ԵՐԵՎԱՆ, 3 ապրիլի – Sputnik. Կապիտոլիումի շենքի մոտ տեղի ունեցած միջադեպից հետո ոստիկանության սպաներից մեկը մահացել է։ Տեղեկությունը հայտնում է Կապիտոլիումի ոստիկանությունը ։
«Ոստիկանության մեկ սպա մահացել է վնասվածքներից», - ասուլիսի ժամանակ ասել են իրավապահները:
Ըստ ոստիկանության՝ Կապիտոլիումի շենքի մոտ գտնվող հսկիչ անցակետի մեջ մխրճված ավտոմեքենայի վարորդը դուրս է եկել դանակով և չի ենթարկվել ոստիկանության հրահանգներին:
Ավելի վաղ ամերիկյան ԶԼՄ-ները հայտնել էին, որ անհայտ անձը մեքենայով մխրճվել է ԱՄՆ Կոնգրեսի շենքի մոտ գտնվող հսկիչ անցակետի մեջ, որտեղ երկու սպա է եղել, նրանք վնասվածքներ են ստացել և տեղափոխվել հիվանդանոց:
