ԵԽ

Կորցրել է վստահությունը. Անկարան կտրուկ պատասխան է տվել եվրապատգամավորների բանաձևին

94
(Թարմացված է 18:03 09.07.2021)
Եվրախորհրդարանում հայտարարել են, որ մարդու իրավունքների հետ կապված իրավիճակից է կախված Եվրամիության և Թուրքիայի հարաբերությունների առաջընթացը:

ԵՐԵՎԱՆ, 9 հուլիսի – Sputnik. Թուրքիայի ԱԳՆ-ն դատապարտել է Եվրոպական խորհրդարանի ընդունված բանաձևը, որում խոսվում է Թուրքիայում գործող ընդդիմադիր կուսակցությունների, մասնավորապես Ժողովրդադեմոկրատական կուսակցության (HDP) գործունեությունը ճնշելու մասին։ Տեղեկությունը հայտնում է թուրքական «Անադոլու» գործակալությունը:

«Փաստաթուղթը, որը երեկ ընդունվել է Եվրոպական խորհրդարանի գլխավոր ասամբլեայի նիստում, Եվրոպական խորհրդարանի կանխակալ մոտեցման հերթական օրինակն է»,– ասվում է Թուրքիայի ԱԳՆ հայտարարության մեջ:

Գերատեսչությունն ընդգծում է, որ բանաձևի բովանդակությունը չի արտացոլում իրականությունը։

Թուրքիայի ԱԳՆ-ն նշում է` թեև ԵՄ-ում ահաբեկչության դատապարտումից հրաժարվելը քաղաքական կուսակցության փակման ընդունելի պատճառ է համարվում, այդուհանդերձ Բրյուսելը կանխակալ մոտեցում է ցուցաբերել ահաբեկչական կազմակերպությունների հետ սերտ կապերի մեջ մեղադրվող հիշյալ քաղաքական կուսակցության դեմ դատավարությանը։

Թուրքիան ՆԱՏՕ-ի անդամների հետ գործընկերային հարաբերությունների լավ օրինակ է. Պեսկով

«Ովքեր մշտապես խոսում են դատական համակարգի անկախության մասին, բայց փորձում են այլ երկրներում ընթացող դատական գործընթացների վերաբերյալ վերջնագրեր ներկայացնել, դա ոչ միայն իրավական նորմերի խախտում է, այլև կեղծավորություն», - հավելել են ԱԳՆ-ում:

Գերատեսչությունում նախազգուշացրել են, որ այդ բանաձևը չի նպաստի Թուրքիայի և ԵՄ-ի հարաբերությունների զարգացմանը, այլ ավելի շուտ ձեռնտու կլինի նրանց, ովքեր ցանկանում են փակուղի մտցնել այդ հարաբերությունները:

Թուրքիայի ԱԳՆ-ում համոզված են, որ Եվրոպական խորհրդարանը զոհաբերել է այն արժեքները, որոնց վրա կառուցվել է, և նման որոշումների պատճառով կորցրել է վստահությունը:

Ավելի վաղ հաղորդվել էր, որ բանաձևի օգտին քվեարկել է 603 պատգամավոր, երկուսը դեմ են արտահայտվել, ևս 67 եվրախորհրդարանականներ ձեռնպահ են մնացել: Փաստաթղթում ասվում է, որ հատկապես ճնշումների է ենթարկվում քրդամետ Ժողովուրդների դեմոկրատական կուսակցությունը ։ ԵԽ-ն Թուրքիային հորդորել է բազմակարծության և ժողովրդավարական համակարգի հիմնարար սկզբունքներին համապատասխան օրինական գործունեություն իրականացնելու հնարավորություն ապահովել բոլոր կուսակցությունների համար:

Թուրքիան կվերցնի իրեն պատկանողը. Էրդողանը` Ադրբեջանում, Սիրիայում իրենց ներկայության մասին

94
թեգերը:
բանաձև, Թուրքիա
Ձյուն

Բրազիլիայում և Արգենտինայում ձյուն է տեղացել

23
(Թարմացված է 00:08 30.07.2021)
Շատ տարածաշրջաններում այս ամռաննը անոմալ շոգ է եղել, իսկ շոգ երկրներում ցածր ջերմաստիճաններ են գրանցվել։

ԵՐԵՎԱՆ, 30 հուլիսի – Sputnik. Բրազիլիայի հարավում ձյուն է տեղացել։ Տեղումները գրանցվել են Ռիու Գրանդի դու Սուլ նահանգի 13 քաղաքներում, հաղորդում են բրազիլական լրատվականները։

Նահանգի որոշ շրջաններում նաև կարկուտ է տեղացել։ Օդերևութաբանները նախազգուշացնում են, որ հուլիսի 30-ին Բրազիլիայում կարող են սահմանվել 2021 թվականի նվազագույն ջերմաստիճանների ռեկորդներ: Այսպես, Պորտու Ալեգրիում, Ֆլորիանոպոլիսում, Կուրիտիբում, Սան Պաուլոյում և Կամպու Գրանդիում կանխատեսվում է 5 աստիճանից ցածր եղանակ։

Ձյուն է տեղացել նաև Արգենտինայի որոշ շրջաններում, այդ թվում՝ Կորդովա քաղաքում, որում 14 տարվա ընթացքում առաջին անգամ է ձյուն եկել։ Ջերմաստիճանի բացասական արժեքները գրանցվել են 18 բնակավայրերում, որոնցից մի քանիսում ջերմաչափերի սյուները իջել են 2-3 աստիճանից:

23
թեգերը:
ձյուն, Արգենտինա, Բրազիլիա
«Արարատ» -«Շլենսկ» հանդիպում

«Արարատ» -«Շլենսկն» ավարտվեց ոչ ոքի, բայց հայկական թիմը դուրս մնաց Կոնֆերենցիաների լիգայից

31
(Թարմացված է 00:07 30.07.2021)
ՈւԵՖԱ-ի հովանու ներքո առաջին անգամ անցկացվող Կոնֆերենցիաների լիգայի խաղարկությունում հայկական ակումբներն ավարտեցին իրենց ելույթները։ Վերջին հույսը «Արարատն» էր, որն էլ պայքարը թողեց որակավորման երկրորդ փուլից հետո։

ԵՐԵՎԱՆ, 27 հուլիսի - Sputnik, Խաչիկ Չախոյան. Հայաստանի գավաթակիր Երևանի «Արարատը» Կոնֆերենցիաների լիգայի խաղարկության որակավորման փուլի պատասխան խաղում ոչ ոքի` 3։3-ով ավարտեց հանդիպումը լեհական «Շլենսկի» հետ։ Բայց Գյումրիում տարած հաղթանակից հետո երկու խաղերի արդյունքում հաղթեցին լեհերը։

Առաջին խաղը, որը կայացավ թիմերի միջև մեկ շաբաթ առաջ Գյումրիում, ավարտվեց լեհական ակումբի հաղթանակով՝ 4։2 հաշվով։ Բայց այնպես չէ, որ «Արարատը» զիջել էր մրցակցին խաղով։ Կարելի է ասել, որ Գյումրիում գրանցված հաշիվը ինչ-որ տեղ չէր արտացոլում խաղադաշտում տեղի ունեցածը։ Հետևաբար` պատասխան խաղում հավանականությունը մեծ էր, որ «Արարատը» կարող է և անակնկալ մատուցել մրցակցին։ Բայց խաղը Վրոցլավի «Մեյսկի» ստադիոնում անհաջող սկսվեց մեր թիմի համար։ Արդեն երկրորդ րոպեին դաշտի տերերը բացեցին հաշիվը, աչքի ընկավ Ռոբերտ Պիխը։

Իհարկե նույնիսկ նվազագույն առավելությունն էր ապահովում էր «Շլենսկին» հաջորդ փուլի ուղեգիրը։ Բայց մինչև ընդմիջում, օգտագործելով մրցակցի կոնցենտրացիայի կորուստը, մերոնք երկու րոպեի ընթացքում նոր հույս պարգևեցին հայ երկրպագուներին։ Մորի Կոնեն, դառնալով դուբլի հեղինակ, դիմակայությունում ընդհանուր հաշիվը հավասարեցնելու շատ լավ հնարավորություն տվեց «Արարատին»։ Բայց ընդմիջումից հետո Շիմոն Լևկոտը, ապա Ռոբերտ Պիխը նորից նվազագույն առավելություն ապահովեցին լեհական թիմին։ Ճիշտ է, հույսը մեռնում է վերջում, բայց արդեն հասկանալի էր, որ նույնիսկ դիմակայությունում հաշիվը հավասարեցնելու շանսեր այլևս չկային։ «Արարատը» մինչև խաղավերջ պետք է խփեր երեք գնդակ։

Բայց նման հրաշք տեղի չունեցավ։ Ճիշտ է, Դինիմանի Սիլում «Արարատի» կազմում խփեց պատասխան երրորդ գնդակը, սակայն դա բավական չէր երկու խաղերի արդյունքների հանրագումարում հաղթելու համար։ «Արարատը» պարտվեց դիմակայությունում, սակայն, եթե Գյումրիում մերոնք օգտագործեին իրենց ստեղծած գոլային պահերը, հաստատ այլ արդյունք կարող էր լինել դիմակայությունում։

Տհաճ միջադեպ Պեպեի և Մխիթարյանի միջև. խաղը քիչ էր մնում` վերածվեր ծեծկռտուքի

Այսպիսով «Արարատը», «Նոան» և «Ուրարտուն» չկարողացան աչքի ընկնել Կոնֆերենցիաների լիգայի խաղարկությունում։ Միայն «Արարատը» կարողացավ հաղթահարել որակավորման առաջին փուլը, իսկ մյուս երկու թիմերն առաջին իսկ փուլում պարտվեցին իրենց մրցակիցներին։ Հիմա Եվրոգավաթների խաղարկություններում մնացել է հայկական մեկ թիմ՝ «Ալաշկերտը», որը Չեմպիոնների լիգայում պարտվելուց հետո արդեն կխաղա Եվրոպայի լիգայում։ Այս մրցաշարում «Ալաշկերտն» իր առաջին հանդիպումը կանցկացնի օգոստոսի 5-ին։ Այդ օրը մեր չեմպիոնն արտագնա խաղում կմրցի Կամո Հովհաննիսյանի «Կայրաթի» դեմ։

31
թեգերը:
ՈւԵՖԱ, հաղթանակ, գոլ, «Արարատ» ՖԱ, ֆուտբոլ
Ըստ թեմայի
Գոլառատ ֆուտբոլ Գյումրիում. «Արարատը» զիջեց «Շլյոնսկին»
«Նոր էջ ենք բացել»․ Մխիթարյանը՝ Ժոզե Մոուրինյոյի և «Ռոմայում» իր մնալու մասին
«Ալաշկերտը» չկարողացավ հաղթահարել ՈւԵՖԱ–ի Չեմպիոնների լիգայի երկրորդ փուլը