Պատվաստում

Պատվաստանյութերի պատերազմ․ ինչպես է Եվրոպան պայքարում «Սպուտնիկ V»-ի դեմ

97
(Թարմացված է 19:01 07.07.2021)
Պետական բռնապետության գարշապարը. Ֆրանսիայի իշխանությունը մտադիր է Covid-19-ի դեմ պարտադիր պատվաստում սահմանել մի շարք մասնագիտությունների համար։ Դրանց թվում են բոլոր բժիշկներն ու այն մարդիկ, որոնք աշխատում են ծերանոցներում և սոցիալական այլ հաստատություններում:

Ելենա Կարաևա, ՌԻԱ Նովոստի

Պարտադիր լինելը նշանակում է համապատասխան օրենսդրական ակտի ընդունում, որն էլ կանոնակարգելու է պատվաստումից հրաժարվելու հնարավորությունը։

Համոզիչ փաստարկների բացակայության դեպքում պատվաստումից հրաժարվողներին կառաջարկվի կա՛մ տեղափոխել այլ պաշտոնի, որտեղ ծառայողական պարտականությունները բացառում են ուղղակի շփումը մարդկանց հետ, կա՛մ արձակուրդ վերցնել՝ առանց վարձատրվելու:

Նմանատիպ կանոններ արդեն գործում են Իտալիայում, որտեղ ժողովրդավարության նորմերին համապատասխան դրանք փորձում են վիճարկել այն մարդիկ, որոնց առնչվում են այդ միջոցները։ Բայց առայժմ հաջողությունների չեն հասել, քանի որ դատարաններն այնքան էլ պատրաստակամորեն չեն ընդունում նման հայցերը, իսկ արդարադատության որոշումները կարելի է կանխատեսել՝ նույնիսկ չկարդալով գործի նյութերը:

«Եթե սոցիումի շահերն ու հանրային շահը վտանգված են, ապա անձնական հանգամանքներն ու ցանկությունները երկրորդ պլան են մղվում»:

ԵՄ-ն տասնամյակներ շարունակ իրեն ներկայացնում էր որպես մեգապետություն, որտեղ մասնավոր իրավունքների ու ազատությունների առաջնահերթ լինելը կասկածի տակ չէր դրվում, բայց համավարակը խառնեց բոլոր խաղաքարտերը, և կորոնավիրուսն ամեն ինչ իր տեղը դրեց։

Բախվելով համավարակին ու ամբողջությամբ ձախողելով կառավարման բոլոր մակարդակներում՝ ճգնաժամի պահին Բրյուսելի բարձրագույն ատյանն ու ԵՄ երկրների իշխանությունները որոշեցին զանգվածային պատվաստումների միջոցով վարակի տարածման արգելքներ դնել։ Սա` մի կողմից։

Իսկ մյուս կողմից՝ վարակման վիթխարի տեմպերը, որի ալիքները վերջին մեկուկես տարվա ընթացքում հետևողականորեն ծածկել են մայրցամաքը, ոչ մի մետր հետ չեն մղել համաեվրոպական պայքարի գլխավոր թիրախին։ Եվ դա ամենևին էլ SARS-CoV-2-ը չէ, այլ Ռուսաստանը։

Վարակի դեմ պայքարը դարձել է Ռուսաստանի դեմ պատերազմի դրվագներից մեկը։

Հայտնի է` Հայաստանում քանի մարդ է պատվաստվել կորոնավիրուսի դեմ

Ռուսական պատվաստանյութի ստեղծումն ու փորձարկումը, դրա արտադրությունն ու պատվաստումների արշավը դարձան մարտի փուլեր, իսկ այդ մարտի նպատակը մեկն է` վարկաբեկել կորոնավիրուսի դեմ առավել արդյունավետ պատվաստանյութը՝ «Սպուտնիկ V»-ն, ու խոչընդոտել Ռուսաստանի Դաշնությունում մեկնարկած զանգվածային պատվաստումները:

Պարտիտուրան կազմվել է ամենատարբեր գործոններ հաշվի առնելով, սակայն հիմնականները սրանք են՝ պետության կողմից սահմանված կանոններին ենթարկվելը հնազանդության և «ոչ եվրոպականության» ցուցադրում է, «Սպուտնիկ V»-ն «չի կարող անվտանգ և արդյունավետ լինել», իսկ պատվաստումը «անդառնալի վնաս կհասցնի բնական իմունիտետին»։

Միևնույն ժամանակ նույն ԵՄ-ում «բնական իմունիտետի» մասին թեզն աջակցելու ու պատվաստման արդյունավետության հարցում կասկած հայտնելու համար բժշկության շատ հայտնի պրոֆեսորին պարզապես հեռացրին Փարիզի խոշոր հիվանդանոցի բաժանմունքի վարիչի պաշտոնից։

Ռուսաստանում պատվաստման արշավն այնքան հստակ էր կազմակերպվել, որ Եվրոպայում ապրող ՌԴ քաղաքացիները հատուկ գալիս էին «Սպուտնիկ V»-ի երկու դեղաչափ ստանալու համար:

Եվ եթե Բրյուսելը, դեմքն աղավաղելով ու քիթը փակելով, Հունգարիային թույլ տվեց «Սպուտնիկ V» գնել, ապա երկրորդ երկրին՝ Սլովակիային, արդեն թույլ չտվեց։

ԱՄԷ–ն համարվել է կորանավիրուսի դեմ ամենաշատ պատվաստումներն իրականացրած երկիրը

Դեղամիջոցի գնման հնարավորության մասին հայտարարելուց գրեթե անմիջապես հետո կառավարական ճգնաժամ կազմակերպվեց Բրատիսլավային ցույց տալու համար, թե ով է տանտերը, իսկ հետո մեդիայում «արտահոսք» եղավ այն մասին, որ դեղի մատակարարված դեղաչափերը տարբերվում են փորձարկումների համար ստացած նմուշներից։

Հատկանշական է, որ արտահոսքն իրականացվել էր ուկրաինական ԶԼՄ-ների միջոցով։

Բրատիսլավան հանձնվեց։

Մինչդեռ աստիճանաբար հայտնի դարձավ, թե ինչու էր Դեղամիջոցների եվրոպական գործակալությունն այդքան դանդաղ քննում Ռուսաստանի տրամադրված փաստաթղթերը։

Եթե Pfizer/BioNTech-ի ու AstraZeneca-ի հայտերը դիտարկվեցին արագացված ռեժիմով, բոլոր նորմերի խախտմամբ, ապա «Սպուտնիկ V»–ի դեպքում ճիշտ հակառակը եղավ։

Ամեն դեպքում եվրոպացիներին արդեն ներշնչել են, որ «Մոսկվայից ոչ մի լավ բան չի կարող գալ», նույնիսկ այն դեպքում, որ Մոսկվան միակն է, որ օգնության հասավ՝ ռուս ռազմական բժիշկներն անցյալ ամռանը փրկում էին հիվանդացած իտալացիներին:

Եվ երբ Ռուսաստանում համառորեն խնդրում են պատվաստվել, Եվրոպան դա դիտարկում է որպես «Կրեմլի դիկտատորական լծակներ», իսկ ԵՄ երկրներում Covid-19-ի դեմ աստիճանական պարտադիր պատվաստումների ներդրումը միայն ողջունելի է ու հավանության է արժանանում։

Կարճատեսությունն ու դաշնակցին թշնամուց տարբերելու անկարողությունը այն քաղաքականության մշտական հատկությունն է, որն արդեն տասնամյակներ շարունակ վարում է եվրոպական վերնախավը։

Նման կարճատեսությունը մի անգամ պատերազմի հանգեցրեց։

Մնում է հուսալ, որ պատվաստանյութերի դիմակայության մեջ կհաղթի ողջամտությունը։

Ալերգիկ հիվանդություններ ունեցողները ե՞րբ կարող են պատվաստվել կորոնավիրուսի դեմ

Իսկ Մոսկվան վերջին 18 ամիսների ընթացքում տեղի ունեցող իրադարձությունների ֆոնին գործում է որպես իսկական եվրոպացի և հումանիստ։

Մի կողմ դնելով նախապաշարմունքները, անտեսելով տարաձայնությունները՝ Ռուսաստանն ամեն օր պնդում է, որ յուրաքանչյուր մարդու կյանքն անգին է։

Եվ այս մեղմ ուժի ֆոնին բրյուսելյան փառասիրության, հավակնությունների ու ինքնավստահության մարտերն ընդհանուր առմամբ բավականին խղճուկ տեսարան են դառնում։

97
թեգերը:
Սպուտնիկ V, Եվրամիություն, Ռուսաստան
Ըստ թեմայի
Ռոբերտ Քոչարյանը պատվաստվել է «Սպուտնիկ V»–ով
Մոսկվայում աշխատանքային միգրանտների պատվաստման երկու կետ է բացվել
Հնարավոր է՝ անգամ պատվաստված զբոսաշրջիկները Վրաստանում ՊՇՌ թեստ հանձնեն
Ձյուն

Բրազիլիայում և Արգենտինայում ձյուն է տեղացել

21
(Թարմացված է 00:08 30.07.2021)
Շատ տարածաշրջաններում այս ամռաննը անոմալ շոգ է եղել, իսկ շոգ երկրներում ցածր ջերմաստիճաններ են գրանցվել։

ԵՐԵՎԱՆ, 30 հուլիսի – Sputnik. Բրազիլիայի հարավում ձյուն է տեղացել։ Տեղումները գրանցվել են Ռիու Գրանդի դու Սուլ նահանգի 13 քաղաքներում, հաղորդում են բրազիլական լրատվականները։

Նահանգի որոշ շրջաններում նաև կարկուտ է տեղացել։ Օդերևութաբանները նախազգուշացնում են, որ հուլիսի 30-ին Բրազիլիայում կարող են սահմանվել 2021 թվականի նվազագույն ջերմաստիճանների ռեկորդներ: Այսպես, Պորտու Ալեգրիում, Ֆլորիանոպոլիսում, Կուրիտիբում, Սան Պաուլոյում և Կամպու Գրանդիում կանխատեսվում է 5 աստիճանից ցածր եղանակ։

Ձյուն է տեղացել նաև Արգենտինայի որոշ շրջաններում, այդ թվում՝ Կորդովա քաղաքում, որում 14 տարվա ընթացքում առաջին անգամ է ձյուն եկել։ Ջերմաստիճանի բացասական արժեքները գրանցվել են 18 բնակավայրերում, որոնցից մի քանիսում ջերմաչափերի սյուները իջել են 2-3 աստիճանից:

21
թեգերը:
ձյուն, Արգենտինա, Բրազիլիա
«Արարատ» -«Շլենսկ» հանդիպում

«Արարատ» -«Շլենսկն» ավարտվեց ոչ ոքի, բայց հայկական թիմը դուրս մնաց Կոնֆերենցիաների լիգայից

28
(Թարմացված է 00:07 30.07.2021)
ՈւԵՖԱ-ի հովանու ներքո առաջին անգամ անցկացվող Կոնֆերենցիաների լիգայի խաղարկությունում հայկական ակումբներն ավարտեցին իրենց ելույթները։ Վերջին հույսը «Արարատն» էր, որն էլ պայքարը թողեց որակավորման երկրորդ փուլից հետո։

ԵՐԵՎԱՆ, 27 հուլիսի - Sputnik, Խաչիկ Չախոյան. Հայաստանի գավաթակիր Երևանի «Արարատը» Կոնֆերենցիաների լիգայի խաղարկության որակավորման փուլի պատասխան խաղում ոչ ոքի` 3։3-ով ավարտեց հանդիպումը լեհական «Շլենսկի» հետ։ Բայց Գյումրիում տարած հաղթանակից հետո երկու խաղերի արդյունքում հաղթեցին լեհերը։

Առաջին խաղը, որը կայացավ թիմերի միջև մեկ շաբաթ առաջ Գյումրիում, ավարտվեց լեհական ակումբի հաղթանակով՝ 4։2 հաշվով։ Բայց այնպես չէ, որ «Արարատը» զիջել էր մրցակցին խաղով։ Կարելի է ասել, որ Գյումրիում գրանցված հաշիվը ինչ-որ տեղ չէր արտացոլում խաղադաշտում տեղի ունեցածը։ Հետևաբար` պատասխան խաղում հավանականությունը մեծ էր, որ «Արարատը» կարող է և անակնկալ մատուցել մրցակցին։ Բայց խաղը Վրոցլավի «Մեյսկի» ստադիոնում անհաջող սկսվեց մեր թիմի համար։ Արդեն երկրորդ րոպեին դաշտի տերերը բացեցին հաշիվը, աչքի ընկավ Ռոբերտ Պիխը։

Իհարկե նույնիսկ նվազագույն առավելությունն էր ապահովում էր «Շլենսկին» հաջորդ փուլի ուղեգիրը։ Բայց մինչև ընդմիջում, օգտագործելով մրցակցի կոնցենտրացիայի կորուստը, մերոնք երկու րոպեի ընթացքում նոր հույս պարգևեցին հայ երկրպագուներին։ Մորի Կոնեն, դառնալով դուբլի հեղինակ, դիմակայությունում ընդհանուր հաշիվը հավասարեցնելու շատ լավ հնարավորություն տվեց «Արարատին»։ Բայց ընդմիջումից հետո Շիմոն Լևկոտը, ապա Ռոբերտ Պիխը նորից նվազագույն առավելություն ապահովեցին լեհական թիմին։ Ճիշտ է, հույսը մեռնում է վերջում, բայց արդեն հասկանալի էր, որ նույնիսկ դիմակայությունում հաշիվը հավասարեցնելու շանսեր այլևս չկային։ «Արարատը» մինչև խաղավերջ պետք է խփեր երեք գնդակ։

Բայց նման հրաշք տեղի չունեցավ։ Ճիշտ է, Դինիմանի Սիլում «Արարատի» կազմում խփեց պատասխան երրորդ գնդակը, սակայն դա բավական չէր երկու խաղերի արդյունքների հանրագումարում հաղթելու համար։ «Արարատը» պարտվեց դիմակայությունում, սակայն, եթե Գյումրիում մերոնք օգտագործեին իրենց ստեղծած գոլային պահերը, հաստատ այլ արդյունք կարող էր լինել դիմակայությունում։

Տհաճ միջադեպ Պեպեի և Մխիթարյանի միջև. խաղը քիչ էր մնում` վերածվեր ծեծկռտուքի

Այսպիսով «Արարատը», «Նոան» և «Ուրարտուն» չկարողացան աչքի ընկնել Կոնֆերենցիաների լիգայի խաղարկությունում։ Միայն «Արարատը» կարողացավ հաղթահարել որակավորման առաջին փուլը, իսկ մյուս երկու թիմերն առաջին իսկ փուլում պարտվեցին իրենց մրցակիցներին։ Հիմա Եվրոգավաթների խաղարկություններում մնացել է հայկական մեկ թիմ՝ «Ալաշկերտը», որը Չեմպիոնների լիգայում պարտվելուց հետո արդեն կխաղա Եվրոպայի լիգայում։ Այս մրցաշարում «Ալաշկերտն» իր առաջին հանդիպումը կանցկացնի օգոստոսի 5-ին։ Այդ օրը մեր չեմպիոնն արտագնա խաղում կմրցի Կամո Հովհաննիսյանի «Կայրաթի» դեմ։

28
թեգերը:
ՈւԵՖԱ, հաղթանակ, գոլ, «Արարատ» ՖԱ, ֆուտբոլ
Ըստ թեմայի
Գոլառատ ֆուտբոլ Գյումրիում. «Արարատը» զիջեց «Շլյոնսկին»
«Նոր էջ ենք բացել»․ Մխիթարյանը՝ Ժոզե Մոուրինյոյի և «Ռոմայում» իր մնալու մասին
«Ալաշկերտը» չկարողացավ հաղթահարել ՈւԵՖԱ–ի Չեմպիոնների լիգայի երկրորդ փուլը