ԵՐԵՎԱՆ, 12 մայիսի – Sputnik. Իսրայելի Թել Ավիվ քաղաքից դեպի արևելք ընկած Լոդ քաղաքում հրթիռակոծության հետևանքով երեխա է մահացել։ Տեղեկությունը հայտնում է ՌԻԱ Նովոստին՝ հղում անելով տեղական լրատվամիջոցներին:
Ըստ տեղեկությունների` 7 տարեկան աղջնակից բացի, 40 տարեկան կին և նույն տարիքի տղամարդ է մահացել։
Եվս մեկ մարդ լուրջ վնասվածքներ է ստացել։ Լոդ քաղաքում արտակարգ դրություն է հայտարարվել։
Երուսաղեմում պաղեստինցիները քարեր են նետել ոստիկանների վրա. տեսանյութ
Հիշեցնենք` մայիսի 10-ից կտրուկ սրվել է իրավիճակը Իսրայելի և Գազայի հատվածի սահմանին։ Պաղեստինյան խմբավորումներն Իսրայելի ուղղությամբ արձակել են ավելի քան 600 հրթիռ, իսրայելական «Երկաթե գմբեթ» հակահրթիռային պաշտպանության համակարգը որսացել է դրանցից 200-ը։ Իսրայելը հարվածներ է հասցրել Գազայի հատվածին, որի հետևանքով երկու օրվա ընթացքում զոհվել է 30 մարդ, այդ թվում՝ 10 երեխա, ևս 203 մարդ վիրավորվել է: Իսրայելի ԱԳՆ-ն տեղեկացրել է, որ հրթիռակոծության հետևանքով երկու իսրայելցի է մահացել:
«Խորապես մտահոգված ենք». ՀՀ ԱԳՆ–ն կոչով դիմել է երուսաղեմյան բախումների կողմերին