Սերժ Թանկյան

Սերժ Թանկյանն իր նոր տեսահոլովակը նվիրել է որդուն և 13-րդ դարի սուֆիական բանաստեղծին

54
(Թարմացված է 23:12 30.04.2021)
Սերժ Թանկյանի Elasticity անհատական ալբոմը թողարկվել է 2021 թվականի մարտին, այն բաղկացած է հինգ ստեղծագործությունից։ Դրանցից մեկի տեսահոլովակում նկարահանվել է դերասանուհի Սաշա Բորտիչը:

ԵՐԵՎԱՆ, 30 ապրիլի - Sputnik. System of a Down խմբի մենակատար Սերժ Թանկյանը նոր տեսահոլովակ է նկարահանել Elasticity սոլո ալբոմի երգերից մեկի հիման վրա։

Ըստ Vents Magazine կայքի, Թանկյանը նոր տեսահոլովակը նվիրել է իր վեցամյա որդուն և 13-րդ դարի սուֆի բանաստեղծ Ջալալադդին Ռումիին, ում անունով էլ կոչել է երեխային:

Կոմպոզիցիան շատ անհատական է. System of a Down- ի մենակատարը դիմում է իր երեխային, խնդրում նրան դիմադրել գայթակղություններին և լինել այն մարդը, որ ինքը` տղան երազում է դառնալ: Տեսահոլովակը սերտորեն կապված է երգի բառերի հետ: Թանկյանի որդին նկարահանվել է տեսանյութում, որտեղ նրա աստղային հայրը իրեն խորհուրդներ է տալիս։

«Իմ երգի մեջ, հայրը խոսում է  որդու հետ, դրանում կան հղումներ այն բանաստեղծի ստեղծագործություններին, որի անունով ես կոչել են իմ երեխային», - ասել է Թանկյանը:

Սերժ Թանկյանի Recognize Artsakh երգը ռուսերեն են թարգմանել. տեսանյութ

Սերժ Թանկյանի Elasticity անհատական ալբոմը թողարկվել է 2021 թվականի մարտին, դրանում ներառված է հինգ ստեղծագործություն։ Գլխավոր երգի տեսահոլովակում նկարահանվել է դերասանուհի Սաշա Բորտիչը։

54
թեգերը:
որդի, տեսահոլովակ, երգ, Սերժ Թանկյան
Ըստ թեմայի
Զինաթափեք Ադրբեջանին․ Թանկյանը ԱՄՆ իշխանություններին կոչ է անում պատժել Թուրքիային
Մենք թույլ չենք տա ձեզ բաժանել մեզ․ Սերժ Թանկյանը դիմել է հայ ժողովրդին
Թանկյանն ու SOAD-ը 600 հազար դոլար են հավաքել Արցախի համար
Президенты России и Турции Владимир Путин и Реджеп Тайип Эрдоган во время встречи (22 октября 2019). Сочи

Պուտինն ու Էրդողանը քննարկել են իրավիճակը Պաղեստինում

0
Թուրքիայի նախագահ Ռեջեփ Թայիփ Էրդողանն ասել է, որ միջազգային հանրությունը պետք է ուժեղ ու զսպող դաս տա Իսրայելին:

ԵՐԵՎԱՆ, 12 մայիսի -Sputnik. Ռուսաստանի ու Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը հեռախոսով քննարկել են իրավիճակը Պաղեստինում: Տեղեկությունը հայտնում է ՌԻԱ նովոստին՝ հղում անելով Թուրքիայի նախագահի մամուլի ծառայությանը։

«Էրդողանն ասել է, որ միջազգային հանրությունը պետք է ուժեղ ու զսպող դաս տա Իսրայելին։ Այդ նպատակով Թուրքիան կշարունակի իր նախաձեռնությունները բոլոր մակարդակներում», - նշված է հաղորդագրության մեջ:

Թուրքիայի նախագահը կարևորել է «Երուսաղեմում տեղի ունեցող իրադարձությունների վերաբերյալ Ռուսաստանի ու Թուրքիայի հայացքների համընկումները»:

Էրդողանը նաև ընդգծել է, որ հետագա էսկալացիան կանխելու համար կարևոր է, որ ՄԱԿ-ի Անվտանգության խորհուրդը միջամտի այդ հարցին ու «Իսրայելին հարձակումների դադարեցման մասին վճռական ու հստակ ազդանշաններ տա»:

Հիշեցնենք, որ մայիսի 10-ին իրավիճակն Իսրայելի ու Գազայի պաղեստինյան հատվածի սահմանին կտրուկ սրվել է։ Պաղեստինյան խմբավորումները Գազայի հատվածից ավելի քան 600 հրթիռ են արձակել Իսրայելի ուղղությամբ, «Երկաթե գմբեթ» իսրայելական ՀՀՊ համակարգը որսացել է դրանցից 200-ը: Իսրայելը հարվածներ է հասցրել Գազայի հատվածին, դրա հետևանքով, վերջին տվյալներով, երկու օրվա ընթացքում զոհվել է ավելի քան 30 մարդ, այդ թվում՝ 10 երեխա։ Եվս 203 մարդ վիրավորվել է: Հրթիռակոծության հետևանքով զոհվել է 5 իսրայելցի, ավելի քան 200-ը վիրավորվել է։

Իսրայելում ապրող հայերի շրջանում տուժածներ ու զոհեր չկան. պատրիարքարանի ներկայացուցիչ

0
թեգերը:
Վլադիմիր Պուտին, Ռեջեփ Թայիփ Էրդողան, Պաղեստին, Իսրայել
ՄԻԵԴ

«Freedom House»-ն Ադրբեջանին հորդորել է գերիների մասին տեղեկություններ տրամադրել ՄԻԵԴ-ին

17
(Թարմացված է 13:05 12.05.2021)
Ադրբեջանը պարտավոր է տրամադրել հարցվող ամբողջ տեղեկատվությունը, որպեսզի նպաստի թափանցիկ հետաքննությանը:

ԵՐԵՎԱՆ, 12 մայիսի – Sputnik. «Freedom House» իրավապաշտպան կազմակերպությունն Ադրբեջանի իշխանություններին կոչ է արել ամբողջ ծավալով համագործակցել Մարդու իրավունքների եվրոպական դատարանի հետ՝ հայ գերիների մասին ամբողջական տեղեկատվություն տրամադրելու, նրանց իրավունքների պաշտպանությունն ապահովելու հարցում: Կազմակերպության Եվրոպայի և Եվրասիայի ծրագրերի տնօրեն Մարկ Բերենդտը հայտարարություն է տարածել:

«Մենք խորապես մտահոգված ենք վերջերս տեղի ունեցած զինված հակամարտությունից հետո Ադրբեջանի կողմից գերեվարված հայերի նկատմամբ անմարդկային և դաժան վերաբերմունքի, ներառյալ՝ կտտանքների մասին հաղորդագրություններով: Մենք Ադրբեջանի իշխանություններին կոչ ենք անում ամբողջ ծավալով համագործակցել Մարդու իրավունքների եվրոպական դատարանի հետ գերեվարված հայերի նկատմամբ անմարդկային վերաբերմունքի մասին հաղորդագրությունները հետաքննելու հարցում՝ անկախ նրանց կարգավիճակից և ապահովել պահվող անձանց պաշտպանությունը՝ միջազգային մարդասիրական իրավունքների պահանջների համաձայն, ներառյալ պաշտպանությունը կտտանքներից և անմարդկային վերաբերմունքից: Որպես երկիր, որը ստորագրել է Մարդու իրավունքների մասին եվրոպական կոնվենցիան, Ադրբեջանը պարտավոր է տրամադրել հարցվող ամբողջ տեղեկատվությունը, որպեսզի նպաստի այս լուրջ հարցերի թափանցիկ հետաքննությանը»:

Հիշեցնենք՝ նոյեմբերի 9–ի եռակողմ հայտարարության ընդունումից հետո Ադրբեջանից Հայաստան են վերադարձել 73 գերիներ։ Ոչ պաշտոնական տվյալներով` հարևան երկրում ավելի քան 200 հայ գերի կա։ Մայիսի 3–ին հայտնի դարձավ, որ 19 հայ գերիներ խոշտանգվել ու սպանվել են ադրբեջանցի զինծառայողների կողմից, նրանց մեջ նաև կանայք կան։

Մայիսի 4–ին Ադրբեջանն ազատ արձակեց գերության մեջ գտնվող ևս երեք հայի` Ռոբերտ Վարդանյանին, Սամվել Շուխյանին և Սեյրան Թամրազյանին։

Երևան հասնելուն պես նրանք բուժկենտրոն տեղափոխվեցին բժշկական հետազոտություն անցնելու համար։

17
թեգերը:
Մարդու Իրավունքների Եվրոպական դատարան (ՄԻԵԴ), Ադրբեջան, գերի
Ըստ թեմայի
ԵԽ պատգամավորները դիմել են ԵԽ նախագահին՝ հարկադրելու Ադրբեջանին ազատել հայ գերիներին
Նիկոլ Փաշինյանը Ղազախստանի նորանշանակ դեսպանի հետ քննարկել է գերիների հարցը
Ադրբեջանից վերադարձած գերիների համար վերասոցիալականացման ծրագրեր են մշակվում