Սերգեյ Լավրով. արխիվային լուսանկար

Լավրովը ասեկոսե է անվանել Ադրբեջանում Թուրքիայի ռազմակայանների տեղակայման մասին լուրը

99
(Թարմացված է 16:46 18.06.2021)
Ռուսաստանի արտաքին քաղաքական գերատեսչության ղեկավարն ընդգծել է, որ Ադրբեջանի տարածքում թուրքական ռազմակայանների ստեղծման հարցը չի քննարկվել:

ԵՐԵՎԱՆ, 18 հունիսի – Sputnik. Ռուսաստանի արտաքին գործերի նախարար Սերգեյ Լավրովը հրաժարվել է մեկնաբանել Ադրբեջանում թուրքական ռազմակայանների հնարավոր ստեղծման մասին լուրերը ՝ դա անվանելով ասեկոսեներ։ Տեղեկությունը փոխանցում է ՌԻԱ Նովոստի լրատվական գործակալությունը:

«Մենք չենք քննարկել այդ հարցը, և լուրերը մենք չենք մեկնաբանում», - ասել է Ռուսաստանի ԱԳ նախարարը Բելառուսի իր գործընկերոջ` Վլադիմիր Մակեյի հետ բանակցությունների ամփոփիչ ասուլիսում պատասխանելով համապատասխան հարցին:

Ավելի վաղ Թուրքիայի նախագահ Ռեջեփ Թայիփ Էրդողանը, Բաքվում պատասխանելով լրագրողների հարցերին, չի բացառել, որ Շուշիում ստորագրված հռչակագրի շրջանակներում կարող է խոսք լինել Ադրբեջանի տարածքում Թուրքիայի զինված ուժերի ռազմաբազա ստեղծելու վերաբերյալ:

«Դա (բազայի ստեղծման տարբերակը-խմբ.) դուրս չէ հռչակագրի դրույթների շրջանակներից։ Այս հարցի զարգացումը հնարավոր է։ Թեման կարող է զարգացում ստանալ Ադրբեջանի նախագահ Իլհամ Ալիևի և Ռուսաստանի նախագահ Վլադիմիր Պուտինի խորհրդակցությունների ընթացքում: Եվ մեր բանակցությունների ընթացքում նույնպես այն կարող է իրացվել յուրովի», - ասել է նա։

Հիշեցնենք, որ Թուրքիայի նախագահը ադրբեջանցի գործընկեր Իլհամ Ալիևի ուղեկցությամբ հունիսի 15-ին այցելել էր Նախ Վարանդա (Ֆիզուլի), ապա նաեւ Շուշի, որտեղ տեղի է ունեցել երկկողմ համաձայնագրի (Դաշնակցության մասին հռչակագրի) ստորագրումը:

Հայաստանի ԱԳՆ-ն արձագանքել է Էրդողանի և Ալիևի` Շուշի կատարած այցին

99
թեգերը:
Սերգեյ Լավրով, Ադրբեջան, Թուրքիա, Ռեջեփ Թայիփ Էրդողան, Իլհամ Ալիև
Ըստ թեմայի
Ունե՞նք ԱԳՆ, որ ասի, թե որոնք են Հայաստանի շահերը. Պողոսյանը` Լավրովի հայտարարության մասին
Ղարաբաղում, որտեղ ռուս խաղաղապահներ են տեղակայված, խոշոր միջադեպեր չեն եղել. Լավրով
Լավրովն ասել է՝ երբ ավելի հեշտ կլուծվի Ղարաբաղի կարգավիճակի հարցը
Լավրովն ու ԵԱՀԿ գլխավոր քարտուղարը կքննարկեն Լեռնային Ղարաբաղում տիրող իրադրությունը
Օլիմպիադա, Ճապոնիա

Մրցավարական կոպիտ սխալ, կամ ինչպես մեդալներից զրկեցին հալ օլիմպիականներին

544
(Թարմացված է 23:36 03.08.2021)
Ինչո՞ւ Տոկիոյի օլիմպիական խաղերում հանդես եկած մեր երեք ըմբիշներից միայն Արթուր Ալեքսանյանին հաջողվեց նվաճել մեդալ, ու դա էլ դժգոհության պատճառ դարձավ։ Իրականում ի՞նչ տեղի ունեցավ օլիմպիական գորգի վրա։

ԵՐԵՎԱՆ, 3 օգոստոսի – Sputnik, Խաչիկ Չախոյան. Տոկիոյի օլիմպիական խաղերում օգոստոսի 3-ին Հայաստանի օլիմպիական հավաքականը վաստակեց արծաթե երկու մեդալ։ Բայց հաշվի առնելով մասնավորապես մեր ըմբիշների հնարավորությունները` հաստատ մեդալների կարող էին լինել ավելի շատ և այլ հարգի։

Եվրոպայի կրկնակի չեմպիոն (1997,2006) և աշխարհի առաջնության արծաթե մեդալակիր(2001) Կարեն Մնացականյանի հետ փորձեցինք հասկանալ, թե ինչպես հնարավոր է չեղյալ համարել մաքուր հաղթանակը, կամ ինչպես զրկել ըմբիշին բաղձալի մեդալից։

67 կգ քաշային կարգում Կարեն Ալեքսանյանը 1/8 եզրափակիչում հաղթեց հունգարացի տիտղոսակիր ըմբիշ Բալինտ Կորպասիին և քառորդ եզրափակիչում եգիպտացի Մոհամեդ Էլսայեդի հետ գոտեմարտում համարվում էր ֆավորիտ։ Գոտեմարտի մեկնարկում Էլսայեդը վեց միավոր վաստակեց, բայց հետո հայ ըմբիշը երկու միավոր հետ բերեց ու, շարունակելով իր գրոհը, մաքուր հաղթանակ տարավ։ Դա արձանագրեցին գորգի և կողային մրցավարները։

Սակայն մի քանի րոպե անց որոշումը փոխվեց, ու գոտեմարտը շարունակվեց։ Ի վերջո գրանցվեց 7։7 հաշիվը, հաղթանակը շնորհվեց եգիպտացուն։ Գոտեմարտի ավարտից հետո Ասլանյանի մարզիչ Սամվել Գևորգյանը չգիտեր` ինչ աներ, աչքերին չէր հավատում ու հազիվ էր իրեն զսպում։

«Մրցավարական կոպիտ սխալ էր, որ մաքուր հաղթանակը չեղյալ համարվեց։ Կարեն Ասլանյանը հստակ ամեն ինչ կատարեց, վաստակեց երկու միավոր ու, շարունակելով գրոհը, մրցակցի թիակները խփեց գորգին։ Սրանից ավելի էլ ո՞րն է համարվում մաքուր հաղթանակ։ Դրա միակ պատասխանը, որը չի համապատասխանում գորգին տեղի ունեցածին, գիտեն հաղթանակը չեղյալ համարողները։ Ասլանյանին զրկեցին կիսաեզրափակչի ուղեգրից, իսկ ես համոզված եմ` նաև մեդալից։ Այսպես հոգեբանորեն էլ կարող են «կոտրել» յուրաքանչյուր ըմբիշի», - Sputnik Արմենիայի հետ զրույցում նշեց Եվրոպայի կրկնակի չեմպիոն Կարեն Մնացականյանը։

Նախագահ Սարգսյանը շնորհավորել է օլիմպիական խաղերի բրոնզե մեդալակիր Արթուր Դավթյանին

77 կգ քաշային կարգում Կարապետ Չալյանը բրոնզե մեդալի համար գոտեմարտեց ադրբեջանցի Ռաֆիգ Հուսեյնովի հետ։ Գոտեմարտի երկրորդ մրցափուլում 1։1 հաշվի ժամանակ հայ ըմբիշը նախազգուշացվեց, երկու միավոր շնորհվեց մրցակցին։ Մեր մարզչի բողոքարկումը մերժվեց ու ևս մեկ միավոր ու բրոնզե մեդալը շնորհվեց մրցակցին։

«Գոտեմարտի հենց սկզբից ադրբեջանցին սկսեց ցուցադրել, որ Չալյանը հարվածում է իր դեմքին։ Սա ըմբշամարտում հայտնի տակտիկա է` մրցավարին ապակողմնորոշելու համար, եթե մրցավարը «լավ չի տեսնում»։ Չալյանը կանոնների ոչ մի խախտում թույլ չտվեց, պարզապես պայքարի բովի մեջ, ևս մեկ անգամ նպաստելով մրցակցի սադրանքին, դարձավ դրա ու «կույր» մրցավարության զոհը»,- Մնացականյանը այսպես է որակում Չալյան-Հուսեյնով գոտեմարտ։

Եվ վերջապես 97 կգ քաշային կարգի եզրափակիչում Արթուր Ալեքսանյանը պարտվեց Մուսա Եվլոևին։ Պարտությունը այնքան էր դառնացրել օլիմպիական հայ չեմպիոնին, որ մրցանակաբաշխության ժամանակ Արթուրը հրաժարվել է կրել արծաթե մեդալը։

«Առաջին մրցափուլը պետք է ավարտվեր ոչ թե 5։1` Եվլոևի օգտին, այլ 1։1։ Պարտերում աշխատելու ժամանակ, եթե վերևից աշխատող ըմբիշը երկու փորձ կատարում է ու չի կարողանում կա՛մ գլորել, կա՛մ պոկել գորգից և հնարք կատարել մրցակցին, ապա հնչում է կանգնել հրահանգը։ Եվլոևը, վերևից աշխատելիս, ոտքերը մտցնում էր Արթուր ձեռքերի տակ, ու մեր ըմբիշը պաշտպանվելու ժամանակ չէր էլ կարող չկպնել մրցակցի ոտքերին։ Այն տպավորությունն էր, որ Եվլոևին պարտերից աշխատելու այնքան հնարավորություն են տալու, մինչև նա միավոր վաստակի։ Ալեքսանյանն ըստ կանոնների պաշտպանվեց, և գոտեմարտը պետք է շարունակվեր կանգնած դիրքից, իսկ հաշիվն էլ պետք է լիներ 1։1», - ասեց Կարեն Մնացականյանը։

Զրույցի վերջում անվանի ըմբիշը հիասթափությամբ նշեց, որ ըմբշամարտի տարբեր կարգի մրցումներում մրցավարական ախալներ միշտ էլ լինում են։ Բայց օլիմպիական խաղերը անցկացվում են չորս ու այս անգամ` հինգ տարվա ընդմիջումով։ «Արդարությունը նման բարձր կարգի մրցումներում պետք է գերակշռի։ Հակառակ դեպքում տարիների ծանր աշխատանքը մի քանի րոպեում մարդիկ ջուրն են լցում։ Դե արի այդպիսի դեպքերից հետո երեխային համոզի, որ ըմբշամարտով զբաղի։ Կասեն` ի՞նչի համար, մարզվեմ, որ ինձ խաբեն մրցավարները»,–ասաց նա։

Սիմոն Մարտիրոսյանը վերցրեց օլիմպիական արծաթը

Ստացվում է, որ Հայաստանի օլիմպիական հավաքականը այսօր պետք է ունենար առնվազն երեք մեդալ`մեկը ոսկե, մեկն էլ բրոնզե։ Ու դեռ հայտնի չէ, թե ինչքան հեռու կգնար մրցումներում 67 կգ քաշային Կարեն Ասլանյանը։ Մեզ նման հաճույքից պարզապես զրկեցին մրցավարները։ Սա է հետևությունը։

544
թեգերը:
օլիմպիադա, Ճապոնիա, մրցավար, Արթուր Ալեքսանյան, Կարապետ Չալյան, մեդալ, Կարեն Ալեքսանյան
Ըստ թեմայի
Արթուր Դավթյանը Հայաստանի առաջին մեդալը նվաճեց Տոկիոյի օլիմպիական խաղերում. տեսանյութ
Բրոնզ և առնվազն արծաթի հավակնություն. ինչպես անցավ Օլիմպիադայի 10–րդ օրը հայերի համար
Այս Օլիմպիադան շատ քաղաքականացված է, կամ ամերիկացիների դեպքում «թերապևտիկ բացառություն» է
Սահման

Ռուսաստանը ակտիվ ջանքեր է գործադրում կոմունիկացիաների ապաշրջափակման ուղղությամբ

93
(Թարմացված է 23:06 03.08.2021)
Տրանսպորտային հաղորդակցությունների ապաշրջափակումը թույլ կտա բացահայտել Հայաստանի, հայ ժողովրդի ներուժը` որպես շատ հեռանկարային տնտեսական օպերատոր։

ԵՐԵՎԱՆ, 3 օգոստոսի – Sputnik. Ռուսաստանը ակտիվ ջանքեր է գործադրում տարածաշրջանում տրանսպորտային կոմունիկացիաների ապաշրջափակման գործընթացն իրականացման համար։ Այս մասին Հանրային հեռուստատեսությանը տված հարցազրույցում ասել է Հայաստանում Ռուսաստանի դեսպան Սերգեյ Կոպիրկինը։

Նրա խոսքով ՝ Ռուսաստանը և միջազգային հանրությունը շահագրգռված են, որպեսզի Անդրկովկասը դառնա խաղաղության և կայունության տարածաշրջան, որը դինամիկ և հաջողությամբ զարգանում է և իր ներդրումն է ունենում միջազգային, տնտեսական կապերի մեջ:

«Մեզ համար դա հատուկ նշանակություն ունի նաև այն պատճառով, որ Հայաստանը, ինչպես և Ռուսաստանը ԵԱՏՄ կազմում են։ Բնականաբար, կապերի ապաշրջափակումը դրական ազդեցություն կունենա մեր միության շրջանակներում ինտեգրացիոն գործընթացների վրա», - ասել է Կոպիրկինը։

Նա նշել է, որ դա նաև տնտեսական, քաղաքական առումով կապ կստեղծի շատ կարևոր գործընկերների՝ մասնավորապես ՝ Իրանի հետ։ Այդ պատճառով Ռուսաստանը, չնայած առկա խնդիրներին, ակտիվ ջանքեր է գործադրում, որպեսզի սկիզբ դնի այդ գործընթացին։

Դեսպանն ընդգծել է, որ տրանսպորտային շրջափակման հաղթահարումը կարևոր է նաև Հայաստանի համար: Դա թույլ կտա բացահայտել երկրի, հայ ժողովրդի ներուժը ՝ որպես շատ հեռանկարային տնտեսական օպերատոր։

Հիշեցնենք, որ 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։

Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։

«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին

Եռակողմ նոր հայտարարության մեջ նշվում է, որ 3 երկրների փոխվարչապետների համանախագահությամբ ստեղծվում է աշխատանքային խումբ։

Հանդիպման արդյունքների հիման վրա կկազմվի 9-րդ կետի կիրառումից բխող աշխատանքների հիմնական ուղղությունների ցանկը՝ որպես գերակայություններ ընդունելով երկաթուղային և ճանապարհային հաղորդակցությունները, ինչպես նաև կսահմանի Հայաստանի, Ադրբեջանի ու Ռուսաստանի միջև համաձայնեցված այլ ուղղություններ:

93
թեգերը:
Հայաստան, Ռուսաստան, տարածաշրջան, ապաշրջափակում, Սերգեյ Կոպիրկին
Ըստ թեմայի
ՌԴ սահմանապահները մասնակիորեն տեղակայվել են Սյունիքում. Կոպիրկին
Ադրբեջանի վերահսկողության տակ անցած տարածքներից տարհանվել է ևս 6 աճյուն
Փաշինյանն ասել է` ինչու ՀՀ–ն սահմանային իրադրությունը լուծելու միջոցներ չի ձեռնարկում
Արխիվային լուսանկար

Ինչ չի կարելի անել առավոտյան. այս 4 սննդային սովորությունները կրճատում են կյանքը

7
(Թարմացված է 12:42 03.08.2021)
Գիտնականներն առանձնացրել են առավոտյան մի քանի սովորություններ, որոնք կարող են ծանր ու մահացու հիվանդությունների պատճառ դառնալ:

ԵՐԵՎԱՆ, 4 օգոստոսի - Sputnik. Կտրականապես չի կարելի հրաժարվել նախաճաշից, ուտելուց առաջ սուրճ կամ մրգային հյութեր խմել, ինչպես նաև խորհուրդ չի տրվում առավոտյան բեկոն ուտել: Այս թեմայով հոդվածը հրապարակվել է «Մոսկովսկի Կոմսոմոլեց» թերթում JACC-ի, Science Daily-ի ու Diabetes Care-ի հետազոտությունների հղումով:

 Նախաճաշից հրաժարվելը

Մեգապոլիսների շատ բնակիչներ անտեսում են նախաճաշը: Աշխատանքից առաջ քնի ավելորդ րոպեները մարդկանց ավելի կարևոր են թվում։ Բժիշկները խորհուրդ չեն տալիս արթնանալուց հետո առաջին ժամերին հրաժարվել ուտելուց։

Հետազոտությունը, որին ավելի քան 6500 մարդ է մասնակցել, ցույց է տալիս, որ նախաճաշից հրաժարվելը 87 տոկոսով բարձրացնում է սրտանոթային հիվանդություններից մահվան վտանգը: Մեկ այլ հետազոտության արդյունքները պակաս զարմանալի չեն։ Նախաճաշի բացակայությունը բացասաբար է ազդում մարդու քաշի վրա։ Մարդիկ, որոնք առավոտյան ժամերին լիարժեք սնվել են, օրվա ընթացքում գրեթե երկու անգամ ավելի շատ կալորիա են այրում։

Ե՞րբ նախաճաշել և ո՞րն է նախաճաշի ճիշտ տարբերակը. խորհուրդներ սննդաբան Լիլիթ Բաբասյանից

Ավելին, փորձի մասնակիցների արյան մեջ շաքարի մակարդակը զգալիորեն ցածր է եղել։ Այս մասին գրում է «ՄԿ»-ն՝ հղում անելով արտասահմանյան հետազոտություններին:

Սուրճ ուտելուց առաջ

Ուտելուց առաջ թարմացնող ըմպելիքի օգտագործումը կարող է լրջորեն վնասել մարդու օրգանիզմը։ Բրիտանացի գիտնականները պարզել են, որ սոված ստամոքսին խմած սև սուրճը կարող է ազդել արյան մեջ գլյուկոզայի մակարդակի վրա: Նախաճաշից առաջ ավելի լավ է մի բաժակ տաք ջուր խմել, իսկ տաք ըմպելիքն օգտագործել ուտելուց հետո:

Նախաճաշին մեկ բաժակ հյութ

Գիտնականները պնդում են, որ նախաճաշին խմած մեկ բաժակ հյութը, ինչպես և ցանկացած այլ քաղցր ըմպելիք, 16 տոկոսով ավելացնում է շաքարային դիաբետի վտանգը: Ավելի լավ է ուտել մեծ քանակությամբ բջջանյութով թարմ մրգեր։ Ընդ որում, պետք է հաշվի առնել, որ երկար հագեցվածության համար անհրաժեշտ է սնվել սպիտակուցների և ճիշտ ճարպերի բարձր պարունակությամբ մթերքով։ Նախաճաշը չի կարող բաղկացած լինել  երկու խնձորից ու մեկ բանանից։

Բեկոնի օգտագործումը

Ըստ ամաճարակաբանության  միջազգային ամսագրում հրապարակված  ուսումնասիրության` օրական մեկ կտոր բեկոնը կարող է 20%–ով մեծացնել կոլոռեկտալ քաղցկեղի հավանականությունը։  Օրական ընդամենը 25 գրամ բեկոնը կարող է հաստ աղիքի ուռուցքի առաջացման հանգեցնել։

Ինչ ուտել նիհարելու համար․ դիետիկ նախաճաշի 5 բաղադրատոմս

7
թեգերը:
սնունդ, առողջ սնունդ, նախաճաշ, գիտնական
Ըստ թեմայի
Դիետոլոգը պատմել է, թե որ մթերքներն ունեն թարմացնող ազդեցություն
Ինչպե՞ս քիչ ուտել․ դիետոլոգները գտել են միջոցը
Նշի դիետիկ առանձնահատկությունը. որ հիվանդություններով մարդկանց համար է այն օգտակար