իսկանդեր, ռուսաստան, նատօ, iskander, rusastan, nato
«Իսկանդեր-1»

«Արգելման գոտի» ՆԱՏՕ-ի համար. ռուսական «Իսկանդերները» նոր հրթիռներ են ստացել

244
(Թարմացված է 23:34 03.06.2021)

Ռուսաստանի զենքի առաջատար տեխնոլոգիաների զարգացումն ուղղված է պոտենցիալ ագրեսորների զսպմանը և խաղաղության պահպանմանը։ Կայունության ամրապնդման հուսալի գործիքներից մեկը մնում է «Իսկանդեր-Մ» օպերատիվ-մարտավարական հրթիռային համալիրը, որը ժամանակի ընթացքում մեծացնում է մարտական հնարավորությունները: Նոր կառավարվող սթելս-հրթիռները հավանական հակառակորդի համար գլխացավանք կդառնան:

Ալեքսանդր Խրոլենկո, ռազմական վերլուծաբան

«Իսկանդեր-Մ» բազմաթիրախային համակարգը ստացել է նոր, հակառակորդի ընդունիչների համար բոլորովին անտեսանելի բարձր ճշգրտությամբ աերոբալիստիկ հրթիռ, որը կառավարվում է ամբողջ թռիչքի ընթացքում, կարող է բարդագույն մանևրներ կատարել ու խոցել թիրախները մինչև 500 կմ հեռավորության վրա: Ստեղծվել է կառավարման ավելի կատարյալ համակարգ, կառուցվածքում լայնորեն կիրառվում են կոմպոզիտային նյութեր: Նոր անտեսանելի հրթիռը կանխատեսելի կերպով կպահպանի հածանավային արագությունը՝ ավելի քան 7500 կմ/ժամ (500 կմ՝ չորս րոպեում) ու մարտական մասի վերազինման հիմնական տարբերակները՝ բեկորային-ֆուգասային, կասետային ու հատուկ (միջուկային): Ավելի վաղ «Իսկանդերի» զինամթերքի շարքում եղել են աերոբալիստիկ հրթիռների հինգ տեսակ ու թևավոր հրթիռների երկու տեսակ:

Մայիսի 27-ին պաշտպանական թեմայով խորհրդակցություններից մեկի ժամանակ Ռուսաստանի նախագահ Վլադիմիր Պուտինը խոսել է արտասահմանյան անալոգների նկատմամբ «Իսկանդեր» համալիրի տեխնոլոգիական ու մարտական գերազանցության մասին: ՆԱՏՕ-ի ստրատեգների վարկածով՝ «Իսկանդեր-Մ»-ը ռուսական զենքի ամենավտանգավոր տեսակների եռյակում է՝ C-400 «Տրիումֆ» զենիթահրթիռային համակարգի ու «Բաստիոն» առափնյա հրթիռային համալիրի հետ: Ընդ որում՝ «Իսկանդերը» մշտապես մեծացնում է մարտական հնարավորությունները, ստուգված է մարտական պայմաններում Սիրիայի Արաբական Հանրապետության տարածքում: Փորձագետների կարծիքով՝ արդիականացման ներուժը թույլ կտա «Իսկանդերին» մինչև 2030 թվականը լավագույնը մնալ աշխարհում:

Ավելի վաղ ՌԴ ՊՆ-ից հայտնել էին «Իսկանդեր-Մ»-ի բոլոր տասը հրթիռային բրիգադների վերազինման ու ևս երեքի ձևավորման մասին: Ռուսական պաշտպանական արդյունաբերությունը տարեկան երկու բրիգադի հավաքածու է արտադրում: «Իսկանդեր-Է» համալիրի արտահանման տարբերակը (հեռավորությունը՝ մինչև 280 կմ) առկա է Հայաստանի ու Ալժիրի սպառազինության մեջ։

Մարտական հնարավորություններ

«Իսկանդերը» նախատեսված է հակառակորդի զորքերի առանձնահատուկ կարևոր օբյեկտների՝ հրամանատարական կետերի, զենիթային հրթիռների արձակման կայանքների ու միջուկային մարտագլխիկներով գործողության միջին շառավղով հրթիռների, օդանավակայանների, ռազմական նավերի և այլ թիրախների խոցման համար:

Ինչպես են թռչում, մանևրում և խոցում թիրախը․ ամեն ինչ «Իսկանդերի» մասին

«Իսկանդեր-Մ» բրիգադի կոմպլեկտը բաղկացած է 51 մեքենայից, ներառյալ 12 արձակման կայանքները, 12 տրանսպորտային-լիցքավորիչները, 11 հրամանատարաշտաբային ու 14 կենսաապահովման մեքենաները: Երկու րոպեի ընթացքում բրիգադը կարող է 24 հրթիռով (մինչև վերալիցքավորումը) հարված հասցնել, ուժեղացված բրիգադի համազարկը 32 հրթիռ է:

«Իսկանդերի» աէրոբալիստիկ հրթիռները (3.8 տոննա, 7.2 մ երկարություն) թռչում են քվազիբալիստիկ հետագծերով մինչև 50 կմ բարձրությունների վրա, թևավոր հրթիռները շարժվում են 6-7 մետր բարձրության վրա, ճկելով ռելիեֆը: Հաղթահարում են 500 կմ 4 րոպեում, շեղվելով նպատակից ոչ ավելի, քան 1 մետր: Փոքր ռեֆլեկտիվ մակերևույթն ու բարդ հետագիծը շանս չեն թողնում ՀՕՊ-ի բոլոր առկա և հեռանկարային համակարգերին: Հրթիռները կարող են ակտիվորեն մանևրել մինչև 30g ծանրաբեռնվածությամբ, դրանց հետագծերն անկանխատեսելի են։ «Իսկանդերի» հրթիռները որսալ գրեթե անհնար է։ Նման հատկություններ չունի աշխարհում ոչ մի օպերատիվ-մարտավարական հրթիռ։

«Իսկանդեր-Մ» հրթիռային բրիգադի կառավարման համակարգը հրթիռային հարվածների նախապատրաստման և կիրառման հիմնական գործընթացների ինտեգրման և ավտոմատացման հաշվին ապահովում է արդյունավետ մարտական կիրառություն: «Իսկանդեր-Մ»-ը զորքերի կառավարման ավտոմատացված համակարգի հետ ինտեգրման դեպքում կարող է իրական ժամանակի ռեժիմում նշանառություն ստանալ ավիացիայից, նավատորմից, հետախուզությունից, ԱԹՍ-ից ու հարվածներ հասցնել ծովային շարժական թիրախներին:

Ծովային թիրախների վրա «Իսկանդերների» առաջին կրակոցները տեղի են ունեցել Հարավային ռազմական օկրուգում 2020 թվականի ամռանը՝ որպես պատասխան հավանական հակառակորդի հարձակողական մարտավարության զարգացմանն ու Բալթյան և Սևծովյան տարածաշրջաններում ՆԱՏՕ-ի զորքերի դեսանտավորման տարբերակների մշակմանը: «Բալ» և «Բաստիոն» (համապատասխանաբար 260 կմ ու 350 կմ հեռահարությամբ) առափնյա համալիրների հետ մարտական ինտեգրման մեջ ավելի հզոր «Իսկանդերը» կարող է ամրապնդել ափերի էշելոնացված պաշտպանությունը, անառիկ դարձնել երկրի ծովային սահմանները: Նշենք, որ Կալինինգրադի մարզում մշտական հիմունքներով «Իսկանդեր-Մ» բրիգադի տեղակայումը կապված է բալթյան տարածաշրջանում ՆԱՏՕ-ի ռազմական ակտիվության աճի հետ։ Դա Ռուսաստանի արձագանքն է «գործընկերների» ագրեսիվ նախապատրաստություններին:

Թերարժեքության բարդույթ

«Իսկանդերներով» տասը հրթիռային բրիգադները կարող են բարձր ճշգրտությամբ գրեթե 300  հրթիռներով համազարկ տալ և այն կրկնել արձակման կայանքների օպերատիվ վերալիցքավորումից հետո: Այդ հզոր զենքը նախատեսված չէ ագրեսիայի համար, բայց այնուամենայնիվ, մշտապես նյարդայնացնում է ՆԱՏՕ-ին։ «Իսկանդեր-Մ»-ը գերազանցում է արտասահմանյան լավագույն անալոգներին (Lance, ATACMS, Pluton) հրթիռների գործարկմանը նախապատրաստվելու ճշգրտությամբ, օպերատիվությամբ և այլ բնութագրերով։ Իսկ ԱՄՆ-ում հրաժարվել են այդ համակարգի սեփական անալոգից, քանի որ պարզապես չեն կարողացել մշակել այն։

«Իսկանդեր-Մ» համալիրի գլխավոր առավելություններն են ռազմավարական շարժունակությունը, մարտական հերթապահության և հարվածներ հասցնելու գաղտնիությունը, թռիչքային առաջադրանքի ավտոմատ հաշվարկն ու ներմուծումը, մարտական խնդրի կատարման բարձր հավանականությունը կրակային և ռադիոէլեկտրոնային հակազդեցության պայմաններում։ Դա անլուծելի խնդիր է ցանկացած ագրեսորի համար:

Ռուսաստանը ռազմական ծախսերի գծով առաջին հնգյակում է. միտումները` աշխարհում և ԱՊՀ–ում

ՆԱՏՕ-ի դոկտրինի համաձայն՝ «Իսկանդեր-Մ»-ը A2/AD (anti-access and area denial) «մուտքի արգելման գոտի» ստեղծելու միջոց է, դաշինքի ուժերը չեն կարող գործել խոցման շառավղով (500 կմ)՝ առանց «անընդունելի վնաս» ստանալու ռիսկի: Եվ մարտավարական միջուկային հարվածի հավանականությունն էլ ավելի է հուսահատեցնում «գործընկերներին»։

Միաժամանակ ԱՄՆ ՌՕՈւ-ի ռազմավարական ռմբակոծիչների պլանային թռիչքները Բալթիկայի վրայով և ուսումնական ռմբակոծությունները Սանկտ Պետերբուրգի մերձակայքում գտնվող մերձբալթյան զորավարժարաններում առօրեական են դարձել:

ԱՄՆ-ում ոչ ռազմավարական են անվանում 5500 կիլոմետրից պակաս խոցման հեռահարություն ունեցող միջուկային զենքը (տրամաբանությունը հասկանալի է. եթե օվկիանոսով չի անցնում, ուրեմն մարտավարական է), բայց եվրոպական դաշնակիցներին դա առանձնապես չի մխիթարում։

244
թեգերը:
ՆԱՏՕ, Ռուսաստան, Իսկանդեր
Ըստ թեմայի
Հեռահար ավիացիա․ երբ կթռչի Ռուսաստանի ռազմավարական հրթիռակիրը
Անտեսանելի պարեկություն. Ռուսաստանում BOSS հիբրիդային նավ են ստեղծել
Ինչու է ԱՄՆ–ը տանուլ տալիս բոլոր պատերազմները

Մոսկվայում աշխատողների 30 տոկոսին ուղարկում են հեռավար աշխատանքի

16
(Թարմացված է 16:33 25.06.2021)
Մոսկվայի քաղաքապետի պահանջները խախտողները վարչական պատասխանատվության կենթարկվեն։

ԵՐԵՎԱՆ, 25 հունիսի - Sputnik. Մոսկվայի գործատուները հունիսի 28-ից պարտավոր են լինելու հեռավար աշխատանքի տեղափոխել աշխատողների մի մասին: Այդ մասին ասված է Մոսկվայի քաղաքապետ Սերգեյ Սոբյանինի հրամանագրում, որը հրապարակվել է Մոսկվայի քաղաքապետի կայքում։

«2021 թվականի հունիսի 28-ից գործատուները պարտավոր են աշխատանքի հեռավար ռեժիմի տեղափոխել աշխատողների առնվազն 30 տոկոսին», - ասված է փաստաթղթում:

Ինչպես կարելի է մուտք գործել Ռուսաստան ԱՊՀ երկրներից. նոր կանոններ

Այս պահանջը խախտած գործատուները կենթարկվեն վարչական պատասխանատվության։

Մյասնիկովը պատմել է կորոնավիրուսի նոր մանրէահիմքերի մասին

 

16
թեգերը:
գործատու, Մոսկվա, Ռուսաստան
Հրանտ Դինք

Հրանտ Դինքի սպանության գործով հետախուզվող անձանց ակտիվները բռնագրավվելու են

28
(Թարմացված է 15:34 25.06.2021)
Ստամբուլի դատարանը թերթերին հանձնարարել է հայտարարություններ հրապարակել պատասխանատուներին տեղեկացնելու, որ նրանց ակտիվները կբռնագրավվեն, եթե նրանք չվերադառնան:

ԵՐԵՎԱՆ, 25 հունիսի-Sputnik. «Ակոս» թերթի գլխավոր խմբագիր Հրանտ Դինքի սպանության գործով հետախուզվողների ակտիվները բռնագրավվելու են, տեղեկացնում է Yenisafak թերթը` հղում անելով իր աղբյուրներին:

Թուրքական դատարանը հունիսի 24–ին որոշել է հայտնի հայ լրագրող Հրանտ Դինքի սպանության գործով արդարադատությունից թաքնվող 12 կասկածյալների ակտիվները բռնագանձել, այդ թվում FETO ահաբեկչական կազմակերպության ղեկավար Ֆեթուլլահ Գյուլենինը, եթե նրանք չվերադառնան երկիր։

Իր միջանկյալ որոշման մեջ Ստամբուլի դատարանը թերթերին հրահանգել է այդ մասին հայտարարություններ հրապարակել:

Հայտարարություններով արդարադատությունից թաքնվողներին  պետք է տեղեկացնեն, որ նրանք 15 օր ունեն վերադառնալու համար:

Արդարադատությունից թաքնվողների թվում են FETO-ի ղեկավար Ֆեթուլլահ Գյուլենը, նախկին դատախազ Զեքերիա Օզը, Ադեմ Յավուզ Արսլանը, Քոսգուն Չաքարը, Խալիլ Իբրահիմ Կոջան, Մեհմեթ Ակիֆ Յիլմազը, Ֆարուք Մերկանը, Մեթին Կանբայը, Օմեր Ֆարուք Քարտինը, Սերքան Անգար Յուլմազը և Յուլմազունը:

Ավելի վաղ հայտնի էր դարձել, որ «Ակոս» թերթի գլխավոր խմբագրի սպանության գործով դատարանը ցմահ ազատազրկման է դատապարտել ոստիկանության 3 նախկին բարձրաստիճան աշխատակիցների:

Հայը Թուրքիայում սպա լինել չի կարող, կամ Հրանտ Դինքի միակ իրավունքը

Հրանտ Դինքը սպանվել է 2007 թվականի հունվարի 19-ին 17-ամյա ազգայնական Օգյուն Սամասթի կողմից Ստամբուլի իր խմբագրատան շեմին։ Սամաստը ձերբակալվել է ոստիկանության կողմից հանցագործության հաջորդ օրը և 2011 թվականին դատարանի կողմից դատապարտվել 22 տարվա և 10 ամսվա ազատազրկման: Դինքի սպանությունը մեծ արձագանք է գտել Թուրքիայում։ Նրա հուղարկավորությունը վերածվել է բազմահազարանոց ցույցի, որին մասնակցել են մի շարք երկրների և միջազգային կազմակերպությունների ներկայացուցիչներ։

28
թեգերը:
Սպանություն, Հրանտ Դինք, Թուրքիա
Ըստ թեմայի
Թուրք ապրած, ապա թուրքերի դեմ կռվի ելած մի հույնի պատմություն, կամ ինչով է նա նման Դինքին
Իմացել են, բայց ոչինչ չեն ձեռնարկել. Դինքի գործով ձերբակալել են պետանվտանգության սպաների
Հայը Թուրքիայում սպա լինել չի կարող, կամ Հրանտ Դինքի միակ իրավունքը
Արխիվային լուսանկար

ՀՔԾ-ն փաստաբաններին կոչ է անում դուրս չգալ մասնագիտական էթիկայի սահմաններից

0
(Թարմացված է 16:41 25.06.2021)
Հատուկ քննչական ծառայությունը պարզաբանում է «Հայաստան» դաշինքի պատգամավորության թեկնածու Արմեն Չարչյանի շուրջ ստեղծված իրավիճակը։

ԵՐԵՎԱՆ, 25 հունիսի - Sputnik. «Հայաստան» դաշինքի պատգամավորության թեկնածու, ՀՀ հատուկ քննչական ծառայության վարույթում քննող քրեական գործով մեղադրյալ Ա. Չարչյանի պաշտպանության կողմն այսօր հայտարարություն է տարածել` չհիմնավորված կերպով պնդելով, որ «որևէ դեպքում քրեական գործ հարուցելու առիթ չի հանդիսացել վարույթն իրականացնող մարմնի ստուգողական գործողությունները»: Այս մասին նշված է ՀՔԾ պարզաբանման մեջ։

«Այս կապացությամբ հարկ ենք համարում նշել, որ իրենց պաշտպանյալի անմեղության վերաբերյալ այս փուլում նմանատիպ հայտարարություններ կատարելն ընդամենը պաշտպանների կողմից տվյալ գործի վերաբերյալ հանրային կարծիք ձևավորելու անհեռանկար փորձ է, քանի որ քրեական գործ հարուցելու մասին որոշման մեջ պարզորոշ կերպով նշվում է, որ քրեական գործի հարուցման հիմք են հանդիսացել ՀՀ ԱԺ արտահերթ ընտրություններին մասնակցող «Հայաստան» դաշինքի թեկնածուի կողմից նախընտրական փուլում իրեն ենթակա աշխատակիցների նկատմամբ ճնշում գործադրելու վերաբերյալ զեկուցագրի հիման վրա նախապատրաստված նյութերը»,-նշված է հաղորդագրության մեջ:

Նշվում է, որ ներկայացված զեկուցագրում նշված հանգամանքները, ինչպես նաև քրեական գործ հարուցելու առիթի օրինականությունը և հիմքերի բավարար լինելը ստուգելու նպատակով` ՀՀ հատուկ քննչական ծառայությունում ՀՀ քրեական դատավարության օրենսգրքի 180-181-րդ հոդվածներով սահմանված կարգով նյութերի նախապատրաստման փուլում վարույթն իրականացնող մարմինն իրականացրել է անհրաժեշտ գործողություններ, այդ թվում` ձեռք է բերել Փաստերի ստուգման հարթակում (FIP) առկա` տվյալ իրադարձության վերաբերյալ հրապարակումներ:

ՀՀ քրեական դատավարության օրենսգրքի 176-րդ հոդվածի 1-ին մասի 2-րդ և 3-րդ կետերով նախատեսված օրինական առիթի, այն է` վարույթն իրականացնող մարմնի կողմից ձեռնարկված ստուգողական գործողությունների արդյունքում ձեռք բերված տվյալների, ինչպես նաև ՀՀ գլխավոր դատախազության կողմից ուղարկված վերոնշյալ հրապարակումներում առկա` ենթադրյալ հանցագործության մասին վկայող բավարար հիմքերի պայմաններում որոշում է կայացվել քրեական գործ հարուցելու մասին:

ՀՔԾ-ն փաստաբաններին կոչ է անում դուրս չգալ մասնագիտական էթիկայի սահմաններից և զերծ մնալ վարույթն իրականացնող մարմնի օրինական գործունեությունը կասկածի տակ առնող հայտարարություններ կատարելուց:

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։ Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՔԾ-ում քննվող քրեական գործի շրջանակում։

Հունիսի 21-ին ԿԸՀ–ն թույլատրեց Արմեն Չարչյանին քրեական հետապնդման ենթարկել։ Քննիչը Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն ներկայացրեց։ Հունիսի 23-ին դատարանը նրան կալանավորելու որոշում կայացրեց։ Նույն օրը հայտնի դարձավ, որ Չարչյանին շտապօգնության մեքենայով տեղափոխել են հիվանդանոց։

Արմեն Չարչյանին կալանավորելու` դատարանի որոշման դեմ վերաքննիչ բողոք է ներկայացվել

Ի դեպ, Չարչյանը երկրորդ նախագահ Ռոբերտ Քոչարյանի գլխավորած «Հայաստան» դաշինքի անդամ ու պատգամավորության թեկնածու է։

0