ԵՐԵՎԱՆ, 9 ապրիլի – Sputnik. Ռուսաստանաբնակ հայտնի դիմահարդար, ոճաբան, երգչուհի Գոհար Ավետիսյանը, որն այժմ ընտանիքի հետ հանգստանում է Մալդիվներում, նոր լուսանկարներ է հրապարակել լողազգեստով ու խոսել իր մարմնի խնդիրների մասին։
«Հետևորդներս արդեն մի քանի օր է գրում են ինձ, որ կուրծքս կախված է։ Ուզում եմ ասել, որ վիրահատությունից առաջվա համեմատ ներկայիս տեսքն ուղղակի գլուխգործոց է։ Իմ կրծքերը սիլիկոնե չեն։ Ես ունեմ կախված մաշկ, որը իմ 100–ից ավելի նիհարելու փորձերի հետևանքն է»,–գրել է դիմահարդարը։
View this post on Instagram
Նա խոստովանել է, որ իրեն ավելի շատ բնական կրծքի ձևն է դուր գալիս, քան արհեստական սիլիկոնի, սակայն չի բացառել, որ մի քանի երեխաներ ունենալուց հետո գուցե որոշի իմպլանտներ տեղադրել։
Նշենք, որ Գոհարը վերջերս ավելորդ քաշից ազատվելու համար դիմել էր պլաստիկ վիրահատության։ Նա խոստովանել էր, որ այլևս հոգնել է դիետաներից։ Այժմ դիմահարդարը նկատելիորեն բարեկազմ է դարձել։
Հիշեցնենք` Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։
Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։
