ՄԻԵԴ

Եվրոպական դատարանը կքննի գերեվարված 6 հայ զինվորականների իրավունքների պաշտպանության հայցը

38
(Թարմացված է 20:14 28.05.2021)
ՀՀ կառավարությունը ՄԻԵԴ-ից պահանջել էր ապահովել գերի ընկած հայ զինվորների իրավունքները` երաշխավորելու նրանց կյանքի իրավունքի պահպանումն ու խոշտանգումներից պաշտպանվածությունը:

ԵՐԵՎԱՆ, 28 մայիսի - Sputnik. Մարդու իրավունքների եվրոպական դատարանը (ՄԻԵԴ) վարույթ է ընդունել Հայաստանից ստացած հարցումը՝ Ադրբեջանի կողմից ձերբակալված հայ զինվորականների իրավունքների պաշտպանության վերաբերյալ: Հաղորդում է ՌԻԱ Նովոստին ՝ հղում անելով դատարանի մամուլի ծառայությանը:

«Ընթացակարգի այս փուլում մենք չենք կարող լրացուցիչ տեղեկատվություն տրամադրել», - ասել են ՄԻԵԴ-ի մամուլի ծառայությունից:

Ավելի վաղ ՄԻԵԴ-ում Հայաստանի կառավարության ներկայացուցչությունը հայտնել էր, որ Հայաստանը դիմել է Մարդու իրավունքների եվրոպական դատարան՝ Ադրբեջանի կողմից ձերբակալված վեց հայ զինծառայողների իրավունքների պաշտպանության հարցով: Հայտարարության մեջ նշվում էր, որ հայցի նպատակն է երաշխավորել գերեվարված զինծառայողների կյանքի իրավունքն ու խոշտանգումներից պաշտպանվածությունը, որը նախատեսված է Մարդու իրավունքների եվրոպական կոնվենցիայով:

«Վստահ ասում եմ` գերիների վերադարձը ժամանակի հարց է». Նիկոլ Փաշինյան

Հիշեցնենք, որ մայիսի 27–ին Գեղարքունիքի սահմանային հատվածում ադրբեջանական կողմը գերեվարել է 6 հայ զինվորականի։

38
թեգերը:
հայ, Հայաստան, Ադրբեջան, ռազմագերի, գերի, Մարդու Իրավունքների Եվրոպական դատարան (ՄԻԵԴ)
Ըստ թեմայի
Գերեվարված զինծառայողների հարցով Հայաստանի և Ադրբեջանի ԳՇ-ների միջև ուղիղ կապ չկա
Հայ զինվորականներին գերեվարելու փաստով քրեական գործ է հարուցվել. դատախազություն
Գերիների հարցն Ադրբեջանը դարձրել է շանտաժի առարկա․ ԱԳ փոխնախարարի ժնևյան հանդիպումները
Անն Լինդ

Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին

39
(Թարմացված է 10:50 13.06.2021)
ԵԱՀԿ ղեկավարը վստահ է, որ հայ ռազմագերիների վերադարձն ականապատ դաշտերի քարտեզի դիմաց թույլ կտա անհրաժեշտ մթնոլորտ ստեղծել բանակցությունները շարունակելու համար:

ԵՐԵՎԱՆ, 13 հունիսի – Sputnik․ ԵԱՀԿ գործող նախագահ Անն Լինդեն ողջունել է Ադրբեջանի կողմից 15 հայ գերիների վերադարձը՝ ականապատ տարածքների քարտեզի դիմաց։ ԵԱՀԿ ղեկավարը գրառում է արել Twitter-ում՝ անդրադառնալով երեկ տեղի ունեցածին։

«Ողջունում ենք Հայաստան 15 գերիների վերադարձն ու Ադրբեջանին տեղեկատվության փոխանցումը, որը կօգնի ականազերծում իրականացնել», - գրել է Լինդեն:

Նրա խոսքով՝ վստահության ամրապնդման այս միջոցները կօգնեն համապատասխան մթնոլորտ ստեղծել ԵԱՀԿ Մինսկի խմբի համանախագահների հովանու ներքո բանակցությունները շարունակելու համար:

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդ տեղեկությունը հաստատեց ՀՀ վարչապետի պաշտոնակատար Նիկոլ Փաշինյանը, ավելին` լուսանկար հրապարակեց, որում 15 տղաներն են, ապա նաև հայտնեց Հայաստան վերադարձածների անունները։

Հավելենք` ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Գերիներին վերադարձնելու պայմանավորվածության հարցում վճռորոշ դեր է ունեցել Մուրադովը

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և բացի այս, հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

39
թեգերը:
Արցախ, Հայաստան, Ադրբեջան, ռազմագերի, գերի, Անն Լինդե, ԵԱՀԿ
Ըստ թեմայի
Հայ գերիների դատավարության արդյունքները միջազգայնորեն չեն կարող ընդունվել. իրավապաշտպան
Եթե Տեր-Պետրոսյանը լինի երկրի ղեկավար, մեկ շաբաթում կլուծվի գերիների հարցը. Զուրաբյան
Բաքուն 15 գերիներին Երևանին է փոխանցել Վրաստանի վարչապետ Ղարիբաշվիլիի ակտիվ մասնակցությամբ
Ձուկ

Գիտնականները պարզել են, թե որ սննդակարգն է նվազեցնում COVID-19-ով վարակվելու ռիսկը

107
(Թարմացված է 23:47 12.06.2021)
Հետաքրքիր եզրակացությունների են եկել ամերիկացի գիտնականները`վերլուծելով գրեթե 3000 բուժաշխատողների տվյալները։

ԵՐԵՎԱՆ, 13 հունիսի – Sputnik. Առավելապես բուսական կերակուրներից և ձկից բաղկացած սնունդը, ըստ ամերիկացի գիտականների եզրակացության, օգնում է նվազեցնել COVID-19 վարակի ծանր զարգացումը։ Տեղեկությունը հայտնում է  BMJ Nutrition, Prevention & Health ամսագրիը։

Հետազոտողները վերլուծել են Ֆրանսիայում, Գերմանիայում, Իտալիայում, Իսպանիայում, Մեծ Բրիտանիայում և ԱՄՆ-ում աշխատող 2884 COVID-19 բժիշկների և բուժքույրերի տվյալները: Նրանք առցանց հարցում են անցկացրել 2020 թ․-ի հուլիսից մինչև սեպտեմբեր ընկած ժամանակահատվածում, որի ընթացքում բուժաշխատողները նշել են նախորդ տարվա ընթացքում տարբեր սննդամթերքի օգտագործման հաճախականությունը:

Սննդակարգերը դասակարգել են ըստ խմբերի․բուսական (ավելի շատ բանջարեղեն, լոբազգիներ, ընկուզեղեն և ավելի քիչ թռչնամիս, կարմիր և վերամշակված միս), ձկով և ծովամթերքով, ինչպես նաև ցածր ածխաջրային և բարձր սպիտակուցային։

Հարցվածներից 568-ը հայտարարել են, որ COVID-19-ի վարակին համապատասխան ախտանշաններ են ունեցել, կամ քսուքի թեստի դրական պատասխան։ Հարցվածներից 2316-ը հայտարարել են, որ կորոնավիրուսային վարակի որևէ ախտանշան կամ կասկած չեն ունեցել։

568 դեպքից 138-ում COVID-19-ի չափավոր կամ ծանր ընթացք է եղել, մյուս դեպքերում ախտանշանները թեթև են եղել։

Հաշվի առնելով որոշ չափորոշիչներ, այդ թվում՝ տարիք, ազգային պատկանելություն, բժշկական մասնագիտացում և կենսակերպ (ծխելը, ֆիզիկական ակտիվությունը), գիտնականները պարզել են, որ այն կամավորների մոտ, որոնք բուսական սննդակարգ են պահպանել և նրանց մոտ, ովքեր ավելի շատ ձուկ և ծովամթերք են օգտագործել, վարակի ծանր ընթացքի հավանականությունը նվազել է համապատասխանաբար 73 և 59 տոկոսով։

Մարդը կարող է բնածին դիմադրողականություն ունենալ COVID-ի նկատմամբ․ բժիշկ

Գիտնականներն այս երևույթը բացատրում են նրանով, որ բուսական սնունդը հարուստ է սննդարար, հատկապես՝ ֆիտոքիմիական նյութերով (պոլիֆենոլներ, կարոտինոիդներ), վիտամիններով և հանքանյութերով, որոնք կարևոր են առողջ իմունային համակարգի համար: Ծովամթերքը, իր հերթին, վիտամին D-ի և Օմեգա-3 ճարպաթթուների կարևոր աղբյուր է, որոնք հյուսվածքներն ու օրգանները փրկում են բորբոքումից:

107
թեգերը:
սնունդ, կորոնավիրուս, բժիշկ
Ըստ թեմայի
Բժիշկը պատմել է բիոհաքինգի ֆենոմենի և օրգանիզմի համար դրա օգտի մասին
Սննդաբանը նշել է այն մթերքները, որոնք քայքայում են օրգանիզմը
Ո՞ր ոգելից խմիչքն է քիչ վնաս հասցնում օրգանիզմին
Член правления партии Национальная повестка, кандидат в депутаты Вараздат Арутюнян

Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը

0
«Ազգային օրակարգ» կուսակցության խորհրդի անդամ, պատգամավորության թեկնածու Վարազդատ Հարությունյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և այդ համատեքստում իրենց կուսակցության ծրագրային դրույթներին։

Վարազդատ Հարությունյանի փոխանցմամբ`քանի որ արտահերթ ընտրությունների հիմնական առարկան արցախյան խնդիրն է և անվտանգությունը, ուստի նշված հիմնահարցը դրված է «Ազգային օրակարգ» կուսակցության ծրագրի հիմքում։ Հարությունյանի պնդմամբ` իրենք արցախյան հիմնախնդրի կապակցությամբ հանդես են գալիս հստակ և կտրուկ դիրքերից` մերժելով 2020 թվականի նոյեմբերի 9-ին ստորագրված կապիտուլյացիոն փաստաթուղթը, դրան հաջորդած գաղտնի ու գաղտնազերծված հավելվածները, ինչպես նաև վերջերս ի հայտ եկած դեմարկացիայի և դելիմիտացիայի գործընթացը, որով վերջակետ է դրվելու հիմնահարցին և Արցախի հանձնումը դրվելու է իրավաչափ հիմքերի վրա։

«Ամեն գնով փորձելու ենք խափանել Արցախը հանձնելու գործընթացը։ Հիմնական պատճառը, որ առանձին մտել ենք քարոզարշավային տրամաբանության մեջ, հենց այդ գաղափարն առաջ տանելն է և այս անբովանդակ քարոզարշավային պոլեմիկան ճեղքելու և ընտրական գործընթացի սեղանին հենց այս հարցը, որպես օրակարգային թիվ մեկ հարց, դնելն է»,–նշեց Հարությունյանւ։

Նրա կարծիքով` իրենք արցախյան հարցի հիմնական ու վերջնական լուծումը պատկերացնում են Արցախի տարածքային ամբողջականության վերականգնման մեջ, ընդ որում` այն տեսքով, ինչ եղել է 2020 թվականի սեպտեմբերի 26-ի դրությամբ։ Պատգամավորության թեկնածուի պնդմամբ`աշխարհակարգային փոփոխությունների համատեքստում 1994 թվականի բիշքեկյան արձանագրություններից սկսած արատավոր բանակցային բաղադրիչը, որ մեզ համար գծվել է կարմիր գծեր, պետք է բացառվի, քանի որ մեր թշնամին չունի այդ կարմիր գծերը։

Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան

«Այսինքն` թշնամին ոչ միայն չի սահմանափակվում ԼՂԻՄ–ի սահմաններով, այլև նոր նկրտումներով ներխուժել է Հայաստանի սուվերեն տարածք, ինչի մասին կոնֆլիկտի որևէ փուլում խոսք անգամ չի եղել։ Նման պայմաններում մենք կոնֆլիկտի տրամաբանության մեջ չենք կարող տեսնել Արցախի Հանրապետության տարածքային ամբողջականությունն անվելի նվազ կարգավիճակով, քան եղել է 2020 թվականի սեպտեմբերի 26-ին»,– նշեց «Ազգային օրակարգ» կուսակցության խորհրդի անդամը։


Հարությունյանը նշում է, որ պետք է անհապաղ դադարեցնել դեմարկացիայի և դելիմիտացիայի գործընթացը, որովհետև միջազգային իրավունքի տեսանկյունից այն ստեղծելու է ձևական իրավական հիմքեր հարցը վերջնականապես Ադրբեջանի օգտին լուծելու համար։ Երկրորդ փուլում անհրաժեշտ է իրավական հիմքերով վիճարկել 2020 թվականի նոյեմբերի 9-ին ստորագրված կապիտուլյացիոն հայտարարությունն ու դրան հաջորդած պայմանավորվածությունները, մասնավորապես Սյունիքի որոշ հատվածներում իրականացված ապօրինի սահմանազատումները։

Այդ ամենին զուգահեռ, ըստ Հարությունյանի, անհրաժեշտ է հնարավորինս շուտ վերականգնել մեր անվտանգության համակարգը, մինչդեռ յոթ ամիս է, ինչ առաջնագիծը կահավորված չէ, հետևաբար պետք է ամբողջ Արցախի ու Հայաստանի տարածքում իրականացվեն օպերատիվ կահավորման աշխատանքներ`ստեղծելով ամրակառույցներ, ռմբապաստարաններ, տարատեսակ հանգույցներ և այլընտրանքային մատակարարման հուսալի ճանապարհներ։       

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։
Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

0
թեգերը:
Եռակողմ հայտարարություն, Սահման, Արցախ, Ազգային ժողովի ընտրություններ, Հայաստան
Ըստ թեմայի
Պատերազմ չի սկսվի․ Յուրի Խաչատուրովն ասաց՝ ինչու
ԱՄՆ–ն փորձում է ակտիվանալ արցախյան բանակցային գործընթացում․ Սաֆրաստյան
ՄԻՊ ներկայացուցիչները զրուցել են Հայաստան վերադարձած 15 ռազմագերիների հետ