«Օկտորբերֆեստ», արխիվային լուսանկար

Գերմանիայում չեղարկվել է «Օկտոբերֆեստը»

24
(Թարմացված է 18:30 03.05.2021)
Ըստ հաշվարկների՝ միջազգային փառատոնի չեղարկումը մեծ վնաս է հասցնելու ամբողջ Բավարիա երկրամասին։

ԵՐԵՎԱՆ, 3 մայիսի - Sputnik. Գարեջրի հայտնի փառատոնը` «Օկտոբերֆեստն» այս տարի չի կայանա կորոնավիրուսի համավարակի պատճառով։ Տեղեկությունը հայտնում է գերմանական dpa լրատվական գործակալությունը։ Այսօր նման պայմանավորվածություն են ձեռք բերել Բավարիայի երկրամասի վարչապետն ու Մյունխենի քաղաքագլուխը։

«Օկտոբերֆեստ 2021»-ը նախատեսված էր անցկացնել Մյունխենում սեպտեմբերի 18-ից հոկտեմբերի 3-ը։

Նշենք, որ ամեն տարի այս փառատոնին մոտ 6 միլիոն մարդ է մասնակցում ամբողջ աշխարհից։ Հենց այս փառատոնի միջազգային լինելն է պատճառ է դարձել, որ նման որոշում կայացվի։

Փառատոնի չեղարկումը մեծ վնաս է հասցնելու ոչ միայն Բավարիայի գարեջրատներին, գարեջրի արտադրամասներին և այլն։ Մյունխենը ևս զրկվելու է լուրջ եկամուտներից։ 2019 թվականին «Օկտոբերֆեստի» տնտեսական արժեքը կազմել է 1,23 միլիարդ եվրո։

Մարդիկ սկսել են քիչ ծախսել. ինչպես են համավարակն ու պատերազմն ազդել տնտեսության վրա

Նշենք, որ կորոնավիրուսով վարակվածների թվով Գերմանիան աշխարհում 10-րդ տեղում է։ Worldometers կայքի տվյալներով՝ Գերմանիայում Covid 19-ով վարակվել է մոտ 3,5 միլիոն մարդ, համավարակի սկզբից ավելի քան 83 հազար մարդ է մահացել։

Ամերիկացի գիտնականները մեկ վայրկյանում կորոնավիրուսը ոչնչացնելու միջոց են գտել

24
թեգերը:
գարեջուր, փառատոն, Գերմանիա
Ըստ թեմայի
Բեռլինում հայկական գինու պահեստ է բացվել. փոխնախարարը ներկայացնում է ծրագրի մանրամասները
Կրքեր բրենդի շուրջ, կամ Կոնյակ քաղաքը կլուծե՞ր հայկական խմիչքի հարցը
Մոմ

Վարորդի անզգուշության հետևանքով մահացել է ավագ սարկավագ Սիմեոն Ավետիսյանը. մանրամասներ

7
Մոսկվայի Կրիլատսկի շրջանում գտնվող եկեղեցու հոգևորականը մահացել է ավտովթարի հետևանքով։

ԵՐԵՎԱՆ, մայիսի 11 - Sputnik. Մոսկվայի Կրիլատսկի շրջանում գտնվող Աստվածամոր Սուրբծննդյան տաճարի հոգևորական Սիմեոն Ավետիսյանի մահվան պատճառ է դարձել տաքսու վարորդի անզգուշությունը։ Տեղեկությունը հայտնում է «Մոսկովսկի կոմսոմոլեցը»:

Հոգևորականը պետք է կնոջ ու երկու դուստրերի հետ Սանկտ Պետերբուրգ մեկներ՝ երգի փառատոնի մասնակցելու։ Ընտանիքը տարբեր մեքենաներով է կայարան գնացել․ Ավետիսյանն ու կինը տաքսի են կանչել։ Հենց հոգևորականի տան մոտ էլ մեքենան բախվել է ապրանքներ տեղափոխող բեռնատարի, որը փոքր ՃՏՊ-ի մեջ է հայտնվել, իսկ վարորդը դուրս է եկել ստուգելու՝ վթարի մասնակիցը տուժել է, թե ոչ։ Ցավոք, նա չի հասցրել միացնել վթարային ազդանշանը, և տաքսիստը մխրճվել է բեռնատարի մեջ։

​Առջևում նստած Ավետիսյանին ծայրահեղ ծանր վիճակում տեղափոխել են հիվանդանոց։ Մեկ ժամ անց 67-ամյա հոգևորականը մահացել է։ Նրա կնոջը՝ Եկատերինային, ու տաքսու վարորդին ուղեղի ցնցումով և գանգուղեղային վնասվածքներով տեղափոխել են հիվանդանոց։

«Դուստրերը երևի չեն էլ տեսել վթարի պահն ու շարունակել են իրենց ճանապարհը դեպի կայարան», - գրում է պարբերականը:

Ի՞նչ վիճակում են Փաշինյանին ուղեկցող մեքենայի մասնակցությամբ վթարից տուժածները

Ավետիսյանն ունի վեց դուստր և երեք որդի։ Նրանք բոլորը երգում են «Բարի լուր» ընտանեկան համույթում։ 2012 թվականին հոգևորականին պարգևատրել են «Ծնողական փառքի» շքանշանով: Ավետիսյանը նաև դասավանդել է Գնեսինների անվան մանկական երաժշտական դպրոցում։ Գլխավորել է «Մոսկովսկիե կոլոկոլչիկի» մանկական երգչախումբն ու «Մոսկովսկիե կոլոկոլա» երիտասարդական երգչախումբը:

Նա ուժեղ հարվածում էր դռանը. ի՞նչ է հայտնի Կազանի դպրոցում տեղի ունեցած ողբերգության մասին

7
թեգերը:
վարորդ, վթար, հոգևորական, Մահ, Մոսկվա
Ըստ թեմայի
Դժբախտ պատահար Արմավիրում. տղամարդը մեքենան վարելիս հանկարծամահ է եղել
Էջմիածնում սպանված երիտասարդը մենակ չի եղել. ՔԿ–ն նոր մանրամասներ է հայտնում
Ադրբեջանցի բլոգեր Բայրամ Մամադովի դիակը հայտնաբերվել է Ստամբուլում
Կազանի № 175 դպրոցի տարածքում

Նա ուժեղ հարվածում էր դռանը. ի՞նչ է հայտնի Կազանի դպրոցում տեղի ունեցած ողբերգության մասին

169
(Թարմացված է 19:23 11.05.2021)
Դպրոցականները պատմել են, թե ինչպես են թաքնվել նստարանների տակ, հետո նրանց դուրս են բերել դպրոցից ու հեռու տարել։ Զգուշացրել են, որ մարդասպանը կարող է կրակել պատուհաններից։

Ինը զոհ, ավելի քան երկու տասնյակ վիրավորներ. սրանք քննչական կոմիտեի տվյալներ են։ Կազանի թիվ 175 վարժարանի նախկին աշակերտ Իլնազ Գալյավիևն այսօր առավոտյան զենքով մտել է դպրոց ու իսկական սպանդ կազմակերպել այնտեղ: Գալյավիևին ձերբակալել են, նրա հետ արդեն աշխատում են քննիչները։

Առաջին դասաժամ

Կրակոցները հնչել են առավոտյան ժամը 10-ին։

«Ժամը 08: 55–ին մաթեմատիկայի դասը սկսվեց երրորդ հարկի դասասենյակում,– ՌԻԱ Նովոստիին պատմել է վեցերորդ դասարանի աշակերտ Ռոման (անչափահասի անունը փոխվել է): - Մի 15 րոպե անց դրսից դղրդյուն լսվեց։ Մտածեցինք` աղբատարն է, սկսեցինք պատուհանից դուրս նայել, բայց ուսուցիչը հրահանգեց վերադառնալ նստարանների մոտ»։

Դպրոցի տնօրենը բարձրախոսով խնդրել է բոլոր ուսուցիչներին փակել դասարանների դռները և ոչ մեկի առաջ չբացել։

«Մենք թաքնվեցինք նստարաների տակ, իսկ 10 րոպե անց ուժգին պայթյուն լսվեց, նույնիսկ պատերը ցնցվեցին, — հիշում է Ռոման։ - Հետո մեզ ասացին, որ ռումբ են գցել առաջին հարկում գտնվող դասարանի մոտ։ Դրանից անմիջապես հետո ինչ-որ մեկը սկսեց ուժեղ խփել դռանը, բայց մենք չբացեցինք, իսկ մի քանի վայրկյան անց միջանցքում սկսեցին կրակել։ Ավելի շատ վախեցանք, երբ նորից սկսեցին դուռը թակել»։

Դա արդեն հատուկ նշանակության ջոկատի աշխատակիցն էր, նա դռան տակից ցույց է տվել ծառայողական վկայականը։ Բոլորին հանել են միջանցք և հետո դուրս բերել վթարային ելքով։

«Դասարանում վառոդի ուժեղ հոտ էր տարածվել, - պատմել է մեկ այլ աշակերտ, որը նույնպես եղել է երրորդ հարկում։ - Դա մի քանի րոպե տևեց, հետո ոստիկանները հայտնվեցին։ Մեզ փողոց հանեցին ու հեռու տարան դպրոցի տարածքից։ Ասացին` մարդասպանին դեռ չեն ձերբակալել. նա կարող է կրակել պատուհաններից»։

Դպրոցականի խոսքով` իրենց զգուշացրել են, որ հարձակվողները երկուսն են, բայց ուժային գերատեսչություններն ավելի ուշ հերքեցին այդ տեղեկությունը։

«Ատում եմ բոլորին»

Նախնական տվյալներով ՝ արյունալի սպանդի հեղինակը 19-ամյա Իլնազ Գալյավիևն է։ Ձերբակալությունից հետո նրան տեղափոխել են ոստիկանության բաժին և կապել խցիկի ճաղավանդակին։ Համացանցում հրապարակված կադրերում երևում է, որ նա չի զղջում իր արածի համար:

Գալյավիևը 9 տարի է սովորել այդ դպրոցում։ 2017-ին ընդունվել է տեղի քոլեջ։ «Շատ հանգիստ տղա էր, քիչ շփվող, — պատմել է զուգահեռ դասարանի աշակերտուհիներից մեկը։ - Լավ էր սովորում, տնային առաջադրանքների հարցում հաճախ էր օգնում ինձ: Երբեք չէր մերժում»։

Երիտասարդի փակ բնավորության վկայությունն է նաև այն հանգամանքը, որ դպրոցում շատերն իսպառ մոռացել էին նրա անունը։ Հիշել են միայն այն բանից հետո, երբ տեսել են Գալյավիևի լուսանկարը։

Ильназ Галявиев
© Photo : предостгавлено одноклассниками
Իլնազ Գալյավիև

«Այո, իրոք, նա քիչ էր շփվում, - հաստատել է 175-րդ դպրոցի շրջանավարտ Ռուսլանը։ – Բայց թվում էր, թե ոչ մեկին վնաս չի տա։ Նրան ոչ ոք չի ճնշել։ Մեզ մոտ ընդհանրապես բոլորը շատ համերաշխ էին։ Ուսուցիչները Իլնազին լավ էին վերաբերվում, թաթարերենի ուսուցչի ամենասիրելի աշակերտն էր»։

Կազանի դպրոցում տեղի ունեցած հրաձգությունից հետո Պուտինը հրատապ հանձնարարություն է տվել

Դպրոցի վրա հարձակումից առաջ Գալյավիևը Telegram-ալիք է ստեղծել, հրապարակել իր լուսանկարը և հայտնել, որ պատրաստվում է ազատվել բոլորից։

Առաջին հարցաքննության ժամանակ բարձրաձայն բղավել է ու հայհոյել։ Ասել է, որ երկու ամիս առաջ իրեն աստված է զգացել։

«Իսկ ամռանը իմ մեջ սկսեց արթնանալ հրեշը։ Ես սկսեցի ատել բոլորին։ Ես միշտ էլ ատում էի բոլորին, սկսեցի է՛լ ավելի ատել», — ասել է նա։

Ի՞նչ է սա` հոգեկան խանգարման նմանակում, թե՞ իրական խանգարում, կպարզեն փորձագետները։

Ի՞նչ է կատարվում Կազանի դպրոցում, որտեղ երեխաներ են սպանվել. շենքի ներսում արված կադրեր

169
թեգերը:
Աշակերտ, Սպանություն, դպրոց, Կազան