Արխիվային լուսանկար

Բայդենը վերափոխվում է «Պուտինի ցրիչի», կամ մինչև չգա հետինը, չի հիշվի առաջինը

79
(Թարմացված է 22:54 10.06.2021)
Այնպես է ստացվել, որ ԱՄՆ-ի և Ռուսաստանի նախագահների ցանկացած հանդիպում ուղեկցվում է սադրանքներով և այն տապալելու կամ առնվազն անտանելի ֆոն ստեղծելու կատաղի փորձերով։ Սարդկանց տարբեր կատեգորիաներ կան, որոնք շահագրգռված են իրավիճակի սրման հարցում։

Արևմտյան «բազեները» շատ են հուզվում։ Այնպես է ստացվել, որ վերջին տարիներին ԱՄՆ-ի և Ռուսաստանի նախագահների ցանկացած հանդիպում ուղեկցվում է սադրանքներով և այն տապալելու կատաղի փորձերով, գրում է ՌԻԱ Նովոստիի սյունակագիր Վլադիմիր Կորնիլովը։

Հիշենք թեկուզ, թե ինչպես 2018թ․-ին, Դոնալդ Թրամփի և Վլադիմիր Պուտինի Հելսինկյան գագաթնաժողովից մի քանի ժամ առաջ հայտնի դարձավ ԱՄՆ-ում Ռուսաստանի քաղաքացի Մարիա Բուտինայի ձերբակալության մասին։ Կամ թե ինչպես Ուկրաինան Կերչի նեղուցում սադրանք կազմակերպեց, որը որպես առիթ օգտագործվեց Բուենոս Այրեսում G20-ի գագաթնաժողովի շրջանակում նախագահների հանդիպումը չեղյալ հայտարարելու համար։ Որևէ կասկած չկա, որ հիմա էլ Ժնևում Պուտին-Բայդեն հանդիպումից առաջ կլինեն սադրանքներ եթե ոչ այն խափանելու, ապա համենայն դեպս բարդացնելու, դրա անցկացման համար անտանելի ֆոն ստեղծելու համար։

Ամենաշատը, բնականաբար, ջանում են ամերիկյան հանրապետականները, որոնք որոշել են մի բան էլ ավել վճարել դեմոկրատներին՝ իրենց և Թրամփի վրա բոլոր հարձակումների համար, որին նախագահության բոլոր 4 տարիներին մեղադրում էին ռուսամետ լինելու համար։ Սենատոր Թեդ Կրուզը, որին ժամանակին դեմոկրատական ԶԼՄ-ները «Պուտինի խամաճիկ» էին անվանում, հիմա անթաքույց հաճույքով ամեն տեղ պատմում է, որ Բայդենը «սողալով մտնում է Պուտինի, Ռուսաստանի և Ամերիկայի թշնամիների մահճակալը»։

Ռուսաստանը կա, եղել է և կլինի, դրա հետ պետք է հաշտվել. Վլադիմիր Պուտին

Բայց կա նաև սպասվող գագաթնաժողովի առթիվ տագնապած և այն խափանելու կամ բարդացնելու համար իրենցից կախված ամեն ինչ անող մարդկանց մեկ այլ կատեգորիա ևս։ Դրանք «Ռուսաստանի հարցով» բազմաթիվ փորձագետներն են կամ, այսպես կոչված, կրեմլինագետները։ Յուրաքանչյուր նման հանդիպման մեջ նրանք իրենց համար գոյաբանական վտանգ են տեսնում և սարսափում են «վերաբեռնավորում» սոսկալի բառից։ Եվ չնայած ոչ ոք առանձնապես չի հավատում ԱՄՆ-ի և Ռուսաստանի միջև հարաբերությունները վերագործարկելու հնարավորությանը (Ինչպես Սերգեյ Լավրովն է ասել, «այնքան բան է կուտակվել իրար վրա, որ գլուխ հանելը հեշտ չի լինի»), արևմտյան կրեմլինագետները վախենում են հարաբերությունների ջերմացման ակնարկից անգամ։

Առաջիկա հանդիպման շուրջ անտանելի տեղեկատվական մթնոլորտ ստեղծելու իրենց ձգտումով տարված՝ նրանք նույնիսկ սրբությանն են կպել․ սկսել են հրապարակավ բարձրաձայնել այն միտքը, որ Թրամփն իր արտաքին քաղաքականությունն ավելի խելամիտ էր կառուցում, քան հիմա անում է Բայդենը։

Այս առումով շատ հատկանշական է The Times-ի թարմ սյունակը՝ Բրիտանիայի հիմնական կրեմլագետ Էդվարդ Լուկասի ստորագրությամբ, որը երկար տարիներ արևմտյան ԶԼՄ-ներում գլխավորում է Ռուսաստանի դեմ «խաչակրաց արշավանքը»։

Հայտարարելով, որ «Բայդենի թիմը կրկնում է Ռուսաստանի հարցում Օբամայի վարչակազմի սխալները», Լուկասը մի հայտարարություն է անում, որը դեռ բոլորովին վերջերս անհավանական էր թվում Արևմուտքի լիբերալ մամուլի համար․ «Հակառակը, Դոնալդ Թրամփի՝ որպես անհետևողական արտաքին քաղաքականություն վարող մարդու համբավը ավելի ու ավելի հանիրավի ու անտեղի է թվում։

Նա ճիշտ էր Չինաստանի վերաբերյալ․․․ Նա արդարացիորեն քննադատում էր Գերմանիային՝ պաշտպանության հանդեպ նրա ժլատ, ոչ կոմպետենտ և ինքնագոհ մոտեցման համար։ Նա նաև ավելացրեց Եվրոպայում ԱՄՆ ռազմական ներկայությունը»։

Եվ սա գրում է մի մարդ, որը դեռ վերջերս վաղուց պնդում էր, որ «Թրամփը դարձել Է Պուտինի դաշնակիցը Արևմուտքի դեմ Ռուսաստանի պատերազմում»։ Կարելի է պատկերացնել ժնևյան հանդիպումից առաջ Ռուսաստանի մշտական քննադատի վախի մակարդակը, եթե նա պատրաստ է համաշխարհային պատմության մեջ Թրամփի դերի նման վերաիմաստավորման։

Ընդդեմ Կրեմլի մեկ այլ մշտական մարտիկ՝ Ռուսաստանում ԱՄՆ նախկին դեսպան Մայքլ Մաքֆոլը կիսում է իր գործընկերոջ մտավախությունները տեսական «վերաբեռնավորման» վերաբերյալ: Իհարկե, ի տարբերություն բրիտանացու, ամերիկացի դեմոկրատը չի կարող Թրամփի հասցեին հաճոյախոսություններ թույլ տալ, բայց The Washington Post-ի իր վերջին սյունակում նա առճակատման ուղիղ կոչ է անում. «Բայդենի նպատակը չպետք է լինի «Ռուսաստանի հետ հարաբերությունները կարգավորելը»։ Դրա փոխարեն Բայդենը և նրա թիմը պետք է հստակ նպատակներ ձևակերպեն անվտանգության, տնտեսության, արժեքների ոլորտում, որոնց նրանք մտադիր են հասնել, այնուհետև պետք է պատրաստվեն հիասթափությունների»։

«Կարող է անակնկալ լինել». քաղաքագետը՝ Պուտինի և Բայդենի հանդիպման մասին

Մաքֆոլն էլ ավելի անկեղծ է արտահայտվել MSNBC հեռուստաալիքին տված հարցազրույցում։ «Մի բան կա, որը հույս ունեմ, որ տեղի չի ունենա․ որ նախագահ Բայդենը կշարունակի խոսել Պուտինի հետ կայուն և կանխատեսելի հարաբերությունների մասին։ Նման բան չի լինի»։

Պաշտոնաթող դիվանագետն անընդհատ հույս է հայտնում, որ Բայդենը Ժնևում ոչ մի դեպքում Մոսկվայի հետ մերձեցում չի սկսի, այլ կսահմանափակվի միայն «կոշտ մեսիջներով»։

Եթե նայենք իրենց «Ռուսաստանի հարցով փորձագետներ» անվանող վերլուծաբանների հայտարարություններն ու հոդվածները, նրանց մտքերն այս հարցում համընկնում են։ Ֆրանսիացի կրեմլագետ Մեթյու Բուլեգը՝ բրիտանական Չաթեմ Հաուս կենտրոնի վերջին սկանդալային զեկույցի հեղինակներից մեկը, որը Ռուսաստանի հավերժական մեկուսացման կոչ էր արել, կանխատեսելով Ժնևի գագաթնաժողովի հնարավոր արդյունքները, անկեղծորեն գրում է. «Իրականում լավ է, որ հիմա Մոսկվայի հետ հարաբերությունները չեն բարելավվում»:

Նա նույնպես զզվանքով է հիշում նախորդ «վերաբեռնավորումները» և կարծում է, որ արևմտյան քաղաքական գործիչների՝ Մոսկվայի հետ կրկին համաձայնության գալու փորձերը վկայում են նրանց մոտ «մկանային հիշողության» բացակայության, ինչպես նաև «նախորդ փորձից դասեր քաղելու նրանց հավաքական անկարողության մասին»։

Բուլեգը, շարունակելով Չաթեմ Հաուսի զեկույցի գիծը, ռուսների հետ հավերժական առճակատման քաղաքականության ուղիղ կոչ է անում՝ առանց որևէ բարելավման հնարավորության: Նա նույնիսկ չի գիտակցում, որ հակասում է ինքն իրեն, երբ միևնույն հոդվածում պնդում է, որ Ռուսաստանը «անկում է ապրում» և որ այն (այլ ոչ թե Չինաստանը), միևնույնն է, պետք է շարունակի մնալ ԱՄՆ-ի արտաքին քաղաքականության առաջնահերթությունը։ Մինչդեռ թվում է՝ ինչո՞ւ պետք է անհանգստանաս մրցակցի համար, եթե նա «անկում է ապրում»։

Այս բոլոր դատողությունները Բուլեգը հրապարակում է Եվրոպական քաղաքականության վերլուծության կենտրոնի (Center for European Policy Analysis, կամ CEPA) կայքի էջերում, որը վերջին ժամանակներս դարձել է վելուծության հավակնող հակառուսական նյութերի գլխավոր ստեղծողներից մեկը։ Հենց այդ կենտրոնի փորձագետներն էին վերջերս «Ռուսաստանի կառավարելի փլուզման» բացահայտ կոչ անում։

Ով պետք է որոշի Պուտինի և Բայդենի հանդիպման ձևաչափը. Պեսկովի պատասխանը

Սկսվեց կրեմլագետների վերածնունդը, որոնք, դատելով բրիտանական Integrity Initiative-ի նման զանազան նախագծերի հետ կապված արտահոսքից՝ սկսել են բավականին լավ փողեր աշխատել։ Իհարկե, նման նախագծերում ներգրավված մարդիկ իրենցից կախված ամեն ինչ կանեն, որպեսզի խափանեն լիցքաթափում հիշեցնող ցանկացած բան։

Ճիշտ է, «Ռուսաստանի հարցով փորձագետների» մեծ պահանջարկը հանգեցրեց նրան, որ այդ շարքերում հայտնվեցին գործիչներ, որոնք մինչ այդ ոչ մի կապ չունեին ոչ Ռուսաստանի, ոչ էլ նույնիսկ հետխորհրդային տարածքի հետ։ Այստեղից էլ առաջացան կրեմլագետները, որոնք կարծում են, թե Օդեսան Ղրիմում է, կամ որոնք Ուկրաինային կոչ են անում հրթիռային հարված հասցնել Ղրիմի կամրջին։

Ի դեպ, վերջին «փորձագետը» (ամերիկացի սյունակագիր Թոմ Ռոգանը) հիմա հասել է այն մտքին, որ արդեն Բայդենն էլ է վերածվել «Ռուսաստանի նախագահի ցրիչի»։ Իսկ ամերիկացի մեկ այլ լրագրող՝ Գլեն Գրինվալդը, որը ժամանակին հայտնի էր դարձել Էդվարդ Սնոուդենի նյութերի հրապարակմամբ, վերսկսել է հին երգը, որը լիբերալ մամուլը երգում էր Թրամփի մասին․ «Ի՞նչ ունի Պուտինը նախագահ Բայդենի վրա․ ֆինանսական, քաղաքական կամ անձնական։ Պատասխանը չգիտեմ, բայց այստեղ ակնհայտորեն ինչ-որ տարօրինակ բան է տեղի ունենում»։ Այսպիսին է նոր արևմտյան «վերլուծաբանության» մակարդակը։

«Ուժեղ ու զսպող դաս տալ Իսրայելին». Պուտինն ու Էրդողանը քննարկել են իրավիճակը Պաղեստինում

Առաջիկա օրերին մենք բազմաթիվ նման նյութեր կտեսնենք։ Իհարկե, Բայդենի վրա մեդիաճնշման աստիճանն առայժմ անհամեմատելի է «Ռաշագեյթի» շուրջ հակաթրամփական հիստերիկայի հետ։ Բայց կասկած չկա, որ այն կուժեղանա, եթե մեր հարաբերություններում էսկալացիայի մակարդակի նվազման թեկուզ ինչ-որ ակնարկներ ի հայտ գան։ «Կրեմլինոլոգիան», թեև ավելի ու ավելի գրոտեսկային ձևեր է ստանում, չափազանց եկամտաբեր գործ է դարձել ինքնակոչ փորձագետների և լրագրողների զգալի զանգվածի համար։ Նրանք հաստատ երբեք նոր լիցքաթափում չեն ցանկանա, անգամ եթե նման հեռանկար գոյություն ունենար։

79
թեգերը:
Ջո Բայդեն, Վլադիմիր Պուտին, Ռուսաստան, ԱՄՆ
Ըստ թեմայի
Բայդենի խորհրդականը Ադրբեջանի ԶՈւ գործողությունները սադրիչ է անվանել
Բայդենի վարչակազմը Հայաստանին 24 մլն դոլար կտրամադրի․ Հայ դատի հանձնախումբը դժգոհ է
«Հյուսիսային հոսք-2»-ին վերջին ճակատամարտն է հայտարարվել
Երգչուհի Մաքսիմ

Բժիշկները երգչուհի Մաքսիմին արհեստական կոմայի մեջ են գցել

184
38-ամյա երգչուհուն շտապօգնության մեքենայով տեղափոխել են հիվանդանոց, որտեղ նրա վիճակը վատացել է:

ԵՐԵՎԱՆ, 19 հունիսի – Sputnik. Ռուս հայտնի երգչուհի Մաքսիմին (Մարինա Աբրոսիմովա) բժիշկները արհեստական կոմայի մեջ են գցել այն բանից հետո, երբ երգչուհու մոտ թոքաբորբ և թոքերի 40%-ի ախտահարում է ախտորոշվել։ Տեղեկությունը հայտնում է ՌԻԱ Նովոստին։

Նշվում է, որ մրսածության առաջին նշանները երգչուհու մոտ ի հայտ են եկել մեկ շաբաթ առաջ։ Նա կորոնավիրուսի թեստ է հանձնել, որը բացասական է եղել։ Իսկ մի քանի օր անց 38-ամյա երգչուհուն շտապօգնության մեքենայով տեղափոխել են Մոսկվայի հիվանդանոցներից մեկը, որտեղ նրա վիճակը վատացել է:

Երգչուհի Մանիժան «գաղտնի» այցելել է Երևան

Երգչուհու ինքնազգացողության վատացման մասին լուրը հաստատել է նրա PR տնօրենը` Յանա Բոգուշևսկայան։

Նա ասել է` ճիշտ է, այժմ երգչուհին միացված է արհեստական շնչառության սարքին, սակայն խուճապի մատնվելու կարիք չկա, քանի որ նա հիանալի բժիշկների ձեռքերում է։

Նշենք, որ բժիշկները նման որոշում են կայացրել երգչուհու ներքին օրգանների վրա ծանրաբեռնվածությունը նվազեցնելու, թթվածնային քաղցը կանխելու համար։ Ամենայն հավանականությամբ, երգչուհին արհեստական կոմայի մեջ կմնա մի քանի օր։

«Սա կարևոր իրադարձություն է իմ կյանքում». երգչուհի Մարգարիտա Պոզոյանը ուրախ լուր է հայտնել

184
թեգերը:
կոմա, բժիշկ, Ալսու
Վլադիմիր Պուտին

Վլադիմիր Պուտինն ասել է` ովքեր կլինեն «Եդինայա Ռոսիայի» ցուցակի առաջին հնգյակում

141
(Թարմացված է 21:01 19.06.2021)
Ռուսաստանի նախագահ Վլադիմիր Պուտինը «Եդինայա Ռոսիա» կուսակցության համագումարում հանդես է եկել ծրագրային հայտարարությամբ:

ԵՐԵՎԱՆ, 19 հունիսի – Sputnik. Հունիսի 19-ին, հանդես գալով «Եդինայա Ռոսիա» կուսակցության հոբելյանական 20-րդ համագումարում, ՌԴ նախագահ Վլադիմիր Պուտինը հայտարարել է կուսակցության նախընտրական ցուցակի առաջին հինգ անձանց անունները։ Տեղեկությունը հայտնում է ՌԻԱ Նովոստին։

ՌԴ նախագահի վարկածով՝ այդ ցուցակում են պաշտպանության և արտաքին գործերի նախարարներ Սերգեյ Շոյգուն և Սերգեյ Լավրովը, «Համառուսական ազգային ճակատի» (ОНФ) կենտրոնական շտաբի համանախագահ, «Տաղանդ և հաջողություն» հիմնադրամի ղեկավար Ելնա Շմելևան և ՌԴ-ի երեխայի իրավունքների հարցով լիազոր Աննա Կուզնեցովան, ինչպես նաև թիվ 40 քաղաքային կլինիկական հիվանդանոցի բժիշկ Դենիս Պրոցենկոն։

Նախագահը խոսել է կուսակցության կազմը նորացնելու, երիտասարդներին ներգրավելու մասին։

«Կարևոր է, որ կուսակցությունը ձգտում է թարմացման, իր շարքերը համալրում է ոչ թե պլանային բաշխմամբ, ոչ թե անկետաներով, այլ հենվում է նրանց վրա, ովքեր իրենց դրսևորում են գործում, կենդանի աշխատանքում, այդ թվում՝ համաճարակի շրջանում պատասխանատվություն է վերցնում, վերցրել իր վրա, գնում է այնտեղ, որտեղ մասնակցություն և օգնություն է անհրաժեշտ, որտեղ կոնկրետ մարդու ուժերն են անհրաժեշտ, նրա գիտելիքը, հանրությանը ծառայելու ցանկությունը»,-ասել է Ռուսաստանի նախագահը։

Հայտնի է` ինչ նվերներ են միմյանց փոխանցել Պուտինն ու Բայդենը

Պուտինը հիշեցրել է նաև, որ «Եդինայա Ռոսիան» ազդեցիկ կուսակցություն է և պահանջները նրանից հատկապես շատ են լինելու։

«Ձեզնից, բնականաբար, հատուկ պահանջներ կլինեն։ Եվ դա արդարացի է։ Դուք ազդեցիկ քաղաքական կուսակցություն եք, նշանակում է՝ պատասխանատու եք ամեն ինչի համար»,-ասել է Պուտինը։

Ուստի, ինչպես ավելացրել է ՌԴ նախագահը, «պետք է պատրաստ լինել ոչ միայն հարմար, շահեկան թեմաներով խոսակցության, այլև տհաճ գնահատականների»։

Պետդումայի պատգամավորների ընտրությունները կկայանան 2021 թվականի սեպտեմբերի 19-ին: Դուման ընտրվում է հինգ տարով խառը ընտրական համակարգով. տեղերի կեսը՝ 225–ը, ընտրվում է կուսակցական ցուցակներով, իսկ մյուս կեսը՝ 225–ը, միամանդատ ընտրատարածքներով։

Էրդողանը հայտարարել է, որ առաջիկայում կհանդիպի Պուտինի հետ

141
թեգերը:
Պետդումա, Սերգեյ Շոյգու, Սերգեյ Լավրով, Վլադիմիր Պուտին, Ռուսաստան

Ինչպես հրշեջները մարեցին Նուբարաշենի աղբավայրի հրդեհը. տպավորիչ լուսանկարներ

0
(Թարմացված է 22:01 19.06.2021)
  • Նուբարաշենի աղբավայր
  • Փրկարարների հերթական ջոկատը մոտենում է Նուբարաշենի աղբավայրին
  • ԱԻՆ աշխատակից
  • ԱԻՆ–ի ավտոմեքենա
  • ԱԻՆ աշխատակիցը պատրաստվում է մարել հրդեհի հերթական օջախը
  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
  • Sputnik Արմենիայի թղթակիցը զրուցում է ԱԻՆ աշխատակցի հետ
  • Հրդեհի օջախներ
  • ԱԻՆ աշխատակիցները պատրաստվում են մարել հրդեհի հերթական օջախը
  • ԱԻՆ աշխատակիցը մարում է հրդեհը
  • ԱԻՆ աշխատակից
  • ԱԻՆ աշխատակիցները մարում են հրդեհի օջախը
  • ԱԻՆ աշխատակիցը մարում է հրդեհի օջախը
  • Ինչ տեսք ունի Երևանը Նուբարաշենի աղբավայրից
Հայաստանի ամենախոշոր աղբավայրում բռնկված հրդեհը մարել են, բայց հրշեջ–փրկարարները շարունակում են հերթապահել տարածքում:

ՀՀ արտակարգ իրավիճակների նախարարության հրշեջ-փրկարարները 10 օր շարունակ 24-ժամյա ռեժիմով աշխատում էին Հայաստանի ամենամեծ աղբավայրում և մարում էին հրդեհի օջախները։

Միայն 10 անց նրանց հաջողվեց վերջնականապես մարել հունիսի 8-ին բռնկված հրդեհը։ Հրշեջ–փրկարարների աշխատանքին խանգարում էին մի շարք գործոններ ՝ չոր եղանակը, քամին, ինչպես նաև տեղանքի դժվարամատչելիությունը։

Sputnik Արմենիայի նկարահանող խումբն այցելել էր աղբավայր և սեփական աչքերով տեսել, թե ինչպես են հրշեջները պայքարում կրակի դեմ։ 

Հիշեցնենք` հունիսի 8-ին՝ ժամը 10։04-ին Ճգնաժամային կառավարման ազգային կենտրոնը տեղեկություն էր ստացել, որ հրդեհ է բռնկվել Երևանի Նուբարաշենի աղբավայրում։ Դեպքի վայր էին մեկնել հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Հրդեհը մեկուսացվել էր ժամը 18։40-ին։ Սահմանվել էր հերթապահություն։ Հունիսի 9-ին և 10-ին դեպքի վայրում հերթապահող հրշեջ-փրկարարական ջոկատը նկատել էր հրդեհի նոր երկու օջախ, որոնցից մեկը մարվել էր, արդյունքում այրվել էր մոտ 400 խմ շինարարական աղբ։

Հրդեհաշիջման աշխատանքներին ներգրավված էին Երևանի քաղաքապետարանի հինգ ջրատար, երկու բեռնատար մեքենա, հինգ տրակտոր, օժանդակ մեքենա (ջրատար), երկու ինժեներական տեխնիկա և ինքնաթափ մեքենա։

0
  • Նուբարաշենի աղբավայր
    © Sputnik / Aram Nersesyan

    Նուբարաշենի աղբավայր

  • Փրկարարների հերթական ջոկատը մոտենում է Նուբարաշենի աղբավայրին
    © Sputnik / Aram Nersesyan

    Փրկարարների հերթական ջոկատը մոտենում է Նուբարաշենի աղբավայրին

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ–ի ավտոմեքենա
    © Sputnik / Aram Nersesyan

    ԱԻՆ–ի ավտոմեքենա

  • ԱԻՆ աշխատակիցը պատրաստվում է մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցը պատրաստվում է մարել հրդեհի հերթական օջախը

  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
    © Sputnik / Aram Nersesyan

    ԱԻՆ աշխատակիցները մարում են Նուբարաշենի աղբավայրում բռնկված հրդեհը

  • Sputnik Արմենիայի թղթակիցը զրուցում է ԱԻՆ աշխատակցի հետ
    © Sputnik / Aram Nersesyan

    Sputnik Արմենիայի թղթակիցը զրուցում է ԱԻՆ աշխատակցի հետ

  • Հրդեհի օջախներ
    © Sputnik / Aram Nersesyan

    Հրդեհի օջախներ

  • ԱԻՆ աշխատակիցները պատրաստվում են մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցները պատրաստվում են մարել հրդեհի հերթական օջախը

  • ԱԻՆ աշխատակիցը մարում է հրդեհը
    © Sputnik / Aram Nersesyan

    ԱԻՆ աշխատակիցը մարում է հրդեհը

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ աշխատակիցները մարում են հրդեհի օջախը
    © Sputnik / Aram Nersesyan

    ԱԻՆ աշխատակիցները մարում են հրդեհի օջախը

  • ԱԻՆ աշխատակիցը մարում է հրդեհի օջախը
    © Sputnik / Aram Nersesyan

    ԱԻՆ աշխատակիցը մարում է հրդեհի օջախը

  • Ինչ տեսք ունի Երևանը Նուբարաշենի աղբավայրից
    © Sputnik / Aram Nersesyan

    Ինչ տեսք ունի Երևանը Նուբարաշենի աղբավայրից

թեգերը:
Լուսանկար, հրշեջ, Նուբարաշենի աղբավայր, Հայաստան