Վլադիմիր Պոզներ

«Վիրավորված չեմ, ես էլի կմեկնեմ Վրաստան». Պոզները` Թբիլիսիում տեղի ունեցած միջադեպի մասին

141
(Թարմացված է 20:38 05.04.2021)
Լրագրողը կարծում է, որ Վրաստանում ընթացող քաղաքական հուսահատ պայքարի ֆոնին ընդդիմությունը պարզապես օգտագործել է իր այցը։

ԵՐԵՎԱՆ, 5 ապրիլի - Sputnik. Հեռուստահաղորդավար Վլադիմիր Պոզները մտադիր է կրկին այցելել Վրաստան։ Նրա հայտարարությունը հրապարակվել է «Պոզներ Online» կայքում։

«Ինչպես ես եմ հասկանում, Վրաստանում քաղաքական հուսահատ պայքար է ընթանում, և ընդդիմությունն օգտագործեց իմ այցը, որպեսզի... չգիտեմ էլ` ինչպես անվանեմ դա, «շաբաշանման» մի բան կազմակերպի։ Հիշել էին երեք տարվա վաղեմության իմ հայտարարությունը` Աբխազիայի մասին, որպեսզի իրենց ձայնը բարձրացնեն մեր ավտոբուսի վրա ձու նետելով (ըստ երևույթին նրանք բավարար չափով հավի ձու ունեն), թմբկահարեն մեր ռեստորանի պատերը, կանգնեն մեր հյուրանոցի պատերի տակ, բղավեն, սուլեն և այլն։ Եվ ես որոշեցի հեռանալ. ինչո՞ւ վտանգի տակ դնեի ընկերներիս։ Մենք վերադարձանք Մոսկվա և շատ լավ նշեցինք ծննդյանս օրը։ Ակնհայտ էր, որ թբիլիսյան փորձը մեզ շատ օգնեց, որքան էլ տարօրինակ թվա», – ասել է Պոզները։

Հեռուստահաղորդավարը նաև շնորհակալություն է հայտնել բոլոր նրանց, ովքեր մտահոգվել էին միջադեպի կապակցությամբ։

«Վրաստանի կամ վրացիների հանդեպ վիրավորվածության զգացողություն ամենևին չունեմ։ Բացի այդ, ես պատվավոր կախեթցի եմ, ու ես իհարկե դեռ նորից կգնամ Վրաստան, դա հաստատ է։ Ինչ վերաբերում է ձվեր նետելու սիրահարներին, հատկապես եթե դրա համար գումար են վճարում, ապա այդպիսի մարդիկ կան բոլոր երկրներում, և ինչպես ես արդեն գրել եմ, իրականում նրանք ուշադրության արժանի չեն», - հավելել է հայտնի լրագրողն ու հաղորդավարը։

Հիշեցնենք` Պոզները Թբիլիսի էր մեկնել մարտի 31-ին, որպեսզի այնտեղ նշի իր ծննդյան օրը. ապրիլի 1-ին լրանում էր նրա 87-ամյակը։ Պոզների հետ Վրաստան էին մեկնել շուրջ 50 ընկերներ ու գործընկերներ: Նա պատրաստվում էր Վրաստանից հեռանալ ապրիլի 3-ին, բայց բողոքի ակցիաների պատճառով ժամանակից շուտ լքեց երկիրը։

Ընդդիմության անդամները և ակտիվիստներն ակցիա էին կազմակերպել` պահանջելով հստակեցնել՝ արդյոք Պոզները Վրաստան ժամանելով չի խախտել օկուպացիայի մասին օրենքը։ Ցուցարարները նաև անընդունելի էին համարել Պոզների կողմից Աբխազիայի վերաբերյալ նախկինում արված մեկնաբանությունները։

Պոզները խոսել է Մանթաշյանի ու Էյվազովի միջև ծագած սկանդալի մասին

Ընդդիմության ակտիվիստներն ու առաջնորդները նախ բողոքի ակցիա էին անցկացրել «Վինոտել» հյուրանոցի մոտ, որտեղ Պոզները ընթրել էր հյուրերի հետ։ Ակցիայի մասնակիցներն ի վերջո խափանել էին ընթրիքը, նրանք աշխատանքի տեսչությանը հայտնել էին, որ Պոզներն ու նրա հյուրերը խախտել են Վրաստանում գործող «պարետային ժամը», ըստ որի երեկոյան 9-ից հետո ու մինչև առավոտյան 5-ը արգելվում է փողոց դուրս գալ, իսկ ռեստորաններն այդ ժամանակ աշխատելու իրավունք չունեն:

Հյուրերը ոստիկանների ուղեկցությամբ լքել էին «Վինոտելը», բայց ցուցարարների ակցիան շարունակվել էր «Rooms» հյուրանոցի մոտ, որտեղ իջևանել էր Պոզները։ Ակտիվիստները ձվեր էին նետել շենքի վրա։

141
թեգերը:
ձու, Վրաստանի Հանրապետություն, Վլադիմիր Պոզներ
Սերգեյ Շոյգու

Ռուսաստանի արևմտյան սահմաններին իրավիճակը լարված է. Շոյգու

9
(Թարմացված է 17:32 20.04.2021)
Ռուսաստանի պաշտպանության նախարար Սերգեյ Շոյգուն գերատեսչության կոլեգիայի նիստում հայտարարել է երկրի արևմտյան սահմանների երկայնքով լարվածության աճի մասին:

ԵՐԵՎԱՆ, 20 ապրիլի – Sputnik. Ուկրաինայի ղեկավարությունը փորձում է ապակայունացնել իրավիճակը Դոնբասում։ Տեղեկությունը հայտնել է Ռուսաստանի պաշտպանության նախարար Սերգեյ Շոյգուն Ռուսաստանի պաշտպանության նախարարության կոլեգիայի նիստի ժամանակ:

Դրան զուգահեռ ԱՄՆ-ի և ՆԱՏՕ-ի ուժերը շարունակում են սադրանքներ իրականացնել օդային տարածքում և Սև ծովի ջրային տարածքում:

«Ռազմաքաղաքական իրադրությունը հարավարևմտյան ռազմավարական ուղղությամբ բարդ է մնում»,-ասել է Շոյգուն:

Նա նշել է, որ լարված իրավիճակը կապված է այն բանի հետ, որ մի շարք պետություններ փորձում են մեծացնել իրենց ռազմական ներկայությունը Ռուսաստանի Դաշնության արևմտյան և հարավային սահմանների մոտ։

ՆԱՏՕ-ն հրահրում է սպառազինությունների համաշխարհային մրցավազք. ՌԴ ԱԳՆ

9
թեգերը:
Արևմուտք, Ռուսաստան, Սահման, ՆԱՏՕ, Սերգեյ Շոյգու
Ըստ թեմայի
ՆԱՏՕ-ն իր աջակցությունն է հայտնել Չեխիային` ընդդեմ Ռուսաստանի
«ՆԱՏՕ-ի ձեռքի գործն է»․ ի՞նչ է կատարվում ռուսական սահմանների մոտ
Վաշինգտոնը գայթակղում է Կիևին ՆԱՏՕ-ին անդամակցությամբ
Հարրին ու Մեգանը

Հարրին ու Մեգանը դստերը Դիանա չե՞ն անվանի․ հայտնի է՝ ինչ անվան մասին է մտածում զույգը

43
Բուքմեյքերներն արդեն իսկ խաղադրույքներ են ընդունում, թե ինչպես կանվանեն դստերը Սասեքսի դուքսն ու դքսուհին։

ԵՐԵՎԱՆ, 20 ապրիլի - Sputnik․ Մեգան Մարքլը ու արքայազն Հարրին իրենց դստերը հավանաբար չեն կոչի Հարրիի մոր՝ վաղաժամ մահացած արքայադուստր Դիանայի պատվին։ Այս մասին գրում են բրիտանական լրատվականները։

Հայտնի է, որ զույգը քննարկում է իրենց երկրորդ երեխային Լիլի կոչել՝ թագուհու պատվին։ Մանկության տարիներին Եղիսաբեթ թագուհուն Լիլիբեթ էին անվանում, Լիլի էր նրան անվանում նրա ամուսինը՝ արքայազն Ֆիլիպը, որի հետ թագուհին ամուսնացած է եղել 73 տարի, և որը մահացավ բոլորովին վերջերս։

Թագավորական ընտանիքի երկրպագուները սոցցանցերում բուռն քննարկում են զույգի որոշումը։ Շատերը հիասթափված են, որ Հարրին չի անվանակոչելու դստերը մոր անունով։ Նույնպիսի հիասթափություն էին ապրում հետևորդները, երբ Հարրիի եղբայրը՝ արքայազն Ուիլյամը և նրա կին Քեթրինը, դստերը կոչեցին Շառլոտ։

Սկանդալային հարցազրույցի հետքերով. Մեգան Մարքլին մեղադրել են բացահայտ ստելու համար

Բուքմեյքներն արդեն իսկ խաղադրույքներ են ընդունում, թե ինչպես Մեգանն ու Հարրին կանվանեն դստերը։

Հիշեցնենք՝ զույգը ամուսնացել է 2018-ի մայիսին, ուղիղ մեկ տարի անց՝ 2019-ի մայիսին, նրանց ընտանիքը համալրվեց փոքրիկ Արչիով։

Հարրին և Մեգանը հրաժարվել են թագավորական կոչումներից և  Բրիտանիայից տեղափոխվել ԱՄՆ։

Սկանդալային հարցազրույց․ Մեգան Մարքլը՝ ռասիզմի և արքայական ընտանիքի հետ «պատերազմի» մասին

43
թեգերը:
անուն, դուստր, Արքայազն Հարրի, Մեգան Մարքլ