ԵՐԵՎԱՆ, 13 մայիսի - Sputnik. ՌԴ նախագահ Վլադիմիր Պուտինի և ԱՄՆ նախագահ Ջո Բայդենի հանդիպման ձևաչափի հարցը կլուծվի համաճարակաբանների կողմից։ Տեղեկությունն այսօր լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։
«Հանդիպման ձևաչափը համաճարակաբանների քննարկման առանձին առարկա կդառնա», - լրագրողներին ասել է Պեսկովը ՝ պատասխանելով հարցին, թե ինչ ռեժիմով կարող է անցնել հանդիպումը:
Պեսկովը նաև հայտնել է, որ Ռուսաստանի և ԱՄՆ-ի ղեկավարների հանդիպման ժամկետների և վայրի մասին դեռևս պայմանավորվածություն չկա:
«Ոչ, առայժմ ոչ մի պայմանավորվածություն չկա այդ մասին։ Այս թեման դեռ քննարկման և վերլուծության փուլում է», - ասել է Պեսկովը։
Ապրիլի 13-ին Բայդենը հեռախոսազրույցի ընթացքում Պուտինին կոչ է արել երկկողմ գագաթնաժողով անցկացնել չեզոք երկրի տարածքում: Սպիտակ տան մամուլի քարտուղար Ջեն Փսակին հայտարարել էր, որ նախագահները կարող են հանդիպել ամռանը։
Ապրիլի 21-ին նա հաստատել է, որ երկու երկրների կառավարությունները շարունակում են քննարկել առաջնորդների հանդիպման գաղափարը: Ապրիլի 25-ին Պուտինի օգնական Յուրի Ուշակովը հայտարարել էր, որ Մոսկվան և Վաշինգտոնը նախնական պայմանավորվածություն են ձեռք բերել հուլիսին պետությունների ղեկավարների հանդիպման վերաբերյալ:
Բայդենն ու Էրդողանը պայմանավորվե՞լ էին. Լոքմագյոզյանը կասկածներ ունի