Դեղեր

Ասպիրինն արդյունավետ է քաղցկեղի դեմ. գիտնականների նոր բացահայտումը

80
(Թարմացված է 13:14 06.07.2021)
Մասնագետները համակարգված կերպով ուսումնասիրել են 18 տարբեր տեսակի քաղցկեղով հիվանդների 118 հրապարակված հետազոտությունները, պարզել, թե ինչպես է հայտնի ու մատչելի ցավազրկողն ազդում հիվանդության ընթացքի վրա։

ԵՐԵՎԱՆ, 6 հուլիսի-Sputnik. Քաղցկեղից մահանալու ռիսկը 20%-ով կարող է նվազեցնել սովորական ասպիրինը: Նման եզրակացության են հանգել Քարդիֆի համալսարանի բրիտանացի գիտնականները։

Ուսումնասիրության նպատակն էր պարզել, թե ինչպես է հայտնի ցավազրկողն ազդում քաղցկեղի վրա։ Մասնագետները համակարգված կերպով ուսումնասիրել են 18 տարբեր տեսակի քաղցկեղով հիվանդների 118 հրապարակված հետազոտությունները, պարզել, թե ինչպես է հայտնի ու մատչելի ցավազրկողն ազդում հիվանդության ընթացքի վրա։ Նրանց մի մասը պարբերաբար ասպիրին էր ընդունում, իսկ մյուս մասը՝ ոչ։

Գիտնականների ուսումնասիրության արդյունքները, որոնք հրապարակվել են Ecancermedicalscience ամսագրում, ցույց են տվել, որ քաղցկեղից մահացությունն ասպիրին ընդունող  250 հազար հիվանդների շրջանում 20% - ով պակաս էր:

Բացի այդ, հայտնաբերվել է, որ ցավազրկողը նվազեցնում է մետաստազների տարածումը։

Հետազոտողները կարծում են, որ ասպիրինն արժանի է լուրջ ուշադրության, որպես քաղցկեղի բուժման նպաստող դեղամիջոց, սակայն, այն քաղցկեղի որևէ այլ արդյունավետ բուժման մեթոդի այլընտրանք չէ։

Ավելի վաղ գիտնականները հայտարարել էին, որ ասպիրինի փոքր չափաբաժինների մշտական օգտագործումը նվազեցնում է լյարդի, ստամոքսի և մարսողության ու նյութափոխանակության հետ կապ ունեցող այլ օրգաններում քաղցկեղի զարգացման հավանականությունը:

Ինչպես հաղթահարել գլխացավն առանց դեղահաբերի. բացատրում է բժիշկը

Վերջին տարիներին գիտնականների մոտ հետաքրքրություն են առաջացել ասպիրինն ու սալիցիլաթթվի հիման վրա ստեղծված այլ դեղամիջոցները, որոնք, ինչպես փորձը ցույց է տվել, ուժեղ հակաքաղցկեղային հատկություններ ունեն:

Մյուս կողմից, կարգավորող շատ կազմակերպություններ, այդ թվում՝ ամերիկյան FDA-ն (Food and Drug Administration), խորհուրդ չեն տալիս կամ նույնիսկ արգելում են ասպիրին ընդունել` ասելով, որ այն կարող է հանգեցնել արյունահոսության, ուղեղի կաթվածի և ուժեղացնել խոցերը, քանի որ այն ուղեղի ու աղիների անոթների թրոմբերը լուծարելու հատկություն ունի:

80
թեգերը:
Դեղ, քաղցկեղ, գիտնական
Ըստ թեմայի
Պրոֆեսոր Չարչյանի առողջական վիճակը վատթարացել է. բժիշկները բաց նամակ փոխանցեցին ՀՔԾ պետին
Կարելի՞ է սուրճ խմել ամառվա շոգին. պարզաբանում է բժիշկը
Բժիշկը պատմել է, թե ինչի պատճառով կարող է ցերեկը քնկոտություն առաջանալ
Էմանուել Մակրոն, Նիկոլ Փաշինյան

Մակրոնը կարևորել է Հայաստանի և Ադրբեջանի միջև սահմանագծումը. նա խոսել է Փաշինյանի հետ

18
(Թարմացված է 18:37 03.08.2021)
Էմանուել Մակրոնը շնորհավորել է Նիկոլ Փաշինյանին և վերահաստատել է իր պատրաստակամությունը՝ շարունակելու հետևողական ջանքեր գործադրել տարածաշրջանում կայուն խաղաղության հաստատման ուղղությամբ:

ԵՐԵՎԱՆ, 3 օգոստոսի - Sputnik. ՀՀ վարչապետ Նիկոլ Փաշինյանը հեռախոսազրույց է ունեցել Ֆրանսիայի նախագահ Էմանուել Մակրոնի հետ: Տեղեկությունը հայտնում են կառավարության մամուլի ծառայությունից։

Ֆրանսիայի նախագահը Նիկոլ Փաշինյանին շնորհավորել է ՀՀ վարչապետի պաշտոնին նշանակվելու կապակցությամբ և բարձր գնահատել երկրում ժողովրդավարական գործընթացների անխափան իրականացումը:

«Ֆրանսիայի նախագահը հայտնել է Հայաստանին 200 հազար չափաբաժին պատվաստանյութ տրամադրելու որոշման մասին: Վարչապետ Փաշինյանը նախագահ Մակրոնին իր երախտագիտությունն է հայտնել այս առթիվ»,–ասված է հաղորդագրության մեջ:

ՀՀ վարչապետը տեղեկատվություն է տրամադրել Ադրբեջանի կողմից սահմանային վերջին սադրանքների, ինչպես նաև Ադրբեջանի ագրեսիվ հռետորաբանության վերաբերյալ՝ ընդգծելով, որ դրանց նպատակն է ապակայունացնել իրավիճակը տարածաշրջանում: Նա նաև անթույլատրելի է համարել հայ գերիների նկատմամբ Ադրբեջանում տեղի ունեցող շինծու դատավարությունները:

Նախագահ Մակրոնը հույժ կարևորել է Հայաստանի և Ադրբեջանի միջև սահմանագծումն ու սահմանազատումը: Համաձայնելով այս մտքին՝ ՀՀ վարչապետն ընդգծել է, որ հայ-ադրբեջանական սահմանազատում ու Լեռնային Ղարաբաղի հակամարտության կարգավորումը որևէ կերպ խաչաձևվող գործընթացներ չեն: Նա կրկնել է սահմանի երկայնքով ՀԱՊԿ դիտորդական առաքելություն տեղակայելու, կամ նման որոշման անհնարինության դեպքում՝ որպես այլընտրանք, ԵԱՀԿ Մինսկի խմբի համանախագահող երկրների դիտորդական առաքելության տեղակայման առաջարկությունը:

Տպավորություն է` ինչքան խնդիր կա, իշխող ուժի մեղքն է. Արշակյանը` սահմանի իրավիճակի մասին

Ֆրանսիայի նախագահը վերահաստատել է իր պատրաստակամությունը՝ շարունակելու հետևողական ջանքեր գործադրել տարածաշրջանում կայուն խաղաղության հաստատման ուղղությամբ:

ՀՀ վարչապետը համոզմունք է հայտնել, որ տարածաշրջանային համատեքստ ունեցող նախաձեռնություններն ու քայլերը կարող են հաջողության հասնել, եթե դրանք արժանանում են ԵԱՀԿ Մինսկի խմբի բոլոր համանախագահող երկրների հավանությանը:

Ադրբեջանցիները տարբեր տրամաչափի հրաձգային զինատեսակներից կրակել են Կութի ու Երասխի վրա

Վարչապետ Փաշինյանն ընդգծել է նաև, որ Հայաստանի կառավարությունը ողջունել է ԵԱՀԿ Մինսկի խմբի համանախագահների՝ նոյեմբերի 9-ին հաջորդած հայտարարությունները, այդ թվում՝ բանակցային գործընթացը վերականգնելու ուղղությամբ և պատրաստ է լիարժեք ներգրավվել բանակցային գործընթացում:

18
թեգերը:
Հայաստան, Ֆրանսիա, Էմանուել Մակրոն, Նիկոլ Փաշինյան, Սահման, Դեմարկացիա, Դելիմիտացիա, Ադրբեջան
Ըստ թեմայի
Սահմանային գոտում հրադադարը պետք է վերականգնել. Գավանը ԵԽԽՎ–ում զեկույցով հանդես կգա
Թաթոյանը սահմանային բնակիչների իրավունքի խախտումները ներկայացրել է միջազգային կառույցներին
Ի՞նչ քարտեզներ են փոխանցվել Երևանին և Բաքվին, կամ սահմանի լարումը սահմանազատման համար է
Դավիթ Քոչարով

Դավիթ Քոչարովը նշանակվել է ռուսական խոշորագույն Rutube տեսահարթակի գլխավոր պրոդյուսեր

24
(Թարմացված է 17:14 03.08.2021)
Rutube հարթակի վերագործարկման մասին հայտնի է դարձել ապրիլին։ Այն պատկանում է «Գազպրոմ մեդիա» հոլդինգին, որը 2020 թվականի վերջին փակել է տեսահոսթինգի 100% կոնսոլիդացման գործարքը։

ԵՐԵՎԱՆ, 3 օգոստոսի - Sputnik. Ռուսական Rutube-ի առաջատար տեսահարթակի գլխավոր պրոդյուսեր է նշանակվել Դավիթ Քոչարովը։ Տեղեկությունն իր Telegram ալիքում հայտնել է հեռուստահաղորդավարուհի ու պրոդյուսեր Թինա Կանդելակին՝ հղում անելով «Գազպրոմ մեդիայի» մամուլի ծառայությանը։

«Դավիթ, շնորհավորում եմ քեզ այս վաստակած նշանակման կապակցությամբ: Դու այն մարդն ես, որը և՛ ՍՏՍ-ում, և ivi - ում միշտ աշխատել է մինչև վերջ, աշխատել է դեկտեմբերի 31-ին և մինչև վերջ մոնտաժել է նյութը։ Դրա համար էլ գնահատում եմ», - գրել է Կանդելակին։

Նա ավելացրել է՝ շները հաչում են, քարավանը գնում է արտահայտությունը, հավանաբար ակնարկելով այդ բարձրության ճանապարհին ինչ-որ խոչընդոտներ։

Ընկերության հաղորդագրության մեջ նշվում է, որ Քոչարովը պատասխանատու կլինի բովանդակության, կոնտենտ մարքեթինգի ու Rutube Originals-ի գործարկման համար:

ՀՀ նախագահ Արմեն Սարգսյանն ընդունել է Փարիզի հայազգի փոխքաղաքապետին. տեսանյութ

2019 թվականի սեպտեմբերից մինչև 2021 թվականի ապրիլ Քոչարովը զբաղեցրել է ivi առցանց կինոթատրոնի գլխավոր պրոդյուսերի պաշտոնը։ Եղել է նաև ՍՏՍ հեռուստաալիքի մարքեթինգի գծով տնօրեն (2019 թվական), ՏՆՏ հեռուստաալիքի համացանցի ու արտաեթերային պրոմո-բաժնի ղեկավար (2013 թվականի ապրիլ -2015 թվական): Նա ՍՏՍ ու Ռոսիա հեռուստաալիքների համար կոնտենտ արտադրող «Goose Goose Films» փրոդաքշն ստուդիայի հիմնադիրն է։

Հայաստանը խաղաղություն է ուզում. հայազգի թենիսիստը աշխարհին է փոխանցել հայրենիքի ուղերձը

24
թեգերը:
Դավիթ Քոչարով, պրոդյուսեր, հայ
Ըստ թեմայի
Հայազգի բժիշկը կորոնավիրուսի դեմ պայքարի համար արժանացել է Պուտինի սահմանած շքանշանի
Հայազգի գործարարի ռեստորանը որոշել է սատարել Կոմունարկայի հիվանդանոցի բժիշկներին
Հայազգի ութ գործարար ընդգրկվել են Forbes-ի` Ռուսաստանի ամենահարուստ մարդկանց ցանկում
Выступление легкоатлета Артура Давтяна на Олимпийских играх в Токио (2 августа 2021). Япония

Նախագահ Սարգսյանը շնորհավորել է օլիմպիական խաղերի բրոնզե մեդալակիր Արթուր Դավթյանին

0
Մարմնամարզիկ Արթուր Դավթյանի նվաճած բրոնզե մեդալը Հայաստանի օլիմպիական հավաքականի առաջին մեդալն էր Տոկիոյի օլիմպիական խաղերում։

ԵՐԵՎԱՆ, 3 օգոստոսի – Sputnik. ՀՀ նախագահ Արմեն Սարգսյանն այսօր հեռախոսազրույց է ունեցել Տոկիոյում ընթացող ամառային օլիմպիական խաղերի բրոնզե մեդալակիր Արթուր Դավթյանի հետ: Տեղեկությունը հայտնում է նախագահի պաշտոնական կայքը։

Մարմնամարզիկ Արթուր Դավթյանի նվաճած բրոնզե մեդալը Հայաստանի օլիմպիական հավաքականի առաջին մեդալն էր Տոկիոյի օլիմպիական խաղերում, ինչպես նաև Հայաստանի անկախությունից ի վեր առաջին օլիմպիական մեդալը մարմնամարզությունից։

«Հանրապետության նախագահը ջերմորեն շնորհավորել է Արթուրին մեր երկիրը պատվով ներկայացնելու համար, մաղթել նրան նորանոր հաջողություններ ու ձեռքբերումներ»,–նշված է հաղորդագրության մեջ։

Նշենք, որ Ճապոնիա աշխատանքային այցի ընթացքում նախագահ Արմեն Սարգսյանը օլիմպիական մարզադաշտում հետևել էր մարմնամարզիկ Արթուր Դավթյանի առաջին մրցելույթին, որի ժամանակ մեր մարզիկը հաջողությամբ հաղթահարել էր հենացատկի որակավորման փուլը:

Արթուր Ալեքսանյանը դարձավ Օլիմպիադայի արծաթե մեդալակիր

Հիշեցնենք, մարմնամարզիկ Արթուր Դավթյանը հենացատկի մրցումներում դարձավ Տոկիոյի օլիմպիական խաղերի բրոնզե մեդալակիր: Մեր մարզիկը ցույց տվեց 14,733 միավոր արդյունք։

0
թեգերը:
Արթուր Դավթյան, Ճապոնիա, օլիմպիադա, Արմեն Սարգսյան, մեդալ