Աթենքի օդանավակայան

Թուրք ֆուտբոլիստներին թույլ չեն տվել մուտք գործել Հունաստան և պատասխանել են Անկարային

210
(Թարմացված է 10:23 13.07.2021)
Թուրքիայի արտաքին քաղաքական գերատեսչությունն ամենաթողության մեղադրանք է ուղղել հունական իշխանություններին։

ԵՐԵՎԱՆ, 13 հուլիսի – Sputnik. Թուրքական «Գալաթասարայ» ակումբի ֆուտբոլիստներին թույլ չեն տվել մուտք գործել Հունաստան Աթենքի «Էլեֆտերիոս Վենիզելոս» միջազգային օդանավակայանում կորոնավիրուսի թեստ հանձնելուց հրաժարվելու պատճառով: Համապատասխան կարգադրությունն արել է Հունաստանի քաղաքացիական պաշտպանության և հակաճգնաժամային կառավարման փոխնախարար Նիկոս Հարդալիասը։ Տեղեկությունը հայտնում է ՌԻԱ Նովոստին:

Թուրքիայի ԱԳՆ-ն Հունաստանի իշխանություններին ամենաթողության մեղադրանք է հղել:

««Օլիմպիակոս»-«Գալաթասարայ» ընկերական հանդիպումը չի անցկացվում մեր երկիր մուտք գործելու արձանագրությամբ հաստատված որևէ միջազգային միջոցառման շրջանակներում ։ Այսպիսով, «Գալաթասարայ» թիմի մուտքի համար կիրառվում է այն ամենը, ինչ նախատեսված է 7-7-2021 թթ.-ի թիվ 2978 նախարարական որոշման մեջ, և 3-րդ հոդվածի 5-րդ կետին համապատասխան»,-ասվում է Հարդալիասի պատասխան հայտարարության մեջ։

Նրա խոսքով` նշված փաստաթղթերի համաձայն՝ Հունաստան մուտք գործող բոլոր ճանապարհորդները, անկախ քաղաքացիությունից և երկիր մուտք գործելու եղանակից, ենթակա են ՊՇՌ մեթոդով լաբորատոր հսկողության կամ թեստի՝ COVID-19 կորոնավիրուսի անտիգենը արագ հայտնաբերելու համար:

Սիրիայի ժողովրդի շրջանում պահպանվում է օբյեկտիվ թշնամանքը Թուրքիայի հանդեպ. Պետրոսյան

««Գալաթասարայի» դեպքում PLF ձևի QR-կոդը (Passenger Locator Form էլեկտրոնային ձևը, որը լրացվում է Հունաստան մեկնելուց առաջ՝ խմբ.) պարտադիր էքսպրես-թեստ է ցույց տվել բոլոր ժամանողների համար: Քաղաքացիական պաշտպանության ծառայությունն ակտիվացրել է իր մեխանիզմը, որպեսզի լրացուցիչ բրիգադներ հայտնվեն թուրքական թիմին չուշացնելու համար, սակայն նրանք հրաժարվել են էքսպրես-թեստ անցնել»,-հայտարարել է փոխնախարարը։

Այդ պատճառով Հարդալիասը հրահանգել է թուրք ֆուտբոլիստներին թույլ չտալ մուտք գործել Հունաստան։

«Սադրանք՝ ուղղված մեր միասնության դեմ». Էրդողանը` Ստամբուլի հայկական տաճարի մոտ պարի մասին

210
թեգերը:
Թուրքիա, Հունաստան, ֆուտբոլիստ
Штангист Симон Мартиросян

Սիմոն Մարտիրոսյանը վերցրեց օլիմպիական արծաթը

15
(Թարմացված է 16:51 03.08.2021)
Հայկական ծանրամարտում օլիմպիական խաղերում վերջին անգամ չեմպիոնի կոչումը նվաճել էր Իսրայել Միլիտոսյանը`Բարսելոնայում, 1992–ին։ Տոկիոյում հայ ծանրորդների «ոսկե» հաջողությունը թարմանցնելու շանս ուներ Սիմոն Մարտիրոսյանը։

ԵՐԵՎԱՆ, 3 օգոստոսի - Sputnik. Ծանրորդ Սիմոն Մարտիրոսյանը երկամարտի 423 կգ արդյունքով, տղամարդկանց 109 կգ քաշային կարգում դարձավ օլիմպիական խաղերի արծաթե մեդալակիր։

Ծանրամարտի օլիմպիական տղամարդկանց մրցաշարում Հայաստանի միակ ներկայացուցիչը՝ Սիմոն Մարտիրոսյանը մրցումներին ներկայացել էր աշխարհի գործող չեմպիոնի կարգավիճակով։ Հայ ծանրորդը Տոկիո-2020-ում Հայաստանի մեդալի հույսերից մեկն էր։ Ոմանք հիշում էին Սիմոնi mասնակցությունը Եվրոպայի վերջին առաջնությունում, որտեղ հայ ծանրորդը հրում վարժությունում զրո ստացավ։ Բայց հայ դյուցազունը իզորու էր ապացուցել բոլորին իր բազուկների ուժը։

Պոկում վարժությունում Մարտիրոսյանը առաջին մոտեցման համար նախապես պատվիրել էր 190կգ։ Ռիոյի օլիմպիական խաղերի արծաթե մեդալակիրը նախ գլխավերևում պահեց այդ քաշը, հետո մի փոքր դժվարությամբ բարձրացրեց 195կգ կշռող ծանրաձողն ու պոկում վարժությունից հետո դարձավ առաջատարը, ունենալով երկու կիլոգրամի առավելություն երկրորդ տեղում ընթացող Ակբար Ջուրաևի նկատմամբ, և վեց կիլոգրամի առավելություն երրորդ տեղում ընթացող բուլղարացի Հրիստո Հրիստովից։

Հրում վարժության առաջին մոտեցման համար Սիմոն Մարտիրոսյանի նախնական պատվերը 230կգ էր։ Բայց տակտիկական պայքարից ելնելով Մարտիրոսյանը մոտեցավ 228կգ-ին, և գխավորեց աղյուսակը երկամարտի 423կգ արդյունքով ինչը օլիմպիական նոր ռեկորդ էր։ Բայց պայքարը ոսկե մեդալի համար առջևում էր, և պարզ էր, որ չեմպիոնի տիտղոսի համար պայքարն ընթանալու է հայ և ուզբեկ ծանրորդների միջև։ Ջուրաևը երկրորդ մոտեցման ժամանակ չկարողացավ բարձրացնել 234կգ կշռող ծանրաձողը։ Սկսվեց տակտիկական պայքարը, ու մեր մարզիչները ստիպեցին պարզապես ուզբեկ ծանրորդին երրորդ մոտեցմանը փորձլ բարձրացնել 237կգ-ը։ Ջուրաևը սխրանք գործելով գլխավերևում պահեց այդ քաշը, և երկամարտում դարձավ առաջատար։

Սիմոն Մարտիրոսյանը դեռ երկու մոտեցում ուներ, և 238կգ բարձրացնելու դեպքում դառնում էր օլիմպիական չեմպիոն։ Երկրորդ մետեցումը չհաջողվեց։ Մնաց մեկ հնարավորություն։ Կամ օլիմպիական ոսկի, կամ արծաթ։ Ցավոք երրորդ մոտեցումն էլ չհաջողվեց, ու մեր մարզիկը բավարարվեց արծաթե մեդալով։

Այպիսով օլիմպիական խաղերում մրցումային հերթական օրվանից հետո Հայաստանի օլիմպիական հավաքականը ունի երեք մեդալ՝ 2 արծաթե(Սիմոն Մարտիրոսյան-ծանրամարտ) և (Արթուր Ալեքսանյան-հունահռոմեական ըմբշամարտ), և 1 բրոնզե (Արթուր Դավթյան - մարմնամարզություն)։ Առնվազն բրոնզե մեդալ արդեն երաշխավորել է բռնցքամարտիկ Հովհաննես Բաչկովը, որը հավակնում է օլիմպիական ոսկե մեդալին։

15
թեգերը:
Սիմոն Մարտիրոսյան, օլիմպիադա, հաղթանակ, ծանրամարտ
Արթուր Ալեքսանյանը` Օլիմպիադայում

Արթուր Ալեքսանյանը դարձավ Օլիմպիադայի արծաթե մեդալակիր

199
(Թարմացված է 16:06 03.08.2021)
3-րդ անգամ մասնակցելով օլիմպիական խաղերին` Արթուր Ալեքսանյանը հնարավորություն ուներ օլիմպիական կրկնակի չեմպիոն դառնալու։ Բայց կիսաեզրափակիչում նա վնասվածք էր ստացել, որը խանգարեց նրան եզրափակչում։

ԵՐԵՎԱՆ, 3 օգոստոսի - Sputnik. Տոկիոյի ամառային 32-րդ օլիմպիական խաղերում հունահռոմեական ոճի ըմբիշ, Արթուր Ալեքսանյանը 97 կգ քաշային կարգի եզրափակիչում 1։5 հաշվով պարտվեց Ռուսաստանի ներկայացուցիչ Մուսա Եվլոևին։

Գոտմարտի հենց մեկնարկում` ըմբիշների առաջին իսկ շփումից հետո Ալեքսանյանի դեմքը սկսեց ծամածռվել ցավից։ Վնասվածքը իրեն զգացնել էր տալիս։ Բնականաբար, նման վիճակում հայ ըմբիշը սկսեց զգուշություն դրսևորել, և մեր ըմբիշի մոտ մրցավարները պասիվություն նկատեցին։

Артур Алексанян против Мусы Евлоева в поединке греко-римского стиля во время Олимпийских игр в Токио (3 августа 2021). Япония
© REUTERS / LEAH MILLIS
Արթուր Ալեքսանյանը` Օլիմպիադայում

Եվլոևը պարտերից ոչինչ անել չկարողացավ։ Եվ իհարկե նորից միջամտեցին մրցավարները, ու ռուս մարզիչների բողոքարկումը բավարարվեց, և Եվլոևին շնորհվեց երկու միավոր, հետո էլ նա վաստակեց ևս երկուսը։ Առաջին մրցափուլում Եվլոևը շատ մեծ առավելություն ստացավ։

Երկրորդ մրցափուլում Արթուրը մեկ միավոր ստացավ և հնարավորություն ուներ պարտերից աշխատելու։ Բայց ոտքի ցավը երևում էր հայ ըմբիշի դեմքին։ Իսկ կանգնած դիրքից Եվլոևի նման վարպետ ըմբիշից միավոր շահելը շատ դժվար է։ Գոտեմարտն այդպես էլ ավարտվեց։ Իսկ Արթուր Ալեքսանյանն իր կարիերայի ընթացքում վաստակեց օլիմպիական երրորդ մեդալը` Լոնդոն-2012՝ բրոնզ, Ռիո-2016` ոսկե և Տոկիո-2020՝ արծաթ։

Օլիմպիական չեմպիոն Արթուր Ալեքսանյանը շատ վստահ սկսեց Տոկիո-2020 մրցաշարը։ 1/8 եզրափակիչում «Սպիտակ արջը» 4։1 հաշվով պարտության մատնեց Ղրղզստանի ներկայացուցիչ Ուզուր Դժուզուպբեկովին, իսկ քառորդ եզրափակչում ֆինն Արվի Մարտին Սավոլայնենը ստիպված էր պարտությամբ թողնել գորգը Արթուրի 5։1 հաշվով հաղթանակից հետո։ Կիսաեզրափակչում իրանցի Մոհամադհադի Սարավին որոշ ժամանակ կարողացավ դիմադրել Ալեքսանյանին, բայց գոտեմարտի վերջնամասում հայ ըմբիշը հասավ իր նպատակին ու հաղթեց 4։1 հաշվով։

Աշխարհի 2017 թվականի առաջնության եզրափակիչում Արթուրը հաղթել էր Եվլոևին։ Աշխարհի 2018 թվականի առաջնությունում Ալեքսանյանն ու Եվլոևը մրցեցին կիսաեզրափակիչում, որտեղ 3։1 հաշվով հաղթանակի հասավ ռուսաստանցի ըմբիշը, իսկ աշխարհի 2019 թվականի առաջնության եզրափակիչում Ալեքսանյանը Եվլոևի հետ եզրափակիչ գոտեմարտին դուրս չեկավ վնասվածքի պատճառով։

Артур Алексанян против Мусы Евлоева в поединке греко-римского стиля во время Олимпийских игр в Токио (3 августа 2021). Япония
© REUTERS / LEAH MILLIS
Արթուր Ալեքսանյանը` Օլիմպիադայում

 

Եվ վերջապես 2020 թվականի Աշխարհի անհատական գավաթի խաղարկությունում Եվլոևը մրցումների առաջին գոտեմարտում առավելության հասավ հայ ըմբիշի նկատմամբ։ Այսինքն` Եվլոևն այն եզակի ըմբիշն է, որը ռավելություն ուներ Ալեքսանյանի նկատմամբ իրար մեջ կայացած գոտեմարտերում։

199
թեգերը:
Արթուր Ալեքսանյան, օլիմպիադա, հաղթանակ, ըմբիշ
Ըստ թեմայի
Կարապետ Չալյանն օլիմպիադայում մեկնարկեց հաղթանակով․ լուսանկարներ
Արթուր Ալեքսանյանը երկրորդ հաղթանակը տոնեց օլիմպիական խաղերում. լուսանկարներ
Արթուր Դավթյանը Հայաստանի առաջին մեդալը նվաճեց Տոկիոյի օլիմպիական խաղերում. տեսանյութ
Բրոնզ և առնվազն արծաթի հավակնություն. ինչպես անցավ Օլիմպիադայի 10–րդ օրը հայերի համար