Դոնալդ Թրամփ. արխիվային լուսանկար

Չքնե՛ք Պուտինի հետ հանդիպման ընթացքում. Թրամփը` Բայդենին

111
(Թարմացված է 10:22 11.06.2021)
Նախընտրական քարոզարշավի ընթացքում ԱՄՆ արդեն նախկին նախագահ Դոնալդ Թրամփը Ջո Բայդենին «քնկոտ Ջո» էր անվանում:

ԵՐԵՎԱՆ, 11 հունիսի -Sputnik. ԱՄՆ նախկին նախագահ Դոնալդ Թրամփը ԱՄՆ գործող նախագահ Ջո Բայդենին «պատգամել է» չքնել Ռուսաստանի նախագահ Վլադիմիր Պուտինի հետ հանդիպմանը և խնդրել է փոխանցել իր լավագույն բարեմաղթանքները, գրում է EurAsia Daily-ն:

«Հաջողություն եմ մաղթում Բայդենին նախագահ Պուտինի հետ բանակցություններում: Չքնե՛ք հանդիպման ընթացքում, և խնդրում եմ իմ բարեմաղթանքները փոխանցել նրան», - ասված է Թրամփի հայտարարության մեջ:

Նշենք, որ նախընտրական քարոզարշավի ընթացքում Թրամփը Բայդենին «քնկոտ Ջո» էր անվանում:

Թրամփը հավելել է, որ Հելսինկիում 2018-ին Ռուսաստանի նախագահի հետ իր հանդիպումը «գերազանց ու շատ արդյունավետ է եղել»:

Ամերիկայի նախկին ղեկավարը վստահություն է հայտնել, որ Միացյալ Նահանգները, հակառակ լրատվամիջոցների պնդումների, գագաթնաժողովում «շատ բան է շահել, այդ թվում՝ ՌԴ նախագահ Պուտինի և Ռուսաստանի հարգանքը»:

Թրամփը նաև շեշտել է, որ Ռուսաստանին առնչվող շահարկումների տարածման պատճառով, «որոնք հորինել և ֆինանսավորել են դեմոկրատները և Հիլարի Քլինթոնը, ԱՄՆ-ն գտնվել է անբարենպաստ վիճակում»: Հանրապետականի խոսքով՝ ինքը «կարողացել է դա հաղթահարել»:

Նշենք՝ ՌԴ-ԱՄՆ գագաթնաժողովը տեղի կունենա հունիսի 16-ին, Շվեյցարիայի Ժնև քաղաքում:

Բայդենն ասել է, թե Պուտինի հետ ինչ թեմա է քննարկելու ժնևյան գագաթնաժողովում

111
թեգերը:
Նախագահ, հանդիպում, Վլադիմիր Պուտին, Ջո Բայդեն
Ըստ թեմայի
Ադամ Շիֆը Սյունիքի հարցով դիմել է Բայդենի վարչակազմին
Բայդենը հույս ունի և սպասում է Պուտինի հետ հանդիպմանը
Իսրայելը փորձում է Բայդենի վարչակազմի վրա ճնշում գործադրել
Քիմ Քարդաշյան, Քանյե Ուեսթ․ արխիվային լուսանկար

Քարդաշյանի համար ցավոտ է․ Քանյե Ուեսթը նոր սիրավեպ է սկսել

50
(Թարմացված է 18:45 13.06.2021)
Ամերիկյան և եվրոպական մամուլում բազմաթիվ հրապարակումներ են հայտնվել ամերիկացի ռեփեր Քանյե Ուեսթի նոր ռոմանտիկ հարաբերությունների մասին։

ԵՐԵՎԱՆ, 13 հունիսի – Sputnik․ Հեռուստաաստղ Քիմ Քարդաշյանի համար բավականին ցավոտ էր բաժանումը ամուսնուց՝ ռեփեր Քանյե Ուեսթից։ Այդ պատճառով նրա համար տհաճ է ցանկացած նորություն նախկին ամուսնու նոր սիրավեպի մասին։ Նշենք, որ վերջին շրջանում մամուլում տեղեկություններ են պտտվում, որ Ուեսթը ռոմանտիկ հարաբերություններ է սկսել ռուս սուպերմոդել Իրինա Շեյքի հետ:

Daily Star-ը, վկայակոչելով Քարդաշյանի մերձավոր շրջապատի իր աղբյուրին, գրում է, որ նա դեռ զգացմունքներ ունի ամուսնու հանդեպ, բայց և փորձում է բաց թողնել նրան: Ըստ աղբյուրի՝ ռեալիթի-շոուի հայազգի աստղը նույնիսկ թեթևություն է զգացել, որ Ուեսթը կարողացել է նոր կյանք սկսել:

«Նա չի խանգարի նրան այդ հարցում և փորձում է ուժեղ լինել»,- հայտնել է պարբերականի աղբյուրը։
Նախկին սիրեցյալի՝ Իրինա Շեյքի ու Քանյե Ուեսթի սիրավեպի մասին իր վերաբերմունքն է հայտնել նաև ամերիկացի դերասան Բրեդլի Կուպերը։

InTouch օնլայն պարբերականի աղբյուրը հայտնում է, որ Կուպերն ուրախ է այդ լուրի համար: Չնայած դրան՝ Շեյքի և Ուեսթի սիրավեպի մասին լուրը, այնուամենայնիվ, անհանգստացրել է դերասանին։

«Նա ատում է հանրության այն ուշադրությունը, որը Շեյքը հիմա ստանում և ստանալու է, քանի որ  Քանյեի հետ է»,- պատմել Է աղբյուրը:
Կուպերի կարծիքով ՝ այս ամենը կարող է անդրադառնալ իր և ռուս սուպերմոդելի 4-ամյա դստեր կյանքի վրա։

Քարդաշյանն անհանգիստ է` ինչպես կարձագանքեն երեխաներն իրենց ընտանիքի մասին ռեալիթի շոուին

Լուրերն այն մասին, որ Ուեսթն ու Շեյքը կրկին միասին են (նրանք նախկինում էլ էին հանդիպում, դեռ երբ Ուեսթն ու Քարդաշյանը չէին ամուսնալուծվել) սկսել են ակտիվորեն տարածվել այն բանից հետո, երբ ռեփերին ու սուպերմոդելին միասին են տեսել Ֆրանսիայում, որտեղ Ուեսթը նշում էր ծննդյան օրը: Բացի այդ, նրանք ԱՄՆ են ժամանել միևնույն մասնավոր ինքնաթիռով։

Քանյե Ուեսթն ու Քիմ Քարդաշյանն այժմ ամուսնալուծության փուլում են։ Նրանց ամուսնությունը տևել է յոթ տարի։ Աստղային զույգն ունի չորս երեխա՝ երկու դուստր և երկու որդի։

50
թեգերը:
Իրինա Շեյք, ամուսնալուծություն, ամուսին, Քանյե Ուեսթ, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան
Ըստ թեմայի
Քիմ Քարդաշյանը, Թանկյանը` հանուն հայ երեխաների կրթական հնարավորությունների ընդլայնման
«Ուզում եմ անձամբ ձեզ ասել». Քիմ Քարդաշյանն արտասվել է իր շոուի նկարահանման ժամանակ
Քիմ Քարդաշյանը սովորեցնում է` ինչպես մեքսիկական Vegan Taco պատրաստել. տեսանյութ
Սարիկ Անդրեասյան

Սարիկ Անդրեասյանը ՀՀ վարչապետի պաշտոնում հենց իրեն է տեսնում, բայց դեռ կինոյով է զբաղված

33
(Թարմացված է 16:54 13.06.2021)
Ռեժիսոր Սարիկ Անդրեասյանն իր հետևորդներին պատմել է, թե ում է համարում լավագույն դերասան և հայ և որ երկրի հավաքականին է ցանկանում անպայման տեսնել աշխարհի առաջնությունում:

ԵՐԵՎԱՆ, 13 հունիսի – Sputnik․ Ազգությամբ հայ, ռուսաստանցի ռեժիսոր Սարիկ Անդրեասյանը խոստովանել է, որ Հայաստանի վարչապետի պաշտոնում իրեն է տեսնում և շատ է ցանկանում, որ հայ ֆուտբոլիստները հայտնվեն աշխարհի առաջնության եզրափակիչ փուլում: Այս «խոստովանությունները» նա արել է Instagram-ի իր եջում՝ պատասխանելով բաժանորդների հարցերին։

Instagram story  Сарика Андреасяна
Սարիկ Անդրեասյանը պատասխանում է հետևորդների հարցերին

Անդրեասյանը պատմել է, որ ներկայումս Հայաստանում ընթանում են իր նոր սերիալի նկարահանումները, սակայն մանրամասները չի բացահայտել՝ խոստանալով դա անել մոտ ապագայում:

Instagram story  Сарика Андреасяна
Սարիկ Անդրեասյանը պատասխանում է հետևորդների հարցերին

Ռեժիսորը նաև ասել է, թե ով է իր ամենասիրելի հայ դերասանը։ «Ահա նա է իմ սիրելի հայն ու դերասանը՝ Հրանտ Թոխատյան»,- գրել է Անդրեասյանն ու Հրանտ Թոխատյանի հետ լուսանկար հրապարակել։

Instagram story  Сарика Андреасяна
Սարիկ Անդրեասյանը պատասխանում է հետևորդների հարցերին

Անդրեասյանը խոստովանել է նաև, որ իրեն տեսնում է Հայաստանի վարչապետի պաշտոնում։
«Բայց դրա համար պետք է արմատապես փոխել կյանքը։ Ես դեռ կինոյով եմ զբաղվում», - գրել է նա։

Instagram story  Сарика Андреасяна
Սարիկ Անդրեասյանը պատասխանում է հետևորդների հարցերին

Անդրեասյանը նաև անկեղծացել է, որ երկրպագում է Հայաստանի ֆուտբոլի հավաքականին և շատ է ցանկանում նրան տեսնել աշխարհի առաջնության եզրափակիչում: Ռեժիսորի կարծիքով՝ «պատմական պահին» հասնելու համար թիմին պետք է ևս երեք հաղթանակ տոնել։ Հայազգի ռեժիսորը դա միանգամայն իրական է համարում։

Instagram story  Сарика Андреасяна
Սարիկ Անդրեասյանը պատասխանում է հետևորդների հարցերին
33
թեգերը:
կինո, Հայաստանի ազգային հավաքական, դերասան, Հրանտ Թոխատյան, Վարչապետ, Հայաստան, Սարիկ Անդրեասյան
Ըստ թեմայի
«Ով չի խմել հորս պատրաստած գինին, կյանք չի տեսել»․ Սարիկ Անդրեասյանը Հայաստանում է
«Քեզ համար վարդեր բերեցի»․ Սարիկ Անդրեասյանը Հայաստանի հմայքը ցուցադրել է 4 կադրով
Netflix-ը ձեռք է բերել Հրաչյա Քեշիշյանի և Սարիկ Անդրեասյանի մեկական ֆիլմ
Սոթք․ սահման

Քոչարյանը նշել է բանակի մարտունակության բարձրացման և սպառազինության համալրման ժամկետները

37
(Թարմացված է 19:56 13.06.2021)
ՀՀ երկրորդ նախագահի խոսքով՝ իրենց թիմում ընդգրկված են այն մարդիկ, որոնք ամենալավը գիտեն մեր բանակը։

ԵՐԵՎԱՆ, 13 հունիսի – Sputnik․ ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանն Իջևանում ընտրողների հետ հանդիպման ժամանակ նշել է հայկական բանակի մարտունակության բարձրացման, սահմանների ամրապնդման և սպառազինության համալրման ժամկետները:

Նա վստահություն է հայտնել, որ բանակի մարտունակությունը՝ անձնակազմի, կարգապահության և սահմանի մասով, իրենց թիմը կարողանալու է բարձրացնել մեկ տարվա ընթացքում։

«Սպառազինության կորուստները համալրելու համար կպահանջվի երեք տարի։ Սրանք մեր ժամկետներն են»,- նշեց Քոչարյանը։

Նա ընդգծեց՝ ոչ ոք ավելի լավ չգիտի բանակը, քան իրենց թիմում ընդգրկված մարդիկ։

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

37
թեգերը:
Ընտրություններ, Հայաստան, Զինված ուժեր, Բանակ, Ռոբերտ Քոչարյան
թեմա:
ԱԺ արտահերթ ընտրություններ 2021
Ըստ թեմայի
Ընտրակաշառքի գործով կալանավորվել են Արմավիրի նախկին քաղաքապետն ու Ջանֆիդայի մեկ բնակիչ 
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին