Իցհակ Հերցոգը

Իսրայելը նոր նախագահ ունի

122
(Թարմացված է 14:52 02.06.2021)
Իսրայելի նոր նախագահ է դարձել երկրի 6-րդ ղեկավարի` Խայիմ Հերցոգի որդին։

ԵՐԵՎԱՆ, 2 հունիսի – Sputnik. Իսրայելում պետության նոր ղեկավար են ընտրել։ Երկրի 11-րդ նախագահ է դարձել Իցհակ Հերցոգը։ Նա ընտրվել է Քնեսեթի լիագումար նիստում գաղտնի քվեարկության միջոցով։ Տեղեկությունը հայտնում է «Գաալեյ ՑԱԽԱԼ» ռադիոկայանը:

Իսրայելի գործող նախագահ Ռյուվեն Ռիվլինը պաշտոնը ստանձնել է 2014 թվականին: Նրա լիազորությունների ժամկետը լրանում է 2021 թվականի հուլիսի 9-ին։

Ընտրություններում Հերցոգի միակ մրցակիցը եղել է հասարակական գործիչ Միրիամ Պերեցը։

Հերցոգը Իսրայելի վեցերորդ նախագահ Խայիմ Հերցոգի որդին է, նախկինում գլխավորել է «Ավոդա» կուսակցությունը, իսկ այժմ Հրեական գործակալության նախագահն է։

Եթե չդադարեք աջակցել, կճանաչենք Ցեղասպանությունը. Իսրայելը գտել է Էրդողանի թույլ տեղը

Իսրայելի վարչապետ Բենիամին Նեթանյահուն Twitter-ի իր էջում շնորհավորել է Հերցոգին:

Հայոց ցեղասպանության ժամանակ երեխաների կոտորածը ժխտողը չպետք է դասեր դա Իսրայելին․ Լապիդ

122
թեգերը:
Նախագահ, Իսրայել
Կանադայում հայերն ու հույները բողոքի ակցիա են արել

Կանադայում հայերն ու հույները բողոքի ակցիա են արել` պահանջելով վերադարձնել հայ գերիներին

20
(Թարմացված է 12:16 20.06.2021)
Ցուցարարները Տորոնտոյի կենտրոնական փողոցներ են դուրս եկել «Ադրբեջան, դուրս բեր զորքերը» պաստառներով։

ԵՐԵՎԱՆ, 20 հունիսի - Sputnik․ Ադրբեջանում պահվող հայ գերիները պետք է անհապաղ ազատ արձակվեն, իսկ ադրբեջանական զորքերը՝ դուրս բերվեն Հայաստանի տարածքից։ Նման պահանջներով ցույց են անցկացրել Տորոնտոյի հայ և հույն համայնքների ներկայացուցիչները, հայտնում է Free Armenian POWs Global network-ը Facebook-ի իր էջում։

Ցուցարարները կոչ են անում Կանադայի վարչապետ Ջասթին Թրյուդոյին և արտգործնախարար Մարկ Գարնոյին ճնշում գործադրել Ադրբեջանի վրա ՝ գերիներին ազատ արձակելու համար:

«Ադրբեջան, դուրս բերիր զորքերը», «Հարգեք միջազգային իրավունքը!» և նման այլ ցուցապաստառներով ցուցարարները դուրս են եկել քաղաքի կենտրոնում գտնվող փողոցներ։

Հիշեցնենք, որ Ադրբեջանը շարունակում է 200-ից ավելի հայ ռազմագերիների և քաղաքացիական անձանց պահել՝ խախտելով 2020-ի նոյեմբերի 9-ի եռակողմ հայտարարությունը։

ՊՆ–ն մայիսի 12-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 13-ից ադրբեջանցիների հետ բանակցություններ են անցկացվում։

Մայիսի 20-ին էլ Սյունիքի մարզի Խոզնավար գյուղի հատվածում ՀՀ և ԱՀ ԶՈւ-երի զինծառայողների միջև ծեծկռտուք է տեղի ունեցել։ 11 հայ զինծառայող տեղափոխվել է հիվանդանոց։

Նշենք, որ Հայաստանում արտահերթ խորհրդարանական ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։

20
թեգերը:
Սահման, Հայաստան, Ադրբեջան, ռազմագերի, գերի, հույն, հայ, Կանադա
թեմա:
Հայ գերիներ, անհետ կորածներ
Երգչուհի Մաքսիմ

Բժիշկները երգչուհի Մաքսիմին արհեստական կոմայի մեջ են գցել

353
38-ամյա երգչուհուն շտապօգնության մեքենայով տեղափոխել են հիվանդանոց, որտեղ նրա վիճակը վատացել է:

ԵՐԵՎԱՆ, 19 հունիսի – Sputnik. Ռուս հայտնի երգչուհի Մաքսիմին (Մարինա Աբրոսիմովա) բժիշկները արհեստական կոմայի մեջ են գցել այն բանից հետո, երբ երգչուհու մոտ թոքաբորբ և թոքերի 40%-ի ախտահարում է ախտորոշվել։ Տեղեկությունը հայտնում է ՌԻԱ Նովոստին։

Նշվում է, որ մրսածության առաջին նշանները երգչուհու մոտ ի հայտ են եկել մեկ շաբաթ առաջ։ Նա կորոնավիրուսի թեստ է հանձնել, որը բացասական է եղել։ Իսկ մի քանի օր անց 38-ամյա երգչուհուն շտապօգնության մեքենայով տեղափոխել են Մոսկվայի հիվանդանոցներից մեկը, որտեղ նրա վիճակը վատացել է:

Երգչուհի Մանիժան «գաղտնի» այցելել է Երևան

Երգչուհու ինքնազգացողության վատացման մասին լուրը հաստատել է նրա PR տնօրենը` Յանա Բոգուշևսկայան։

Նա ասել է` ճիշտ է, այժմ երգչուհին միացված է արհեստական շնչառության սարքին, սակայն խուճապի մատնվելու կարիք չկա, քանի որ նա հիանալի բժիշկների ձեռքերում է։

Նշենք, որ բժիշկները նման որոշում են կայացրել երգչուհու ներքին օրգանների վրա ծանրաբեռնվածությունը նվազեցնելու, թթվածնային քաղցը կանխելու համար։ Ամենայն հավանականությամբ, երգչուհին արհեստական կոմայի մեջ կմնա մի քանի օր։

«Սա կարևոր իրադարձություն է իմ կյանքում». երգչուհի Մարգարիտա Պոզոյանը ուրախ լուր է հայտնել

353
թեգերը:
կոմա, բժիշկ, Ալսու
Երևանի ընտրատեղամասերից մեկում

Հայաստանում քվեարկության առաջին 3 ժամերին ընտրությանը մասնակցել է ընտրողների 12.2 տոկոսը

0
(Թարմացված է 12:45 20.06.2021)
ԿԸՀ–ն մասնակցության արդյունքներն ամփոփում է յուրաքանչյուր 3 ժամը մեկ։

ԵՐԵՎԱՆ, 20 հունիսի – Sputnik. Հայաստանում ժամը 11։00-ի դրությամբ ընտրելու իրավունք ունեցող 2 593 572 քաղաքացիներից ընտրությանը մասնակցել են 316 291–ը կամ 12.2 տոկոսը։

Այս մասին այսօր ԿԸՀ–ում կայացած ասուլիսում հայտնեց ԿԸՀ նախագահի տեղակալ Լաուրա Գալստյանը։

Պաշտոնական տվյալներով` Երևանում ընտրելու իրավունք ունեցող 859 000 ընտրելու իրավունք ունեցող քաղաքացիներից ժամը 11։00-ի դրությամբ քվեարկությանը մասնակցել են 120.166–ը կամ 13.99%, Արագածոտնի մարզում 117 472–ին ընտրությանը մասնակցել է 12.318–ը կամ 10.49%–ը, Արարատի մարզում 223 360 ընտրողներից արդեն ընտրություն է կատարել 7.676–ը կամ 12.39%–ը, Արմավիրի մարզում 235 840 ընտրողներից քվեարկությանը մասնակցել է 23.488–ը կամ 9.96%–ը, Գեղարքունիքում 189 527 ընտրողներից քվեարկել է 18.556–ը կամ 9.79%–ը, Լոռիում գրանցված 233 552–ից քվեարկել է 26.086–ը կամ 11.17%–ը, Կոտայքում 242 022 ընտրողներից ընտրությանը մասնակցել են 30.242–ը կամ 12.54%–ը, Շիրակի մարզում գրանցված 226 763 ընտրողներից քվեարկել է 19.106–ը կամ 8.46%–ը, Սյունիքում` 109 726 ընտրողներից ընտրությանը մասնակցել է 17.269–ը կամ 16.74%–ը, Վայոց Ձորի մարզում` 46 620 ընտրողներից քվեարկել է 5 699–ը կամ 12.27%–ը և Տավուշի մարզում գրանցված 109 690 ընտրողներից քվեարկել են 15.585–ը կամ 14.21%–ը։

ԿԸՀ–ն մասնակցության արդյունքներն ամփոփում է յուրաքանչյուր 3 ժամը մեկ։

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ծառուկյանի վրա ո՞վ կարող է ազդել. ԲՀԿ առաջնորդը քվեարկեց հանուն անվտանգ հայրենիքի

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ընտրությունները կավարտվեն ժամը 20։00-ին։

0
թեգերը:
Կենտրոնական ընտրական հանձնաժողով (ԿԸՀ), քվեարկություն, Ընտրություններ
թեմա:
ԱԺ արտահերթ ընտրություններ 2021
Ըստ թեմայի
Նիկոլ Փաշինյանը սպասում է ընտրելու իր հերթին. լուսանկարներ և տեսանյութ
Իշխանությունը հոգեվարքի մեջ է. Վանեցյանը քվեարկել է ու խոսել ընտրախախտումների մասին
Քաղաքապետարանը հավաքում է Քոչարյանի նկարով թերթիկները