ԱՄՆ ոստիկանություն

Կրակոցներ Նյու Յորքում․ կա զոհ և վիրավորներ

25
(Թարմացված է 22:04 20.04.2021)
Դեպքը տեղի է ունեցել Ուեսթ Հեմփսթեդի Stop&Shop սուպերմարկետի գրասենյակային տարածքներից մեկում։

ԵՐԵՎԱՆ, 20 ապրիլի - Sputnik․ ԱՄՆ-ի Նյու Յորք քաղաքի Լոնգ Այլենդ շրջանի սուպերմարկետում հրաձգության հետեւանքով առնվազն մեկ մարդ է զոհվել, երկուսը վիրավորվել են։ Տեղի ոստիկանության ներկայացուցիչ Պատրիկ Ռայդերը CNN հեռուստաալիքին հայտնել է, որ հրաձգությունը տեղի է ունեցել Ուեսթ Հեմփսթեդի Stop&Shop սուպերմարկետի գրասենյակային տարածքներից մեկում։

Նա նաև ասել է, որ հանցագործը թաքնվել է, իրավապահները փնտրում են նրան։ Տեղի բնակիչներին խնդրում են փողոց դուրս չգալ մինչև ոստիկանությունը չավարտի աշխատանքները։ Մոտակա դպրոցները նույնպես փակվել են` անվտանգության նկատառումներից ելնելով։

Հիշեցնենք՝ օրեր առաջ ԱՄՆ-ի Լուիզիանա նահանգում անհայտը կրակ էր բացել, հինգ մարդ ծանր աստիճանի վնասվածքներ էին ստացել։

25
թեգերը:
Վիրավոր, Զոհ, կրակոց, Նյու Յորք, ԱՄՆ
ՌԴ ԱԳՆ

Հայաստանի և Ադրբեջանի սահմանին անհրաժեշտ է սահմանազատման գործընթաց սկսել. ՌԴ ԱԳՆ

50
(Թարմացված է 16:40 18.05.2021)
Ռուսաստանը ուշադիր հետևում է հայ-ադրբեջանական սահմանին տիրող իրավիճակին և օպերատիվ կապ է պահպանում սահմանապահ ծառայությունների հետ։

ԵՐԵՎԱՆ, 18 մայիսի - Sputnik. Հայ-ադրբեջանական սահմանին միջադեպերից խուսափելու համար անհրաժեշտ է սահմանազատման գործընթաց սկսել։ Այս մասին ասված է ՌԴ ԱԳՆ տարածած հայտարարության մեջ։

Ընդգծվում է, որ Ռուսաստանն ուշադիր հետևում է հայ-ադրբեջանական սահմանին տիրող իրավիճակին և օպերատիվ կապ է պահպանում ռազմական և սահմանապահ ծառայությունների հետ:

Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Մոսկվան պատրաստ է աջակցել Երևանին և Բաքվին հայ-ադրբեջանական սահմանի սահմանազատման հարցում, այդ թվում՝ քարտեզագրական նյութեր և խորհրդատվական ծառայություններ տրամադրելով:

«Հիմք ենք ընդունում այն, որ բոլոր նման միջադեպերը պետք է լուծել բացառապես խաղաղ, բանակցային ճանապարհով։ Երկարաժամկետ լուծում կարող է լինել հայ-ադրբեջանական սահմանի դելիմիտացիայի գործընթացի մեկնարկը՝ դրան հաջորդած սահմանագծմամբ ։ Ռուսաստանի Դաշնությունը պատրաստ է այսուհետ ևս ամեն կերպ աջակցել Հարավային Կովկասի իրադրության կարգավորմանը», - նշվում է հաղորդագրության մեջ:

Նշվում է, որ ռուսական կողմը Երևանին և Բաքվին աջակցություն է ցուցաբերում լարվածության թուլացման հարցում:

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ինչո՞ւ են Հայաստանի սահմանային հարցերը քննարկում ՀԱՊԿ-ը և Ադրբեջանը

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Մայիսի 13-ից ադրբեջանցիների հետ բանակցություններ են անցկացվում։

50
թեգերը:
Ադրբեջան, Արտաքին գործերի նախարարություն (ԱԳՆ), Սյունիք, Զանգեզուր, Սահման, Հայաստան, Ռուսաստան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Լավրովը հայտարարել է, որ Սյունիքի վերաբերյալ պայմանավորվածություն է ձեռք բերել
Սյունիքյան դեպքերը կազդեն նախընտրական տրամադրությունների վրա. քաղտեխնոլոգն ասաց` ինչպես
Այսօր որոշ ադրբեջանցիներ հետ են գնացել. ՀԱՊԿ–ում կքննարկվի Սյունիքում ստեղծված իրավիճակը
ԵԽԽՎ նիստերի դահլիճ

ԵԽԽՎ զեկուցողը կայցելի Հայաստան` Արցախում պատերազմի հումանիտար հետևանքներն ուսումնասիրելու

28
(Թարմացված է 15:16 18.05.2021)
Պոլ Հավանը նույն նպատակով կայցելի նաև Ադրբեջանի Հանրապետություն։

Երևան, 18 մայիսի - Sputnik. Եվրոպայի խորհրդի խորհրդարանական վեհաժողովի զեկուցող Փոլ Հավանը մայիսի 19-22-ը կայցելի Հայաստան` Ադրբեջանի հետ հակամարտության հումանիտար հետևանքների մասին իր զեկույցը պատրաստելու համար: Այս մասին հայտնում է կազմակերպության կայքը։

Հավանը Հայաստան կայցելի միգրացիայի, փախստականների և ազգաբնակչության հարցերով կոմիտեի հանձնարարությամբ:

Նշվում է, որ Հավանը հանդիպումներ կունենա Ազգային ժողովի խոսնակ Արարատ Միրզոյանի, ԱԺ պատգամավորների, հումանիտար հարցերով զբաղվող նախարարությունների և գերատեսչությունների ներկայացուցիչների, ինչպես նաև մարդու իրավունքների պաշտպանի և քաղաքացիական հասարակության ներկայացուցիչների հետ:

Այս տարվա ամռանը Պոլ Հավանը նույն նպատակով կայցելի Ադրբեջան։

Հիշեցնենք, որ Ազգային ժողովի արտահերթ ընտրությունները տեղի կունենան հունիսի 20-ին: ՀՀ նախագահ Արմեն Սարգսյանը մայիսի 10-ին ստորագրել է համապատասխան հրամանագիրը:

ԵԽԽՎ Մոնիտորինգի կոմիտեն հայ գերիների հետ կապված հայտարարություն է ընդունել

28
թեգերը:
Պատերազմ, Արցախ, Հայաստան, Եվրախորհրդի խորհրդարանական վեհաժողով (ԵԽԽՎ)
Ըստ թեմայի
Ի՞նչ կանեիք, եթե այդ գերիները ֆրանսիացի կամ գերմանացի լինեին. Մելքումյանը` ԵԽԽՎ-ում
Ականապատման քարտեզնե՞ր․ գերմանացի նախարարը ԵԽԽՎ-ում չպատասխանեց ադրբեջանցի պատգամավորին
Նաիրա Զոհրաբյանը գերիների մայրերի նամակը հանձնել է ԵԽԽՎ–ում գերմանացի գործընկերներին
ԵԽԽՎ Մոնիտորինգի կոմիտեն հայ գերիների հետ կապված հայտարարություն է ընդունել
Սահմանային գոտի, արխիվային լուսանկար

ՊՆ–ն հաստատեց` հայ և ադրբեջանցի զինվորականների միջև վիճաբանություն է եղել

50
(Թարմացված է 16:57 18.05.2021)
Ըստ տրամադրված մեկնաբանության, միջադեպը տեղի է ունեցել Գեղարքունիքում, երեկ` մայիսի 17–ին, և արագ հարթվել է։

ԵՐԵՎԱՆ, 18 մայիսի –Sputnik. Հայկական և ադրբեջանական ուժերի շփման գծի Վարդենիսի հատվածում հայ և ադրբեջանցի զինվորականների միջև երեկ վիճաբանություն է եղել։

Լուրը Sputnik Արմենիայի հետ զրույցում հասատեցին ՀՀ պաշտպանության նախարարությունից։

Ըստ տրամադրված մեկնաբանության, միջադեպը տեղի է ունեցել երեկ և արագ հարթվել է։  Այլ մանրամասներ ՊՆ–ը չի հայտնում։

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ինչո՞ւ են Հայաստանի սահմանային հարցերը քննարկում ՀԱՊԿ-ը և Ադրբեջանը

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Մայիսի 13-ից ադրբեջանցիների հետ բանակցություններ են անցկացվում։

50
թեգերը:
Ծեծկռտուք, սահմանապահ, Սահման, Գեղարքունիքի մարզ, ադրբեջանցի, Ադրբեջան, ՀՀ Պաշտպանության նախարարություն (ՊՆ)