Արխիվային լուսանկար

«Ամեն ինչ Դոնբասի պատճառով է». ինչի է պատրաստվում ԱՄՆ-ի բանակը Եվրոպայում

175
(Թարմացված է 23:52 06.04.2021)
Դոնբասում հակամարտության սրման և ուկրաինացի քաղաքական գործիչների ռազմատենչ հայտարարությունների ֆոնին ԱՄՆ-ն Եվրոպայում ռազմակայանների ռեժիմը «հնարավոր ճգնաժամ» մակարդակից փոխել է «պոտենցիալ անխուսափելի ճգնաժամի»:

Նիկոլա Պրոտոպոպով, ՌԻԱ Նովոստի

Ամերիկյան New York Times պարբերականը հայտնում է, որ Պենտագոնը որոշել է դա անել Ուկրաինայի հարավ-արևելքում ռազմական գործողությունների սրման, ինչպես նաև «տարածաշրջանում Մոսկվայի ռազմական ակտիվության ավելացման» պատճառով:

Կիևն ու «տիկնիկավարները»

Ուկրաինայի հարավ-արևելքում մլմլացող  ռազմաքաղաքական խարույկն ուր որ է նոր ուժով է բռնկվելու։ Համառորեն անտեսելով Մինսկի համաձայնությունները՝ դրան կրկին վառելափայտ է նետում Կիևը։ ԴԺՀ - ի ու ԼԺՀ-ի ներկայացուցիչները վերջին մի քանի շաբաթներին պարբերաբար տեղեկացնում են հրադադարի տասնյակ խախտումների մասին։ Ուկրաինայի Զինված ուժերը գնալով ավելի հաճախ են հրետանային ու ականանետային հարվածներ հասցնում բնակավայրերին: Խաղաղ բնակչության շրջանում զոհեր կան։

Ինքնակոչ ԴԺՀ ղեկավարը կարծում է, որ դժվար թե հնարավոր լինի խուսափել պատերազմից.

«Դատելով Կիևի գործողություններից՝ դրա հնարավորությունը չափազանց փոքր է»,- ասել է նա «Ռոսիա 24» հեռուստաալիքի եթերում: ԴԺՀ-ն, ինչպես եւ ԼԺՀ-ն, արել ու շարունակում են անել հնարավոր ամեն ինչ, որ հակամարտությունը կարգավորվի հենց քաղաքական եղանակով: Ավաղ, Կիևը բոլորովին այլ կերպ է տրամադրված։ Սուտ, մանիպուլյացիա․ սա այն ամենն է, ինչը հիմա տեսնում ենք Ուկրաինայի կողմից։ Նման պայմաններում քաղաքական կարգավորման շանսը չնչին է, եթե չասենք, որ զրոյի է հավասար»։

Սադրիչ քամին Կիևից փչում է ոչ միայն դեպի հարավ-արևելք, այլև՝ դեպի արևմուտք։ Օրերս Պենտագոնի պաշտոնական ներկայացուցիչ Ջոն Քիրբին նշել է, որ Վաշինգտոնը տեղյակ է «Ուկրաինայի հետ սահմանի մոտ Ռուսաստանի ռազմական պատրաստությունների մասին»։

Կրեմլում ընդգծում են, որ ռուսական բանակը չի մասնակցել ու չի մասնակցում Ուկրաինայում ռազմական գործողություններին: Ռուսաստանի նախագահի մամուլի քարտուղար Դմիտրի Պեսկովի խոսքով՝ Դոնբասի հակամարտությունը բացառապես ներուկրաինական է։ Եվ աշխարհում ոչ ոք չի ուզում, որ «Ուկրաինայի զինված ուժերի սադրիչ գործողությունների արդյունքում քաղաքացիական պատերազմի բռնկում լինի»։

«Վալդայ» վերլուծական ակումբի ռազմական փորձագետ Արտյոմ Կուրեևը վստահ է, որ Ուկրաինայի նախագահ Վլադիմիր Զելենսկին ի վիճակի չէ ինքնուրույն որոշումներ կայացնել ու պարում է բացառապես ԱՄՆ-ի սրնգի տակ:

Մեկը ՆԱՏՕ–ն է. եվրոպացիներին կարգի հրավիրելու համար ԱՄՆ–ն երկու գործիք է օգտագործում

«Եթե հրաման տան հարձակվել Ղրիմի կամ Դոնբասի վրա, Կիևը դա կանի՝  չմտածելով Ուկրաինայի համար վնասի մասին», - ասել է Կուրեևը ՌԻԱ Նովոստիի հետ զրույցում: - Առավել ևս և՛ Զելենսկուն, և՛ Բայդենին հիմա խոշոր ռազմական հաջողություն է պետք։ Դոնբասը հիանալի վայր է դրա համար։ Ամբողջ հարցը չճանաչված հանրապետությունների զորքերի՝ հարձակումը հետ մղելու ու նրանց աջակցելու Մոսկվայի պատրաստակամությունն է: Ի դեպ, Վաշինգտոնն ամեն դեպքում շահեկան վիճակում է։ Ուկրաինայի զինված ուժերի հետ մղած հարձակումը թույլ կտա հերթական անգամ դեմոնացնել Ռուսաստանին ու պատժամիջոցներ սահմանել, այդ թվում՝ «Հյուսիսային հոսք -2»-ի հետ կապված:

«Ինքնուրույն գլուխ կհանեն»

Ուկրաինան ու ԱՄՆ-ն շարունակում են յուղ լցնել կրակի վրա՝ ներկայացնելով ռուսական զորքերի բացարձակ օրինական տեղաշարժերը սեփական տարածքում որպես մարտական գործողությունների նախապատրաստում ՝ հարևան երկիր ներխուժելու համար: Դրանով նրանք փորձում են արդարացնել նաև Վաշինգտոնի կողմից Կիևին տրամադրվող ուժեղացված ռազմական աջակցությունը և նույնիսկ ամերիկյան զորքերի հնարավոր տեղափոխումն Ուկրաինա։

ԱՄՆ պաշտպանության նախարար Լլոյդ Օսթինը ուկրաինացի գործընկեր Անդրեյ Տարանի հետ զրույցում դատապարտել է «ռուսական սադրանքների էսկալացիան»: Պենտագոնը հաստատել է Կիևի իշխանությանն աջակցելու պատրաստակամությունը՝ «ռուսական ագրեսիայի դեմ առավել արդյունավետ պաշտպանվելու համար»։ Վաշինգտոնում հիշեցրել են, որ 2015-ից Ուկրաինային ավելի քան երկու միլիարդ դոլար են հատկացրել տարբեր սպառազինություններ գնելու ու ռազմական մասնագետներ պատրաստելու համար: Ամերիկացիները խոստանում են հետագայում էլ աջակցել Կիևին, իսկ «ռուսական ագրեսիայի սրման դեպքում Միացյալ Նահանգները Ուկրաինային միայնակ չեն թողնի»։

«ԱՄՆ-ն իսկապես հայտարարել է, որ կաջակցի Կիևին Ռուսաստանի հետ հակամարտության հարցում», - մեկնաբանում է Արտյոմ Կուրեևը: - Ճիշտ է, խոստումը մի փոքր լղոզված է։ Այո, Ուկրաինային կօգնեն ամրապնդել բանակը, կփոխանցեն մարտական տեխնիկան։ Բայց եթե Դոնբասի հակամարտությունը կրկին բռնկվի, արդյո՞ք այնտեղ ամերիկացի զինյալներ, զորամասեր կհայտնվեն։ Նման սցենարն արդեն գրեթե երրորդ համաշխարհային պատերազմ է»։

Փորձագետը չի հավատում, որ Պենտագոնը կհամարձակվի դա անել։ Վաշինգտոնում կարծում են, որ Ուկրաինայի ԶՈւ-ն վերջին յոթ տարիների ընթացքում բավական ուժեղացել է։

«Այլ բան է, որ հակամարտության սրման մեղքը միանշանակ կդնեն Ռուսաստանի վրա, ինչը կոշտ պատժամիջոցների նոր ալիք կառաջացնի», — ասել է նա: - Վաշինգտոնն ու Բրյուսելը չեն փորձի հասկանալ, թե ով է արել առաջին կրակոցը, այնտեղ արդեն ամեն ինչ որոշել են։ Հարցը միայն այն է, թե ինչի կարող է հասնել ուկրաինական բանակը, և ինչպես կարձագանքեն Մոսկվայում։ Իսկ Եվրոպայում ՆԱՏՕ-ի զորքերի պատրաստվածության մակարդակի բարձրացումը ազդանշան է Կիևին և յուրօրինակ ճնշում է Մոսկվայի վրա»։

Համացանցում այժմ հաճախ են հրապարակում ռուսական ռազմական տեխնիկայի տեղաշարժի կադրեր, որոնք նկարահանվել են այդ թվում Ղրիմում ու Ռոստովի մարզում: Սակայն այդ բոլոր «փոխադրումները» կապված են բացառապես Զինված ուժերի ամենօրյա գործունեության և պլանային մանևրների հետ։

Օրինակ, ապրիլի 2-ին Սևծովյան նավատորմը սկսել է հսկիչ ստուգումներ անցկացնել Ղրիմում ու Կրասնոդարի երկրամասում տեղակայված ուժերում։ Մարտավարական վարժանքների շրջանակում ցամաքային զորքերի ստորաբաժանումները, ավիացիան ու ՀՕՊ-ը կմշակեն հարձակողական ու պաշտպանական առաջադրանքներ:

Ինչու է ԱՄՆ-ն վախեցել Ռուսաստանի «Ումկա-2021» արկտիկական գիտարշավից

Ակնհայտ է, որ նման ծավալի զորավարժությունները պահանջում են զորքերի մշտական տեղաշարժեր, այդ թվում՝ ընդհանուր օգտագործման ճանապարհներով։ ԱՄՆ-ն և Ուկրաինան ասում են, որ բջջային հեռախոսներով նկարահանած բանակային շարասյուների կադրերը Ռուսաստանի ռազմանան ակտիվության ավելացման «հերթական ապացույցներն են»։

«Աչքի գերանը»

Ընդ որում, և՛ Վաշինգտոնը, և՛ Կիևն ավանդաբար լռում են սեփական գործողությունների մասին։ Այսպես, առանց մեկնաբանության է մնում Եվրոպայից Ուկրաինա օդային կամրջի ակտիվացման մասին տեղեկատվությունը։ Մի քանի օր շարունակ ռազմափոխադրական ինքնաթիռներն այնտեղ ռազմակայաններից ինչ-որ բեռներ էին տեղափոխում։

Նույնիսկ եթե դա հերթական համատեղ զորավարժությունների պատրաստություն է, հավանական հակառակորդը հստակ է՝ Ռուսաստանը։ ՆԱՏՕ-ն պատրաստվում է 25 տարվա ընթացքում խոշորագույն Defender Europe 2021 զորավարժություններին։ Ավելի քան 20 հազար ամերիկացի զինծառայող ու 17 հազար զինծառայող այլ երկրներից։ Նախատեսվում է հարձակողական ու պաշտպանական գործողություններ մշակել Արևելյան Եվրոպայում, Մերձբալթյան երկրներում, Բալկաններում, Բալթիկ ու Սև ծովերի ջրային տարածքներում:

Զորավարժություններին կմասնակցի նաև Ուկրաինան՝ որպես երկիր, որը վերջերս ստացել է «ՆԱՏՕ-ի՝ ընդլայնված հնարավորություններով գործընկերոջ» կարգավիճակ: «Եվրոպայի պաշտպանի» հակառուսական ուղղվածությունը հաստատել են նաև Կիևում։ Դոնբասի հարցով եռակողմ կոնտակտային խմբում Ուկրաինայի ներկայացուցիչ Ալեքսեյ Արեստովիչը հայտնել է, որ դաշինքի զորավարժություններն անհրաժեշտ են «Ռուսաստանի հետ պատերազմը մշակելու համար»:

Ռազմական գիտությունների դոկտոր Կոնստանտին Սիվկովի կարծիքով՝ Եվրոպայում ՆԱՏՕ-ի զորավարժությունները միայն լրացուցիչ ուժեր տեղափոխելու պատրվակ են, իսկ «պոտենցիալ անխուսափելի ճգնաժամ» մարտունակության մակարդակը միայն հաստատում է դա։

«ԱՄՆ-ն ու ՆԱՏՕ -ն խմբավորում են ստեղծում Ուկրաինայի հարավ-արևելքում լայնածավալ զինված հակամարտության դեպքում Ռուսաստանին հակազդելու համար,- կարծում է նա: - Զորավարժությունների անվան տակ նրանք ավելացնում են ուժերը, ԱՄՆ-ից զորքեր են տեղափոխում Եվրոպա։ Դոնբասում այժմ մոտ 600 հազար ՌԴ քաղաքացի կա, և Սահմանադրության համաձայն՝ մենք պետք է պաշտպանենք նրանց։ Այս իրավիճակում միանգամայն կարելի է ակնկալել, որ ՆԱՏՕ –ն էլ է միջամտելու հակամարտությանը»։

Բոլոր դեպքերում, ՌԻԱ Նովոստիի հարցմանը մասնակցած փորձագետները միակարծիք են, որ Ուկրաինայի պատճառով Ռուսաստանի ու Հյուսիսատլանտյան դաշինքի երկրների մասնակցությամբ լայնածաված պատերազմի վտանգը մեծ չէ: ՆԱՏՕ-ում նույնիսկ ամենատթաքարյուն մարդիկ շատ լավ հասկանում են՝ նման արկածախնդրությունը բոլորի համար էլ վատ կավարտվի։

175
թեգերը:
Դոնբաս, Ուկրաինա, ԱՄՆ, Ռուսաստան
Ըստ թեմայի
Լեռնային Ղարաբաղի հակամարտությունը հիմքեր չի տալիս Դոնբասում իրավիճակի սրման համար. Պեսկով
Ղարաբաղյան սցենարը հնարավո՞ր է կրկնել Դոնբասում. Պուշկովի պատասխանը
Դոնբասում լարվածությունն ուժեղանում է. ավելանում են նաև Կիևի սադրիչ գործողությունները
Արխիվային լուսանկար

Իտալական ընկերությունը հերքել է Բաքվում «Հաղթանակի թանգարանի» կառուցմանը մասնակցելու լուրը

188
(Թարմացված է 21:54 18.04.2021)
Իտալական ճարտարապետական ընկերությունը հատուկ նամակ է հղել Վենետիկում Հայաստանի հյուպատոսությանը։

ԵՐԵՎԱՆ, 18 ապրիլի – Sputnik. Իտալիայի ճարտարապետական «120 grammi» ընկերությունը հերքել է իր մասնակցությունը Ադրբեջանում «Հաղթանակի թանգարանի» կառուցմանը, որտեղ ներկայացված են հայ զինվորները՝ նվաստացուցիչ կերպարներով: Facebook-ի իր էջում այս մասին տեղեկացրել է Վենետիկում ՀՀ պատվո հյուպատոսությունը։

Հատուկ հայտարարություն կլինի. Թաթոյանը` Ադրբեջանում բացված «պուրակի» մասին

«Անդրադառնալով Ադրբեջանում «Հաղթանակի թանգարանի» կառուցմանը «120 grammi» ճարտարապետական ընկերության 
ներգրավման մասին շրջանառվող լուրերին՝ հաստատում ենք, որ ստացել ենք այդ լուրի պաշտոնական հերքումը վերոհիշյալ ընկերության  կողմից: Հյուպատոսությանն ուղարկված հաղորդագրությունում «120 grammi» ճարտարապետական ընկերությունը վերահաստատում է, որ իրենք ոչ մի կերպ մասնակցություն չեն ունեցել այս նախագծին, որը հարուցել է Հայ համայնքի վրդովմունքը և ոչ միայն»,-նշված է հաղորդագրության մեջ:

Ավելի վաղ Ադրբեջանի նախագահը «Նոր հայացք դեպի Հարավային Կովկաս. զարգացում և համագործակցություն հետկոնֆլիկտային շրջանում» համաժողովին ունեցած իր ելույթում նշել էր, որ իտալական ընկերություններին արդեն հրավիրվել են մասնակցելու թանգարանների և ռազմական հուշահամալիրների կառուցման նախագծին:

Ադրբեջանում բացված «պուրակ-թանգարանը» նախատեսված է նաև երեխաների համար. ՀՀ ՄԻՊ-ի արձագանքը

188
թեգերը:
Իլհամ Ալիև, Պատերազմ, Թանգարան, Բաքու, Իտալիա
Ըստ թեմայի
Միջնորդները դռնից դուրս չեկան, կամ Ալիևը փոխե՞լ է վերաբերմունքը բանակցությունների հարցում
«Նրանք ունեն 10 000 դասալիք». Ալիևի հայտարարություններին արձագանքել է ՀՀ օմբուդսմանը
Ալիևը Լուկաշենկոյի միջոցով Երևանին առաջարկում էր փողով լուծել ղարաբաղյան հակամարտությունը
ԱԳՆ խոսնակ Աննա Նաղդալյանը պատասխանել է Ալիևի հայտարարություններին
Ալեքսանդր Լուկաշենկո. արխիվային լուսանկար

ԱՄՆ-ն հերքում է Լուկաշենկոյի սպանության և Բելառուսի հեղաշրջման ծրագրին իր մասնակցությունը

110
(Թարմացված է 20:50 18.04.2021)
Ընդվզման արդյունքում ձերբակալվածները ցանկացել են փոխել Բելառուսի սահմանադրական կարգը, լուծարել նախագահի պաշտոնը և երկրի ղեկավարումը հանձնել Ազգային հաշտեցման կոմիտեին։

ԵՐԵՎԱՆ, 18 ապրիլի – Sputnik. ԱՄՆ-ն հերքում է Բելառուսի նախագահ Ալեքսանդր Լուկաշենկոյի մահափորձին առնչություն ունենալը։ ՌԻԱ Նովոստիին այս մասին ասել է պետդեպարտամենտի ներկայացուցիչը։

«Մենք տեսել ենք ռուսական պետական ԶԼՄ-ների հաղորդագրությունները Ալեքսանդր Լուկաշենկոյի դեմ ենթադրյալ դավադրության մասին, ինչպես նաև հենց նրա հայտարարությունները։ Ցանկացած ենթադրություն, որ ԱՄՆ իշխանությունները կանգնած են եղել Լուկաշենկոյի մահափորձի հետևում կամ մասնակցել են դրան, բացարձակ սուտ է», - ասել է պետդեպարտամենտի ներկայացուցիչը։

Երեկ` ապրիլի 17–ին, Լուկաշենկոն հայտարարել է մի խումբ մարդկանց ձերբակալության մասին, որոնք մահափորձ են պատրաստել իր և իր երեխաների դեմ։ Բելառուսի Հանրապետության նախագահի տվյալներով՝ դրանում ներգրավված են ԱՄՆ-ի հատուկ ծառայությունները։ Ինչպես հաղորդել է Անվտանգության դաշնային բյուրոյի հանրային կապերի կենտրոնը, Մոսկվայում ձերբակալվել են ԱՄՆ-ի և Բելառուսի երկքաղաքացիություն ունեցող իրավաբան Յուրի Զենկովիչը և բելառուս քաղաքագետ Ալեքսանդր Ֆեդուտան, որոնք ռազմական հեղաշրջում են նախապատրաստել մայիսի 9-ին Մինսկում։

Բելառուսի Անվտանգության պետական կոմիտեի տվյալներով՝ այդ խմբի մեջ է մտել նաև ընդդիմության առաջնորդ Գրիգորի Կոստուսևը։ Նա ձերբակալվել է հանրապետության տարածքում։

Նշվել է, որ երկու ձերբակալվածները ծրագրել են ռազմական հեղաշրջում այդ երկրում գունավոր հեղափոխությունների մշակված սցենարով, ինչպես նաև նախագահ Ալեքսանդր Լուկաշենկոյին հեռացնելը։ Հատուկ ծառայությունների տվյալներով՝ նրանք ցանկացել են սպանել կամ համակենտրոնացման ճամբար ուղարկել բարձրաստիճան բելառուս պաշտոնյաներին։

ԱԴԲ-ում նշել են, որ նախազգուշացնող տեղեկությունները ստացել են բելառուս գործընկերներից։ Զենկովիչը և Ֆեդուտան մեսենջերով քննարկել են ընդվզումը, բայց ամեն դեպքում որոշել են Մոսկվայում հանդիպում կազմակերպել հանրապետության ընդդիմադիր գեներալների հետ։ Մայրաքաղաքի ռեստորաններից մեկում հայտարարել են, որ անհրաժեշտ է հեռացնել Բելառուսի բարձրագույն ղեկավարությանը, գրավել ռադիոն և հեռուստակենտրոնները, արգելափակել երկրի էներգահամակարգերը։ Զինված խռովության մեջ հատուկ դեր է հատկացվել պարտիզաններին, որոնք գտնվել են գաղտնի բազաներում։

Ո՞ր հետախուզության համար են աշխատում նրանք, ովքեր չեն համալրել ԱՄՆ–ի «սև ցուցակը»

Ընդվզման արդյունքում ձերբակալվածները ցանկացել են փոխել Բելառուսի սահմանադրական կարգը, լուծարել նախագահի պաշտոնը և երկրի ղեկավարումը հանձնել Ազգային հաշտեցման կոմիտեին։ ԱԴԲ-ին հայտնի է դարձել, որ նոր ռեժիմի օրոք Զենկովիչը պետք է համակարգեր խորհրդարանը, իսկ Ֆեդուտան՝ գաղափարախոսությունը։

Խռովությունը նախատեսվել էր մայիսի 9-ին։

Ավելի վաղ Լուկաշենկոն պատմել է իր և իր երեխաների դեմ մահափորձը կանխելու մասին, որում, նրա կարծիքով, ներգրավված են ամերիկյան իշխանությունները։ Նա շնորհակալություն է հայտնել ՌԴ նախագահ Վլադիմիր Պուտինին այդ նենգ պլանները ձախողելու հարցում օգնության համար։

Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները

110
թեգերը:
Ռուսաստան, մահափորձ, Ալեքսանդր Լուկաշենկո, ԱՄՆ
Ըստ թեմայի
Սերժ Սարգսյանը պատասխանել է Ալեքսանդր Լուկաշենկոյի հայտարարությանը
C-400–ներն ու մեծ քաղաքականությունը. կշահի՞ արդյոք Հայաստանը ԱՄՆ–Թուրքիա հակամարտությունից
ԱՄՆ-ն Աֆղանստանում ա՞յլ նպատակներ ունի
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

0
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

0
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը