ԵՐԵՎԱՆ, 18 մայիսի - Sputnik. Ռուսաստանը հրատապ է համարում Պաղեստինի ու Իսրայելի միջև բախումների դադարեցումը, որոնց հետևանքով կան բազմաթիվ զոհեր։ Այդ մասին, ՌԻԱ Նովոստիի փոխանցմամբ, հայտարարել է ՌԴ նախագահ Վլադիմիր Պուտինը օտարերկրյա դեսպանների հետ հանդիպման ժամանակ։
«Պաղեստինցիների ու իսրայելցիների միջև հակամարտության բռնկումը մեծաթիվ զոհերի պատճառ է դարձել խաղաղ բնակչության շրջանում. նրանց թվում նաև երեխաներ են։ Հրատապ ենք համարում բռնի գործողությունների երկկողմանի դադարեցումը ու լուծման ուղիներ փնտրելը՝ ՄԱԿ-ի համապատասխան բանաձևերի հիման վրա»,-ասել է Ռուսաստանի ղեկավարը։
Հիշեցնենք` Իսրայելի և Պաղեստինի սահմանին տիրող իրավիճակը սրվեց մայիսի 10-ի երեկոյան։ Մինչ օրս պաղեստինյան կողմից Իսրայելի ուղղությամբ արձակվել է ավելի քան 3 հազար 300 հրթիռ, դրանցից մոտ 500-ն ընկել է Գազայի հատվածում։ Վերջին տվյալներով՝ Իսրայելում զոհվել է 10 մարդ, վիրավորվել՝ 20-ը։
Պաղեստինի առողջապահության նախարարության տվյալներով ՝ իսրայելական ավիահարվածների զոհ է դարձել 220 պաղեստինցի, այդ թվում՝ 58 երեխա, վիրավորների թիվն անցել է 1000-ը։
Պաղեստինը չի ուզում, որ Անկարան պաղեստինյան սրացումը համեմատի Ղարաբաղի իրավիճակի հետ
