Կիպրոս

Կիպրոսը մայիսի 10-ից բաց է հայաստանցի զբոսաշրջիկների համար, բայց մեկ պայմանով

137
Կիպրոսի իշխանություններն հայտնել են զբոսաշրջիկների համար սպասված լուրը, ինչը կթեթևացնի ամառային սեզոնի պլանավորումը:

ԵՐԵՎԱՆ, 26 ապրիլի -Sputnik. Կիպրոսը մայիսի 10-ից առանց որևէ սահմանափակման բաց է պատվաստված զբոսաշրջիկների համար, այդ թվում նաև նրանց, ովքեր պատվաստվել են ռուսական «Սպուտնիկ V» պատվաստանյութով: ՌԻԱ Նովոստիի փոխանցմամբ` տեղեկությունը Կիպրոսի զբոսաշրջության նախարար Սավվաս Պերդիոսին հայտնել է Կիպրոսի CNA լրատվական գործակալությանը։

Նրա խոսքով՝ Կիպրոսի իշխանությունները այսօր հայտնել են զբոսաշրջիկների համար սպասված լուրը, ինչը կթեթևացնի ամառային սեզոնի պլանավորումը: Երկիր մուտք գործել հնարավոր կլինի նաև կորոնավիրուսի բացասական թեստի առկայության դեպքում:

«Մենք կտեղեկացնենք մեր արտասահմանյան գործընկերներին, որ մայիսի 10 -ից նրանք, ովքեր պատվաստվել են, այն 65 երկրներից, որոնց հետ սահմանը մենք վերջերս բացել ենք, կարող են Կիպրոս գալ առանց թեստավորման։ Նրանց չենք մեկուսացվի, նույնիսկ եթե շփվել են կորոնավիրուսով վարակվածի հետ», - ասել է Պերդիոսը:

Նրա խոսքով ՝ դրանք ԵՄ անդամ երկրներ են, ներառյալ Նորվեգիան և Իսլանդիան, ինչպես նաև Շվեյցարիան, Հայաստանը, Բահրեյնը, Բելառուսը, Կանադան, Եգիպտոսը, Վրաստանը, Իսրայելը, Հորդանանը, Քուվեյթը, Լիբանանը, Կատարը, Ռուսաստանը, Սաուդյան Արաբիան, Սերբիան, Ուկրաինան, Արաբական Միացյալ Էմիրությունները, Մեծ Բրիտանիան եւ ԱՄՆ-ը:

«Մոտավորապես այդ 65 երկրների քաղաքացիներն իրավունք ունեն Կիպրոս այցելել նաև բացասական թեստի առկայության դեպքում (կախված երկրների դասակարգումից` կանաչ, նարնջագույն և կարմիր կատեգորիայի)։ Բայց նրանք, ովքեր պատվաստվել են երկու դեղաչափերով կամ ավարտել են պատվաստումը (քանի որ բավարար է Johnson & Johnson պատվաստանյութի մեկ չափաբաժինը), կկարողանան Կիպրոս ժամանել առանց թեստ հանձնելու», - հայտարարել է Պերդիոսը:

Ռուսաստանը փակում է Թուրքիայի օդը. ի՞նչ է լինելու 2021 թվականի զբոսաշրջային սեզոնի հետ

Նա հավելել է, որ դա վերաբերում է նաև ռուսական պատվաստանյութին։

Չնայած «Սպուտնիկ V»-ն լիցենզավորված չէ եվրոպական դեղամիջոցների գործակալության կողմից, բայց ԵՄ ցանկացած երկիր իրավունք ունի հավանություն տալ երրորդ երկրներից այլ պատվաստանյութերի և ընդունել դրոնով պատվաստված զբոսաշրջիկների:

137
թեգերը:
պատվաստումներ, թեստ, կորոնավիրուս, զբոսաշրջություն, Զբոսաշրջիկ, Հայաստան, Կիպրոս
Ըստ թեմայի
Զբոսաշրջային սեզոնը մոտենում է․ ո՞ր երկրներ կարող են մեկնել հայաստանցիները
Հայաստանը կարող է դառնալ տարածաշրջանի առաջին երկիրը, որ կվերականգնի զբոսաշրջության ոլորտը
Թուրքիայում ռուս զբոսաշրջիկ է մահացել. ավելի քան 25 տուժած կա
Կրակոցներ և պայթյուն Կազանի դպրոցներից մեկում

Կրակոցներ և պայթյուն Կազանի դպրոցներից մեկում. զոհեր կան, դեռահաս է ձերբակալվել. տեսանյութ

103
(Թարմացված է 11:50 11.05.2021)
Դեպքի վայր են մեկնել շտապօգնության ավելի քան 20 բրիգադներ, իրավապահ մարմինների աշխատակիցներ։

ԵՐԵՎԱՆ, 11 մայիսի - Sputnik. Կազանի դպրոցներից մեկում կրակոցներ են հնչել, ապա պայթյուն է որոտացել։ Տեղեկությունը հայտնում է ՌԻԱ Նովոստին՝ հղում անելով Թաթարստանի իրավապահ մարմինների իր աղբյուրին։

«Ֆայզիի դպրոցի շրջանում կրակոցների ձայներ են լսել, պարզում ենք», - ասել է գործակալության զրուցակիցը:

Թաթարստանի դատախազությունից հայտնել են, որ դեպքի վայր է մեկնել գլխավոր դատախազ Իլդուս Նաֆիկովը:

«Միջադեպի հանգամանքները պարզվում են», - լրագրողներին ասել է դատախազության ներկայացուցիչը:

Տեղեկություններ կան, որ կրակոցների հեղինակը դեռահաս է, նա արդեն ձերբակալվել է:

ՌԻԱ Նովոստին հայտնում է, որ 9 զոհ կա, 12 տուժած, չորսը վերակենդանացման բաժանմունքում են։ Մահացածներից 8-ը աշակերտներ են, մեկը` ուսուցիչ։

Ըստ որոշ տվյալների՝ ձերբակալվածը 19 տարեկան Իլնազ Գալյավիևն է։

Դատելով կադրերից՝ երեխաները փրկվելու համար թռել են շենքի պատուհաններից։ 

Դեպքի վայր է մեկնել շտապօգնության ավելի քան 20 բրիգադ։ Թաթարստանի կրթության նախարարության նախնական տվյալներով՝ Կազանի դպրոցում հրաձգության հետեւանքով տուժածների թվում երեխաներ չկան:

«Վայ, Հովո ջան․․․»․ ականատեսը՝ Նոր Նորքում հնչած կրակոցների ու սպանության մասին

103
թեգերը:
Զոհ, կրակոց, դպրոց, Կազան
Վարազդատ Հարոյան

Վարազդատ Հարոյանը «Աստանայից» կտեղափոխվի եվրոպական ակումբ

60
(Թարմացված է 10:15 11.05.2021)
Մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։

ԵՐԵՎԱՆ, 11 մայիսի – Sputnik. Հայաստանի ազգային հավաքականի պաշտպան Վարազդատ Հարոյանը «Աստանայից» կտեղափոխվի եվրոպական ակումբ։ Տեղեկությունն իր  Տելեգրամ-ալիքում հայտնել է լրագրող Արարատ Մամբրեյանը։

«Ըստ իմ աղբյուրների, Հայաստանի ազգային հավաքականի կենտրոնական պաշտպան Վարազդատ Հարոյանը շուտով կփոխի իր ակումբը:

«Աստանայի» և Հայաստանի ազգային հավաքականի պաշտպան Վարազդատ Հարոյանը շուտով կհայտնվի եվրոպական մեկ այլ ակումբում: Սպասեք հաճելի անակնկալի»,- գրել է Մամբրեյանը:

Մեր հավաքականում մի բան կա, որ չկա ոչ մի այլ տեղ. Բայրամյանը` ֆուտբոլի և ընտանիքի մասին

Նշենք, որ մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։ «Աստանան» միանձնյա գլխավորում է մրցաշարային աղյուսակը։

60
թեգերը:
Եվրոպա, Ղազախստան, ֆուտբոլիստ, ֆուտբոլ, Վարազդատ Հարոյան
Ըստ թեմայի
«Ուրարտուն» հյուրընկալել է Արթուր Աբրահամին. 11-մետրանոցներ են եղել
Մոուրինյոն նոր ակումբի պատվին փոխել է հեռախոսի պատյանը
Ճակատագրի հեգնանք. Մխիթարյանը վերադարձավ «Օլդ Թրաֆֆորդ», իսկ Մոուրինյոն կգլխավորի «Ռոման»
Արցախի թեմի առաջնորդ Վրթանես եպիսկոպոս Աբրահամյանը

Եթե Դադիվանքը խաղաղապահները չհսկեին, Ղազանչեցոցի բախտին կարժանանար. Արցախի թեմի առաջնորդ

19
(Թարմացված է 11:47 11.05.2021)
Վրթանես եպիսկոպոս Աբրահամյանը Sputnik Արմենիայի հետ զրույցում անդրադարձել է Ղազանչեցոց եկեղեցու գմբեթները հանելու փաստին և Դադիվանքի ճակատագրին։

ԵՐԵՎԱՆ, 11 մայիսի- Sputnik, Կարինե Հարությունյան. Արցախի թեմի առաջնորդ Վրթանես եպիսկոպոս Աբրահամյանը վստահ է` եթե Դադիվանքն այս կարգավիճակում չլիներ, այսինքն` ռուս խաղաղապահների կողմից չհսկվեր, ապա այն հիմա ընդհանրապես չէր լինի, Ղազանչեցոցի և մյուսների բախտին կարժանանար։ Sputnik Արմենիայի հետ զրույցում Արցախի թեմի առաջնորդը նման կարծիք հայտնեց` անդրադառնալով ադրբեջանցիների կողմից Շուշիի սուրբ Ամենափրկիչ Ղազանչեցոց եկեղեցու գմբեթները հանելու դեպքին։

Հայտնել էինք, որ  մայիսի 9 -ին ընդառաջ ադրբեջանցիները հանել են Շուշիի Ղազանչեցոց Ամենափրկիչ եկեղեցու գմբեթները։

«Պատերազմի ավարտից մինչ օրս Ադրբեջանն ավերում և վերացնում է այն ամենն, ինչ քրիստոնեական և հայկական է։ Մենք ականատես եղանք, թե ինչպես հրադադարից հետո նրանք գետնին հավասարեցրին 2017 թվականին Արցախի Մեխակավան բնակավայրում օծված Զորավոր սուրբ Աստվածածին եկեղեցին, նույնը նաև Սուրբ Հովհաննես Մկրտիչ եկեղեցու` Կանաչ ժամի հետ»,–ասաց Սրբազանը։

Նախկինում, երբ դեռ հայկական կողմը չէր ազատագրել այդ տարածքները, այնտեղ քրդեր էին ապրում, որոնք մեր եկեղեցիներին ու վանքերին ձեռք չէին տալիս։ Իսկ ադրբեջանցիները, ըստ Վրթանես եպիսկոպոսի, միայն մեկ նպատակ ունեն` այն, ինչ ժամանակին «սխալվել» և թողել են կանգուն, հիմա պետք է ոչնչացնեն։

Նման դեպքերում Ադրբեջանին կանգնեցնելու համար Արցախի թեմի առաջնորդն այնքան էլ հույս չի կապում դրսի որևէ ուժի հետ։ «Մենք տեսանք` պատերազմի օրերին ինչպես էին  ադրբեջանցիները վարվում մարդկանց հետ, հիմա ի՞նչ սպասենք նրանցից հոգևոր ու մշակութային արժեքների պահպանության առումով։ Սակայն նման պարագաներում, երբ հասնում են ատելության այս գագաթնակետին, նրանց գոռոզամտությունը և լկտիությունն այսպես անպատասխան չի մնալու` ի վերջո բումերանգի էֆեկտը գործելու է, և նրանք իրենց պատիժը ստանալու են»,–ասում է Սրբազանը։

Ինչո՞ւ է Շուշիի Ղազանչեցոց եկեղեցու գմբեթը կլոր

Նա հավելում է, որ մենք էլ մեր կողմից պետք է մեծ դաս քաղենք` ճիշտ ապրելու, հետագան ճիշտ կարգավորելու համար։ Սրբազանն իր խոսքն ամփոփեց` ասելով, որ դեպի ապագա տանող մեր աստիճանը պետք է հենված լինի ազգայինի վրա, այլապես մենք կկորցնենք շատ բան։

Հիշեցնենք, որ Վրթանես եպիսկոպոսն ավելի վաղ հայտնել էր` ադրբեջանցիներն արհեստական խոչընդոտներն են ստեղծում ամեն կիրակի Դադիվանք այցելել ցանկացող ուխտավորների համար։

19
թեգերը:
խաղաղապահ, Վրթանես եպիսկոպոս Աբրահամյան, Դադիվանք, Լեռնային Ղարաբաղ, Արցախ
Ըստ թեմայի
Հաղթանակի հպարտությունից մինչև կորստի ցավ. մայիսի 9-ը Հայաստանում ու Արցախում
Ողջ, բայց անտուն․ ինչպես են սոցիալական խնդիրները «սպանում» արցախյան պատերազմի մասնակցին
Վանաձորցին համաշխարհային ռեկորդ սահմանեց և իր հաղթանակը նվիրեց արցախյան հերոսներին