Պրագա

Անհապաղ ազատել հայ ռազմագերիներին․ Չեխիայի պատգամավորների պալատի կոմիտեի կոչը

41
(Թարմացված է 17:45 11.06.2021)
Չեխ պատգամավորներն ընդունված բանաձևով կոչ են անում Ադրբեջանին հետագայում ևս զերծ մնալ կամայական կալանքներից։

ԵՐԵՎԱՆ, 11 հունիսի – Sputnik․ Չեխիայի Պատգամավորների պալատի արտաքին հարաբերությունների կոմիտեն պահանջում է անհապաղ ազատ արձակել Ադրբեջանում պահվող հայ ռազմագերիներին։ Տեղեկությունը հայտնում է ՀՀ ԱԳՆ լրատվական ծառայությունը։ Համապաստան բանաձևն ընդունվել է հունիսի 10-ին։

«Չեխիայի Հանրապետության Պատգամավորների պալատի արտաքին հարաբերությունների կոմիտեն հունիսի 10-ին բանաձև է ընդունել, որով Ադրբեջանին կոչ է անում անհապաղ և անվերապահորեն ազատել հակամարտության ընթացքում և դրանից հետո գերեվարված բոլոր հայ ռազմական և քաղաքացիական անձանց և հետագայում զերծ մնալ կամայական կալանքներից»,- նշված է ԱԳՆ տարածած հաղորդագրության մեջ։

Ավելի վաղ հայ ռազմագերիներին ազատ արձակելու կոչ-հորդորով Բաքվին են դիմել մի շարք միջազգային կառույցներ ու տասնյակ երկրներ, այդ թվում՝ ԱՄՆ-ն, Ֆրանսիան, Լյուքսեմբուրգը և այլն։

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։ Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Չմոռանանք Բաքվի քայլերը. Արման Աբովյանը` գերիների հարցի և «գլխատված» ԱԳՆ–ի մասին

41
թեգերը:
հայ, Հայաստան, Ադրբեջան, Չեխիա, ռազմագերի, գերի
Ըստ թեմայի
Գյումրիում Փաշինյանը փակ հանդիպում է անցկացրել գերիների հարազատների հետ
Ադրբեջանում հայ գերիներին դատելը միջազգային իրավունքի խախտում է. Թաթոյան
Հենց գերիների թեման բարձրանում է՝ ռուսների գրպանն են գցում. Քոչարյան
Նաֆթալի Բենեթը

Նեթանյահուի ժամանակն ավարտվեց․ Իսրայելը նոր վարչապետ

23
(Թարմացված է 22:25 13.06.2021)
Վերջին 12 տարիների ընթացքում առաջին անգամ Իսրայելի կառավարությունը չի ղեկավարի Բենյամին Նեթանյահուն։

ԵՐԵՎԱՆ, 13 հունիսի – Sputnik․ Իսրայելի նոր վարչապետ է դարձել Նաֆտալի Բենետը։ Տեղեկությունը հայտնում է The Jerusalem Post-ը։

Իցհակ Հերցոգը
© Sputnik / Виталий Белоусов

Իսրայելական Քնեսեթն այսօր կողմ է քվեարկել «փոփոխությունների կառավարությանը»։
Քվեարկության ընթացքում 60 պատգամավոր կողմ է քվեարկել կառավարության ձևավորմանը, 59-ը՝ դեմ։

Այսպիսով, վերջին 12 տարիների ընթացքում առաջին անգամ Իսրայելի կառավարությունը չի ղեկավարի Բենյամին Նեթանյահուն։

Նշենք, որ նոր սա հնարավոր դարձավ, որովհետև աջակողմյան «Յամինա» կուսակցության առաջնորդ Նաֆտալի Բենետն ու կենտրոնական «Եշ Ատիդ» կուսակցության ղեկավար Յաիր Լապիդը կոալիցիոն կառավարություն ձևավորելու համաձայնության եկան:

Խորհրդարանում ընդամենը 7 մանդատ ունեցողն էլ կարող է վարչապետ դառնալ. Իսրայելի օրինակը

Նրանք, այսպես ասած, հերթով են զբաղեցնելու Իսրայելի վարչապետի պաշտոնը։ Բենետն առաջիկա երկու տարիներին կլինի վարչապետ, իսկ Լապիդը կզբաղեցնի արտաքին գործերի նախարարի պաշտոնը: Հետո նրանք պաշտոնները կփոխանակեն մինչև հաջորդ ընտրությունները:

Նշենք, որ Բենյամին Նեթանյահուն Իսրայելի կառավարությունը ղեկավարում էր 2009 թվականից: Նա 72 տարեկան է։

23
թեգերը:
Բինյամին Նեթանյահու, Վարչապետ, Իսրայել
Ըստ թեմայի
Իսրայելը զորք կմտցներ Գազայի հատված, եթե անհրաժեշտություն լիներ. Նեթանյահու
Իսրայելում իշխանության են գալիս Հայոց ցեղասպանության ճանաչման կողմնակիցները
Նահանջի տեղ չկա, վտանգ ես զգում, պիտի առաջինը հարձակվես, կամ Իսրայելի հաղթանակի բանաձևը
Քիմ Քարդաշյան, Քանյե Ուեսթ․ արխիվային լուսանկար

Քարդաշյանի համար ցավոտ է․ Քանյե Ուեսթը նոր սիրավեպ է սկսել

77
(Թարմացված է 18:45 13.06.2021)
Ամերիկյան և եվրոպական մամուլում բազմաթիվ հրապարակումներ են հայտնվել ամերիկացի ռեփեր Քանյե Ուեսթի նոր ռոմանտիկ հարաբերությունների մասին։

ԵՐԵՎԱՆ, 13 հունիսի – Sputnik․ Հեռուստաաստղ Քիմ Քարդաշյանի համար բավականին ցավոտ էր բաժանումը ամուսնուց՝ ռեփեր Քանյե Ուեսթից։ Այդ պատճառով նրա համար տհաճ է ցանկացած նորություն նախկին ամուսնու նոր սիրավեպի մասին։ Նշենք, որ վերջին շրջանում մամուլում տեղեկություններ են պտտվում, որ Ուեսթը ռոմանտիկ հարաբերություններ է սկսել ռուս սուպերմոդել Իրինա Շեյքի հետ:

Daily Star-ը, վկայակոչելով Քարդաշյանի մերձավոր շրջապատի իր աղբյուրին, գրում է, որ նա դեռ զգացմունքներ ունի ամուսնու հանդեպ, բայց և փորձում է բաց թողնել նրան: Ըստ աղբյուրի՝ ռեալիթի-շոուի հայազգի աստղը նույնիսկ թեթևություն է զգացել, որ Ուեսթը կարողացել է նոր կյանք սկսել:

«Նա չի խանգարի նրան այդ հարցում և փորձում է ուժեղ լինել»,- հայտնել է պարբերականի աղբյուրը։
Նախկին սիրեցյալի՝ Իրինա Շեյքի ու Քանյե Ուեսթի սիրավեպի մասին իր վերաբերմունքն է հայտնել նաև ամերիկացի դերասան Բրեդլի Կուպերը։

InTouch օնլայն պարբերականի աղբյուրը հայտնում է, որ Կուպերն ուրախ է այդ լուրի համար: Չնայած դրան՝ Շեյքի և Ուեսթի սիրավեպի մասին լուրը, այնուամենայնիվ, անհանգստացրել է դերասանին։

«Նա ատում է հանրության այն ուշադրությունը, որը Շեյքը հիմա ստանում և ստանալու է, քանի որ  Քանյեի հետ է»,- պատմել Է աղբյուրը:
Կուպերի կարծիքով ՝ այս ամենը կարող է անդրադառնալ իր և ռուս սուպերմոդելի 4-ամյա դստեր կյանքի վրա։

Քարդաշյանն անհանգիստ է` ինչպես կարձագանքեն երեխաներն իրենց ընտանիքի մասին ռեալիթի շոուին

Լուրերն այն մասին, որ Ուեսթն ու Շեյքը կրկին միասին են (նրանք նախկինում էլ էին հանդիպում, դեռ երբ Ուեսթն ու Քարդաշյանը չէին ամուսնալուծվել) սկսել են ակտիվորեն տարածվել այն բանից հետո, երբ ռեփերին ու սուպերմոդելին միասին են տեսել Ֆրանսիայում, որտեղ Ուեսթը նշում էր ծննդյան օրը: Բացի այդ, նրանք ԱՄՆ են ժամանել միևնույն մասնավոր ինքնաթիռով։

Քանյե Ուեսթն ու Քիմ Քարդաշյանն այժմ ամուսնալուծության փուլում են։ Նրանց ամուսնությունը տևել է յոթ տարի։ Աստղային զույգն ունի չորս երեխա՝ երկու դուստր և երկու որդի։

77
թեգերը:
Իրինա Շեյք, ամուսնալուծություն, ամուսին, Քանյե Ուեսթ, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան
Ըստ թեմայի
Քիմ Քարդաշյանը, Թանկյանը` հանուն հայ երեխաների կրթական հնարավորությունների ընդլայնման
«Ուզում եմ անձամբ ձեզ ասել». Քիմ Քարդաշյանն արտասվել է իր շոուի նկարահանման ժամանակ
Քիմ Քարդաշյանը սովորեցնում է` ինչպես մեքսիկական Vegan Taco պատրաստել. տեսանյութ
Բժշկուհի Լուսինե Սարգսյանը

«Ոչ մի կտրված վերջույթ չի նետվել, պատվավոր թաղում եմ արել»․ արցախցի բժշկուհու տեսած դժոխքը

0
Պատերազմի ամենաթեժ ու արյունալի շրջաններից մեկն Արցախի Ջրականն էր։ Ծանր էր ոչ միայն առաջնագծում, այլև թիկունքում աշխատող «սպիտակ բանակի» համար։ Հիվանդանոցները թշնամու թիրախում էին, իսկ վիրահատական սեղանին զինվորն էր։

Բժշկուհի Լուսինե Սարգսյանը պատերազմի օրերին, շտապօգնության մեքենայի ղեկին նստած, Ջրականից (Ջաբրայիլ) վիրավորների էր տարհանում, զինհոսպիտալ հասցնում, սլանում Գորիս, այնտեղից թթվածին, պլազմա հասցնում Իշխանաձոր և այդպես շարունակ։ Նրան շատերն ասում էին «սկոռու շոֆեր», թեպետ իրականում Կովսականի տեղամասային հիվանդանոցի տնօրենն էր։

Врач Лусине Саркисян с коллегами перед зданием амбулатории Ишханадзора
© Photo : provided by Lusine Sargsyan
Врач Лусине Саркисян с коллегами перед зданием амбулатории Ишханадзора

«Ես գնում էի՝ ուր պետք էր՝ առանց մտածելու, վախենալու, իմ կյանքն էդ 18-19 տարեկան տղաների կյանքից թանկ չէր։ Ասում էի՝ Աստված իմ կյանքը տաներ, երկու ջահելի փրկեր, ես գոնե 40 տարեկան եմ, երեխա ունեմ, թող դեռ մի 20 տարի էլ իրենք ապրեին»։

Լոռեցուց արցախցի դարձավ

Լուսինեն ծնունդով Սպիտակի շրջանի Ջրաշեն գյուղից է։ 88-ի երկրաշարժը տունը հողին հավասարեցրեց, քույրն էլ հրաշքով փրկվեց։ 2000թ․-ին Լուսինեի մանկավարժ ծնողները տեղափոխվեցին Արցախի Քաշաթաղի շրջան, վերաբնակեցման ծրագրով տեղավորվեցին Իշխանաձոր գյուղում։ Տեղավորվել ասելն այս դեպքում ճոխ է հնչում՝ չկար լույս, չկար ոչ մի հարմարություն, Լուսինեն ասում է՝ իսկական քարե դար էր։ Ինքը ծնողներին մեկ տարի ուշ միացավ՝ համալսարանն ավարտելուց հետո։ Ու ընտանիքը սկսեց զրոյից տուն կառուցել։

Врач Лусине Саркисян
© Sputnik / Asatur Yesayants
Բժշկուհի Լուսինե Սարգսյանը

«Ցեխ են շաղախել այս ձեռքերը, քար են կրել այս ձեռքերը, հող են թափել այս ձեռքերը։ Այս տարվա փայտս արդեն կոտրած էր, ես ու հարևանիս տղաներն էինք կոտրել, էդ ամեն ինչը թողեցինք էդ շներին, ոչ թե նյութականացնում եմ, այլ ափսոսում եմ, որ մեր քրտինքն իրենք են վայելում։ Բայց նյութականը ոչինչ է, նորից կստեղծենք, կյանքերը հետ չենք բերի»,-ցավով հիշում է կինը։

Մայրը լուրերից իմացավ, որ Էդգարն Արցախի հերոս է. ինչպես խոցեց առաջին ու հաջորդ 9 տանկերը

2006թ․-ին Լուսինեն նշանակվեց Իշխանաձորի բուժամբուլատորիայի վարիչ, դրանից մի քանի տարի անց՝ արդեն Կովսականի տեղամասային հիվանդանոցի տնօրեն (Իշխանաձորի բուժկետը ևս ենթարկվում էր Կովսականին)։ Թեպետ որպես ղեկավար բազմաթիվ պարտականություններ ուներ, բայց Լուսինեն չդադարեց բժշկական պրակտիկան։ Անցնում էր համայքնից համայնք, գյուղից գյուղ, իսկ հանգստյան օրերին եթե տանն էր, ապա հենց իր տանն էր հիվանդների ընդունում։

«Քաշաթաղում ես 1111 երեխայի եմ ծնունդ տվել, իրենք ինձ հիմա էլ են կյանք և ուժ տալիս»։

Президент Карабаха Бако Саакян награждает врача Лусине Саркисян
© Photo : provided by Lusine Sargsyan
Արցախի նախկին նախագահ Բակո Սահակյանը պարգևատրել է Լուսինե Սարգսյանին

Իր միակ դստերը՝ Գրետային, Լուսինեն մեքենայի մեջ է ծննդաբերել․ ասում է՝ շատ զբաղված էր, հանգստանալու ժամանակ չկար, մարդկանց իր օգնությունն էր պետք, ուստի իր վիճակին չէր էլ նայում։ Դժվար ծննդաբերության 8-րդ օրն արդեն աշխատանքի էր։

Врач Лусине Саркисян с семьей
© Photo : provided by Lusine Sargsyan
Բժշկուհի Լուսինե Սարգսյանը՝ ամուսնու և դստեր հետ

«Արցախը, Քաշաթաղն իմ կյանքն էին․ ոնց որ երեխային ինը ամիս կրծքիդ տակ պահես, հետո․․․ »։

Սեպտեմբերի 27-ը

Սեպտեմբերի վերջին կիրակի օրը Լուսինեն տանն էր․ վաղ առավոտից զբաղված էր լոլիկի պահածո պատրաստելով։

Врач Лусине Саркисян
© Sputnik / Asatur Yesayants
Բժշկուհի Լուսինե Սարգսյանը

«7։05-ի կողմերը մի հատ դմփոց եկավ, մտածեցի՝ զորավարժություն են անում, հետո պարզվեց՝ առաջին հարվածը մեր կողմի վրա Որոտանին էր, զինապահեստներին էին ուզում խփել, բայց սարին խփեցին։ Հետո ամուսինս զանգեց, ասաց՝ պատերազմ է սկսվել (Լուսինեի ամուսինը զինվորական է)»։

Պատերազմի հենց առաջին օրերից Իշխանաձորի բուժամբուլատորիայում ծավալվեց զինվորական հոսպիտալ, որը սպասարկում էր Ջրականի դիրքերը։ Ու սկսվեց իսկական դժոխքը․․․

«Ջաբրայիլի դիրքերում մի ամբողջ սերունդ կոտորվեց․ բերում ու բերում էին․․․»,- Լուսինեն կորցնում է ինքնատիրապետումն ու հեկեկալով շարունակում պատմել։

Անօդաչուներն անընդհատ երկնքում էին, թիրախներից էր Իշխանաձորի հիվանդանոցը։ Երբ ասում էին՝ «թաքստոցներով», բոլորը նետվում էին իրենց «փոսը», մնում էին միայն վիրահատող բժիշկները։ Հասկանում էին՝ եթե հարվածի պահին ամբողջ բուժանձնակազմը ներսում լինի, զինվորն առանց օգնության կմնա։ Վիրավորների վիճակը տեղում արագ գնահատում էին՝ որին կարելի է անմիջապես տեղափոխել Գորիս, որին այստեղ պետք է առաջին օգնությունը ցուցաբերվի։ Լուսինեն շեշտում է՝ «ոչ մի զինվոր Իշխանաձորից անշնորհք ձևով դուրս չի եկել», բոլորի վերքերը լվանում էին, սպիտակեղենը փոխում, նոր միայն ճանապարհ դնում։

«Էնքան շատ էին վիրավորները, շտապօգնության մեքենաներում երկու կողմերում պատգարակ էինք դնում, մեկական կապում վերևում, մեջտեղի մասում էլ դոշակներ էինք փաթաթում, դնում, որ էն երեխեքը, որոնք կարող էին նստել, նստեին»։

Զինհոսպիտալում երկու վիրահատական սեղան կար, երկուսն էլ ոչ մի րոպե ազատ չեն մնացել։

«Որ զինվորի վերջույթն էլ ամպուտացրել են, դեն չի նետվել, պատվավոր թաղում եմ արել՝ հիվանդանոցից մի քիչ հեռու»,- Լուսինեի հետ միասին հեկեկում ենք․ հարցերը կոկորդումս են․․․

«Իմ բանակը միշտ էլ մարտունակ է եղել, էդ բանակը ոնց պահեր երկինքը, միջոցներ էին պետք, քարե կարկուտ էր թափվում վերևից։ Երեխեքին որ բերում էին, խփում էին գլխներին, գոռում էին, ասում էի՝ ցավդ տանեմ, դու փրկվել ես, ասում էր՝ բժիշկ ջան, դու չգիտես, թե ինչ եղավ, իմ ընկերների կտորներն իմ վրա էին թափվում․․․»։

Մեր զրույցն այգում է, բայց թվում է՝ նեղ, մութ, անօդ սենյակում ենք նստած․ շնչել չի լինում։

«Ուրալները մեր սուգն էին, բերում էին մի 30 վիրավոր, մի 3-ը ճանապարհին մահանում էին, բոլորը գոռում էին՝ ընկերս, եղբայրս․․․ Թողեք ես էլ մեռնեմ։ Սարսափելի էր»։

Ասում է՝ պատերազմի օրերին հոսպիտալում սանիտար չկար, անգամ ամենապատվավոր բժիշկն էլ սանիտարի գործ էր անում, երբ պետք էր։ Ինքը՝ Լուսինեն ու իր բուժքույրը՝ Անոն, այդ օրերին լվացել են արյունոտ պատգարակները։

Врач Лусине Саркисян с коллегами молятся во время Карабахской войны
© Photo : provided by Lusine Sargsyan
Բժշկուհի Լուսինե Սարգսյանը գործընկերների հետ աղոթում է զինվորների համար

«Քյոռփեքիս արյունն էր․․․ Լացելով լվանում էինք ու աղոթում, որ էլ չօգտագործվեն․․․»։

Հոգնած, չքնած, քաղցած․ Լուսինեն պատերազմի օրերին երեք անգամ արյան դոնոր է դարձել, իր 4-րդ դրական արյունը կյանքեր է փրկել։

«Պատերազմի ժամանակ ուժեղանում ես»։

Երևի՝ ճիշտ բուժում չարեցինք ․․․

Պատերազմի առաջին օրերին Լուսինեն վստահ էր՝ Ապրիլյանի նման է լինելու, մի քանի օր կտևի։ Ասում է՝ անգամ այդ օրերին չի թողել, որ խաղողը փչանա, քաղել են, լցրել 200 կգ-անոց տակառների մեջ, որ օղի թորեն ու խմեն հաղթանակի կենացը։

«Հոկտեմբերի 16-ին նահանջի հրաման ստացանք, երեկոյան հոսպիտալը հավաքեցինք։ 17-ին գնացինք հիվանդանոցը մաքրելու, ամբողջ գետինն արյուն էր, լվացինք ամեն ինչ՝ վստահ լինելով, որ հետ ենք գալու, անգամ հիվանդանոցի դիմաց թափված ամբողջ աղբն էինք հավաքել, ավլել»։

Врач Лусине Саркисян
© Sputnik / Asatur Yesayants
Բժշկուհի Լուսինե Սարգսյանը

Հոկտեմբերի 17-ի լույս 18-ի գիշերը որոշել էր Իշխանաձորում՝ իր տանը գիշերել, սակայն ամուսնուց զանգ է ստանում՝ «արագ դուրս ես գալիս, դիվերսիոն խմբեր կան»։ Գիշերեց Գորիսում, հաջորդ օրը որոշեց գնալ Կովսական՝ գոնե հիվանդանոցից իրեր դուրս բերելու, տեղում ասացին՝ պետք է դուրս գալ, վտանգավոր է։ Գորիսի ճանապարհին լավ լուր ստացավ, թե «սա հատուկ կազմակերպված նահանջ է, ամեն ինչ լավ է լինելու»։ Բայց Լուսինեն այլևս ոչ Կովսականը տեսավ, ոչ էլ Իշխանաձորի իր տունը։

«Դե հիմա ինձ ասեք՝ ինչպես ապրեմ․․․». Գոռից ճառագող լույսով տունը լիքն է անգամ նրանից հետո 

«Կռիվն էդքան չէր հասել, Կովսականը, մեր գյուղերն ուղղակի տվեցինք․․․Արցախը, Քաշաթաղն ինձ համար ուղղակի նյութական ինչ-որ բան չեն, գիտեք ինչ եմ զգում՝ ոնց որ հիվանդիս ճիշտ բուժում չարեցի, չկարողացա նրան փրկել։ Միգուցե ժամանակին չգնահատեցինք մեր ունեցածը, միգուցե մեղք ունեցանք, դրա համար Աստված պատժեց մեզ։ Բայց Աստված մեզնից երես չի թեքել, սա մեծ փորձություն է, գիտեմ, որ վերադառնալու ենք»։

19 օր թշնամու ահն ու սարսափն էր․ Ավագ Նազարյանը չեմպիոն էր, հերոս դարձավ

Լուսինեն իր հետ վերցրել է հիվանդանոցի ու Իշխանաձորի իր տան բանալիները։ Վստահ է, որ դրանք մի օր օգտագործելու է։ Հիմա ամուսնու, դստեր և տարեց մայրիկի հետ ապրում են Ստեփանակերտում՝ վարձակալած բնակարանում։ Որքան էլ ծանր է ամեն անգամ Արցախ գնալիս տեսնել ադրբեջանական դիրքերը, Բերձորից հետո չկարողանալ իր տուն գնալ, բայց արդեն վաղուց արցախցի է ու իր կյանքն Արցախից հեռու չի պատկերացնում։

Врач Лусине Саркисян показывает ключи от дома и больницы, принесенные с собой из Карабаха
© Photo : provided by Lusine Sargsyan
Բժշկուհի Լուսինե Սարգսյանի բերած բանալիները

«Որոշել եմ զինվորական ծառայության անցնել։ Շատ եմ սիրում բանակը, մեր զինվորներին, դրա համար էլ զինվորականի հետ ամուսնացա։ Ես սիրողական զինվորական շորեր ունեի, պատերազմի օրերին դրանք էի հագնում, հիմա դրանց վրա լրիվ արյուն է, որ լվացվելուց հետո էլ չի անցնում, չեմ էլ փորձում ինչ-որ նյութով հանել, մեր հերոսների արյունն է․․․ Պատերազմն ինձ շատ է ծերացրել, բայց ես տեսնելու եմ էդ հաղթանակը»։

Հրաժեշտից առաջ մեկմեկու պինդ գրկում ենք՝ ամեն մեկս կոկորդում սեղմելով արցունքները։ Մաղթանքների ու հաջողության խոսքերի փոխարեն միայն մի բան ենք պայմանավորվում՝ մեր հաջորդ հանդիպումն ու հարցազրույցը լինելու են Իշխանաձորում՝ Լուսինեի տանը։

0
թեգերը:
բժիշկ, զինծառայող, Զինվոր, Վիրավոր, Լեռնային Ղարաբաղ, Արցախյան պատերազմ, Արցախ