Օսլո

Ով և ինչու է փորձում Նորվեգիայում թշնամություն սերմանել Ռուսաստանի հանդեպ

95
(Թարմացված է 22:46 29.04.2021)

Ինչու է Ատլանտյան դաշինքը Նորվեգիայում հակառուսական տրամադրություններ տարածում։ ՌԻԱ Նովոստիի սյունակագիր Պյոտր Ակոպովն իր հոդվածում անդրադարձել է սերիալների և դեդեկտիվների միջոցով քարոզվող ռուսաֆոբիային և դրա հետևանքներին։

Ռուսաստանը ցամաքային սահման ունի ՆԱՏՕ-ի հինգ երկրների հետ, ու դրանցից չորսն արդեն երկար տարիներ բացահայտորեն ոչ բարեկամական դիրքեր են զբաղեցնում ՌԴ-նկատմամբ։ Թեև բոլորն էլ նախկինում Ռուսաստանի կազմում էին, բայց Լեհաստանի և Մերձբալթյան երեք հանրապետությունների համար ընդհանուր անցյալը (նաև մեծաքանակ ռուս բնակչություն, ինչպես օրինակ Լատվիայում և Էստոնիայում է) միայն ռուսատյացության լրացուցիչ առիթ է։

Իսկ ՆԱՏՕ-ի հինգերորդ երկիրը, որի հետ ՌԴ-ն ցամաքային սահման ունի, անկախություն է ստացել մի փոքր շուտ, քան մերձբալթյան հանրապետությունները կառանձնանային փլուզված Ռուսական կայսրությունից։ Այն երբեք Ռուսաստանի կազմի մեջ չի եղել, բայց վերջին տարիներին հենց այնտեղ են տարածում ստանում ռուսական օկուպացիայի ու ռուսական սպառնալիքի մասին վեպերն ու ֆիլմերը:

Եվ դա այն դեպքում, երբ ռուսները երբեք չեն հարձակվել այդ երկրի վրա և չեն գրավել դրա տարածքները, ընդհակառակը, ազատագրել են օկուպանտներից, իսկ ահա այդ երկրի որոշ զինված բնակիչներ SS (էսէսականների) զորամասերի կազմում կռվել են ռուսների դեմ։ Նրանց մասին վերջերս նկարահանվել է «Ճակատայինները» սերիալը, որը տարակուսանք է առաջացրել ինչպես այնտեղի հասարակության մի մասի մոտ, այնպես էլ Ռուսաստանում։ ՌԴ ԱԳՆ-ն այն նույնիսկ որակեց «բացարձակ անընդունելի և ամոթալի», և ցանկացավ լսել այդ երկրի  իշխանության անաչառ գնահատականները։ Բայց նրանց արտաքին քաղաքական գերատեսչությունը հրաժարվեց մեկնաբանել սերիալը՝ պատճառաբանելով, որ «դա մշակութային ստեղծագործություն է և որևէ կապ չունի Նորվեգիայի պաշտոնական քաղաքականության հետ կամ չի արտացոլում երկրի տեսակետը պատմության վերաբերյալ»։

Այո, խոսքը Նորվեգիայի՝ 5 միլիոնանոց թագավորության, Ռուսաստանի հարևանի և ՆԱՏՕ- ի հիմնադիր երկրներից մեկի մասին է։ Ատլանտյան դաշինքին Նորվեգիայի ամբողջ նվիրվածությամբ հանդերձ` նույնիսկ ԽՍՀՄ-ի ժամանակներում երկիրը ջանում էր բարիդրացիական հարաբերություններ պահպանել հարևանի հետ՝ ոչ այնքան ի նշան երախտագիտության ֆաշիստական օկուպացիայից իրեն ազատելու համար, որքան փոխշահավետ համագործակցության շատ ոլորտների (Շպիցբերգեն, ձկնորսություն և այլն) առկայության պատճառով։ Նորվեգիայում ամերիկյան զորքեր էլ չկային։

ԱՄՆ–ի կողմնակիցները սկսել են խոսել ռուսական «Սպուտնիկ V» գնելու մասին

Ընդհանուր առմամբ, նորմալ հարաբերություններ են եղել նաև հետխորհրդային շրջանում։ Սակայն հետղրիմյան ժամանակներում իրավիճակը սկսեց փոխվել՝ ամերիկացիները սկզբում երեք, իսկ հետո յոթ հարյուր զինվորական ուղարկեցին։ Խորհրդանշական է, չէ՞։ Այո, բայց այստեղ կարևորը քանակը չէ, այլ իմաստը, թե դեպի ուր են մղում նորվեգացիներին, իսկ նրանց ներշնչում են, որ Ռուսաստանը վտանգավոր է: Այս թեմայից էլ վերջին մի քանի տարիների ընթացքում ծնվում են բազմաթիվ ֆիլմեր և գրքեր։ Սկսած աղմկահարույց (և երկրի պատմության մեջ ամենահեղինակավոր դարձած) «Օկուպացվածները» սերիալից (Ռուսաստանի կողմից երկրի գրավման մասին, թեկուզ և` Եվրամիության հետ դավադրության մեջ), վերջացրած «Մեծ արջի» տիպի դետեկտիվներով (Շպիցբերգենում ԱՄՆ-ի և Ռուսաստանի բախման մասին)։

Ռուսական սպառնալիքի թեմայով դետեկտիվներ ավելի ու ավելի հաճախ են հայտնվում, դրանցից շատերում գիտակցաբար զուգահեռներ են անցկացնում Ղրիմի հետ, հիշատակվում է «Ղրիմի սցենարը»։ Մի քանի տարի առաջ լույս տեսավ Նորդհուս Կարլսոնի «Սպիտակ արմադը», որը գովազդվում էր այսպես. «75 տարի առաջ նրանք ազատագրեցին Կիրկենեսը, այժմ վերադարձան»: Իսկ այս տարվա սկզբին լույս տեսած նախկին մանկագիր Գրետա Բոեի «Աղետի ազդանշան» դեբյուտային դետեկտիվում ռուսներն արդեն սպառնում են Ֆինմարքին, այսինքն՝ Խորհրդային բանակի ազատագրած հողերին։ «Ֆինմարքը կարող է նոր Ղրիմ դառնալ»։

Չի կարելի ասել, որ բոլոր նորվեգացիները հանգիստ «ուտում» են Ատլանտյան պատվերով պատրաստված ռուսաֆոբիական ուտեստները։ Իսկ այն, որ նման պատվեր գոյություն ունի, կասկածից վեր է։ Այն փաստագրված չէ, բայց լավ աշակերտը միշտ էլ հասկանում է, թե ինչ է ուսուցիչն իրենից ակնկալում։ Շատերն են վրդովվում և դժգոհում։ Բայց նրանց մեղադրում են քայքայիչ գործունեության, Ռուսաստանի համար աշխատելու մեջ, ինչպես դա տեղի է ունենում Հարավ-արևելյան Նորվեգիայի համալսարանի պրոֆեսոր Գլեն Դիսենի հետ, որը Ռուսաստանի հետ համագործակցության ու բարիդրացիական հարաբերությունների կողմնակից է: Նա մշտապես տպագրվում է նորվեգական ու ռուսական մամուլում, և դրա համար ստացել է «Կրեմլի քարոզչի» պիտակը։ Ընդ որում, ինչը հատկապես ծիծաղելի է, այն մարդկանցից է, որոնք բացեիբաց աշխատում են տարբեր ատլանտյան կառույցների հետ։

Հասկանալի է, որ ատլանտիսիստները փորձում են Նորվեգիային ներգրավել Ռուսաստանի ակտիվ հակառակորդների ակումբում, սակայն, ի տարբերություն Ռուսաստանի մյուս հարևանների, որոնք ներգրավված են այդ ակումբում, թագավորությունում չկան ռուսատյացության լուրջ ավանդույթներ ո՛չ կենցաղային, ո՛չ քաղաքական մակարդակով։ Ու չնայած ատլանտյան ուժեղ ազդեցությանը, նորվեգացիներն, այնուամենայնիվ, կարող են որոշել՝ ինչ հարաբերություններ ունենան հարևան երկրների հետ։ Հատկապես՝ Ռուսաստանի, որը Նորվեգիային երբեք թշնամի պետություն չի համարել, ու դա վերաբերում է ոչ միայն ՌԴ ԱԳՆ-ում կազմվող «ոչ բարեկամական երկրների» ցուցակներին (որտեղ թագավորությունը, իհարկե, չկա), այլ ընդհանրապես երկրների հարաբերությունների պատմությանը։ Եվ դրանց ապագային։

95
թեգերը:
գիրք, սերիալ, ԱՄՆ, ՆԱՏՕ, Նորվեգիա, Ռուսաստան
Ըստ թեմայի
Ռուսաստանը ռազմական ծախսերի գծով առաջին հնգյակում է. միտումները` աշխարհում և ԱՊՀ–ում
ԱՄՆ-ն ուզում է բաց երկխոսություն հաստատել Ռուսաստանի հետ. Պետդեպ
Սերգեյ Լավրով. Ռուսաստանի ոչ բարեկամ երկրների ցանկին երկար սպասելու կարիք չի լինի
Իսպանացի պատգամավորները Ադրբեջանից պահանջել են ազատ արձակել հայ ռազմագերիներին

Իսպանացի պատգամավորներն Ադրբեջանից պահանջել են ազատ արձակել հայ ռազմագերիներին

15
(Թարմացված է 22:20 11.05.2021)
Արցախյան պատերազմի օրերին` 2020 թ–ի հոկտեմբերին, Իսպանիայի Կոնգրեսի 21 պատգամավորներ և 15 սենատորներ Հայաստանի և Արցախի նկատմամբ թուրք-ադրբեջանական ագրեսիան դատապարտող համատեղ հայտարարություն էին տարածել։

ԵՐԵՎԱՆ, 11 մայիսի – Sputnik. Իսպանիայի Կոնգրեսի մի խումբ պատգամավորներ ու սենատորներ հայ գերիների վերադարձի պահանջով բողոքի ակցիա են անցկացրել Իսպանիայի խորհրդարանի շենքի դիմաց։ Ինչպես հայտնում է Իսպանիայում ՀՀ դեսպանատունը, նրանք այդկերպ Ադրբեջանից պահանջել են ազատ արձակել հայ ռազմագերիներին։

««Ազատություն հայ ռազմագերիներին» գրառմամբ պաստառներով այսօր նրանք միասին լուսանկարվել են Կոնգրեսի կենտրոնական մուտքի առջև»,– ասվում է դեսպանատան ֆեյսբուքյան էջում տարածված հաղորդագրության մեջ։

Հիշեցնենք` արցախյան 44–օրյա պատերազմի օրերին` 2020 թ–ի հոկտեմբերին, Իսպանիայի Կոնգրեսի 21 պատգամավորներ և 15 սենատորներ Հայաստանի և Արցախի նկատմամբ թուրք-ադրբեջանական ագրեսիան դատապարտող համատեղ հայտարարություն էին տարածել` միջազգային հանրությանը կոչ անելով ճանաչել Արցախի ժողովրդի ինքնորոշման իրավունքը՝ Արցախի քաղաքացիների խաղաղ կյանքի իրավունքն ապահովելու նպատակով։

ԵԽ պատգամավորները դիմել են ԵԽ նախագահին՝ հարկադրելու Ադրբեջանին ազատել հայ գերիներին

15
թեգերը:
Ադրբեջան, Պատգամավոր, ռազմագերի, Իսպանիա
Ըստ թեմայի
ԿՄԽԿ-ն Ադրբեջանում պահվող հայ գերիներին օգնում է կապ հաստատել ընտանիքի անդամների հետ
Գերիների ազատման հարցում միջազգային ճնշման տակ Ադրբեջանը առաջ է քաշում կեղծ օրակարգեր
Գերիների փոխանակման, ականազերծման խնդիրները պետք է լուծվեն առանց նախապայմանների. Լավրով
Ադրբեջանը փորձում է արդարացնել գերիների վերադարձի պարտավորության չկատարումը. Մանե Գևորգյան
Մոմ

Վարորդի անզգուշության հետևանքով մահացել է ավագ սարկավագ Սիմեոն Ավետիսյանը. մանրամասներ

161
Մոսկվայի Կրիլատսկի շրջանում գտնվող եկեղեցու հոգևորականը մահացել է ավտովթարի հետևանքով։

ԵՐԵՎԱՆ, մայիսի 11 - Sputnik. Մոսկվայի Կրիլատսկի շրջանում գտնվող Աստվածամոր Սուրբծննդյան տաճարի հոգևորական Սիմեոն Ավետիսյանի մահվան պատճառ է դարձել տաքսու վարորդի անզգուշությունը։ Տեղեկությունը հայտնում է «Մոսկովսկի կոմսոմոլեցը»:

Հոգևորականը պետք է կնոջ ու երկու դուստրերի հետ Սանկտ Պետերբուրգ մեկներ՝ երգի փառատոնի մասնակցելու։ Ընտանիքը տարբեր մեքենաներով է կայարան գնացել․ Ավետիսյանն ու կինը տաքսի են կանչել։ Հենց հոգևորականի տան մոտ էլ մեքենան բախվել է ապրանքներ տեղափոխող բեռնատարի, որը փոքր ՃՏՊ-ի մեջ է հայտնվել, իսկ վարորդը դուրս է եկել ստուգելու՝ վթարի մասնակիցը տուժել է, թե ոչ։ Ցավոք, նա չի հասցրել միացնել վթարային ազդանշանը, և տաքսիստը մխրճվել է բեռնատարի մեջ։

​Առջևում նստած Ավետիսյանին ծայրահեղ ծանր վիճակում տեղափոխել են հիվանդանոց։ Մեկ ժամ անց 67-ամյա հոգևորականը մահացել է։ Նրա կնոջը՝ Եկատերինային, ու տաքսու վարորդին ուղեղի ցնցումով և գանգուղեղային վնասվածքներով տեղափոխել են հիվանդանոց։

«Դուստրերը երևի չեն էլ տեսել վթարի պահն ու շարունակել են իրենց ճանապարհը դեպի կայարան», - գրում է պարբերականը:

Ի՞նչ վիճակում են Փաշինյանին ուղեկցող մեքենայի մասնակցությամբ վթարից տուժածները

Ավետիսյանն ունի վեց դուստր և երեք որդի։ Նրանք բոլորը երգում են «Բարի լուր» ընտանեկան համույթում։ 2012 թվականին հոգևորականին պարգևատրել են «Ծնողական փառքի» շքանշանով: Ավետիսյանը նաև դասավանդել է Գնեսինների անվան մանկական երաժշտական դպրոցում։ Գլխավորել է «Մոսկովսկիե կոլոկոլչիկի» մանկական երգչախումբն ու «Մոսկովսկիե կոլոկոլա» երիտասարդական երգչախումբը:

Նա ուժեղ հարվածում էր դռանը. ի՞նչ է հայտնի Կազանի դպրոցում տեղի ունեցած ողբերգության մասին

161
թեգերը:
վարորդ, վթար, հոգևորական, Մահ, Մոսկվա
Ըստ թեմայի
Դժբախտ պատահար Արմավիրում. տղամարդը մեքենան վարելիս հանկարծամահ է եղել
Էջմիածնում սպանված երիտասարդը մենակ չի եղել. ՔԿ–ն նոր մանրամասներ է հայտնում
Ադրբեջանցի բլոգեր Բայրամ Մամադովի դիակը հայտնաբերվել է Ստամբուլում
Արման Թաթոյան

ՀՀ մարդու իրավունքների պաշտպանը պատասխանել է Ադրբեջանի ԱԳ նախարարին

0
(Թարմացված է 23:43 11.05.2021)
Պաշտպանը միջազգային կառույցների ուշադրությունն է հրավիրում Ադրբեջանի արտաքին գործերի նախարարի` միջազգային մարդասիրական իրավունքը խախտող հայտարարության վրա։

ԵՐԵՎԱՆ, 11 մայիսի – Sputnik. ՀՀ մարդու իրավունքների պաշտպան Արման Թաթոյանը Facebook–ի իր էջում պատասխանել է Ադրբեջանի արտաքին գործերի նախարարի այսօրվա հայտարարությանը, որտեղ նա Ադրբեջանում պահվող հայ գերիներին անվանում է ռազմական հանցագործներ։

«Ադրբեջանի հատուկ ծառայության մարմինների իրականացրած գործողությունների արդյունքում սադրիչ-դիվերսիոն գործողություն իրականացրած հայ զինծառայողներից մի քանիսը ոչնչացվել են, իսկ մի քանիսը՝ ձերբակալվել։ Ներկայումս նրանց հետ կապված քննչական գործողությունները շարունակվում են»,– ասել է ադրբեջանցի պաշտոնյան:

Հաշվի առնելով, որ հարցը վերաբերում է հայ գերիների իրավունքներին, ՀՀ մարդու իրավունքների պաշտպանն արձանագրում է, որ Ադրբեջանի արտաքին գործերի նախարարի նշված պնդումները կոպտորեն ոտնահարում են միջազգային մարդասիրական իրավունքը, այդ թվում՝ մարդու իրավունքները:

«Իրականությունն այն է, որ առկա է ընթացիկ, բաց զինված հակամարտություն (armed conflict): Միջազգային (մարդասիրական) իրավունքի տեսանկյունից սա նշանակում է, որ անկախ նրանից` 2020թ. նոյեմբերի 9-ի եռակողմ հայտարարությունից հետո են գերեվարվել, թե ոչ, նրանք իրավական կարգավիճակով գերի են և պետք է ազատ արձակվեն անհապաղ՝ առանց որևէ նախապայմանի»,– ասվում է Թաթոյանի տարածած հայտարարության մեջ։

Ըստ նրա` ադրբեջանական իշխանություններն արհեստական ձգձգում են գերիների վերադարձի գործընթացը՝ որպես պատիժ այն դեպքում, երբ դա ավտոմատ կիրառման ենթակա միջազգային պահանջ է:

Մյուս կողմից, Ադրբեջանը նաև դիտավորյալ չի հայտնում գերիների իրական թիվը` ոչ միայն խախտելով գերիների իրավունքները, այլև հոգեկան տառապանքներ պատճառելով գերիների ու անհետ կորածների ընտանիքներին, լարվածություն առաջացնելով հայ հասարակությունում:

«Եթե այս տեմպով արվի, կարող է տարիներ տևել». Քոչարյանը՝ գերիների վերադարձի մասին

Թաթոյանի դիտարկմամբ` գերիների ազատ արձակման հարցը պետք է դիտարկել Ադրբեջանի իշխանության մարմինների հայատյացության ու թշնամանքի քաղաքականության համատեքստում։

Պաշտպանը միջազգային կառույցների ուշադրությունն է հրավիրում Ադրբեջանի արտաքին գործերի նախարարի միջազգային մարդասիրական իրավունքը խախտող հայտարարության վրա։

Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան

0
թեգերը:
Արցախ, Ադրբեջան, գերի, Նախարար, ՀՀ ՄԻՊ, Արման Թաթոյան