Ժոզե Մոուրինյո, Հենրիխ Մխիթարյան

Մոուրինյոն` Մխիթարյանի հետքերով. ՄՅՈւ–ի նախկին մարզիչը տեղափոխվելու է «Ռոմա»

175
(Թարմացված է 18:33 04.05.2021)
Հենրիխ Մխիթարյանն ու Ժոզե Մոուրինյոն այնքան էլ լավ հարաբերությունների մեջ չէին «Մանչեսթեր Յունայթեդում», որտեղից հայ ֆուտբոլիստը հեռացավ 2018 թվականի սկզբին։ Պորտուգալացի մարզիչը հեռացվեց մանկունյանցիների գլխավոր մարզչի պաշտոնից մեկ տարի անց։

ԵՐԵՎԱՆ, 4 մայիսի – Sputnik, Խաչիկ Չախոյան. Իտալական «Ռոման» պաշտոնապես հայտարարել է, որ Պաոլո Ֆոնսեկան մրցաշրջանի ավարտից հետո հեռանալու է գայլերի գլխավոր մարզչի պաշտոնից։ Արդեն հայտնի է, որ Ֆոնսեկային փոխարինելու է Ժոզե Մոուրինյոն, որի գլխավորությամբ մեր հավաքականի ավագ Հենրիխ Մխիթարյանը խաղացել է անգլիական «Մանչեսթեր Յունայթեդում»։

Մարզչական փոփոխությունները ֆուտբոլում արտասովոր երևույթ չեն համարվում։ Համենայնդեպս թիմի ոչ բավարար արդյունքների պատճառով մարզիչներին հաճախակի են փոխում։ Այն, որ «Ռոմայում» Ֆոնսեկային փոխարինելու է Մոուրինյոն, ոչ մի անսովոր բան չկա։ Բայց հայ երկրպագուի համար ինտրիգ կա հաստատ։ Չէ՞ որ «Ռոմայում» է խաղում Հենրիխ Մխիթարյանը, որին վստահում և թիմի առանցքային ֆուտբոլիստ է համարում Ֆոնսեկան, իսկ Մոուրինյոն «Մանչեսթերում Յունայթեդում», մեղմ ասած, չէր վստահում հայ ֆուտբոլիստին։

Վերջին մի քանի օրերին անընդհատ խոսվում էր Մխիթարյանի «Ռոմայից» իտալական գրանդ՝ «Յուվենտուս» տեղափոխվելու մասին։ Իտալական մի քանի պարբերականներ նշում էին, որ Հենրիխին իր կազմում ուզում է տեսնել «Ծեր սինյորան», և մեր ֆուտբոլիստի գործակալ Մինո Ռայոլան չի շտապում։ Իհարկե սրանք ոչ պաշտոնական տեղեկություններ են։ Բայց փաստ է, որ Մխիթարյանը չի շտապում երկարաձգել պայմանագիրը «Ռոմայի» հետ։ Միգուցե Հենրիխն ինչ- որ բան զգո՞ւմ էր։ Դժվար է պատկերացնել, որ անգլիական ակումբում ոչ նորմալ հարաբերություններից հետո Մխիթարյանն ու Մոուրինյոն «ռեսթարտ» կտան իրենց ֆուտբոլային համագործակցությանը։

Հենրիխ Մխիթարյանը դեռ լավ մարզավիճակում չէ. Պաուլո Ֆոնսեկա

«Մանչեսթեր Յունայթեդում» Մխիթարյանը հայտնվեց 27 տարեկանում, իսկ հեռացավ երկու տարի անց` 35 խաղերում խփելով հինգ գնդակ։ 30 տարեկանում հայ ֆուտբոլիստը «Արսենալից» վարձավճարով տեղափոխվեց «Ռոմա», իսկ հետո դարձավ իտալական թիմի լիարժեք ֆուտբոլիստը: Հիմա Հենրիխը «Ռոմայի» կազմում անցկացրել է 52 խաղ ու դարձել 18 գոլի հեղինակ։

Սակայն այս պահի ամենակարևոր գործոնը մեր ֆուտբոլիստի տարիքն է։ Մխիթարյանը 32 տարեկան է, և հաստատ չի ուզենա նստել պահեստայինների նստարանին, ինչը հնարավոր է Մոուրինյոի հետ նույն թիմում հայտնվելու պայմաններում։ Ժամանակը ցույց կտա, թե որտեղ կշարունակի իր կարիերան Հայաստանի ազգային հավաքականի առաջատարը, իսկ թե որտեղ կշարունակի Մոուրինյոն արդեն հայտնի է։

175
թեգերը:
Ժոզե Մոուրինյո, Մանչեսթեր Յունայթեդ, ֆուտբոլիստ, ֆուտբոլ, մարզիչ, «Ռոմա» ֆուտբոլային ակումբ, Հենրիխ Մխիթարյան
թեմա:
Հենրիխ Մխիթարյան (352)
Արխիվային լուսանկար

Ղրիմում զինված ահաբեկիչ է վնասազերծվել. տեսանյութ դեպքի վայրից

8
(Թարմացված է 23:55 11.05.2021)
Գրոհայինը կրակ է բացել երեք իրավապահների ուղղությամբ, երբ նրանք փորձել են վնասազերծել հանցագործին։

ԵՐԵՎԱՆ, 11 մայիսի - Sputnik. Ղրիմում վնասազերծվել է 49-ամյա զինյալ ահբեկիչ, որը կապ է ունեցել միջազգային ահաբեկչական կազմակերպության հետ։ Տեղեկությունը հայտնում է ՌԻԱ Նովոստին, առանց նշելու, թե կոնկրետ որ կազմակերպության մասին է խոսքը։

Նշվում է, որ ահաբեկիչը զինված է եղել։ Նա սպանվել է դիմադրություն ցույց տալու ժամանակ: Ահաբեկիչը սկսել է կրակել, երբ Անվտանգության դաշնային ծառայության 3 աշխատակիցներ օպերատիվ գործողություն են սկսել նրան վնասզերծելու նպատակով։

Իրավապահներից ոչ ոք չի տուժել:

Դեպքի հանգամանքները, ինչպես նաև դրան նախորդող իրադարձությունները, պարզվում են:

Հայաստանը հետախուզում է հայտարարել Արցախի պատերազմին մասնակցած 40 ահաբեկչի նկատմամբ

8
թեգերը:
տեսանյութ, ահաբեկիչ, Ղրիմ
Ըստ թեմայի
Հայաստանում ահաբեկչության ֆինանսավորման ռիսկը ցածր է, փողերի լվացման ռիսկը` միջինից ցածր
Թուրքիայի վարձած ահաբեկիչները կօգտագործվեն նաև ԱՊՀ մյուս երկրներում. Մելիք–Շահնազարյան 
Հիմնավորվել է` Մուհամմադ ալ-Շխերը և Յուսեֆ Ալաբեթ ալ-Հաջին սիրիացի վարձկան-ահաբեկիչներ են
Իսպանացի պատգամավորները Ադրբեջանից պահանջել են ազատ արձակել հայ ռազմագերիներին

Իսպանացի պատգամավորներն Ադրբեջանից պահանջել են ազատ արձակել հայ ռազմագերիներին

15
(Թարմացված է 22:20 11.05.2021)
Արցախյան պատերազմի օրերին` 2020 թ–ի հոկտեմբերին, Իսպանիայի Կոնգրեսի 21 պատգամավորներ և 15 սենատորներ Հայաստանի և Արցախի նկատմամբ թուրք-ադրբեջանական ագրեսիան դատապարտող համատեղ հայտարարություն էին տարածել։

ԵՐԵՎԱՆ, 11 մայիսի – Sputnik. Իսպանիայի Կոնգրեսի մի խումբ պատգամավորներ ու սենատորներ հայ գերիների վերադարձի պահանջով բողոքի ակցիա են անցկացրել Իսպանիայի խորհրդարանի շենքի դիմաց։ Ինչպես հայտնում է Իսպանիայում ՀՀ դեսպանատունը, նրանք այդկերպ Ադրբեջանից պահանջել են ազատ արձակել հայ ռազմագերիներին։

««Ազատություն հայ ռազմագերիներին» գրառմամբ պաստառներով այսօր նրանք միասին լուսանկարվել են Կոնգրեսի կենտրոնական մուտքի առջև»,– ասվում է դեսպանատան ֆեյսբուքյան էջում տարածված հաղորդագրության մեջ։

Հիշեցնենք` արցախյան 44–օրյա պատերազմի օրերին` 2020 թ–ի հոկտեմբերին, Իսպանիայի Կոնգրեսի 21 պատգամավորներ և 15 սենատորներ Հայաստանի և Արցախի նկատմամբ թուրք-ադրբեջանական ագրեսիան դատապարտող համատեղ հայտարարություն էին տարածել` միջազգային հանրությանը կոչ անելով ճանաչել Արցախի ժողովրդի ինքնորոշման իրավունքը՝ Արցախի քաղաքացիների խաղաղ կյանքի իրավունքն ապահովելու նպատակով։

ԵԽ պատգամավորները դիմել են ԵԽ նախագահին՝ հարկադրելու Ադրբեջանին ազատել հայ գերիներին

15
թեգերը:
Ադրբեջան, Պատգամավոր, ռազմագերի, Իսպանիա
Ըստ թեմայի
ԿՄԽԿ-ն Ադրբեջանում պահվող հայ գերիներին օգնում է կապ հաստատել ընտանիքի անդամների հետ
Գերիների ազատման հարցում միջազգային ճնշման տակ Ադրբեջանը առաջ է քաշում կեղծ օրակարգեր
Գերիների փոխանակման, ականազերծման խնդիրները պետք է լուծվեն առանց նախապայմանների. Լավրով
Ադրբեջանը փորձում է արդարացնել գերիների վերադարձի պարտավորության չկատարումը. Մանե Գևորգյան

Իսրայելի Հոլոն քաղաքի վրա հրթիռային հարվածի հետևանքները. տեսանյութ

0
(Թարմացված է 00:03 12.05.2021)
Գազայի հատվածից բարձր ինտենսիվությամբ հրթիռակոծությունները Իսրայելի ուղղությամբ շարունակվել են։ Զինվորականները բնակիչներին խնդրում են թաքնվել ապաստարաններում։

Զինվորականների տվյալներով` վերջին 18 ժամվա ընթացքում Գազայի հատվածից Իսրայելի ուղղությամբ ավելի քան 300 հրթիռ է արձակվել, այսինքն գրեթե անդադար ռմբակոծել են` ամեն երեք րոպեն մեկ։

Հայտնում են, որ Աշկելոն և Աշդոդ քաղաքներում արկերն ընկել են անմիջապես բնակելի շենքերի վրա։

Երկրի կենտրոնական և հարավային մասերի բնակիչներին զինվորականները խորհուրդ են տվել թաքնվել ռմբապաստարաններում։ Որքան ժամանակ է այնտեղ պետք մնալ, դեռ հայտնի չէ։

Հոլոն քաղաքում հրթիռն ընկել է «Էգեդա» ավտոբուսի վրա, որից հրթիռակոծությունից առաջ ուղևորները հասցրել են դուրս գալ։ Վարորդը, լսելով տագնապի ազդանշանը, բացել է դռներն ու խնդրել ուղևորներին դուրս գալ, որից հետո ինքն էլ լքել է ավտոբուսը։ Ավտոբուսը բնակելի թաղամասում էր գտնվում, այն ամբողջությամբ այրվել է։

Հիվանդանոց է տեղափոխվել 8 մարդ, այդ թվում 5 տարեկան երեխա։

Իսրայելական տանկերը հարված են հասցրել ՀԱՄԱՍ-ի տարածքներին

0
թեգերը:
տեսանյութ, հրթիռ, Իսրայել