Իրան, նախագահ, Մահմուդ Ահմադինեժադ, ընտրություն, ընտրություններ, mahmud ahmadinejad, yntrutyun, iran
Մահմուդ Ահմադինեժադ

Մահմուդ Ահմադինեժադը կպայքարի Իրանի նախագահի պաշտոնի համար

83
(Թարմացված է 11:50 12.05.2021)
Իրանի նախկին նախագահն արդեն մասնակցել է 2017 թվականի մայիսին կայացած նախագահական ընտրությանը: Այն ժամանակ նրա որոշումն անսպասելի էր շատերի համար:

ԵՐԵՎԱՆ, մայիսի 12 - Sputnik. Իրանի նախկին նախագահ Մահմուդ Ահմադինեժադը, որը 2005-ից 2013 թվականը զբաղեցրել է երկրի նախագահի պաշտոնը, գրանցվել է հունիսին կայանալիք նախագահական ընտրությանը մասնակցելու համար։ Տեղեկությունը հաղորդում է «Tasnim» գործակալությունը:

Նշվում է, որ Ահմադինեժադի՝ թեկնածուների գրանցման վայր գալու պահին ավելի քան հարյուր կողմնակիցներ են սպասել նրան։

Չիրացված ներուժ կա․ նախարար Պապիկյանն ու Իրանի դեսպանը հանդիպել են

Իրանական ԶԼՄ-ները հայտնում են, որ նախագահական մրցավազքին մասնակցելու մտադրություն ունի նաև Իրանի դատական իշխանության ներկայիս ղեկավար Իբրահիմ Ռաիսին, որ 2017 թվականին Հասան Ռոհանիի գլխավոր մրցակիցն էր:

Գրիգորյանն ու Իրանի դեսպանը քննարկել են ՀՀ–ի միջոցով ԵԱՏՄ շուկա մուտք գործելու հեռանկարը

Նախագահական ընտրությանը մասնակցելու ցանկություն ունեցողների պաշտոնական գրանցումը սկսվել է մայիսի 11-ին ու կտևի մինչև մայիսի 15-ը: Դրանից հետո Սահմանադրության պահապանների խորհուրդը կստուգի գրանցված թեկնածուներին ու կհաստատի թեկնածությունները: Այնուհետև մայիսի 26-27-ն ընկած ժամանակահատվածում ներքին գործերի նախարարությունը կհայտարարի թույլատրված թեկնածուների անունները, որից հետո մասնակիցները կկարողանան սկսել իրենց նախընտրական քարոզարշավը, որը կտևի մինչև հունիսի 17-ը:

Նախագահական ընտրությունը նախատեսված է հունիսի 18-ին։ Իրանի ներկայիս նախագահ Հասան Ռոհանին, օրենսդրության համաձայն, չի կարող մասնակցել նախընտրական մրցարշավին, քանի որ ավարտին է մոտենում նրա նախագահության երկրորդ ժամկետը:

Հայաստան-Իրան սահմանը մշտապես եղել է խաղաղության և համագործակցության «կամուրջ». դեսպան

83
թեգերը:
ՏԻՄ ընտրություններ, Նախագահ, Իրանի Իսլամական Հանրապետություն
Նիդեռլանդների խորհրդարանը

Նիդեռլանդների խորհրդարանը հակաադրբեջանական բանաձև է ընդունել. բոյկոտել այցը Բաքու

40
(Թարմացված է 00:02 24.06.2021)
Նիդեռլանդների խորհրդարանը կոչ է անում բոյկոտել կառավարական պատվիրակության այցը Բաքու` ի նշան Ադրբեջանի պահվածքի դեմ բողոքի։

ԵՐԵՎԱՆ, 23 հունիսի – Sputnik. Նիդեռլանդների խորհրդարանն այսօր հակաադրբեջանական մի բանաձև է ընդունել։ Նիդեռլանդներում ՀՀ դեսպանության ֆեյսբուքյան էջից տեղեկանում ենք, որ խորհրդարանը կոչ է անում կառավարությանը Եվրոպայի ֆուտբոլի առաջնությանը Նիդեռլանդների հավաքանի հաղթանակի դեպքում Բաքու կառավարական պատվիրակություն չուղարկել, եթե հաջորդ խաղն այնտեղ անցկացվի։

Խորհրդարանը կոչ է անում բոյկոտել կառավարական պատվիրակության այցը Բաքու` ի նշան Ադրբեջանի պահվածքի դեմ բողոքի։

«Արձանագրելով, որ Բաքուն խախտել է զինադադարի համաձայնությունը, բացի այդ, հաշվի առնելով այն, որ դեռևս 200-ից ավել հայ ռազմագերիներ են պահվում Բաքվում, որտեղ նաև բացվել է զոհված հայ զինվորների սաղավարտներով «ռազմական ավարի» պուրակ, չուղարկել Բաքու կառավարական պատվիրակություն այն պարագայում, եթե Նիդեռլանդների հավաքականը խաղ անցկացնի Բաքվում»,–ասում է բանաձևում։

Հիշեցնենք, որ հունիսի 11-ին Իտալիա-Թուրքիա խաղով մեկնարկել է ֆուտբոլի Եվրոպայի 2020 թվականի առաջնությունը, որն անց է կացվում 10 քաղաքում:

Եվրո-2020-ը պետք է կայանար անցյալ ամռանը, սակայն կորոնավիրուսի պատճառով մրցաշարը տեղափոխեցին 2021–ին: Խաղերի մի մասը պետք է անցկացվի Բաքվում։

Բաքուն 15 գերիներին Երևանին է փոխանցել Վրաստանի վարչապետ Ղարիբաշվիլիի ակտիվ մասնակցությամբ

40
թեգերը:
Հայաստան, Ադրբեջան, Նիդեռլանդներ
Ըստ թեմայի
Եթե Երևանն ու Բաքուն դիմեն, Ռուսաստանը պատրաստ է օգնել սահմանագծման հանձնաժողովին
Թուրքիայի «Ազգայնական շարժում» կուսակցությունը Շուշիում դպրոց չի կառուցի. Բաքուն դեմ է
Բաքուն Առուստամյանին թույլ չի տվել մասնակցել Եվրո-2020-ին. Ուտկինը դիմել է կազմկոմիտեին
Իրան

Իրանական Ադրբեջանում ավտովթարի հետևանքով 2 լրագրող է մահացել, 21–ը վնասվածքներ են ստացել

42
(Թարմացված է 20:52 23.06.2021)
Բնապահպանության ոլորտում աշխատող լրագրողներն ուղևորվել են Արևմտյան Ադրբեջան նահանգի Ուրմիա լճի մոտ գտնվող շրջան` ջրամբարի մասին նյութ գրելու։

ԵՐԵՎԱՆ, 23 հունիսի - Sputnik. Իրանում ավտոբուսի վթարի հետևանքով երկու լրագրող մահացել են, ավելի քան 20-ը` տուժել։ Տեղեկությունը հայտնում է ՌԻԱ Նովոստին՝ հղում անելով Tasnim գործակալությունը:

Իշխանությունների հայտարարության համաձայն՝ բնապահպանության ոլորտում աշխատող լրագրողները ուղևորվել են Արևմտյան Ադրբեջանի Ուրմիա լճի մոտ գտնվող շրջան՝ ջրամբարի մասին նյութ գրելու։

ՀՀ ՔԿ–ն տեսանյութ է հրապարակել պայմանագրային զինծառայողի մասնակցությամբ ողբերգական վթարից

«Պատահարի հետևանքով տուժել է 21 լրագրող, և, ցավոք, երկու լրագրող մահացել են», - հայտնել է նահանգի անհետաձգելի օգնության կենտրոնի ղեկավար Բաղեր Բահրամին:

Վթարի պատճառները դեռ հայտնի չեն։

Ողբերգական դեպք Երևանում. էլեկտրահարված երեխաներից մեկը մահացել է, մյուսի վիճակը ծանր է

42
թեգերը:
Մահ, վթար, Լրագրող, Իրանի Իսլամական Հանրապետություն
Գերիների հարազատները նստացույց են սկսել կառավարության շենքի առջև

Գերիների հարազատները նստացույց են սկսել կառավարության շենքի առջև

77
(Թարմացված է 01:06 24.06.2021)
Հարազատները մինչ այդ հանդիպել են ՀՀ վարչապետի պաշտոնակատար Նիկոլ Փաշինյանի հետ։ Հանդիպումը նրանց չի բավարարել։

ԵՐԵՎԱՆ, 24 հունիսի - Sputnik. Այս գիշեր ՀՀ կառավարության գլխավոր մասնաշենքի առջև կանցկացնեն հայ գերիներից մի քանիսի հարազատները։ Sputnik Արմենիայի հետ զրույցում Շիրակի մարզից գերիներից մեկի եղբայրը՝ Տիգրանը, ասաց, որ ցերեկը հանդիպել են ՀՀ վարչապետի պաշտոնակատար Նիկոլ Փաշինյանի հետ։ Հանդիպումը նրանց չի բավարարել, ինչի համար էլ, այլ ելք չունենալով, որոշել են նստացույց անցկացնել կառավարության մոտ։

«Պահանջում ենք գերիների վերադարձն առանց նախապայմանների,-ասաց նա,-այլ տեղ չունենք գնալու»։

Նրան են միացել նաև այլ գերիների հարազատներ։

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդպիսով, Հայաստան վերադարձած գերիների թիվը դարձավ 88։

Դրանից հետո ՀՀ վարչապետի պաշտոնակատար Նիկոլ Փաշինյանը հայտարարել էր, որ Ադրբեջանում պահվող հայ գերիների ճշտված թիվը 60 է, չճշտվածներինը՝ 110։

Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։

Ռուսաստանն արել և անում է անհնարինը, որ գերիները վերադարձվեն. Կոպիրկին

77
թեգերը:
նստացույց, Հայաստան, գերի
Ըստ թեմայի
ԱԳՆ–ն կոչ է անում միջազգային գործընկերներին Ադրբեջանի դեմ քայլեր ձեռնարկել գերիների հարցով
Բաքվի դատարանը սկսել է 13 հայ գերիների գործով լսումները
Գերի ընկած կանայք տանջամահ են արվել ադրբեջանական բանտերում. Մարուքյանի ելույթը ԵԽԽՎ-ում