Իլհամ Ալիևը Բաքվի «ռազմական պուրակում»

Բրիտանական Telegraph–ը «զարհուրելի» է որակել Բաքվի «ռազմական պուրակը»

635
(Թարմացված է 13:22 13.07.2021)
Հեղինակավոր պարբերականի սյունակագիրը ապշել է Ադրբեջանի մայրաքաղաքում մեծահոգության ու մարդու իրավունքների նկատմամբ հարգանքի բացակայությունից։

ԵՐԵՎԱՆ, 13 հուլիսի – Sputnik. Բրիտանական հեղինակավոր Telegraph պարբերականն անդրադարձել է Բաքվի «ռազմական» այգի–թանգարանին։ «Պաղպաղակներ և բուրգեր վաճառող տաղավարներ՝ արյունից նոր մաքրված տանկերի ու սաղավարտների կողքին» խոսուն վերնագրով հոդվածը հրապարակվել է կայքում այսօր։ Սյունակագիր Կոլին Ֆրիմանը ներկայացրել է իր տպավորությունները թանգարանից` այն անվանելով «զարհուրելի»։

«Հաշտեցման ոգի բացարձակ չկա: Պուրակի ստեղծողները ոչ միայն մեծահոգություն չեն դրսևորել, այլ ջանք չեն խնայել իրենց թշնամիներին նվաստացնելու համար, ստեղծել են հայկական զորքերի մանեկենները՝ չափազանցված տգեղ տեսքով։ Զարհուրելի է զոհված հայ զինվորներից վերցված 480 մետաղական սաղավարտների ցուցադրությունը, որոնցից ոմանց վրա փամփուշտներից և բեկորներից պատռված անցքեր կան»,-գրում է կայքը։

Նկարագրելով պուրակը` սյունակագիրը գրել է, որ այգում նստարաններ են կառուցվել կանաչ հայկական զինամթերքի տուփերից, իսկ ցուցանմուշների միջով անցնող ճանապարհները նշող լուսավորություններն արված են հրետանային արկերից: Պարբերականը նաև նշել է, որ հայկական տանկերի ու զրահատեխնիկայի մի մասը ոչնչացվել է թուրքական անօդաչու հրթիռների կողմից։

Բաքվում ոչ միայն հայ զինվորների սաղավարտներն են. գերիների ու պուրակի հարցերը՝ ԵԽԽՎ–ում

Telegraph-ը նշում է, որ պուրակի բացումը դատապարտել են մարդու իրավունքների զեկուցողները, Հայաստանի կառավարությունը։ ԵԽ մարդու իրավունքների հանձնակատար Դունյա Միյատովիչը Ադրբեջանի կառավարությանն է հղել թանգարանի վերաբերյալ բողոք-նամակ, որում նա այն անվանել է «անհանգստացնող և նվաստացուցիչ»:

Թեև Ադրբեջանի արտաքին գործերի նախարարությունը պնդել է, որ թանգարան–պուրակը «խորհրդանշում է միջազգային իրավունքի և արդարության հաղթանակը», Telegraph-ի լրագրողը գրում է, որ մասնավոր զրույցներում նույնիսկ որոշ ադրբեջանցի պաշտոնյաներ են անհանգստացած այգու ոճով:

Զախարովան խոսել է Բաքվում բացված «պուրակի» ու Ալիևի ռազմատենչ հայտարարությունների մասին

635
թեգերը:
Բաքու, պուրակ, Արցախ, Պատերազմ, Մեծ Բրիտանիա
Ըստ թեմայի
Հատուկ հայտարարություն կլինի. Թաթոյանը` Ադրբեջանում բացված «պուրակի» մասին
Բաքվի «Ռազմավարի պուրակը» պետք է փակվի․ Մարուքյանի կոշտ ելույթը ԵԽԽՎ-ում
ՄԱԿ-ում ՀՀ ներկայացուցիչը նամակ է հղել Անտոնիո Գուտերեշին ադրբեջանական «պուրակի» հարցով
Էմանուել Մակրոն

Մակրոնը պատվաստվել է կորոնավիրուսի դեմ. ո՞ր պատվաստանյութն է նախընտրել Ֆրանսիայի նախագահը

17
(Թարմացված է 21:31 04.08.2021)
Ֆրանսիայի նախագահը, որն անցյալ տարվա դեկտեմբերին էր վարակվել կորոնավիրուսով, պատվաստանյութի մեկ դեղաչափ է ստացել։

ԵՐԵՎԱՆ, 4 օգոստոսի - Sputnik. Ֆրանսիայի նախագահ Էմանուել Մակրոնը պատվաստվել է «Pfizer» պատվաստանյութով։ Նա այդ մասին գրել է Instagram-ում։

«Այո, ես մայիսի 31-ին ստացել եմ «Pfizer» պատվաստանյութի մեկ դեղաչափը», - ասել Է Մակրոնը՝ պատասխանելով կորոնավիրուսային պատվաստումներին վերաբերող հարցին:

Ի՞նչ է իրենից ներկայացնում «Դելտա» մանրէահիմքն ու ինչպե՞ս կարելի է պայքարել դրա դեմ

Հիշեցնենք` 2020 թվականի դեկտեմբերի 17-ին հայտնի դարձավ, որ Ֆրանսիայի նախագահը վարակվել է կորոնավիրուսով։ Մակրոնն ինքնամեկուսացավ ու սկսեց հեռավար աշխատել։ Դեկտեմբերի 24-ին նախագահի գրասենյակը հայտնեց, որ Մակրոնն այլևս կորոնավիրուսի ախտանշաններ չունի։

«Սենց շարունակվի՝ Մակրոնը թուփ կդառնա». օգտատերերին զվարճացրել է Ֆրանսիայի նախագահի նկարը

17
թեգերը:
Ֆրանսիա, Էմանուել Մակրոն, պատվաստումներ, պատվաստանյութ, կորոնավիրուս
թեմա:
Կորոնավիրուսը աշխարհում
Ըստ թեմայի
Ինչով պատվաստվել, որ թույլ տան Հայաստանից Ֆրանսիա մեկնել. պատասխանում է դեսպանատունը
Գիտնականները նշել են AstraZeneca պատվաստանյութի կողմնակի ազդեցությունների մասին
Մյասնիկովը պատմել է կորոնավիրուսի նոր մանրէահիմքերի մասին
Հայաստանը նաև «Sinopharm» և «Pfizer/BioNTech» պատվաստանյութեր կգնի
Ջո Բայդեն

ԱՄՆ-ն պատրաստ է սերտացնել համագործակցությունը ՀՀ-ի հետ. Բայդենը շնորհավորել է Փաշինյանին

25
(Թարմացված է 21:16 04.08.2021)
Սպիտակ տան ղեկավարը հայտարարել է, որ հասկանում է այն դժվարին անվտանգային մարտահրավերները, որոնք ի հայտ են եկել 2020 թվականին Լեռնային Ղարաբաղի հակամարտության պատճառով:

ԵՐԵՎԱՆ, 4 օգոստոսի- Sputnik. Ամերիկայի Միացյալ Նահանգների նախագահ Ջոզեֆ Բայդենը շնորհավորել է Հայաստանի Հանրապետության վարչապետ Նիկոլ Փաշինյանին խորհրդարանական ընտրություններում տարած հաղթանակի և վարչապետ նշանակվելու կապակցությամբ: Տեղեկությունը հայտնում են կառավարության մամուլի ծառայությունից։

Բայդենն ընդգծել է, որ արդար և թափանցիկ ընտրությունների անցկացումն ընդգծում է հայ ժողովրդի ցանկությունը՝ ունենալու ավելի ժողովրդավար, արդար և բարգավաճ հասարակություն:

«Միացյալ Նահանգներն ուրախ է օգնել այս ջանքերում, որոնց թվում են աջակցությունը նոր պարեկային ոստիկանության գործարկման և կոռուպցիոն ցանցերի դեմ պայքարի անկախ ինստիտուտների ձևավորման հարցերում: Մենք շարունակելու ենք լինել վստահելի գործընկեր այս նպատակներին հասնելու ձեր աշխատանքում»,- նշել է Բայդենը:

Նա հայտարարել է, որ հասկանում է այն դժվարին անվտանգային մարտահրավերները, որոնք ի հայտ են եկել 2020 թվականին Լեռնային Ղարաբաղի հակամարտության պատճառով:

«Միացյալ Նահանգները հանձնառու է աջակցել կողմերին բանակցելու համապարփակ, խաղաղ կարգավորման շուրջ՝ ԵԱՀԿ Մինսկի խմբի հովանու ներքո: Մենք հորդորում ենք Հայաստանին և Ադրբեջանին հնարավորինս շուտ ներգրավվել առարկայական բանակցություններում»,- Փաշինյանին հղված ուղերձում ասել է Բայդենը:

Նրա խոսքով` ԱՄՆ-ն ուրախ էր աջակցելու Ադրբեջանից հայ ռազմագերիներին ազատ արձակելու ջանքերում և շարունակելու է կոչ անել անվտանգ վերադարձնել բոլոր գերիներին:

Նիկոլ Փաշինյանը կմեկնի Իրան

«Հուսով ենք, որ այս հարցում Վրաստանի աջակցությամբ մեր ունեցած առաջընթացը կարևոր հիմք կհանդիսանա հետագա տարածաշրջանային համագործակցության համար` ի հավելումն Մինսկի խմբի համանախագահների կողմից նախաձեռնված քննարկումների»,–ասել է ԱՄՆ նախագահը:

«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին

Սպիտակ տան ղեկավարը հավելել է, որ ԱՄՆ-ն պատրաստակամ է սերտացնել համագործակցությունը Հայաստանի հետ՝  ընդհանուր ժողովրդավարական արժեքների և ինստիտուտների հիմքի վրա:

Նշենք, որ հունիսի 20–ին կայացած արտահերթ խորհրդարանական ընտրությունների արդյունքներով «Քաղաքացիական պայմանագիրը» ամենաշատ ձայները ստացավ։ Իսկ ԱԺ 8–րդ գումարման առաջին նիստի ժամանակ ՔՊ խմբակցությունը ՀՀ վարչապետի պաշտոնում առաջարկեց Փաշինյանի թեկնածությունը։ Նույն օրը Արմեն Սարգսյանի հրամանագրով Նիկոլ Փաշինյանը կրկին նշանակվեց ՀՀ վարչապետ։

25
թեգերը:
ԱՄՆ, Հայաստան, Ջո Բայդեն, Նիկոլ Փաշինյան
Ըստ թեմայի
Փաշինյանը ներկայացրել է նորանշանակ նախարարին, վերջինս խոստում է տվել վարչապետին. տեսանյութ
ՊԵԿ–ը պետք է լինի հարկ թաքցնողի թշնամին. Փաշինյանը Բադասյանին ներկայացրել է աշխատակազմին
Ամենակարևոր արյունատար անոթներն անցնում են ՏԿԵ–ով. Փաշինյանը ներկայացրել է Սանոսյանին