Արքայազն Հարրին և արքայազն Ուիլյամը

Առաջին հանդիպումը սկանդալային հարցազրույցից հետո. արքայազն Հարրին շփվել է եղբոր և հոր հետ

51
(Թարմացված է 10:17 19.04.2021)
Արքայազն Ֆիլիպը մահացել է ապրիլի 9-ին։ Նա հուղարկավորվել է ապրիլի 17-ին Վինձորի դղյակում գտնվող Սուրբ Գեորգիի մատուռում։

ԵՐԵՎԱՆ, 19 ապր – Sputnik. Մեծ Բրիտանիայի արքայազն Հարրին շփվել է եղբոր՝ Ուիլյամի ու հոր՝  Չարլզի հետ պապի՝ Էդինբուրգի դուքս Ֆիլիպի հուղարկավորության արարողությունից հետո: Տեղեկությունը հայտնում է Sun-ը՝ հղում անելուց իր աղբյուրներին։

Արքայազն Հարրին իր ու կնոջ` Մեգան Մարքլի՝ ամերիկյան հեռուստատեսությանը տված սկանդալային հարցազրույցից հետո առաջին անգամ էր հանդիպում հորն ու եղբորը։ Վինձորի դղյակում՝ տեսախցիկներից հեռու կայացած հանդիպումը տևել է մոտ երկու ժամ։

 «Դեռ վաղ է հաշտության մասին խոսել, բայց կարելի է հուսալ, որ սա այն առաջին քայլն է, որը կցանկանար տեսնել Ֆիլիպը», - պարբերականին հայտնել է աղբյուրը:

Արքայազն Ֆիլիպը մահացել է ապրիլի 9-ին։ Նա հուղարկավորվել է ապրիլի 17-ին Վինձորի դղյակում գտնվող Սուրբ Գեորգիի մատուռում։ Արքայազն Հարրին հուղարկավորությանը եկել էր առանց կնոջ՝ Մեգան Մարքլի։

Հիշեցնենք, որ մոտ մեկ տարի առաջ Եղիսաբեթ Երկորդի թոռը՝ արքայազն Հարրին ու նրա կինը՝ Մեգանը, հայտարարել էին, որ հրաժարվում են թագավորական ընտանիքի բարձրաստիճան անդամների կարգավիճակից: Արդյունքում նրանք զրկվել են թագավորական տիտղոսներից և մի շարք հովանավորներից։

Հունական արմատներով ու կոպիտ հումորով Էդինբուրգի դուքսը՝ արքայազն Ֆիլիպը

Թագուհին նրանց մեկ տարի է տվել՝ իրենց ապագայի մասին վերջնական որոշում կայացնելու համար։ Ստացած ազատությունը դքսին և դքսուհուն թույլ է տվել տեղափոխվել Մեգանի հայրենիք` ԱՄՆ, պայմանագրեր կնքել Netflix-ի ու Spotify-ի հետ: Այժմ զույգը սպասում է երկրորդ երեխային։

51
թեգերը:
Մեգան Մարքլ, Անգլիա, Արքայազն Ուիլյամ, արքայազն Ֆիլիպ, Արքայազն Հարրի, Մեծ Բրիտանիա
Ըստ թեմայի
Արքայազն և նախագահ. ինչու է ԱՄՆ-ին անհանգստացնում Պուտինի և Մուհամեդի մտերմությունը
Արքայազն Հարրին և Մեգան Մարքլը սպասում են երկրորդ երեխային. լուսանկար
Նիկոլ Փաշինյանին խորապես վշտացրել է 99-ամյա արքայազնի մահը
Հրթիռներն արձակվում են Գազայի տարածքից

3 երկիր ՄԱԿ-ի ԱԽ-ի նիստ անցկացնելու առաջարկ է արել իսրայելա-պաղեստինյան հարցի առնչությամբ

8
(Թարմացված է 09:36 13.05.2021)
ՄԱԿ-ն արդեն վիրտուալ ձևաչափով երկու փակ նիստ է անցկացրել այս հարցի կապակցությամբ։

ԵՐԵՎԱՆ, 13 մայիսի – Sputnik. Չինաստանը, Նորվեգիան և Թունիսն առաջարկել են ուրբաթ օրը ՄԱԿ-ի Անվտանգության խորհրդի արտակարգ նիստ անցկացնել՝ Իսրայելի և Պաղեստինի միջև հակամարտության սրման թեմայով, հայտնում է ՌԻԱ Նովոստին՝ հղում անելով France Presse-ին։

Ֆրանսիական գործակալության դիվանագիտական աղբյուրները պնդում են, որ ենթադրյալ բաց նիստը տեղի կունենա իսրայելական և պաղեստինյան կողմերի մասնակցությամբ:

Գործակալության տվյալներով՝ այս շաբաթ ՄԱԿ-ի ԱԽ-ն արդեն վիրտուալ ձևաչափով երկու փակ նիստ է անցկացրել այս հարցի կապակցությամբ։

Ավելի վաղ ՄԱԿ-ում աղբյուրը ՌԻԱ Նովոստիին հայտնել էր, որ միայն ԱՄՆ-ն է արգելափակում ՄԱԿ-ի Անվտանգության խորհրդի կողմից պաղեստինա-իսրայելական հակամարտության գոտում իրավիճակի վերաբերյալ հայտարարության ընդունումը:

Մայիսի 10-ին իրավիճակն Իսրայելի ու Գազայի պաղեստինյան հատվածի սահմանին կտրուկ սրվել է։ Պաղեստինյան խմբավորումները Գազայի հատվածից ավելի քան 600 հրթիռ են արձակել Իսրայելի ուղղությամբ, «Երկաթե գմբեթ» իսրայելական ՀՀՊ համակարգը որսացել է դրանցից 200-ը: Իսրայելը հարվածներ է հասցրել Գազայի հատվածին, դրա հետևանքով, վերջին տվյալներով, զոհվել է ավելի քան 67 մարդ։ Եվս 203 մարդ վիրավորվել է: Հրթիռակոծության հետևանքով զոհվել է 6 իսրայելցի, ավելի քան 200-ը վիրավորվել է։

«Ուժեղ ու զսպող դաս տալ Իսրայելին». Պուտինն ու Էրդողանը քննարկել են իրավիճակը Պաղեստինում

Իսրայելի պաշտպանության բանակը (ՑԱԽԱԼ) հայտարարել է, որ չեզոքացրել է պաղեստինյան ՀԱՄԱՍ շարժման առանցքային դեմքերին։

8
թեգերը:
Միավորված ազգերի կազմակերպություն (ՄԱԿ), Պաղեստին, Իսրայել
Ըստ թեմայի
Իսրայելում ապրող հայերի շրջանում տուժածներ ու զոհեր չկան. պատրիարքարանի ներկայացուցիչ
Երուսաղեմում պաղեստինցիները քարեր են նետել ոստիկանների վրա. տեսանյութ
Չավուշօղլուն առաջարկում է միջազգային «պաշտպանության ուժեր» ուղարկել Պաղեստին
Ռաֆայել Հակոբջանյանը

Բատիկյանի Լինքոլնը, Բելիզի Արմենիա գյուղն ու ԱՄՆ–ի հայ ոստիկանը. Հակոբջանյանի արկածները

20
(Թարմացված է 00:56 13.05.2021)
Գրող, էսսեիստ, դրամատուրգ Ռաֆայել Հակոբջանյանը, որն ավելի քան 26 տարի բնակվում է Սան Ֆրանցիսկոյում, Sputnik Արմենիայի հետ զրույցում հետաքրքրաշարժ պատմություններ է պատմել իր ճամփորդությունների մասին, որոնք կապված են հայերի և պատմական հայրենիքի հետ։

Լիլիթ Հարությունյան, Sputnik Արմենիա

Ճիշտ են ասում, որ հայկական հետք կարելի է հայտնաբերել երկրագնդի ամենաանսպասելի անկյուններում, երբեմն էլ՝ ամենաանսպասելի արտահայտումներով։ «Հայերի ճանապարհորդությունները» գրքում, որը լույս է տեսել մի քանի տարի առաջ Սան-Ֆրանցիսկոյում, գրող, էսսեիստ, դրամատուրգ  Ռաֆայել Հակոբջանյանը հենց այդ մասին է պատմում։

Կյանքի մեծ մասը ճամփորդություններին, մասնավորապես՝ ամերիկյան մայրցամաքով ճամփորդություններին նվիրած հեղինակն ընթերցողին պատմում է իր «հայկական» արկածների, ինչպես նաև ԱՄՆ-ում և աշխարհի այլ երկրներում մեր հայրենակիցների դերի և քիչ հայտնի փաստերի մասին։

Ռաֆայելը գրքում ներառված և չներառված մի քանի զվարճալի և շատ հետաքրքիր պատմություններ էլ մեզ է պատմում։ 

Աբրահամ Լինքոլնի «հայկական դիմագծերը»

Մի անգամ իմ «Ռուսները Սան Ֆրանցիսկոյում» աշխատանքն էի ներկայացնում Սիթի Հոլլ միջազգային սրահում։ Միջոցառմանը ներկա էին ոչ միայն քաղաքի այն ժամանակվա ղեկավարությունն ու քաղաքապետ Ուիլլի Բրաունը, այլև Ռուսաստանի գլխավոր հյուպատոս Յուրի Պոպովը։

Բացման խոսքն այսպես սկսեցի․«Երբ ես առաջին անգամ եկա Սան Ֆրանցիսկո, երկար կանգնեցի Աբրահամ Լինքոլնի արձանի առջև, որը տեղադրված է Սիթի Հոլլի մուտքի մոտ։ Եվ ինչ-որ հարազատ, հայկական բան տեսա ԱՄՆ-ի 16-րդ նախագահի կերպարում»։

Հավաքվածները ներողամտաբար ժպտացին, բայց ես հանգիստ ավելացրի, որ ամենևին չեմ պնդում, թե Լինքոլնը հայկական արմատներ է ունեցել։ Սակայն այդ արձանի քանդակագործը մաքուր հայ է։

Այսուայնտեղ լսվեց ամերիկացիների սիրելի «Really?»-ն։ Իսկապես, աշխարհի ամենագեղեցիկ քաղաքներից մեկում, Օգյուստ Ռոդենի, Բենիամինո Բուֆանոյի, Հենրի Մուրի աշխատանքների կողքին տեղ է գտնվել ծնունդով վանեցի Հայկ Բատիկյանի աշխատանքների համար։

Արմենիա գյուղը

Բելիզում իմ ճամփորդության ժամանակ տաքսու վարորդը հարցրեց․

-Որտեղի՞ց եք։

-Սան Ֆրանցիսկոյից։

-Բայց անսովոր առոգանություն ունեք։ Ծնունդով որտեղի՞ց եք,-պնդեց նա։

Պատասխանեցի, որ Հայաստանից եմ։ Նա լռեց և դադարեց հետս խոսել։ Փորձում էի հասկանալ, թե ինչ վատ բան եմ ասել։ Որոշ ժամանակ անց ինձ հասցրեց մի ոչ մեծ գյուղ և ասաց. «Կարծում եք, եթե ես վարորդ եմ, ուրեմն ապո՞ւշ եմ։ Ուզում եք ասել՝ այստեղի՞ց եք»։

Պարզվեց, որ գյուղը կոչվում է Արմենիա։ Այն այդպես են անվանել Արմենիա գավառից այստեղ տեղափոխված սալվադորցիները։

Ոստիկան էլ կա, ոստիկան էլ

2014թ․-ին ընկերոջս հետ Դիլիջան ենք գնում։ Ճանապարհային ոստիկանը կանգնեցրեց մեզ։ Ես նրան մի պատմություն պատմեցի, որն ինձ հետ պատահել է Միացյալ Նահանգներում։

Բանն այն է, որ ես ապրում եմ Սան Ֆրանցիսկոյում, իսկ որդուս ընտանիքը՝ Լոս-Անջելեսում։ Եվ ամեն ամիս ես նրանց հյուր եմ գնում։ Եվ ահա մի անգամ, գիշերվա ժամը երեքին սլանում եմ դատարկ մայրուղիով՝ ժամում 140 մղոն արագությամբ։ Հանկարծ ոստիկանը կանգնեցնում է (այդպես էլ չհասկացա, թե որտեղից հայտնվեց)։

Մոտենում է ինձ, ասում եմ`no English: Այդպիսի խորամանկություն կա։

Փորձում է ինձ հետ իսպաներեն խոսել, ես նորից․«No Spanish»։.

Հարցնում է, թե ինչ լեզվով եմ առհասարակ խոսում։ «Armenian»,-պատասխանում եմ։        

 

Եվ հանկարծ լսում եմ․«Բարի երեկո, պարո՛ն»։ Եվ շարունակում է հայերեն․ «Տեսնում եմ, որ լավ մարդ եք, ախր ինչո՞ւ եք այդպիսի արագությամբ վարում... այս անգամ ակտ չեմ գրի։ Բայց մյուս անգամ պահպանեք ճանապարհային երթևեկության կանոնները»։

Պատմեցի այդ ամենը մեր դիլիջանյան ոստիկանին։ Նա ի սրտե ծիծաղեց և ասաց․«Բոց պատմություն էր։ Դե, ինձ էլ տուր, ինչքան սիրտդ կտա»...

Սիրելի կոմպոզիտորը

Սան Ֆրանցիսկոյում զբոսանքներից մեկի ժամանակ հանդիպեցի մի ծեր, ալեհեր, բայց շատ հմայիչ և լավ հագնված սևամորթի։ Նա նստած էր, ականջակալներն ականջին և անբռնազբոս տեսքով սիգար էր ծխում։

Երբ կողքով անցնում էի, գլխով արեց ինձ, ես էլ ի պատասխան գլխով արեցի նրան։ Հանեց ականջակալներն ու հարցրեց՝ արդյո՞ք ինձ որևէ բան է պետք։

Ես ասացի` ոչինչ պետք չէ, բայց հարցրի, թե ինչ է լսում այդպես հաճույքով։

-Իմ սիրելի կոմպոզիտորն է։ Բայց դուք, հավանաբար, չեք իմանա նրան։

-Անո՞ւնը։  

-Ալան Հովհաննես։

Անհնար է փոխանցել, թե ինչ զգացի այդ պահին...

«Մաճառ 44»․ ինչպես Լոնդոնից եկած հայուհին բարեգործական ռեստորան բացեց Երևանում

Ցավալի անփութություն

Մի անգամ Հոլիվուդյան բուլվարով զբոսնելիս` հայտնաբերեցի, որ «Փառքի ծառուղուց» անհետացել է հայտնի դերասան, էպիզոդների հանճար Ակիմ Թամիրովի (Հովակիմ Թամիրյան) աստղը։ Պարզվեց, դա տեղի է ունեցել Բուլվարը վերակառուցելիս։

Писатель и драматург Рафаэль Акопджанян со звездой Акима Тамирова на голливудской Аллее славы
© Photo : provided by Rafael Hakobdjanyan
Ռաֆայել Հակոբջանյանն ԱՄՆ–ի «Փառքի ծառուղում» Ակիմ Թամիրովի (Հովակիմ Թամիրյան) աստղի մոտ

Իսկույնևեթ զանգեցի Հոլիվուդի առևտրային պալատ և հայտնեցի, որ «Փառքի ծառուղում» աստղերը ոչ միայն վառվում են, այլև մարում։ Սպառնացի, որ եթե Թամիրովի  աստղը չվերականգնեն, ես մամուլի ասուլիս կհրավիրեմ։ Արդյունքում ինձ խոստացան, որ մեկ շաբաթ անց աստղը տեղում կլինի։ Այդպես էլ եղավ։

20
թեգերը:
Հայաստան, հայ, ոստիկան, ԱՄՆ
Ըստ թեմայի
Հայերը շտապում են ամուսնանալ․ համավարակն ազդե՞լ է ամուսնությունների ու ծնելիության վրա
Քնապարկերից մինչև միջնադարյան նախշեր․ երևանցի կնոջ բացառիկ նախագիծը արցախցիների համար
Safe You. հայուհին ամբողջ աշխարհի կանանց ընտանեկան բռնությունից պաշտպանելու միջոց է գտել
Ռուստամ Մուրադով

Ով է փոխարինել գեներալ Մուրադովին. «Հրապարակ»

31
Խաղաղապահ զորախմբի հրամանատարները պետք է փոխվեն 6 ամիսը մեկ։ Եթե կողմերը առարկություններ չունեն, ապա կարող է երկարաձգվել զորախմբի հրամանատարի ծառայությունը։

ԵՐԵՎԱՆ, 13 մայիսի - Sputnik. Արցախում տեղակայված ռուսական խաղաղապահ զորախմբի հրամանատար Ռուստամ Մուրադովին արդեն փոխարինող կա․ հաջորդ 6 ամիսն Արցախում ծառայությունը կշարունակի ՌԴ զինված ուժերի Հարավային ռազմական օկրուգի զորքերի հրամանատարի տեղակալ, գեներալ-լեյտենանտ Ալեքսեյ Ավդեևը, տեղեկացնում է «Հրապարակը»։

Ավդեևն արդեն այսօր կժամանի Ստեփանակերտ, 2 շաբաթվա ընթացքում գործերի ընդունում-հանձնում տեղի կունենա։ Ավդեևւն ազգությամբ ուզբեկ է, ծնվել է 1967-ին, Տաշքենդում, մոտոհրաձգային զորքերի գեներալ է:

Պարգևատրվել է ՌԴ «Հայրենիքին մատուցած ծառայությունների համար», 3-րդ և 4-րդ աստիճանի, Ժուկովի, «Զինվորական վաստակի համար», «Բարեկամության» շքանշաններով, Սուվորովի մեդալով և ՌԴ այլ գերատեսչական պարգևներով։ Ռուստամ Մուրադովն էլ է Հարավային ռազմական օկրուգի հրամանատարի տեղակալը։ Մուրադովի ջանքերի շնորհիվ հայրենիք վերադարձան Ադրբեջանում գերեվարված 67 հայ ռազմագերիներ։

Խաղաղապահ զորախմբի հրամանատարները պետք է փոխվեն 6 ամիսը մեկ։ Եթե կողմերը առարկություններ չունեն, ապա կարող է երկարաձգվել զորախմբի հրամանատարի ծառայությունը։

31