Սուլեյման Սոյլու

Թուրքիայում լրագրողին ազատել են աշխատանքից Սուլեյման Սոյլուի վերաբերյալ «տհաճ» հարցի համար

41
Դատախազություն հարցում է ուղարկվել, որպեսզի ստուգեն` թուրք լրագրողը որևէ ահաբեկչական կազմակերպության անդամ հանդիսանում է, թե ոչ։

ԵՐԵՎԱՆ, 22 մայիսի – Sputnik. «Andalou» թուրքական պետական գործակալությունն իր լրագրող Մուսաբ Թուրանին ազատել է աշխատանքից այն բանից հետո, երբ նա Թուրքիայի ներքին գործերի նախարար Սուլեյման Սոյլուի և կազմակերպված հանցավորության հետ հավանական կապի մասին հարց է ուղղել ասուլիսի ժամանակ։ Տեղեկությունը հայտնում է ՌԻԱ Նովոստին։

Ավելի վաղ Թուրքիայի հայտնի քրեական հեղինակություններից մեկը՝ այժմ արտերկրում թաքնվող Սեդաթ Փեքերը YouTube-ում մի քանի տեսահոլովակ էր տեղադրել, որոնցում նա մի շարք նախկին և գործող բարձրաստիճան թուրք պաշտոնյաների, մասնավորապես՝ Սոյլուին, մեղադրում էր կոռուպցիայի և մաֆիայի հետ կապերի համար: Երեկ կայացած ասուլիսի ժամանակ Թուրանը Թուրքիայի արդյունաբերության և գյուղատնտեսության նախարարներին՝ Մուսթաֆա Վարանքին և Բեքիր Փաքդեմիրլիին, հարցրել է, թե պատրաստվո՞ւմ է արդյոք կառավարությունն արձագանքել այդ մեղադրանքներին։ Նա ավելացրել է, որ Սոյլուն բարոյական լուրջ վնաս է հասցնում իշխող կուսակցությանը։

Թուրքիան կրկին ճանաչվել է աշխարհի գլխավոր «բանտապանը» լրագրողների համար

«Դադարեցվել է պայմանագիրը «Anadolu» գործակալության թղթակից Մուսաբ Թուրանի հետ, որը մամուլի ասուլիսի ժամանակ լրագրության չափորոշիչներին չհամապատասխանող հարցեր է հնչեցրել` դրանք վերածելով քաղաքական քարոզչության գործողության, հեռարձակելով դա ուղիղ եթերում, սոցցանցերի իր էջերում»,-ասված է գործակալության տնօրինության հայտարարության մեջ։

Նշվում է, որ հարցում է ուղարկվել դատախազություն՝ ստուգելու համար` թուրք լրագրողը որևէ ահաբեկչական կազմակերպության անդամ հանդիսանում է, թե ոչ։

Սկանդալ «Զվեզդա» հեռուստաալիքի եթերում. թուրք լրագրողը հարձակվել է հայ փորձագետի վրա

 

41
թեգերը:
աշխատանք, Լրագրող, Թուրքիա
Վլադիմիր Պուտին

«Պուտինը՝ ԱՄՆ նախագահ»․ Արևմուտքը քննարկում է Ռուսաստանի նախագահի հարցազրույցը

4
Արդեն երկրորդ օրն է, ինչ միլիոնավոր մարդիկ ամբողջ աշխարհում վիճում են հարցազրույցի մասին, որը Ռուսաստանի նախագահը տվել է ամերիկյան NBC հեռուստաընկերությանը:

Պուտինի ձևակերպումները բառացիորեն պայթեցրել են համացանցը։ Եվ բանն այն չէ, որ Ռուսաստանի առաջնորդը ժամանակակից իրավիճակի վերաբերյալ ինչ-որ նոր, հեղափոխական մոտեցումներ է առաջարկել։ Ոչ, Ռուսաստանի նախագահը պարզապես ասել է NBC-ի լրագրող Քիր Սիմոնսին ճշմարտությունը։

Դա ներկայումս բացարձակապես բացառիկ մեսիջ է։ Անգլոսաքսոնական լրատվամիջոցներն պատում են իրենց լսարանին ստի, թերի տեղեկությունների, կեղծ լուրերի այնպիսի բարդ խառնուրդով, որ պարզ փաստերը, որոնք ներկայացրել է Ռուսաստանի նախագահը, արդեն որպես հայտնություն են ընկալվում։ Դրանք ապշեցուցիչ տպավորություն են թողել լսարանի վրա։

Խոսքն իհարկե պաշտոնական լրատվամիջոցների մասին չէ։ Դրանք շարունակում են պարտադրել իրենց օրակարգը՝ մեղադրելով Ռուսաստանին և դրա առաջնորդին բոլոր մահացու մեղքերի մեջ։

Հետաքրքիր է, որ Ժնևի գագաթնաժողովից առաջ նախագահ Բայդենը ևս մի շարք հայտարարություններ է արել։ Բայց դա միանգամայն սովորական բանաձևեր են՝ «մարդու իրավունքներ», «ժողովրդավարություն», «կոշտություն ցուցաբերենք»... Դա ոչ ոքի չի հետաքրքրում, ոչ ոք դա չի քննարկում։ Իսկ ահա Պուտինի խոսքերն իսկապես հասել են ամենատարբեր մարդկանց՝ կոտրելով պարտադրված կաղապարները։

«Ես նրան (Պուտինին) ավելի շատ եմ հավատում, քան մեր ողջ խեղկատակ վարչակազմին»,- բրիտանական Daily Mail տաբլոիդի կայքում խոստովանել է ամերիկացի ընթերցողը Նևադայից: «Բա ինչո՞ւ Ռուսաստան չես գնում» -  հակադարձում է մյուսը։ «Պարզապես անհավանական է՝ քանի մարդ է այստեղ աջակցում Պուտինին»,- գրում է մեկնաբանը: «Եթե նա քեզ դուր չի գալիս, դա չի նշանակում, որ նա իրավացի չէ»,- վիճում է մյուսը։ «Նա թույլ չէր տա այն խառնաշփոթը, ինչ կատարվում է այսօր Ամերիկայում»,- եզրափակում է երրորդը։

Շատ լավ երևում է, որ Պուտինը կարողացել է, ինչպես ինքն է ասել՝ «իշխող շրջանակների» գլխի վրայով ուղիղ դիմել լայն զանգվածներին։

Իհարկե, շատերը չցանկացան դուրս գալ ապատեղեկատվական մատրիցայից, որտեղ նրանց նստեցրել են «լիբերալ» լրատվամիջոցները։ Ի վերջո, աշխարհի պատկերը, որը CNN-ի ու Facebook-ի օգտատերերին պարտադրում են, պարզ ու ոչ հակասական է: Սնունդը և բենզինը թանկանում են, պարտքերը ավելի ու ավելի շատ են աճում, հիփոթեքի ժամկետն անցնում է, աշխատանք չկա։ Ո՞վ է դրանում մեղավոր։ Դե, իհարկե, ռուսները։ Այս սարսափազդու պատմությունը թույլ է տալիս արտասահմանյան առցանց-մարտիկներին տարիներ շարունակ պառկել բազմոցին ու ոչինչ չանել: Իսկ եթե ընդունես, որ այս ամենի մեղավորը կոնկրետ քո կառավարությունն է, պետք է վեր կենաս բազմոցից, դուրս գաս փողոց, ինչ-որ բան ձեռնարկես... Ոչ, դա շատ բարդ է։

Այդ պատճառով ոմանք նախընտրում են նստել ու վախենալ. «Այդ հարցազրույցը շատ սարսափելի է»,- մեկնաբանել է YouTube-ի օգտատերը NBC-ի սյուժեն: «Նա (Պուտինը) վախեցնում է», - ասում է մյուսը։ «Ինձ էլ»,- գրում է երրորդը։

«Լուսավորյալ» եվրոպացիները և նրանց հոգևոր ժառանգ ամերիկացիները կրկին ընկղմվել են զուտ միջնադարյան դիվական մոլուցքի մեջ։ Իրենց համար սարսափելի կերպար են հորինել, բարդել են նրա ուսերին աշխարհի բոլոր չարիքներն ու սեփական վախից հաճույք են ստանում։

Սակայն մեկնաբանների ճնշող մեծամասնությունը Պուտինի խոսքերում իրական ելք են տեսել այն փակուղուց, որի մեջ նրանց մտցրել է գլոբալ իսթեբլիշմենթը։ Հատկապես ուրախացել են Թրամփի կողմնակիցները։

Մեջբերումն այն մասին, որ «ԱՄՆ նախկին նախագահ պարոն Թրամփը ոչ սովորական, տաղանդավոր մարդ է», տարածվել է բոլոր սոցցանցերում ու ԶԼՄ-ներում։ Դա այն մարդկանց սրտից էր, որոնք պաշտպանում են առողջ ազգայնականությունն ու այլ պետությունների գործերին չմիջամտելու ցանկությունը։

Հարցն անձամբ Թրամփը չէ։ Սովորական ամերիկացիները շատ լավ հասկանում են, որ նախկին նախագահի վարած մեկուսացման քաղաքականությունը ձեռնտու էր նրանց։ Այն  նպաստում էր և՛ ԱՄՆ-ի, և՛ միաժամանակ ամբողջ աշխարհի խաղաղության ամրապնդմանը։ Մինչդեռ տեղեկատվական, տնտեսական ու մշակութային պատերազմները, որ Դեմոկրատական կուսակցությունը հրահրում է ամբողջ աշխարհում, ձգտում է քարուքանդ անել և՛ ԱՄՆ-ն, և՛ աշխարհի բոլոր առաջատար տերությունները։

«Պուտինն ազգայնական է։ Նա չի սիրում համաշխարհային կառավարությանը ճիշտ այնպես, ինչպես ես ու դուք: Պուտինն ու Թրամփը դրանում համամիտ են», - իրավիճակը պարզ նկարագրում է ամերիկյան Breitbart կայքի ընթերցողը:

«Սպիտակ  «լիբերալ» հակաամերիկացիները պարզապես ցավոտ ատելություն են տածում Ռուսաստանի նկատմամբ», - գրում է ամերիկյան Daily Mail-ի մեկնաբանը։ - Նշենք, որ վերջին հինգ-վեց տարիներին նրանք անդադար մեղադրում են Ռուսաստանին այն ամենի համար, ինչը նրանց դուր չի գալիս։ Նրանք անփառունակ ձևով պարտվում են ընտրությունները, ուրեմն Ռուսաստանն է մեղավոր, և դա ընդամենը ամենախայտառակ և ծիծաղելի օրինակն է»։

Պուտինի հարցազրույցի քննարկման ընթացքում հանդիսատեսը հիշել է բայդենյան տխրահռչակ կիքսը «մարդասպանի» մասին ու բացահայտորեն ծաղրել նրան։

«Ի՞նչ հիմարություն է»,-  գրում է ոգևորված մեկնաբանը Realclearpolitics-ում,- «ինչ-որ չեմ հիշում, որ NBC-ը հարցնի Քլինթոններին շատ, շատ խորհրդավոր սպանությունների մասին, որոնք նրանց վերագրում են»։

Ինչի՞ մասին է վկայում Ռուսաստանի նախագահի հարցազրույցներին միջազգային հանրության կրքոտ, շահագրգիռ, գերհուզական արձագանքը։ Պարզապես այն մասին, որ Ռուսաստանն այսօր վերադարձել է գլոբալ գերտերությունների շարքը։ Դրա առաջնորդի կարծիքը բոլոր հարցերի վերաբերյալ վերլուծվում է, աշխուժորեն դիտարկվում ու քննարկվում է։ Դա բոլորին հետաքրքիր է, դա բոլորին հուզում է։

Պուտինի և Բայդենի հանդիպումն արդեն դարձել է ժամանակակից քաղաքականության գլխավոր իրադարձությունը։ Դեռ գագաթնաժողովի մեկնարկից առաջ դրա մասին մտածում և խոսում էին հարյուր միլիոնավոր մարդիկ ամբողջ աշխարհում։

Չենք մեջբերի այն ամբողջ քննադատությունը, որն առատորեն իրենց նախագահի հանդեպ հնչեցնում են ԱՄՆ-ի քաղաքացիները սոցցանցերում ու աշխարհի առաջատար ԶԼՄ-ների մեկնաբանություններում։ Այնտեղ շատ են և՛ անձնական վիրավորանքները, և՛ Բայդենի դիվանագիտական տաղանդների վերաբերյալ ոչ այնքան պարկեշտ արտահայտություննեը։

Պարզապես կմեջբերենք ամերիկյան Սենթ Լուիսի բնակիչ օգտատիրոջը. «Կուզենայի Պուտինը նախագահ լիներ՝ Բայդենի և Հարիսի փոխարեն՝ ցանկացած պահի»։

4
թեգերը:
հարցազրույց, Ջո Բայդեն, Վլադիմիր Պուտին
Բայդեն–Պուտին հանդիպում. Ժնև

Բայդենը գլխով չի արել ի պատասխան այն հարցին, թե հավատո՞ւմ է արդյոք Պուտինին․ Սպիտակ տուն

56
(Թարմացված է 17:57 16.06.2021)
Համաշխարհային մամուլում մեծ իրարանցում է առաջացրել գլխի ամենասովորական շարժումը։ Բայց մեծ քաղաքականության մեջ աննշան ժեստեր չեն լինում։

ԵՐԵՎԱՆ, 16 հունիսի – Sputnik. ԱՄՆ-ի նախագահ Ջո Բայդենը Ժնևում կայացած հանդիպման ժամանակ գլխով չի արել ի պատասխան այն հարցին, թե հավատո՞ւմ է արդյոք Ռուսաստանի նախագահ Վլադիմիր Պուտինին։ Տեղեկությունը հայտնել է Սպիտակ տան հաղորդակցության գծով տնօրեն Քեյթ Բեդինգֆիլդը:

PBS-ի հաղորդավարուհի Յամիշ Ալսինդորը Twitter-ում գրել էր, որ Բայդենը հանդիպումից առաջ գլխով է արել՝ պատասխանելով այն հարցին, թե հավատո՞ւմ է արդյոք Պուտինին։ Նմանատիպ եզրակացություն են եկել նաև մյուս լրագրողները։

Սակայն Սպիտակ տանը որոշել են պարզաբանել այս հարցը՝ հայտարարելով, որ դահլիճում, որտեղ տեղի է ունեցել Ռուսաստանի և ԱՄՆ-ի նախագահների հանդիպումը, քաոսային հրմշտոց է եղել, լրագրողները փորձել են մեկը մյուսից ավելի բարձր գոռալ, և Բայդենը «միանգամայն ակնհայտորեն» որևէ կոնկրետ հարցի չի պատասխանել, այլ պարզապես գլխով է արել՝ ի նշան այն բանի, որ ընդունում է մամուլին ընդհանրապես:

«Ընդամենը երկու օր առաջ նա մամուլի ասուլիսի ժամանակ ասել է․«Նախ ստուգիր, հետո վստահիր»»,- Twitter-ում գրել է Սպիտակ տան ներկայացուցիչը։

Պուտինն ասել է՝ որոնք են Բայդենի հետ հանդիպման գլխավոր նպատակները

Ժնևում ռուս-ամերիկյան գագաթնաժողովն առաջինը կդառնա 2018 թ․-ից ի վեր, երբ Պուտինը Հելսինկիում բանակցություններ էր վարում ԱՄՆ նախագահի պաշտոնում Բայդենի նախորդի՝ Դոնալդ Թրամփի հետ:

56
թեգերը:
Ռուսաստան, ԱՄՆ, Շվեյցարիա, Վլադիմիր Պուտին, Ջո Բայդեն
Ըստ թեմայի
Ռուսաստանի և ԱՄՆ-ի հարաբերությունները հասել են ամենացածր կետին․ Պուտին
Բայդենն ու Պուտինը հանդիպումից հետո առանձին ասուլիսներ կտան
Պուտինը մինչև սեպտեմբերի 30-ը երկարաձգել է միգրանտների ժամանակավոր կեցության ժամկետը