Կլինիկա

ԵԱՏՄ երկրները կանցնեն դեղերի գրանցման ընդհանուր կանոնների

39
(Թարմացված է 20:22 04.06.2021)
ԵԱՏՄ երկրները դեղերի վերահսկման միասնական կանոններ են ձևակերպում: Խիստ վերահսկողությունը կբարելավի որակը և կբացի նոր շուկաներ:

ԵՐԵՎԱՆ, 4 հունիսի - Sputnik. Եվրասիական տնտեսական միության երկրները 2021 թվականի կեսերից կանցնեն դեղերի շուկայի գրանցման ընդհանուր համակարգի: Տեղեկությունը Sputnik Արմենիային տված հարցազրույցում ասաց Եվրասիական տնտեսական հանձնաժողովի տեխնիկական կարգավորման նախարար Վիկտոր Նազարենկոն:

Նրա խոսքով` Ռուսաստանն արդեն անցել է վերազգային կարգավորման, իսկ այս տարվա երկրորդ կեսին նրա օրինակին կհետևեն նաև ԵԱՏՄ մյուս երկրներ:

«Մենք ստեղծում ենք վերպետական կարգավորում դեղարտադրության բոլոր փուլերում ՝ սկսած նախակլինիկական և կլինիկական փորձարկումներից, փորձաքննությունից, փաստաթղթերի ձևավորումից մինչև գրանցում», - ասել է Նազարենկոն։

Նոր կարգավորման շնորհիվ դեղերի որակը շատ ավելի խիստ կգնահատվի, ինչը նշանակում է վաճառքի նոր շուկաների հնարավորություն: Այդ նպատակով կկազմվի միասնական կառավարման փաստաթուղթ` հիմնված եվրոպական ստանդարտների վրա: Դա կդյուրացնի դեղերի արտահանումը ԵԱՏՄ-ից դուրս:

ԵԱՏՄ-ում գազի միասնական շուկայի համար պայմաններ ստեղծելը շատ կարևոր է․ Փաշինյան

Դեղորայքի վերազգային գրանցմանն անցումը նախատեսվում է ավարտել մինչև 2025 թվականը, հետևաբար ԵԱՏՄ երկրները ստիպված պետք է լինեն վերանայել և վերջնական տեսքի բերել իրենց ազգային օրենսդրական նորմերը։

39
թեգերը:
Հայաստան, Դեղ, Եվրասիական տնտեսական միություն (ԵԱՏՄ)
թեմա:
Հայաստան և ԵԱՏՄ (252)
Ըստ թեմայի
Ադրբեջանը չի մասնակցել ԵԱՏՄ նիստին, քանի որ Հայաստանը չի համաձայնել. Մհեր Գրիգորյան
ԵԱՏՄ միջկառավարական խորհրդի հաջորդ նիստը կկայանա օգոստոսին
ԵԱՏՄ-ն ձգտում է նվազագույնի հասցնել ներմուծման ազդեցությունը դեղերի շուկայի վրա. Քամալյան
Դատարան

Բաքվի դատարանը սկսել է 13 հայ գերիների գործով լսումները

20
Բաքուն հայ գերիներին մեղադրում է Ադրբեջանի զինծառայողների և խաղաղ բնակիչների դեմ ահաբեկչական, հետախուզական և այլ գործողություններ կատարելու մեջ:

ԵՐԵՎԱՆ, 21 հունիսի – Sputnik. Բաքվի դատարանն այսօր սկսել է 13 հայ գերիների գործով լսումները, նրանք մեղադրվում են ահաբեկչական գործողություններ կատարելու նպատակով Ադրբեջանի տարածք ապօրինի մուտք գործելու մեջ։ Տեղեկությունը հայտնում է Sputnik Ադրբեջանը։

Ամբաստանյալների աթոռին նստած են Եղիշ Հովհաննեսի Աստանյանը, Կարեն Արմենի Արամյանը, Տիգրան Մանիկի Ավագյանը, Գրիգոր Գևորգի Գևորգյանը, Հովսեփ Ռոբերտի Մանուկյանը, Գևորգ Սամվելի Մարտիրոսյանը, Ռոբերտ Հովիկի Գևորգյանը, Վաղարշակ Աշոտի Ավետիսյանը, Վոլոդյա Գագիկի Հակոբյանը, Անդրանիկ Սրապի Սուքիասյանը, Անդրանիկ Տիգրանի Մանուկյանը, Գրիգոր Սեյրանի Սաղաթելյանը և Էդուարդ Արմենի Կիրակոսյանը:

Բաքուն հայ գերիներին մեղադրում է, որ 2020թ.նոյեմբերի 9-ին եռակողմ հայտարարությունից հետո «ապօրինի և գաղտնի մուտք գործելով ադրբեջանական տարածք` Ադրբեջանի զինծառայողների և խաղաղ բնակիչների դեմ ահաբեկչական, հետախուզական և այլ հանցավոր գործողություններ են կատարել»:

Հետաքննությունը հաստատում է, որ Հայաստանի մի խումբ քաղաքացիներ, 2020 թվականի նոյեմբերի 26-27-ը իբր ապօրինաբար հատել են «Ադրբեջանի պետական սահմանը», հարձակումներ են կատարել ձեռնարկությունների, հիմնարկների և կազմակերպությունների, ինչպես նաև առանձին անձանց վրա, կազմակերպել են պայթյուններ, հրդեհներ և ահաբեկչական այլ գործողություններ:

Հիշեցնենք` հունիսի 17-ին ՀՀ վարչապետի պաշտոնակատար, «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը Հանրային հեռուստաընկերության եթերում հայտարարեց, որ Ադրբեջանում գտնվող հայ գերիների ճշտված թիվը 60 է, չճշտվածներինը՝ 110։

Արմեն Սարգսյանը գերիների թեմայով խոսել է Իտալիայի Սենատի փոխնախագահի հետ

20
թեգերը:
գերի, հայ, Դատարան, Ադրբեջան
Ըստ թեմայի
Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին
«Իշխանությունը վա բանկ է գնում». քաղտեխնոլոգն անդրադարձել է քարտեզի դիմաց գերիներ բերելուն
Կանադայում հայերն ու հույները բողոքի ակցիա են արել` պահանջելով վերադարձնել հայ գերիներին
Դմիտրի Պեսկով

Մոսկվան Փաշինյանի կուսակցության համոզիչ հաղթանակի առթիվ շնորհավորել է Հայաստանի ժողովրդին

180
(Թարմացված է 13:54 21.06.2021)
Կրեմլը հույս է հայտնել, որ ժողովրդի որոշումը կօգնի երկրին դուրս գալ կայուն զարգացման ուղեգիծ։

ԵՐԵՎԱն, 21 հունիսի - Sputnik. Կրեմլը հետևում է Հայաստանում ընտրությունների հետ կապված իրավիճակին ու ցանկանում, որ ժողովրդի որոշումն օգնի երկրին դուրս գալ կայուն զարգացման ուղեգիծ, հայտարարել է ՌԴ նախագահի մամուլի խոսնակ Դմիտրի Պեսկովը։

Նա նաև նշել է, որ ընտրություններում տեսան Փաշինյանի կուսակցության համոզիչ հաղթանակը, ու շնորհավորել է հայ ժողովրդին՝ ընտրության առիթով։

Նշենք, որ ԿԸՀ–ն ամփոփել է բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

180
թեգերը:
Դմիտրի Պեսկով, Ընտրություններ, Հայաստան, Ռուսաստան
Ըստ թեմայի
Քաղաքական ուժերի՝ մանդատներից հրաժարվելու տարբերակ օրենքը չի նախատեսում. Մուկուչյան
Բաց ու թափանցիկ. ԱՊՀ դիտորդները լուրջ խախտումներ չեն արձանագրել ընտրությունների ընթացքում
Հաջողություններ եմ մաղթում. Արայիկ Հարությունյանը շնորհավորել է Փաշինյանին

Կփոխվե՞ն արդյոք Իրան-Հայաստան հարաբերությունները Էբրահիմ Ռայիսիի հաղթանակից հետո

0
0