Ծեր կնոջ ձեռքեր

Գիտնականները պարզել են երկարակեցության գլխավոր գործոնը

105
(Թարմացված է 14:01 07.04.2021)
Մասնագետները շատ երկար ժամանակ տվյալներ են հավաքել։ Հայտնագործությունը ցույց է տալիս գենետիկայի կարևոր դերը երկարակեցության վերահսկման մեջ:

ԵՐԵՎԱՆ, 7 ապրիլի - Sputnik. Շոտլանդիայում վայրի ոչխարների գրեթե քսանամյա հետազոտության արդյունքները ցույց են տվել, որ կյանքի տևողության հետ փոխկապակցված է տելոմերների երկարությունը, որը մեծ մասամբ որոշվում է գենետիկայով  ու ժառանգականութամբ, ոչ թե դրանց պահպանությամբ, որը կախված է կյանքի պայմաններից ու շրջակա միջավայրից։ Տեղեկությունը հյատնում է ՌԻԱ Նովոստին՝ հղում անելով Proceedings of the National Academy of Sciences ամսագրում հրապարակված հոդվածին:

Տելոմերների՝ քրոմոսոմների ծայրերի հատվածների երկարությունը, համարվում է առողջության կամ ամբողջ օրգանիզմի ծերացման կարևոր ցուցիչ։ Որքան կարճ են տելոմերները, այնքան բարձր է մահվան ռիսկը, սա բոլոր ողնաշարավորների համար համընդհանուր կանոն է: Սակայն մինչ օրս պարզ չէր՝ ինչն է ավելի շատ ազդում տելոմերների վրա՝ ժառանգականությո՞ւնը, թե՞ արտաքին գործոնները։

Այս հարցի պատասխանը մի քանի սերունդների կյանքի երկարատև դիտարկումներ է պահանջում, ու նման ուսումնասիրությունները դժվար է անցկացնել մարդկանց վրա: Այդ պատճառով Նորվեգիայի, Մեծ Բրիտանիայի ու Կանադայի գիտնականները Դանիել Նուսիի (Daniel Nussey) ղեկավարությամբ (Նորվեգիայի գիտատեխնոլոգիական համալսարանի կենսաբանության ինստիտուտ) իրենց դիտարկումների համար ընտրել են ավելի կարճ ապրող տեսակ՝ Շոտլանդիայի կղզիներում բնակվող վայրի ոչխարների փակ պոպուլյացիան:

Արդյունքում պարզվել է, որ կյանքի տևողությունը փոխկապակցված է տելոմերների երկարության հետ ու կապ չունի դրանց պահպանության, այսինքն՝ հյուծման աստիճանի հետ: Միևնույն ժամանակ, առաջին պարամետրը ուղղակիորեն կապված է գենետիկ ժառանգականության հետ, իսկ երկրորդը՝ շրջակա միջավայրի այնպիսի գործոնների հետ, ինչպիսիք են սթրեսը կամ սնունդը:

Տարբեր ժողովուրդներ տարբեր կերպ են որոշում` ով է գեղեցիկ. գիտնականների եզրակացությունը

«Մենք չենք գտել ոչ մի ապացույց, որ տելոմերների մաշվածությունը կապված է մահացության բարձր ռիսկի հետ», - գրում են հոդվածի հեղինակները: - Մեր վերլուծությունը ցույց է տալիս, որ տելոմերի միջին երկարության ու անհատի կյանքի տևողության հարաբերակցությունը գենետիկ հիմք ունի»:

Հեղինակների կարծիքով՝ այս հայտնագործությունը նշանակում է, որ գենետիկան կարևոր դերակատարություն ունի երկարակեցության վերահսկողության համար։ Նրանք միաժամանակ շեշտում են հետազոտությունները շարունակելու անհրաժեշտությունը։

105
թեգերը:
կյանք, գիտնական, գեն
Ըստ թեմայի
Գիտնականներն ասել են, թե որ ըմպելիքն է իջեցնում արյան ճնշումը
Նռան հյութն օգտակար է ուղեղի համար. գիտնականների նոր հետազոտությունը
Ինչպես դանդաղեցնել ծերացումը. ամերիկացի գիտնականները հայտնել են նոր դեղամիջոցի մասին
Флаг на здании Пентагона

Վաշինգտոնը մեծացնում է Կիևին տրամադրվող ռազմական օգնությունը

0
ԱՄՆ-ում Ուկրաինայի դեսպանը Facebook-ի իր էջում շնորհակալություն է հայտնել ԱՄՆ Սենատին, որ հավանություն է տվել Կիևին տրվող ռազմական օգնությունն ավելացնելու օրինագծին:

ԵՐԵՎԱՆ, 22 ապրիլի - Sputnik. Ամերիկյան Սենատը հավանություն է տվել օրինագծին, որով նախատեսվում է ավելացնել Ուկրաինային ռազմական օգնությունը։ Տեղեկությունը հայտնում է ԱՄՆ-ում Ուկրաինայի դեսպան Օքսանա Մարկարովան։

ԱՄՆ Սենատի արտաքին գործերի կոմիտեն ընդունել է «Անվտանգության ոլորտում Ուկրաինայի հետ գործընկերության մասին» երկկուսակցական օրինագիծը, որը Կիևին ամենամյա ամերիկյան ռազմական օգնությունը հասցնում է 300 մլն դոլարի։

Դեսպանը Facebook–ի իր էջում շնորհակալություն է հայտնել հանձնաժողովի անդամներին օրինագիծն ընդունելու համար: «Այժմ սպասում ենք, որ ԱՄՆ Կոնգրեսն արագ կընդունի օրինագիծը», - հավելել է նա:

Ավելի վաղ ԱՄՆ պետքարտուղար Էնթոնի Բլինկենը Ուկրաինայի արտգործնախարար Դմիտրի Կուլեբայի հետ զրույցում Կիևին ակտիվ տնտեսական և ռազմական օգնություն էր խոստացել: Բլինկենը հայտարարել էր, որ ԱՄՆ-ն առաջնահերթ ուշադրություն է դարձնում Ուկրաինայի ինքնիշխանությանը, տարածքային ամբողջականությանը և եվրատլանտյան ձգտումներին:

0
F-35

Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից

14
Ամերիկացի պաշտոնյայի փոխանցմամբ՝ ծանուցագրում նշվում է, որ 2007թ. հունվարի 26-ին Թուրքիայի ստորագրած փոխըմբռնման հուշագիրը խզվում է, և նոր համաձայնագրի տեքստում Թուրքիան չի ընդգրկվում:

ԵՐԵՎԱՆ, 22 ապրիլի - Sputnik. Ամերիկայի Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից։ Տեղեկությունը հայտնում է «Anadolu» լրատվական գործակալությանը:
Տեղեկացվում է, որ ԱՄՆ պաշտպանության նախարարությունը՝ Պենտագոնը, Անկարային ծանուցել է ամերիկյան F-35 նոր սերնդի կործանիչների արտադրության ծրագրից Թուրքիային պաշտոնապես հեռացնելու մասին: 

Պենտագոնի պաշտոնյաներից մեկը, որի անունը չի նշվում, թեմայի վերաբերյալ հարցազրույց է տվել թուրքական պետական «Anadolu» լրատվական գործակալությանը:

Ամերիկացի պաշտոնյայի փոխանցմամբ՝ ծանուցագրում նշվում է, որ 2007թ. հունվարի 26-ին Թուրքիայի ստորագրած փոխըմբռնման հուշագիրը, որը 2006թ. ստորագրվել էր մյուս մասնակից երկրների կողմից, խզվում է, և նոր համաձայնագրի տեքստում Թուրքիան չի ընդգրկվում:

Պաշտոնյան նաև հայտնել է, որ պայմանագիրը թարմացվել է 8 գործընկեր երկրների կողմից և որևէ նոր գործընկեր երկիր չի ավելացել: 

Հիշեցնենք` ԱՄՆ-ն Թուրքիայի նկատմամբ արգելք էր սահմանել ռուսական արտադրության S-400 զենիթահրթիռային ՀՕՊ համակարգերի ձեռքբերման համար: 

Թուրքական սերիալում ցուցադրված քարտեզում Արցախը և Ադրբեջանը ներկայացվել են որպես Հայաստան

5-րդ սերնդի գերժամանակակից F-35 կործանիչների նախագիծը  համատեղ իրականացվում էր ՆԱՏՕ-ի անդամ 1 տասնյակ երկրների կողմից։ Ի սկզբանե նախագծին մասնակցում էր նաև Թուրքիան, սակայն Ռուսաստանից S-400 բարձր հեռահարության հակաօդային պաշտպանության համակարգեր գնելու պատճառով 2020թ. հուլիսին Վաշինգտոնի նախաձեռնությամբ կասեցվեց Թուրքիայի մասնակցությունը կործանիչների արտադրության ծրագրին, իսկ այդ երկրի համար արդեն արտադրված կործանիչները չմատակարարվեցին։

Ավելի վաղ Պենտագոնում հայտարարել էին, որ Թուրքիան պետք է S-400  համակարգերը Ռուսաստանին վերադարձնի, եթե Անկարան ցանկանում Է ԱՄՆ-ից ստանալ Patriot հրթիռային համակարգեր: 

14
թեգերը:
Զենք, ԱՄՆ, Թուրքիա
Ըստ թեմայի
ԱՄՆ-ն հերքում է Լուկաշենկոյի սպանության և Բելառուսի հեղաշրջման ծրագրին իր մասնակցությունը
Թուրքիայի արտգործնախարարը սպառնացել է ԱՄՆ-ին ապրիլի 24-ի կապակցությամբ
ԱՄՆ–ի կողմից Ցեղասպանության ճանաչումը կարող է սաստել Թուրքիային. Հարություն Մարության