Երիցուկ

Ինչ օգտակար հատկություններ ունի երիցուկը, ու ինչու այն չպետք է չարաշահել

121
(Թարմացված է 14:08 16.04.2021)
Դեղատնային երիցուկն ամենահայտնի դեղաբույսերից մեկն է, որի օգտակար հատկությունները լայն կիրառություն են գտել բժշկության և կոսմետոլոգիայի մեջ։ Երիցուկի հատկությունների մասին ավելի մանրամասն`Sputnik Արմենիա նյութում։

Երիցուկը հնուց օգտագործվում է բազմաթիվ հիվանդությունների բուժման ու կանխարգելման համար:

Գոյություն ունեն մոտ 20 տեսակի երիցուկներ, որոնց թվում առավել հայտնի է դեղատնային երիցուկը: Սովորաբար թուրմերի պատրաստման համար հենց դրա ծաղիկներն  են օգտագործում։ Դրանց մեջ առկա է արժեքավոր միացությունների առավելագույն կոնցենտրացիան:

Երիցուկն ունի հանգստացնող ազդեցություն, ինչն օգնում է հաղթահարել անհանգստությունն ու սթրեսը, օգտագործվում է դեպրեսիայի բուժման ժամանակ:

Այն կարգավորում է սրտի ռիթմը, արյան շրջանառությունն ու խթանում է ուղեղի գործունեությունը: Երիցուկը կարգավորում է մարսողական համակարգը, կանխում է բորբոքային գործընթացը:

Թերապևտիկ նպատակներով, ինչպես նաև կանխարգելման համար օգտագործվում է թուրմը, եթերային յուղն ու չոր ծաղկաբույսերից պատրաստված թեյը: Խորհուրդ է տրվում օգտագործել բորբոքային հիվանդությունների, լեղին հանող համակարգի գործունեության խնդիրների, քնի խանգարումների ու անհանգստության, միզասեռական համակարգի բորբոքումների, շագանակագեղձի հիվանդությունների և այլնի դեպքում։ Երիցուկն օգնում է նաև մեղմել ատամի ու գլխի ցավը։

Բուժման ընթացքը չպետք է գերազանցի երեք ամիսը, չնայած երիցուկի մեջ պարունակվող ակտիվ նյութերից կախվածություն սովորաբար չի լինում:

Երիցուկի թուրմ

Երիցուկի բուժիչ հատկությունները վեր հանելու համար դրա վրա ջուր են լցնում ու ենթարկվում ջերմամշակման․ դա կարող է լինել թուրմ, եփուկ, թեյ։

Երիցուկի թուրմի պատրաստման առաջին մեթոդը․մեկ ճաշի գդալ երիցուկի վրա մի բաժակ եռման ջուր լցնել, կափարիչով փակել, թողնել կես ժամ։

Երկրորդ մեթոդը. չորացրած ծաղիկները դնել են ապակե կամ էմալապատ տարայի մեջ, լցնել տասը բաժին տաք եռացրած ջուր, փակել կափարիչը ու 20 րոպե թողնել գոլորշու վրա, ապա 30 րոպե հետո քամել:

Թրմած երիցուկ

Մանրացված ծաղիկները լցնել ապակե տարայի մեջ, ավելացնել հինգ բաժին օղի, լավ փակել: Մեկ շաբաթ պահել մութ վայրում, ամեն օր խառնել։ Քամել ու հանել հումքը, երիցուկի թուրմը լցնել անթափանց ապակե ամանի մեջ, օղի ավելացնել ու նախնական ծավալի հասցնել։ Թողնել մեկ շաբաթ զով, մութ վայրում, վերջում ֆիլտրել:

Ինչ է կատարվում օրգանիզմում, երբ խուրմա ենք ուտում

Ճիշտ պատրաստված թուրմը պետք է լինի թափանցիկ, երիցուկի հոտով։ Այն ունի ուժեղ բուժիչ ազդեցություն, ուստի կարելի է ընդունվել միայն բժշկի հետ խորհրդակցելուց հետո ու կիրառել ոչ ավելի, քան երկու շաբաթ:

Երիցուկի թեյ

1 թեյի գդալ չորացրած ծաղիկներով և մի բաժակ եռացած ջրով թուրմ պատրաստել, սպասել 5-10 րոպե: Եթե երեկոյան այս թուրմով և մեղրով թեյ խմեք, այն կօգնի հաղթահարել անքնությունն ու գերծանրաբեռնվածությունը:

Երիցուկի օգտագործման հակացուցումները

Չնայած դեղատնային երիցուկն ընդհանուր առմամբ շատ անվտանգ բույս է, դրա ընդունման համար կան որոշ հակացուցումներ, այն նաև ունի մի շարք կողմնակի ազդեցություններ: Այնպես որ, երիցուկն արգելվում է օգտագործել հետևյալ հիվանդությունների առկայության դեպքում․բույսի հանդեպ ալերգիայի ժամանակ, քրոնիկ երիկամային խնդիրների, ինչպես նաև աղիների, ստամոքսի խոցային հիվանդության սրման, լուրջ հոգեկան խանգարումների դեպքում։

Ինչ է կատարվում օրգանիզմում, երբ հրաժարվում եք մսից

Մեծ քանակությամբ երիցուկի թեյի կամ թուրմի օգտագործումը կարող է հանգեցնել կողմնակի ազդեցությունների: Դրանք են՝ սրտխառնոց` փսխելու նոպաներով, արյան ճնշման կտրուկ բարձրացում, ինչպես նաև ալերգիա՝ ցանով կամ բրոնխային ջղաձգությամբ, կոկորդի այտուցի զարգացմամբ։

121
թեգերը:
հիվանդություն, օրգանիզմ, թեյ, երիցուկ
Ըստ թեմայի
Ինչ է տեղի ունենում օրգանիզմում, երբ կիվի ենք ուտում
Ինչպես է պետք պատրաստել ու ուտել կարտոֆիլը, որ այն չվնասի օրգանիզմը
Ինչ է կատարվում օրգանիզմում, երբ հրաժարվում եք մսից
Ադրբեջանական բանակ

Ադրբեջանը կրկին զորավարժություններ է անցկացնելու

128
(Թարմացված է 14:32 12.05.2021)
Զորավարժությունների ժամանակ գործարկվելու են զրահատեխնիկա, ռազմական ավիացիա և անօդաչու թռչող սարքեր։

ԵՐԵՎԱՆ, 12 մայիսի – Sputnik. Ադրբեջանի պաշտպանության նախարարությունը հայտարարել է, որ մայիսի 16-20-ը զորավարժություններ է անցկացնելու։ Տեղեկությունը հայտնում է Sputnik Ադրբեջանը։

«Զորավարժություններին ներգրավվելու են մինչև 15 000 զինծառայողներ»,– նշված է հաղորդագրության մեջ:

Այս պահին բանակցություններ են ընթանում. ՊՆ–ն մեկնաբանում է Իշխանասարի հետ կապված լուրերը

Գործարկվելու են նաև զրահատեխնիկա, ռազմական ավիացիա և անօդաչու թռչող սարքեր։

Հիշեցնենք` մայիսի 4-ին Ադրբեջանի ԶՈւ–ն ԱԹՍ–ների ուսումնավարժական թռիչքներ էր իրականացրել։

128
թեգերը:
Բանակ, անօդաչու թռչող սարք, Զորավարժություններ, Ադրբեջան
Ըստ թեմայի
4.5 տարի անց Ադրբեջանը կարող է հրաժարվել ռուսական խաղաղապահ զորքերից. Քոչարյան
Բարձրաստիճան զինվորականը կատարել է Ադրբեջանի հետախուզական ծառայությունների առաջադրանքները
Արցախի դեմ Ադրբեջանի զինված ագրեսիայի արդյունքներն անօրինական են. ԱՀ ԱԳՆ
Վլադիմիր Պուտինն ու Ռեջեփ Թայիփ Էրդողանը. արխիվային լուսանկար

«Ուժեղ ու զսպող դաս տալ Իսրայելին». Պուտինն ու Էրդողանը քննարկել են իրավիճակը Պաղեստինում

70
(Թարմացված է 14:24 12.05.2021)
Թուրքիայի նախագահ Ռեջեփ Թայիփ Էրդողանն ասել է, որ միջազգային հանրությունը պետք է ուժեղ ու զսպող դաս տա Իսրայելին:

ԵՐԵՎԱՆ, 12 մայիսի -Sputnik. Ռուսաստանի ու Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը հեռախոսով քննարկել են իրավիճակը Պաղեստինում: Տեղեկությունը հայտնում է ՌԻԱ նովոստին՝ հղում անելով Թուրքիայի նախագահի մամուլի ծառայությանը։

«Էրդողանն ասել է, որ միջազգային հանրությունը պետք է ուժեղ ու զսպող դաս տա Իսրայելին։ Այդ նպատակով Թուրքիան կշարունակի իր նախաձեռնությունները բոլոր մակարդակներում»,-նշված է հաղորդագրության մեջ:

Թուրքիայի նախագահը կարևորել է «Երուսաղեմում տեղի ունեցող իրադարձությունների վերաբերյալ Ռուսաստանի ու Թուրքիայի հայացքների համընկումները»:

Էրդողանը նաև ընդգծել է, որ հետագա էսկալացիան կանխելու համար կարևոր է, որ ՄԱԿ-ի Անվտանգության խորհուրդը միջամտի այդ հարցին ու «Իսրայելին հարձակումների դադարեցման մասին վճռական ու հստակ ազդանշաններ տա»:

Հիշեցնենք, որ մայիսի 10-ին իրավիճակն Իսրայելի ու Գազայի պաղեստինյան հատվածի սահմանին կտրուկ սրվել է։ Պաղեստինյան խմբավորումները Գազայի հատվածից ավելի քան 600 հրթիռ են արձակել Իսրայելի ուղղությամբ, «Երկաթե գմբեթ» իսրայելական ՀՀՊ համակարգը որսացել է դրանցից 200-ը: Իսրայելը հարվածներ է հասցրել Գազայի հատվածին, դրա հետևանքով, վերջին տվյալներով, երկու օրվա ընթացքում զոհվել է ավելի քան 30 մարդ, այդ թվում՝ 10 երեխա։ Եվս 203 մարդ վիրավորվել է: Հրթիռակոծության հետևանքով զոհվել է 5 իսրայելցի, ավելի քան 200-ը վիրավորվել է։

Իսրայելում ապրող հայերի շրջանում տուժածներ ու զոհեր չկան. պատրիարքարանի ներկայացուցիչ

70
թեգերը:
Վլադիմիր Պուտին, Ռեջեփ Թայիփ Էրդողան, Պաղեստին, Իսրայել
Ըստ թեմայի
Իսրայելական քաղաքում երեխա է մահացել հրթիռակոծության հետևանքով
Սիրիայում Իսրայելի հրթիռային հարվածի հետևանքով կին ու երեխա է տուժել
Իսրայելի բանակը հայտարարել է, որ չեզոքացրել է ՀԱՄԱՍ-ի կարևոր դեմքերին
Վրաստանի վարչապետը ժամանեց Հայաստան

Վրաստանի վարչապետը ժամանեց Հայաստան

0
(Թարմացված է 14:52 12.05.2021)
Վրաստանի վարչապետ Իրակլի Ղարիբաշվիլին մի շարք հանդիպումներ կունենա Հայաստանում։

ԵՐԵՎԱՆ, 12 մայիսի - Sputnik. Վրաստանի վարչապետ Իրակլի Ղարիբաշվիլին պաշտոնական այցով ժամանեց Հայաստան:

Премьер-министр Грузии Ираклий Гарибашвили прибыл в Армению с официальным визитом (12 мая 2021). Еревaн
© Sputnik / Asatur Yesayants
Վրաստանի վարչապետը ժամանեց Հայաստան

«Զվարթնոց» միջազգային օդանավակայանում վրացական պատվիրակությանը դիմավորեց Հայաստանի փոխվարչապետի պաշտոնակատար Տիգրան Ավինյանը:

Премьер-министр Грузии Ираклий Гарибашвили прибыл в Армению с официальным визитом (12 мая 2021). Еревaн
© Sputnik / Asatur Yesayants
Վրաստանի վարչապետը ժամանեց Հայաստան

Վրաստանի վարչապետ Իրակլի Ղարիբաշվիլին հայաստանյան այցի շրջանակում հանդիպումներ են նախատեսված ՀՀ վարչապետի պաշտոնակատար Նիկոլ Փաշինյանի, ՀՀ արտաքին գործերի նախարարի պաշտոնակատար Արա Այվազյանի հետ: Տեղեկությունը հայտնում է ՀՀ կառավարության մամուլի ծառայությունը։

Ծիծեռնակաբերդի հուշահամալիրում Վրաստանի վարչապետը հարգանքի տուրք կմատուցի Հայոց ցեղասպանության զոհերի հիշատակին:

Վարչապետի պաշտոնակատար Նիկոլ Փաշինյանի անունից ի պատիվ Վրաստանի վարչապետ Իրակլի Ղարիբաշվիլիի կտրվի պաշտոնական ընթրիք:

Ղարիբաշվիլին նախկինում Հայաստան է այցելել ինչպես Վրաստանի վարչապետի կարգավիճակով` 2014-ին և 2019-ին, այնպես էլ 2020–ին` որպես պաշտպանության նախարար:

0
թեգերը:
Իրակլի Ղարիբաշվիլի, Երևան, Հայաստան
Ըստ թեմայի
Այց համավարակի պայմաններում, կամ թե ինչպես դիմավորեցին Արմեն Սարգսյանին Վրաստանում
Ողջույնից մինչև հրաժեշտ․ Արմեն Սարգսյանի՝ Վրաստան կատարած այցի ֆոտոհաշվետվությունը
Արմեն Սարգսյանը շնորհակալական նամակ է հղել Վրաստանի նախագահ Սալոմե Զուրաբիշվիլիին