Պատվաստում

Ֆրանսիայում կորոնավիրուսի դեմ պատվաստումից հետո մահվան նոր դեպքեր են գրանցվել

164
(Թարմացված է 22:03 17.04.2021)
Մի քանի եվրոպական երկրներ ավելի վաղ դադարեցրել էին այդ դեղամիջոցի կիրառումը լուրջ կողմնակի ազդեցությունների մասին հաղորդագրություններից հետո:

ԵՐԵՎԱՆ, 17 ապրիլի — Sputnik. Ֆրանսիայում AstraZeneca դեղամիջոցով (նոր անվանումը՝ Vaxzevria) պատվաստումից հետո ևս ինը մարդու մոտ ատիպիկ թրոմբոզի դեպքեր են հայտնաբերվել: Հայտնի է դարձել նաև չորս նոր մահվան դեպքի մասին։ Տեղեկությունը հայտնում է «Իզվեստիան» ՝ հղում անելով Դեղամիջոցների և բժշկական նշանակության ապրանքների անվտանգության Ֆրանսիայի ազգային գործակալությանը (ANSM)։

Նշվում է, որ պատվաստվածների մոտ բարձր թրոմբագոյացման պատճառ կարող է լինել արտադրության սխալը, անհատական արձագանքը կամ պաթոլոգիաների նկատմամբ նախատրամադրվածությունը:

Նշվում է, որ երկրում դեղամիջոցի օգտագործման ընթացքում ընդհանուր առմամբ 23 մարդու մոտ թրոմբոզի դեպքեր են գրանցվել, պատվաստանյութը նաև 8 մահվան դեպքի պատճառ է դարձել:

Ապրիլի 8-ի տվյալներով՝ Ֆրանսիայում AstraZeneca դեղամիջոցով գրեթե 3 հազար մարդ է պատվաստվել: 21 դեպքում առաջացել է ուղեղային երակների թրոմբոզ և (կամ) ստամոքսի թրոմբոզ, ևս 2 դեպքում հայտնաբերվել է դիսեմինացված ներանոթային կոագուլյացիա:

Պատվաստումների հետևանքով 9 նոր տուժածների թվում են եղել են նաև 62 տարեկան մարդիկ, որոնց մոտ մարսողական օրգանների թրոմբոզներն ավելի շատ են եղել:

«Սպուտնիկ V»-ով պատվաստումը Հայաստանում կսկսվի ապրիլի 19-ից

Հիշեցնենք, որ Եվրոպական որոշ երկրներ դադարեցրել են Օքսֆորդի համալսարանի հետ համատեղ AstraZeneca անգլո-շվեդական ընկերության կողմից մշակված պատվաստանյութի կիրառումը: Որոշումը կայացվել է պատվաստում կատարած մարդկանց մոտ թրոմբների առաջացման մասին հաղորդագրությունների պատճառով։ Այս ֆոնի վրա որոշում է կայացվել վերանվանել պատվաստանյութը։

164
թեգերը:
Մահ, «AstraZeneca» պատվաստանյութ, պատվաստանյութ, պատվաստումներ, Ֆրանսիա
Ըստ թեմայի
Հայաստանում եթե անձը նախընտրում է Covid–ի դեմ կոնկրետ պատվաստանյութ, նրան չեն հերթագրում
Պատվաստանյութ՝ ճանաչումից հրաժարվելու դիմաց, կամ Չինաստանի և Պարագվայի յուրօրինակ շփումը
ԵԱԶԲ-ն պատրաստ է ֆինանսավորել «Սպուտնիկ V» պատվաստանյութի արտադրությունը Հայաստանում
Արքայազն Հարրին ու Մեգան Մարքլը. արխիվային լուսանկար

Արքայազն Չարլզը կզրկի տիտղոսից իր թոռանը՝ Հարրիի ու Մեգանի առաջնեկին

65
(Թարմացված է 18:49 20.06.2021)
Ավելի վաղ` հունիսին, տասնյակ հազարավոր բրիտանացիներ Եղիսաբեթ երկրորդին խնդրել էին բոլոր տիտղոսներից զրկել իր թոռանը՝ արքայազն Հարրիին:

ԵՐԵՎԱՆ, 20 հունիսի -Sputnik. Մեծ Բրիտանիայի թագուհու որդին՝ արքայազն Չարլզը, մտադիր է բարձրագույն տիտղոսից զրկել արքայազն Հարրիիի ու Մեգան Մարքլի առաջնեկին: Տեղեկությունը հայտնում է The Mirror պարբերականը։

Հայտնի է, որ արքայազն Չարլզը բրիտանական գահի հերթում առաջին տեղն է զբաղեցնում։ Նա մտադիր է փոխել հիմնական իրավական փաստաթղթերը, որ իր թոռը՝ Արչին, երբեք արքայազնի տիտղոս չստանա։

Նաև հաղորդվում է, որ գահին նստելուց հետո նա պատրաստվում է սահմանափակել հիմնական թագավորական անձանց թիվը, քանի որ թագավորական ընտանիքի պահպանման համար չափից շատ են հարկատուների միջոցներ ծախսվում:

Այդ որոշումն ըստ հրատարակության տեղեկատվության՝ զայրացրել է արքայազն Հարրիին ու Մեգանին, և նրանց հարաբերությունները թագավորական ընտանիքի հետ զգալիորեն վատացել են:

Արքայազն Հարրին և Մեգան Մարքլը դուստր են ունեցել. հայտնի է երեխայի անունը

Ավելի վաղ հայտնի էր դարձել, որ հունիսին երկրի տասնյակ հազարավոր քաղաքացիներ խնդրագրով դիմել են Թագուհի Եղիսաբեթ երկրորդին ու խնդրել զրկել իր թոռանը՝ արքայազն Հարիին, բոլոր տիտղոսներից: Ակցիայի նախաձեռնողը բրիտանական թագավորական ընտանիքի մասին գրքերի հեղինակ լեդի Քոլին Քեմփբելն է (Colin Campbell): Գրողի կարծիքով՝ Սասեքսի դուքսն ու նրա կինը իրենց գործողություններով վնասում են երկրի հեղինակությանը։

2020 թվականի ապրիլի 1-ից արքայազն Հարրին ու Մեգան Մարքլը դադարել են կատարել թագավորական ընտանիքի անդամների պարտականությունները: Նրանք տեղափոխվել են ԱՄՆ՝ աշխատելու և ձեռնարկատիրական գործունեությամբ զբաղվելու նպատակով։

Հունիսի 6-ին Հարրին ու Մեգանը երկրորդ անգամ ծնողներ են դարձել. նրանք դուստր են ունեցել, որին անվանել են Լիլիբեթ Դիանա:

Հարրին ու Մեգանը դստերը Դիանա չե՞ն անվանի․ հայտնի է՝ ինչ անվան մասին է մտածում զույգը

65
թեգերը:
որդի, Միացյալ Թագավորություն, Մեգան Մարքլ, Արքայազն Հարրի
Ըստ թեմայի
Հերթական շոկը արքայական ընտանիքի համար․ Մեգանը Հարրիի հետ ծանոթանալիս հարբած է եղել
Սկանդալային հարցազրույց․ Մեգան Մարքլը՝ ռասիզմի և արքայական ընտանիքի հետ «պատերազմի» մասին
Թագավորական ընտանիքը պատասխանել է Հարիին ու Մեգանին
Սկանդալային հարցազրույցի հետքերով. Մեգան Մարքլին մեղադրել են բացահայտ ստելու համար
Մևլութ Չավուշօղլուն

Հայաստանի նոր ղեկավարությունը պետք է դասեր քաղի անցյալից. Թուրքիայի արտգործնախարար

423
(Թարմացված է 14:21 20.06.2021)
Թուրքիայի արտաքին գործերի նախարարն ընդգծել է, որ Անկարան արտահերթ ընտրությունները Հայաստանի ներքին գործն է համարում։

ԵՐԵՎԱՆ, 20 հունիսի -Sputnik. Թուրքիան հույս ունի, որ Հայաստանի նոր ղեկավարությունը դասեր կքաղի անցյալից։ ՌԻԱ Նովոստիի փոխանցմամբ՝ Թուրքիայի արտգործնախարար Մևլութ Չավուշօղլուն նման կարծիք է հայտնել՝ մեկնաբանելով Հայաստանում ընթացող խորհրդարանական ընտրությունները։

«Մենք Հայաստանում ընտրությունները համարում ենք այդ երկրի ներքին գործը։ Հայաստանի նոր ղեկավարությունը պետք է դասեր քաղի անցյալից», - ասել է Չավուշօղլուն՝ ելույթ ունենալով Անթալիայում կայացած դիվանագիտական համաժողովում, որը հեռարձակել է նրա Twitter-ում։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

423
թեգերը:
Ազգային ժողովի ընտրություններ, Թուրքիա, Հայաստան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Ամենայն հայոց կաթողիկոսը կատարեց իր ընտրությունը
Ընտրատեղամաս

Քվեարկության արդյունքները 07։00-ի դրությամբ․ ամփոփվել են 1928 ընտրատեղամասի արդյունքները

936
(Թարմացված է 07:05 21.06.2021)
Վերջին տվյալների համաձայն՝ «Քաղաքացիական պայմանագիր» կուսակցությունը ստացել է 654 596 քվե, այսինքն՝ կողմ են քվեարկել մասնակիցների 54.31%-ը։

ԵՐԵՎԱՆ, 21 հունիսի - Sputnik. Հայաստանի Ազգային ժողովի արտահերթ ընտրության քվեարկությունից հետո ժամը 07։00-ի դրությամբ ամփոփվել են 2008 ընտրատեղամասերից 1928-ի արդյունքները։

Ըստ այդմ՝  «Քաղաքացիական պայմանագիր» կուսակցությունը ստացել է 654 596 քվե (54.31%),

«Հայաստան» դաշինքը՝ 251 784 (20.89%),

«Պատիվ ունեմ» դաշինքը՝ 62 723  (5.2%),

«Բարգավաճ Հայաստան» կուսակցությունը՝  48 159 (4),

«Հանրապետություն» կուսակցությունը՝ 36 445 (3,02),

«Հայ ազգային կոնգրես» կուսակցությունը՝ 18 292 (1.52)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ 

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

 

936
թեգերը:
ԱԺ, քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ռոբերտ Քոչարյանի գլխավորած «Հայաստան» դաշինքը հայտարարություն է տարածել
Փաշինյանը քաղաքական խորհրդակցություններ կսկսի
Ինչպես են կենտրոնական շտաբի մոտ Փաշինյանին դիմավորում նրա կողմնակիցները. տեսանյութ