Ոստիկաններ՝ Միլանում

Պայքար մաֆիայի դեմ. Իտալիայում հատուկ գործողության ժամանակ մոտ 70 մարդ է ձերբակալվել

26
(Թարմացված է 14:01 08.04.2021)
Ձերբակալվածները մեղադրվում են հարկերը թաքցնելու, փողերի լվացման ու այլ հանցանքների մեջ։

ԵՐԵՎԱՆ, 8 ապրիլի - Sputnik. Իտալիայում՝ կազմակերպված հանցավորության դեմ պայքարի զանգվածային հատուկ գործողության շրջանակում, այսօր առավոտյան ձերբակալվել է մոտ 70 մարդ, բռնագրավվել է 1 միլիարդ եվրո ընդհանուր արժեքով սեփականություն։ Տեղեկությունը հայտնում է ՌԻԱ Նովոստին՝ հղում անելով տեղի ֆինանսական գվարդիային։

Սարիկ և Ղևոնդ Անդրեասյանները պարտքերի դիմաց զիջել են իրենց վերջին ֆիլմի իրավունքները

Նախնական տվյալներով՝ խոսքը նավթամթերքների հետ կապված խոշոր խարդախությունների մասին է։ Ձերբակալվածները մեղադրվում են հարկերը թաքցնելու, փողերի լվացման ու այլ հանցանքների մեջ։

Իրավապահները բռնագրավել են մի քանի անշարժ գույք, խոշոր գումարներ, ինչպես նաև կալանք են դրել մի քանի ընկերությունների վրա, որոնք վերահսկվում էին հանցախմբի անդամների կողմից։

26
թեգերը:
մաֆիա, Իտալիա
Ըստ թեմայի
Ո՞վ է ավելի թեթև տանում համավարակը. իտալացի գիտնականների հետազոտությունը
Միլանում Փաշինյանի վրա «հարձակված» ադրբեջանցի բլոգերին 5-10 տարվա ազատազրկում է սպառնում
Կոնգոյում սպանվել է Իտալիայի դեսպանը
Դմիտրի Պեսկով

Ղարաբաղում «Իսկանդեր-Մ»–ի հրթիռներ գտնելու հարցը քննարկում են զինվորականները. Պեսկով

43
(Թարմացված է 14:53 13.04.2021)
Ադրբեջանի նախագահը հայտարարել է, որ ՌԴ նախագահի հետ քննարկել է Ղարաբաղում «Իսկանդեր-Մ» հրթիռների հայտնաբերման մասին տեղեկությունը:

ԵՐԵՎԱՆ, 13 ապրիլի – Sputnik. Ռուսաստանի նախագահի մամուլի քարտուղար Դմիտրի Պեսկովն այսօր լրագրողներին ասել է, որ Ղարաբաղում «Իսկանդեր-Մ» համալիրների հրթիռներ հայտնաբերելու հարցը քննարկում են զինվորականները։ Տեղեկությունը հայտնում է ՌԻԱ Նովոստին։

«Զինվորականները երկխոսության մեջ են, որի ընթացքում քննարկվում են բոլոր համապատասխան հարցերը», - ասել է Պեսկովը՝ պատասխանելով հարցին, թե արդյոք այդ թեման քննարկվե՞լ է երկու նախագահների հեռախոսազրույցի ընթացքում:

Ավելի վաղ Ադրբեջանի նախագահ Իլհամ Ալիեւը հայտարարել էր, որ ՌԴ նախագահ Վլադիմիր Պուտինի հետ քննարկել է Ղարաբաղում «Իսկանդեր-Մ»–ի հրթիռներ հայտնաբերելու մասին տեղեկությունը, Բաքուն այդ կապակցությամբ պաշտոնական նամակ է ուղարկել Մոսկվա:

Հիշեցնենք` մարտի 31-ին ադրբեջանական ԶԼՄ-ներում տեղեկություն հայտնվեց Շուշիում «Իսկանդերի» բեկորների հայտնաբերման մասին։ Ադրբեջանական ականազերծման գործակալության (ANAMA) պնդմամբ՝ Շուշի քաղաքում մարտի 15-ին «հայտնաբերվել են երկու հրթիռի բեկորներ»։ Սակայն Հայաստանի զինանոցում առկա են «Իսկանդեր-Է» տեսակները, իսկ Շուշիում հայտնաբերված և ավելի ուշ Բաքվում ցուցադրվածը «Իսկանդեր-Մ»-ի բեկորներ են։ Ըստ փորձագետների` դրանք կարող էին բերվել Սիրիայից, թուրք մասնագետների կողմից։

Դրանից հետո ադրբեջանական ԶԼՄ-ներում ենթադրություններ հայտնվեցին, որ ադրբեջանական ԶՈւ-ի ուղղությամբ «Իսկանդեր» է կիրառել Ռուսաստանը։

«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին

43
թեգերը:
Իսկանդեր, Դմիտրի Պեսկով, Ռուսաստան, Լեռնային Ղարաբաղ
Ըստ թեմայի
«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին
«Իսկանդեր Մ»–ի բեկորները Շուշի են բերվել Սիրիայից. Դավիթ Շահնազարյան
Սերգեյ Լավրով և Մոհամադ Ջավադ Զարիֆ. արխիվային լուսանկար

Մոսկվան և Թեհրանը հանդես են գալիս ԼՂՀ հակամարտության արդարացի կարգավորման օգտին. Լավրով

74
(Թարմացված է 12:21 13.04.2021)
Ռուսաստանի և Իրանի արտգործնախարարները կարևորել են հակամարտության հետևանքների հաղթահարումն ու դրա երկարաժամկետ քաղաքական-դիվանագիտական կարգավորումն արդարության հիմքով՝ ի շահ հայ և ադրբեջանցի ժողովուրդների:

ԵՐԵՎԱՆ, 12 ապրիլի – Sputnik. Ռուսաստանն ու Իրանը հանդես են գալիս Լեռնային Ղարաբաղում արդար հիմունքներով երկարաժամկետ քաղաքական կարգավորման օգտին։ Այս մասին հայտարարել է ՌԴ արտգործնախարար Սերգեյ Լավրովը՝ Իրանի արտգործնախարար Մոհամադ Ջավադ Զարիֆի հետ հանդիպման արդյունքների ամփոփման ժամանակ, փոխանցում է ՌԻԱ Նովոստին։

«Քննարկել ենք Լեռնային Ղարաբաղում տիրող իրավիճակը՝ հաշվի առնելով Ռուսաստանի միջնորդական ջանքերը, որոնք թույլ են տալիս կայուն հրադադար պահպանել։ Մենք ընդգծել ենք հակամարտության հետևանքների հաղթահարման կարևորությունը և առհասարակ դրա երկարաժամկետ քաղաքական-դիվանագիտական կարգավորման ձեռքբերումը արդարացի հիմքով՝ ի շահ հայ և ադրբեջանցի ժողովուրդների։ Մենք դիտարկել ենք այն դերը, որը կարող են խաղալ տարածաշրջանի երկրները այդ գործընթացում»,-ասել է Լավրովը։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

74
թեգերը:
Ղարաբաղյան հակամարտություն, Լեռնային Ղարաբաղ, Արցախ, Ռուսաստան, Իրանի Իսլամական Հանրապետություն, Մոհամմադ Ջավադ Զարիֆ, Սերգեյ Լավրով
Ըստ թեմայի
Լավրովն ապրիլի 1–ին Հայաստանի ու Ադրբեջանի արտգործնախարարների հետ կքննարկի Ղարաբաղի թեման
«Ղարաբաղի հարցի լուծման բանալին գտնվում է Ռուսաստանի ձեռքում». Լևոն Տեր–Պետրոսյան
Պուտինը բանակցություններ է վարել Էրդողանի հետ ու քննարկել Ղարաբաղի թեման
Արխիվային լուսանկար

Վթար Չիվա գյուղի մոտ. տուժածներից մեկին մեքենայից դուրս են բերել հատուկ տեխնիկայի միջոցով

0
(Թարմացված է 17:16 13.04.2021)
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

ԵՐԵՎԱՆ, 13 ապրիլի - Sputnik․ Վայոց Ձորի Չիվա գյուղի մոտակայքում տեղի է ունեցել ՃՏՊ․ կա տուժած։ Տեղեկությունը հայտնում է ԱԻՆ մամուլի ծառայությունը։

Նշվում է, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Մեղրի Մ-2 ավտոճանապարհի 101-րդ կմ-ին «Mitsubishi Pajero iO» (վարորդ՝ Ռ․ Շ․, ծնված 1988 թ․) մակնիշի ավտոմեքենան դուրս է եկել ճանապարհի երթևեկելի հատվածից և մոտ 30 մ գլորվել ձորը:

«Փրկարարները ուղևոր Դ․ Փ․-ին (ծնված 1992 թ․) հատուկ տեխնիկայի օգնությամբ դուրս են բերել ավտոմեքենայից և մոտեցրել շտապօգնության աշխատակիցներին, մյուս ուղևոր Վ․ Կ․-ն (ծնված 1995 թ․) դուրս է բերվել ավտոմեքենայից, և վերջիններս հոսպիտալացվել են Եղեգնաձորի ԲԿ։ Բժիշկները տուժածների առողջական վիճակը գնահատել են միջին ծանրության»,–նշված է հաղորդագրության մեջ։

Մինչ փրկարարների կանչի վայր հասնելը, հավաքվածները տեղի ուժերով հոսանքազրկել են ավտոմեքենան և փակել գազի բալոնի փականը:

Ողբերգական վթար Աբովյան քաղաքում. 1 մարդ մահացել է, երեքը հիվանդանոցում են

0
թեգերը:
Վայոց Ձոր, Մեղրի, շտապօգնություն, ՀՀ արտակարգ իրավիճակների նախարարություն (ԱԻՆ)
Ըստ թեմայի
Խոշոր վթար Սյունիքում․ 6 վիրավորներից 2-ի վիճակը ծանր է
Վթար Արմավիրի մարզում. տուժածներից մեկի ականջը կտրվել է
Ողբերգական վթար Աբովյան քաղաքում. 1 մարդ մահացել է, երեքը հիվանդանոցում են