Էլեկտրահաղորդման գիծ

Իրանը էլեկտրաէներգիա է ներկրում Հայաստանից, արտահանումը դադարեցվել է

80
Իրանը գրեթե ամբողջությամբ դադարեցրել է էլեկտրաէներգիայի արտահանումը և այն ներմուծում է Հայաստանից, Թուրքմենստանից և Ադրբեջանից։

ԵՐԵՎԱՆ, 7 հուլիսի – Sputnik. Իրանի էլեկտրաէներգետիկական արդյունաբերության պաշտոնական ներկայացուցիչ Մոջթաբ Ռաջաբի Մաշհադին հայտարարել է, որ Իրանը որոշել է էլեկտրաէներգիա ներմուծել Հայաստանից, Ադրբեջանից և Թուրքմենստանից: Տեղեկությունը հայտնում է ՌԻԱ Նովոստին։

Նրա խոսքով՝ էլեկտրաէներգիայի արտահանումը գրեթե ամբողջությամբ դադարեցվել է։

«Միայն մոտ 50 մեգավատտ Աֆղանստան ենք արտահանում»,- ասել է նա:

ՀՀ–ն ու Իրանը աշխատում են Պարսից ծոց-Սև ծով տրանսպորտային միջանցք ստեղծելու ուղղությամբ

Ավելի վաղ իրանական ԶԼՄ-ները հայտնել էին, որ 1000 մեգավատտ հզորությամբ երկու էլեկտրակայաններում էլեկտրաէներգիան անջատվել է: Անցած հանգստյան օրերին Իրանում էլեկտրաէներգիայի զանգվածային անջատումներ են գրանցվել, չի բացառվում, որ դա կարող է կրկնվել նաև շաբաթվա առաջին կեսին: Երկրի իշխանությունները քաղաքացիներին խնդրել են հնարավորինս նվազեցնել էլեկտրաէներգիայի սպառումը, հատկապես օրվա երկրորդ կեսին:

Ինչ կտա Իրանի պատժամիջոցների չեղարկումը ՀՀ-ին. փորձագետը՝ նոր հնարավորությունների մասին

80
թեգերը:
էլեկտրաէներգիա, Հայաստան, Իրանի Իսլամական Հանրապետություն
Ըստ թեմայի
Հայաստանն ավելի արդյունավետ ատոմակայան կունենա
Քաղաքականացված էներգետիկան, կամ ՀՀ-ում նոր ԱԷԿ-ի կառուցմանը Բաքուն ամեն կերպ խանգարելու է
2022 թվականից Հայաստանում գազի բաժանորդների համար ճշտիչներ կտեղադրվեն
Ветряные электростанции, оказавшиеся в руках Азербайджана

Բաքուն համաձայնել է հրադադարի հաստատմանը. ռուսական կողմը ժամ է սահմանել

1084
(Թարմացված է 10:54 28.07.2021)
Հակառակորդի հետ գիշերվանից սկսած փոխհրաձգությունների հետևանքով հայկական կողմն ունի վիրավորներ ու զոհեր։

ԵՐԵՎԱՆ, 28 հուլիսի – Sputnik. Բաքուն համաձայնել է ժամը 10:00-ից հրադադար հաստատել։ Այս մասին տեղեկացնում է Sputnik Ադրբեջանը` հղում տալով Ադրբեջանի ՊՆ–ին։

«Բաքուն համաձայնել է ժամը 10-ին (Մոսկվայի ժամանակով 09:00-ին) սահմանին կրակի դադարեցում հայտարարելու ռուսական կողմի նախաձեռնությանը», – գրված է հաղորդագրությունում։

Նշենք, որ Հայաստանի պաշտպանության նախարարությունը դեռ հայտարարություն չի տարածել այս առնչությամբ։

Հիշեցնենք, որ ՊՆ–ն հայտնել էր` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիս-արևելյան հատվածում: Ընթանում են տեղային մարտեր: Երկու կողմից էլ կան կորուսներ։

Ի պատասխան Ադրբեջանի քայլերի`ՀՀ–ն գործի կդնի իր

1084
թեգերը:
կրակոց, Սահման, Ադրբեջան, Հայաստան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Մոսկվայի բանակցություններից առաջ Սոթքից մինչև Վերին Շորժա հակառակորդը մարտեր է սկսել. ՊՆ
Հայկական կողմն ունի 2 վիրավոր, ևս 5 զինծառայողի վերաբերյալ տվյալները ճշտվում են. ՊՆ
Ադրբեջանական ստորաբաժանումները, տալով կորուստներ, հետ են շպրտվել. ՊՆ
Սնունդ

Ախորժակի ավելացումը կարող է կորոնավիրուսի հետևանք լինել. բժիշկ

30
(Թարմացված է 15:46 27.07.2021)
Կորոնավիրուսով հիվանդանալուց հետո քաշի ավելացման պատճառը կարող է ոչ միայն հոգեբանական լինել, այլև ֆիզիոլոգիական։

 

ԵՐԵՎԱՆ, 28 հուլիսի – Sputnik. Կորոնավիրուս տարած մի շարք մարդկանց մոտ ևս մեկ օրինաչափություն է ի հայտ եկել։ Վիրուսի հետևանքներից մեկը քաշի ավելացումն է։

Այս մասին հայտնել է ՄՊՀ համալսարանական կլինիկայի էնդոկրինոլոգ, բժշկական գիտությունների թեկնածու Զուխրա Պավլովան «Կոմսոմոլսկայա պրավդային» տված հարցազրույցում։ Նա նշել է, որ հիվանդության ժամանակ պացիենտները հաճախ նիհարում են, իսկ առողջանալուց հետո սկսում քաշ հավաքել, ինչը կարող է նույնիսկ ճարպակալման հանգեցնել։

Ախորժակի ավելացման պատճառներից մեկը կարող է լինել տարած սթրեսը` մարդիկ պարզապես սկսում են շատ ուտել։ Սակայն Պավլովան նշում է, որ շատ ուտելու պատճառները միայն հուզական բնույթ չեն կրում։ Դա կարող է նաև ֆիզիոլոգիական պատճառներ ունենալ։ Բժիշկը պարզաբանել է, որ կորոնավիրուսը կարող է հանգեցնել օրգանիզմում համակարգային փոփոխության, որի պատճառով փոխվում են ներբջջային ազդանշանային ուղիները։ Ստացվում է, որ բջիջները միմյանց սխալ տեղեկություն են փոխանցում։

«Ինսուլինի նկատմամբ բջիջների զգայունության խախտումը զրկում է պահանջվող չափի գլյուկոզա վերցնելու հնարավորությունից, և դա գլխուղեղում խթանում է սովի կենտրոնը»։

Ամեն դեպքում, նման համախտանիշ հայտնաբերելու դեպքում բժիշկը խորհուրդ է տալիս դիմել մասնագետի, բայց ինքնուրույն ավելորդ քաշից ազատվելու դեմ պայքարի միջոցներ ձեռնարկելը նույնպես խրախուսելի է։

Բժիշկ Մյասնիկովը խոսել է սրտի կաթվածի ոչ ակնհայտ նշանների մասին

«Պետք է պայքարել, ֆիզիկական ծանրաբեռնվածությունն ավելացնել` սկսել քայլել, այնուհետև լողալ, մարզվել առավոտյան։ Դա օգնում է ավելի շուտ հաղթահարել ինչպես ճարպակալումը, այնպես էլ հուզական խնդիրները», – խորհուրդ է տալիս Պավլովան։

Նա ընդգծել է, որ օրգանիզմում ցանկացած համակարգային բորբոքում դժվարացնում է ճարպակալման դեմ պայքարը։

30
թեգերը:
բժիշկ, գեր, կորոնավիրուս, սնունդ
Ըստ թեմայի
Գիտնականն ասել է, թե որքան ժամանակ կպահանջվի COVID-ի առաջացման բնույթը պարզելու համար
Վատ սովորությունների օգտակար կողմերը․ գիտնականների ուսումնասիրությունը
Վատ տեսողությունն ազդում է մտավոր ունակությունների վրա, պնդում են գիտնականները
Սոթք

Սոթքի ոսկու հանքի աշխատանքը կանգնեցվել է, աշխատակիցները տարհանվել են

36
(Թարմացված է 11:12 28.07.2021)
Ոսկու հանքի շուրջ 150 աշխատակից է տարհանվել Ադրբեջանի ԶՈւ-ի կրակոցների հետևանքով. աշխատակիցներից որևէ մեկը չի տուժել։

ԵՐԵՎԱՆ, 28 հուլիսի – Sputnik. Ադրբեջանական կողմի կրակոցների հետևանքով Գեղարքունիքի մարզի Սոթքի ոսկու հանքի աշխատանքը կանգնեցվել է։ Տեղեկությունը Sputnik Արմենիային հայտնեց «Գեոպրոմայնինգ գոլդ» ընկերության ներկայացուցիչ Ռուզաննա Գրիգորյանը։

«Դեռ գիշերը, երբ սկսեցին կրակոցները, մեր աշխատակիցներին տարհանել ենք տարածքից։ Այս պահին հանքի աշխատանքը դադարեցվել է»,–ասաց Գրիգորյանը։

Նրա խոսքով` հանքում գիշերվա ժամերին հերթապահություն է իրականացնում շուրջ 150 աշխատակից, որոնք տարհանվել են. որևէ մեկը չի տուժել։ Այս պահին հանքում միայն պահակային և անվտանգության ծառայողներն են։

Հիշեցնենք, որ հուլիսի 26-ին նույնպես Ադրբեջանի վերահսկողության տակ անցած Քարվաճառի սահմանին հնչած անկանոն կրակոցների հետևանքով Սոթքի ոսկու հանքի աշխատանքները կանգնեցվել էին, և աշխատակիցները տարհանվել էին։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Փոխհրաձգությունների հետևանքով հայկական կողմն ունի 3 զոհ, 4 վիրավոր։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

36
թեգերը:
հանք, Սոթք, Գեղարքունիքի մարզ, Հայաստան
Ըստ թեմայի
Վերին Շորժայում դեռ կրակում են. ի՞նչ իրավիճակ է Կութում
Բաքուն հաղորդում է, որ Ադրբեջանի 2 զինծառայող է վիրավորվել
Ի պատասխան Ադրբեջանի քայլերի`ՀՀ–ն գործի կդնի իր ռազմաքաղաքական ողջ գործիքակազմը. ՀՀ ԱԳՆ