում, այդ թվում՝ Կորդովա քաղաքում, որում 14 տարվա ընթացքում առաջին անգամ է ձյուն եկել։ Ջերմաստիճանի բացասական արժեքները գրանցվել են 18 բնակավայրերում, որոնցից մի քանիսում ջերմաչափերի սյուները իջել են 2-3 աստիճանից:

21
թեգերը:
ձյուն, Արգենտինա, Բրազիլիա
«Արարատ» -«Շլենսկ» հանդիպում

«Արարատ» -«Շլենսկն» ավարտվեց ոչ ոքի, բայց հայկական թիմը դուրս մնաց Կոնֆերենցիաների լիգայից

28
(Թարմացված է 00:07 30.07.2021)
ՈւԵՖԱ-ի հովանու ներքո առաջին անգամ անցկացվող Կոնֆերենցիաների լիգայի խաղարկությունում հայկական ակումբներն ավարտեցին իրենց ելույթները։ Վերջին հույսը «Արարատն» էր, որն էլ պայքարը թողեց որակավորման երկրորդ փուլից հետո։

ԵՐԵՎԱՆ, 27 հուլիսի - Sputnik, Խաչիկ Չախոյան. Հայաստանի գավաթակիր Երևանի «Արարատը» Կոնֆերենցիաների լիգայի խաղարկության որակավորման փուլի պատասխան խաղում ոչ ոքի` 3։3-ով ավարտեց հանդիպումը լեհական «Շլենսկի» հետ։ Բայց Գյումրիում տարած հաղթանակից հետո երկու խաղերի արդյունքում հաղթեցին լեհերը։

Առաջին խաղը, որը կայացավ թիմերի միջև մեկ շաբաթ առաջ Գյումրիում, ավարտվեց լեհական ակումբի հաղթանակով՝ 4։2 հաշվով։ Բայց այնպես չէ, որ «Արարատը» զիջել էր մրցակցին խաղով։ Կարելի է ասել, որ Գյումրիում գրանցված հաշիվը ինչ-որ տեղ չէր արտացոլում խաղադաշտում տեղի ունեցածը։ Հետևաբար` պատասխան խաղում հավանականությունը մեծ էր, որ «Արարատը» կարող է և անակնկալ մատուցել մրցակցին։ Բայց խաղը Վրոցլավի «Մեյսկի» ստադիոնում անհաջող սկսվեց մեր թիմի համար։ Արդեն երկրորդ րոպեին դաշտի տերերը բացեցին հաշիվը, աչքի ընկավ Ռոբերտ Պիխը։

Իհարկե նույնիսկ նվազագույն առավելությունն էր ապահովում էր «Շլենսկին» հաջորդ փուլի ուղեգիրը։ Բայց մինչև ընդմիջում, օգտագործելով մրցակցի կոնցենտրացիայի կորուստը, մերոնք երկու րոպեի ընթացքում նոր հույս պարգևեցին հայ երկրպագուներին։ Մորի Կոնեն, դառնալով դուբլի հեղինակ, դիմակայությունում ընդհանուր հաշիվը հավասարեցնելու շատ լավ հնարավորություն տվեց «Արարատին»։ Բայց ընդմիջումից հետո Շիմոն Լևկոտը, ապա Ռոբերտ Պիխը նորից նվազագույն առավելություն ապահովեցին լեհական թիմին։ Ճիշտ է, հույսը մեռնում է վերջում, բայց արդեն հասկանալի էր, որ նույնիսկ դիմակայությունում հաշիվը հավասարեցնելու շանսեր այլևս չկային։ «Արարատը» մինչև խաղավերջ պետք է խփեր երեք գնդակ։

Բայց նման հրաշք տեղի չունեցավ։ Ճիշտ է, Դինիմանի Սիլում «Արարատի» կազմում խփեց պատասխան երրորդ գնդակը, սակայն դա բավական չէր երկու խաղերի արդյունքների հանրագումարում հաղթելու համար։ «Արարատը» պարտվեց դիմակայությունում, սակայն, եթե Գյումրիում մերոնք օգտագործեին իրենց ստեղծած գոլային պահերը, հաստատ այլ արդյունք կարող էր լինել դիմակայությունում։

Տհաճ միջադեպ Պեպեի և Մխիթարյանի միջև. խաղը քիչ էր մնում` վերածվեր ծեծկռտուքի

Այսպիսով «Արարատը», «Նոան» և «Ուրարտուն» չկարողացան աչքի ընկնել Կոնֆերենցիաների լիգայի խաղարկությունում։ Միայն «Արարատը» կարողացավ հաղթահարել որակավորման առաջին փուլը, իսկ մյուս երկու թիմերն առաջին իսկ փուլում պարտվեցին իրենց մրցակիցներին։ Հիմա Եվրոգավաթների խաղարկություններում մնացել է հայկական մեկ թիմ՝ «Ալաշկերտը», որը Չեմպիոնների լիգայում պարտվելուց հետո արդեն կխաղա Եվրոպայի լիգայում։ Այս մրցաշարում «Ալաշկերտն» իր առաջին հանդիպումը կանցկացնի օգոստոսի 5-ին։ Այդ օրը մեր չեմպիոնն արտագնա խաղում կմրցի Կամո Հովհաննիսյանի «Կայրաթի» դեմ։

28
թեգերը:
ՈւԵՖԱ, հաղթանակ, գոլ, «Արարատ» ՖԱ, ֆուտբոլ
Ըստ թեմայի
Գոլառատ ֆուտբոլ Գյումրիում. «Արարատը» զիջեց «Շլյոնսկին»
«Նոր էջ ենք բացել»․ Մխիթարյանը՝ Ժոզե Մոուրինյոյի և «Ռոմայում» իր մնալու մասին
«Ալաշկերտը» չկարողացավ հաղթահարել ՈւԵՖԱ–ի Չեմպիոնների լիգայի երկրորդ փուլը