Տարբեր ժողովուրդներ տարբեր կերպ են որոշում` ով է գեղեցիկ. գիտնականների եզրակացությունը
(Թարմացված է 15:36 02.04.2021)
Գեղեցկության ֆենոմենը մարդկությանը հետաքրքրում է անհիշելի ժամանակներից և արդեն, թվում է` ամեն ինչ ասված է գեղեցկության մասին։ Բայց բրիտանացի գիտնականների հետազոտության արդյունքում պարզվել է, որ մեզ համար սովորական հասկացություններն այնքան էլ անխախտ չեն։ԵՐԵՎԱՆ, 2 ապրիլի – Sputnik. Արտաքին գրավչությունը հարաբերական հասկացություն է և ավելի շատ կախված է միջավայրից, քան ինչ-որ պայմանական գեղեցկության ստանդարտներից։ Այդպիսի եզրակացության են եկել բրիտանացի գիտնականները 12 մարդ հետ փորձարկում անելուց հետո։ Նրանք մասնակիցներ են ընտրել տարբեր ազգերից, տարբեր կենսամակարդակ ունեցող երկրներից և առաջարկել են նրանց գնահատել լուսանկարի մարդու գրավչությունը։ Այդ մասին հայտնում է NCBI գիտական պարբերականը։
©
Sputnik / Константин Михальчевский
Եզրակացությունները, որոնք արել են բրիտանացի գիտնականները հետազոտության արդյունքում, հերքել են երկար ժամանակ գոյություն ունեցող այն վարկածը, որ գեղեցկության հասկացությունը պետք է քիչ թե շատ միանման լինի բոլոր ժամանակներում և բոլոր հասարակություններում՝ ոչ մեծ տատանումներով։
Համարվում էր, որ էվոլյուցիոն տեսանկյունից տրամաբանական է, որ գոյություն ունենան այս կամ այն արտաքին հատկանիշները, որոնք վկայում են առողջության, լավ ֆիզիկական վիճակի և սերունդների վերարտադրման ունակության մասին: Այս նշանների առկայությունը նշանակում է, որ դրանք կրողը պետք է սեռական առումով գրավիչ համարվի։
Արդյունքում պարզվել է, որ կանացիությունն ու տղամարդկությունը կարևոր են միայն ամենաուրբանիզացված շրջաններում, որոնց համար բնորոշ են հիվանդացության, ծնելիության և սպանությունների ցածր մակարդակները։ Իսկ փոքր ու մեկուսացված համայնքներում թույլ սեռի ներկայացուցիչները նախընտրում են ավելի «կանացի» տեսք ունեցող տղամարդկանց։
Բացի այդ, այն հանրույթներում, որտեղ մեծ է սովի վտանգը, առավել գրավիչ են համարվում գիրուկները, իսկ հիվանդությունների հակված խմբերում ամենագեղեցիկը կանոնավոր դիմագծերով մարդիկ են։ Այդ արտաքին նշանը հաճախ ասոցացվում է ֆիզիկական առողջության հետ։
Նռան հյութն օգտակար է ուղեղի համար. գիտնականների նոր հետազոտությունը
Այս բոլոր տվյալները, ինչպես ենթադրում են հետազոտողները, խոսում են այն մասին, որ գրավչությունը ճկուն հասկացություն է: Ի վերջո, հանուն գոյատևման և սերնդի շարունակության ավելի կարևոր է ընտրել ոչ թե ամենագեղեցիկ կողակցին, այլ նրան, ով առավել համապատասխան է տվյալ միջավայրին։
Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից
ԵՐԵՎԱՆ, 22 ապրիլի - Sputnik. Ամերիկայի Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից։ Տեղեկությունը հայտնում է «Anadolu» լրատվական գործակալությանը:
Տեղեկացվում է, որ ԱՄՆ պաշտպանության նախարարությունը՝ Պենտագոնը, Անկարային ծանուցել է ամերիկյան F-35 նոր սերնդի կործանիչների արտադրության ծրագրից Թուրքիային պաշտոնապես հեռացնելու մասին:
Պենտագոնի պաշտոնյաներից մեկը, որի անունը չի նշվում, թեմայի վերաբերյալ հարցազրույց է տվել թուրքական պետական «Anadolu» լրատվական գործակալությանը:
Ամերիկացի պաշտոնյայի փոխանցմամբ՝ ծանուցագրում նշվում է, որ 2007թ. հունվարի 26-ին Թուրքիայի ստորագրած փոխըմբռնման հուշագիրը, որը 2006թ. ստորագրվել էր մյուս մասնակից երկրների կողմից, խզվում է, և նոր համաձայնագրի տեքստում Թուրքիան չի ընդգրկվում:
Պաշտոնյան նաև հայտնել է, որ պայմանագիրը թարմացվել է 8 գործընկեր երկրների կողմից և որևէ նոր գործընկեր երկիր չի ավելացել:
Հիշեցնենք` ԱՄՆ-ն Թուրքիայի նկատմամբ արգելք էր սահմանել ռուսական արտադրության S-400 զենիթահրթիռային ՀՕՊ համակարգերի ձեռքբերման համար:
Թուրքական սերիալում ցուցադրված քարտեզում Արցախը և Ադրբեջանը ներկայացվել են որպես Հայաստան
5-րդ սերնդի գերժամանակակից F-35 կործանիչների նախագիծը համատեղ իրականացվում էր ՆԱՏՕ-ի անդամ 1 տասնյակ երկրների կողմից։ Ի սկզբանե նախագծին մասնակցում էր նաև Թուրքիան, սակայն Ռուսաստանից S-400 բարձր հեռահարության հակաօդային պաշտպանության համակարգեր գնելու պատճառով 2020թ. հուլիսին Վաշինգտոնի նախաձեռնությամբ կասեցվեց Թուրքիայի մասնակցությունը կործանիչների արտադրության ծրագրին, իսկ այդ երկրի համար արդեն արտադրված կործանիչները չմատակարարվեցին։
Ավելի վաղ Պենտագոնում հայտարարել էին, որ Թուրքիան պետք է S-400 համակարգերը Ռուսաստանին վերադարձնի, եթե Անկարան ցանկանում Է ԱՄՆ-ից ստանալ Patriot հրթիռային համակարգեր:
Ղրիմում լայնածավալ զորավարժություններ են մեկնարկել
(Թարմացված է 14:01 22.04.2021)
Զորավարժությունների ակտիվ փուլում մշակվում են հրթիռաավիացիոն հարվածները, անօդաչու ավիացիայի և թևավոր հրթիռների կիրառումը:ԵՐԵՎԱՆ, 22 ապրիլի - Sputnik. Ռուսաստանի զինված ուժերն այսօր վարժանքներ են սկսել Ղրիմի «Օպուկ» զորավարժարանում։ Տեղեկությունը հայտնում է Ռուսաստանի պաշտպանության նախարարությունը։
©
REUTERS / Murat Cetinmuhurdar / Presidential Press Office / Handout via REUTERS
«Ղրիմում մեկնարկած վարժանքների ակտիվ փուլին մասնակցում են ավելի քան 10 հազար զինծառայողներ, գործի է դրված 1,2 հազար միավոր սպառազինություն և ռազմական տեխնիկա ռուսական ռազմակայանի, Սևծովյան նավատորմի, Կասպիական նավատորմի և օդուժի միավորումների կազմից: Այդ թվում՝ ավելի քան 40 մարտական նավ և 20 ապահովման նավ», - տեղեկացրել է ՊՆ–ն։
Դոնբասյան ակնարկներն ու Լուկաշենկոյի պաշտպանությունը․ փորձագետները՝ Պուտինի ուղերձի մասին
Զորավարժություններին ներկա է նաև Ռուսաստանի պաշտպանության նախարար Սերգեյ Շոյգուն։ Վարժանքների ակտիվ փուլից առաջ նա ուղղաթիռով մեկնել է զորքերի տեղակայման շրջան և լսել Հարավային ռազմական օկրուգի զորքերի հրամանատար գեներալ-գնդապետ Ալեքսանդր Դվորնիկովի զեկույցը:
Վարժանքների ընթացքում մշակվում են հրթիռաավիացիոն հարվածներն ու դրանց հետմղումը, անօդաչու ավիացիայի և թևավոր հրթիռների կիրառումը, ինչպես նաև դրանց դեմ պայքարը ՀՕՊ միջոցներով:
Ռուսաստանը տարբեր նավատորմերից նավեր է բերում Սև ծով. ինչո՞ւ