ՔիմՔարդաշյան, Քանյե Ուեսթ, Իրինա Շեյք, kim kardashyan, qanye uest, irina sheyq
Քիմ Քարդաշյանն ու Քանյե Ուեսթը

Քիմ Քարդաշյանի նախկին ամուսինը սիրավեպ է սկսել ռուսաստանցի սուպերմոդելի հետ

216
(Թարմացված է 00:18 26.05.2021)
2010 թվականին Շեյքը նկարահանվել է «Power» երգի տեսահոլովակում։ Եվրոպայում անցկացված նորաձևության միջոցառումների ժամանակ նա նաև հաճախ է բեմ դուրս եկել ռեփերի ապրանքանիշի հագուստով։

ԵՐԵՎԱՆ, 26 մայիսի – Sputnik. Լրատվամիջոցները գրում են, որ ամերիկահայ հեռուստաստղ Քիմ Քարդաշյանի նախկին ամուսնու` ռեփեր Քանյե Ուեսթի և ռուսական թոփ-մոդել Իրինա Շեյքի միջև սիրավեպ է սկսվել։

The Sun–ը մասնավորապես ուշադրություն է դարձրել այն նամակագրությանը, որը հրապարակվել է DeuxMoi ոչ անհայտ Instagram-յան օգտահաշվում, որն ավելի քան 1 միլիոն հետևորդ ունի։

«Քանյե Ուեսթն այժմ գաղտնի հանդիպում է Իրինա Շեյքի՝ Բրեդլի Կուպերի երեխայի մոր հետ», – գրել է անանուն աղբյուրը:

Հաղորդագրությանը արձագանքել են DeuxMoi-ի էջի ադմինիստրատորները։

«Ես չգիտեմ` դա կարելի է անվանել հարաբերություններ, թե ոչ, բայց նրանց մոտ ակնհայտորեն հետաքրքրություն է առաջացել միմյանց նկատմամբ»,– պատասխանել են նրանք:

Աստղերը դեռ չեն արձագանքել այս տեղեկությանը։

Նշենք, որ ռուս սուպերմոդելը բազմիցս մասնակցել է Քանյե Ուեսթի նախագծերին։ 2010 թվականին նա նկարահանվել է «Power» երգի տեսահոլովակում։ Եվրոպայում անցկացված նորաձևության միջոցառումների ժամանակ նա նաև հաճախ է բեմ դուրս եկել ռեփերի ապրանքանիշի հագուստով։

Հիշեցնենք` փետրվարի վերջին տեղեկություն տարածվեց, որ յոթ տարվա ամուսնությունունից հետո Քարդաշյանն ու Ուեսթը որոշել են ամուսնալուծվել։ Ավելի ուշ Քիմը հայտարարեց, որ բաժանման պատճառը անհաղթահարելի տարաձայնություններն են։

Ով է ում լքել․ մանրամասներ Քիմ Քարդաշյանի ամուսնալուծության մասին

216
թեգերը:
Իրինա Շեյք, Քանյե Ուեսթ, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան (236)
Հրանտ Դինք

Հրանտ Դինքի սպանության գործով հետախուզվող անձանց ակտիվները բռնագրավվելու են

20
(Թարմացված է 15:34 25.06.2021)
Ստամբուլի դատարանը թերթերին հանձնարարել է հայտարարություններ հրապարակել պատասխանատուներին տեղեկացնելու, որ նրանց ակտիվները կբռնագրավվեն, եթե նրանք չվերադառնան:

ԵՐԵՎԱՆ, 25 հունիսի-Sputnik. «Ակոս» թերթի գլխավոր խմբագիր Հրանտ Դինքի սպանության գործով հետախուզվողների ակտիվները բռնագրավվելու են, տեղեկացնում է Yenisafak թերթը` հղում անելով իր աղբյուրներին:

Թուրքական դատարանը հունիսի 24–ին որոշել է հայտնի հայ լրագրող Հրանտ Դինքի սպանության գործով արդարադատությունից թաքնվող 12 կասկածյալների ակտիվները բռնագանձել, այդ թվում FETO ահաբեկչական կազմակերպության ղեկավար Ֆեթուլլահ Գյուլենինը, եթե նրանք չվերադառնան երկիր։

Իր միջանկյալ որոշման մեջ Ստամբուլի դատարանը թերթերին հրահանգել է այդ մասին հայտարարություններ հրապարակել:

Հայտարարություններով արդարադատությունից թաքնվողներին  պետք է տեղեկացնեն, որ նրանք 15 օր ունեն վերադառնալու համար:

Արդարադատությունից թաքնվողների թվում են FETO-ի ղեկավար Ֆեթուլլահ Գյուլենը, նախկին դատախազ Զեքերիա Օզը, Ադեմ Յավուզ Արսլանը, Քոսգուն Չաքարը, Խալիլ Իբրահիմ Կոջան, Մեհմեթ Ակիֆ Յիլմազը, Ֆարուք Մերկանը, Մեթին Կանբայը, Օմեր Ֆարուք Քարտինը, Սերքան Անգար Յուլմազը և Յուլմազունը:

Ավելի վաղ հայտնի էր դարձել, որ «Ակոս» թերթի գլխավոր խմբագրի սպանության գործով դատարանը ցմահ ազատազրկման է դատապարտել ոստիկանության 3 նախկին բարձրաստիճան աշխատակիցների:

Հայը Թուրքիայում սպա լինել չի կարող, կամ Հրանտ Դինքի միակ իրավունքը

Հրանտ Դինքը սպանվել է 2007 թվականի հունվարի 19-ին 17-ամյա ազգայնական Օգյուն Սամասթի կողմից Ստամբուլի իր խմբագրատան շեմին։ Սամաստը ձերբակալվել է ոստիկանության կողմից հանցագործության հաջորդ օրը և 2011 թվականին դատարանի կողմից դատապարտվել 22 տարվա և 10 ամսվա ազատազրկման: Դինքի սպանությունը մեծ արձագանք է գտել Թուրքիայում։ Նրա հուղարկավորությունը վերածվել է բազմահազարանոց ցույցի, որին մասնակցել են մի շարք երկրների և միջազգային կազմակերպությունների ներկայացուցիչներ։

20
թեգերը:
Սպանություն, Հրանտ Դինք, Թուրքիա
Ըստ թեմայի
Թուրք ապրած, ապա թուրքերի դեմ կռվի ելած մի հույնի պատմություն, կամ ինչով է նա նման Դինքին
Իմացել են, բայց ոչինչ չեն ձեռնարկել. Դինքի գործով ձերբակալել են պետանվտանգության սպաների
Հայը Թուրքիայում սպա լինել չի կարող, կամ Հրանտ Դինքի միակ իրավունքը
Ալի Խամենեի

Իրանի գերագույն հոգևոր առաջնորդը պատվաստվել է կորոնավիրուսի դեմ

30
(Թարմացված է 14:14 25.06.2021)
Մայիսի 11-ին Իրանում մեկնարկել է հայրենական պատվաստանյութի զանգվածային արտադրությունը. արդեն 10 մլն դեղաչափ «COV Iran Barakat» է արտադրվել։

ԵՐԵՎԱՆ, 25 հունիսի - Sputnik. Իրանի գերագույն առաջնորդ Ալի Խամենեին ստացել է «COV Iran Barakat» իրանական պատվաստանյութի առաջին չափաբաժինը։ Տեղեկությունը հայտնում է ISNA գործակալությունը:

Ավելի վաղ Խամենեին հայտարարել էր, որ Covid-19-ի դեմ պատվաստվելու համար երկու պայման ունի` ինքը պետք է պատվաստվի իրանական պատվաստանյութով և չպետք է հերթից դուրս պատվաստվի։

Մյասնիկովը պատմել է կորոնավիրուսի նոր մանրէահիմքերի մասին

Իրանում մայիսի սկզբին մեկնարկել է «COV Iran Barakat» պատվաստանյութի արտադրությունը, երկրի առողջապահության նախարարությունն այդ դեղամիջոցի արտակարգ օգտագործման արտոնագիր է տվել: Իրանի իշխանությունները նաև հայտնել են, որ մոտ ապագայում հավանության կարժանանան տեղական արտադրության ևս երեք պատվաստանյութեր:

102 նոր դեպք, ոչ մի մահ` մեկ օրում. կորոնավիրուսային հիվանդության ընթացքը Հայաստանում

30
թեգերը:
կորոնավիրուս, պատվաստանյութ, Այաթոլլա Ալի Խամենեի, Իրանի Իսլամական Հանրապետություն
Ըստ թեմայի
Գիտնականները նշել են AstraZeneca պատվաստանյութի կողմնակի ազդեցությունների մասին
Ինչ բարդացումներ կարող են լինել պատվաստումից հետո, և ինչ է պետք անել այդ դեպքում
Մյասնիկովը պատմել է կորոնավիրուսի նոր մանրէահիմքերի մասին
Ազգային ժողով

ԱԺ «Իմ քայլը» խմբակցության պատգամավոր Լուսին Եգանյանը հրաժարվել է մանդատից

0
(Թարմացված է 15:50 25.06.2021)
ՀՀ ԱԺ նախագահ Արարատ Միրզոյանի հայտարարություն է տարածել ԱԺ պատգամավորի հրաժարականի դիմումի մասին։

ԵՐԵՎԱՆ, 25 հունիսի – Sputnik. Ազգային ժողովի պատգամավոր Լուսինե Եգանյանը հունիսի 25-ին հրաժարականի դիմում է ներկայացրել: Տեղեկությունը հայտնում է Ազգային ժողովի մամուլի ծառայությունը։

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»,– ասված է ԱԺ նախագահ Արարատ Միրզոյանի հայտարարության մեջ:

Ի դեպ, ԱԺ կայքում այս պատգամավորի վերաբերյալ միայն երեք փաստ է նշված` ծնվել է 1980 թվականի սեպտեմբերի 11-ին, անկուսակցական է, «Իմ քայլը» խմբակցության անդամ։ Անգամ նրա լուսանկարը չկա։

0
թեգերը:
Հրաժարական, Պատգամավոր, «Իմ քայլը» խմբակցություն, Հայաստան