Էմանուել Մակրոն

«Սպուտնիկ V»-ի մշակողները պատասխանել են Մակրոնին. «Միասին մենք ուժեղ ենք»

40
ԵՄ-ի վիրտուալ գագաթաժողովի առաջին օրվա արդյունքներով հրավիրված մամուլի ասուլիսի ժամանակ Ֆրանսիայի առաջնորդը կոչ է արել եվրոպական երկրներին ինքնուրույնություն դրսևորել պատվաստանյութերի արտադրման հարցում։

ԵՐԵՎԱՆ, 26 մարտի - Sputnik. «Սպուտնիկ V»-ի մշակողները պատասխանել են պատվաստանյութերի մակարդակով համաշխարհային նոր տիպի պատերազմի վերաբերյալ Ֆրանսիայի նախագահ Էմանուել Մակրոնի հայտարարություններին։

Ավելի վաղ Ֆրանսիայի առաջնորդը հայտարարել էր, որ Ռուսաստանն ու Չինաստանը փորձում են օգտագործել կորոնավիրուսի դեմ դեղամիջոցը որպես ազդեցության լծակ։

«Սիրելի Էմանուել Մակրոն, մենք ջանում ենք, որ պատվաստանյութերը քաղաքականությունից դուրս լինեն․ դա աշխարհում խաղաղության, այլ ոչ թե պատերազմի մեր լավագույն հույսն է», - պատվաստանյութի Twitter-ի պաշտոնական էջում պատասխանել են «Սպուտնիկ V»-ի ստեղծողները։

Գրառման հեղինակներն առաջարկել են Ֆրանսիային միանալ այն երկրներին, որոնք որոշել են դեղամիջոցն արտադրել իրենց մոտ։

«Տարբեր պատվաստանյութերի արտադրությունը այդ հարցում անկախության ուղի է հարթում։ Միասին մենք ուժեղ ենք», - ընդգծված է գրառման մեջ։

Ավելի վաղ ռուսական պատվաստանյութն իրենց երկրում արտադրելու հնարավորությունը դիտարկելու մասին հայտարարել էր Իտալիան։

Վլադիմիր Պուտինը նշել էր, որ Մոսկվան որևէ մեկին չի պարտադրում իր մշակումները, սակայն հարց է առաջանում, թե ում շահերն են պաշտպանում Եվրոպայի իշխանությունները՝ քաղաքացիների՞, թե՞ դեղագործական ընկերությունների։

Ֆրանսիացիների ավելի քան մեկ քառորդը կցանկանար պատվաստվել «Սպուտնիկ V» -ով․ հարցում

Ռուսաստանում արդեն 3 պատվաստանյութ է գրանցված․ Գամալեայի անվան կենտրոնից՝ «Սպունտիկ V»-ն, Նովոսիբիրսկի «Վեկտորից»՝ «ԷպիՎակԿորոնան» և Չումակովի անվան կենտրոնից՝ «ԿովիՎակ»-ը։

40
թեգերը:
Սպուտնիկ V, պատվաստանյութ, Էմանուել Մակրոն
Ըստ թեմայի
ԱՄՆ-ի գլխավոր վարակաբանը գնահատել է ռուսական «Սպուտնիկ V» պատվաստանյութը
«Սպուտնիկ V» պատվաստանյութն իր որակով առաջինն է աշխարհում. Գինցբուրգ
«Անելանելի վիճակ». ո՞վ է ԵՄ-ում հետաքրքրվել «Սպուտնիկ V» պատվաստանյութով
Հարրին ու Մեգանը

Հարրին ու Մեգանը դստերը Դիանա չե՞ն անվանի․ հայտնի է՝ ինչ անվան մասին է մտածում զույգը

32
Բուքմեյքերներն արդեն իսկ խաղադրույքներ են ընդունում, թե ինչպես կանվանեն դստերը Սասեքսի դուքսն ու դքսուհին։

ԵՐԵՎԱՆ, 20 ապրիլի - Sputnik․ Մեգան Մարքլը ու արքայազն Հարրին իրենց դստերը հավանաբար չեն կոչի Հարրիի մոր՝ վաղաժամ մահացած արքայադուստր Դիանայի պատվին։ Այս մասին գրում են բրիտանական լրատվականները։

Հայտնի է, որ զույգը քննարկում է իրենց երկրորդ երեխային Լիլի կոչել՝ թագուհու պատվին։ Մանկության տարիներին Եղիսաբեթ թագուհուն Լիլիբեթ էին անվանում, Լիլի էր նրան անվանում նրա ամուսինը՝ արքայազն Ֆիլիպը, որի հետ թագուհին ամուսնացած է եղել 73 տարի, և որը մահացավ բոլորովին վերջերս։

Թագավորական ընտանիքի երկրպագուները սոցցանցերում բուռն քննարկում են զույգի որոշումը։ Շատերը հիասթափված են, որ Հարրին չի անվանակոչելու դստերը մոր անունով։ Նույնպիսի հիասթափություն էին ապրում հետևորդները, երբ Հարրիի եղբայրը՝ արքայազն Ուիլյամը և նրա կին Քեթրինը, դստերը կոչեցին Շառլոտ։

Սկանդալային հարցազրույցի հետքերով. Մեգան Մարքլին մեղադրել են բացահայտ ստելու համար

Բուքմեյքներն արդեն իսկ խաղադրույքներ են ընդունում, թե ինչպես Մեգանն ու Հարրին կանվանեն դստերը։

Հիշեցնենք՝ զույգը ամուսնացել է 2018-ի մայիսին, ուղիղ մեկ տարի անց՝ 2019-ի մայիսին, նրանց ընտանիքը համալրվեց փոքրիկ Արչիով։

Հարրին և Մեգանը հրաժարվել են թագավորական կոչումներից և  Բրիտանիայից տեղափոխվել ԱՄՆ։

Սկանդալային հարցազրույց․ Մեգան Մարքլը՝ ռասիզմի և արքայական ընտանիքի հետ «պատերազմի» մասին

32
թեգերը:
անուն, դուստր, Արքայազն Հարրի, Մեգան Մարքլ
Президент Чада Идрис Деби

Չադի նախագահ Իդրիս Դեբին մահացել է առաջնագծում ստացած վնասվածքներից

14
(Թարմացված է 16:29 20.04.2021)
Իդրիս Դեբին նախագահ էր վերընտրվել 6-րդ անգամ։ Նա Չադը ղեկավարում էր 1990 թվականի դեկտեմբերից:

ԵՐԵՎԱՆ, 20 ապրիլի – Sputnik. Չադի նախագահ Իդրիս Դեբին մահացել է երկրի հյուսիսում ապստամբների դեմ ռազմական գործողությունների ժամանակ ստացած վնասվածքներից։ Տեղեկությունը հայտնում է ՌԻԱ Նովոստին` հղում անելով «France Presse» գործակալությանը։

Այսօր նա 6–րդ անգամ վերընտրվել էր Չադի նախագահ։ ՌԻԱ Նովոստիի աղբյուրը հայտնել է, որ 68-ամյա Դեբին որոշել է ապստամբների նկատմամբ հաղթանակը տոնել առաջնագծում և մեկնել է երկրի հյուսիս` ռազմական գործողությունների գոտի: Սակայն ապստամբների ջոկատները հարձակվել են կառավարական զորքերի վրա, ինչի հետևանքով Դեբին վիրավորվել է և մահացել հիվանդանոցում։

«Իդրիս Դեբին մահացավ՝ մարտի դաշտում պաշտպանելով տարածքային ամբողջականությունը։ Մենք այդ մասին խոր վշտով ենք հայտնում Չադի ժողովրդին»,– հայտարարել է բանակի պաշտոնական ներկայացուցիչ Ազեմ Բերմանդոա Ագունան տեղական հեռուստաալիքի եթերում։

Դեբին Չադը ղեկավարում էր 1990 թվականի դեկտեմբերից:

14
Սպիտակ տուն

Բայդենի վարչակազմը պատասխանել է Հայոց ցեղասպանության վերաբերյալ հայ պատմաբանների նամակին

0
(Թարմացված է 17:04 20.04.2021)
ԱՄՆ նախագահ Բայդենի և փոխնախագահ Հարիսի վարչակազմից նշել են, որ կաշխատեն ընթացք տալ նամակին։

ԵՐԵՎԱՆ, 20 ապրիլի - Sputnik. ԱՄՆ նախագահ Ջո Բայդենի գրասենյակն արձագանքել է հայ պատմաբանների նամակին՝ «ցեղասպանություն» եզրույթը գործածելու վերաբերյալ: Այս մասին տեղեկացրել է Հայաստանի Գիտությունների ազգային ակադեմիայի պատմության ինստիտուտի տնօրեն Աշոտ Մելքոնյանը «Հայոց ցեղասպանություն. Թուրքիայի պատասխանատվությունը երեկ և այսօր» խորագրով կլոր-սեղան քննարկման ժամանակ։

Նա հրապարակել է ԱՄՆ նախագահի վարչակազմի նամակագրության բաժնից ստացված պատասխանի բովանդակությունը:

Նամակում ԱՄՆ նախագահ Բայդենի և փոխնախագահ Հարիսի վարչակազմը, շնորհակալություն հայտնելով հայ պատմաբաններին կապ հաստատելու և  տրամադրված տեղեկատվության համար, գնահատել են իրենց հետ շփվելու յուրաքանչյուր հնարավորություն:

«Մեր երկիրը բախվում է բազմաթիվ մարտահրավերների, և Ձեր նմանօրինակ նամակները օգնում են մեզ՝ ավելի պարզ և լավ հասկանալու, թե Բայդեն-Հարիս վարչակազմն ինչպես կարող է օգտակար լինել Ձեզ: Մենք ուշադիր կուսումնասիրենք նամակը և կաշխատենք ընթացք տալ»,-մասնավորապես նշված է Սպիտակ տան պատասխանում:

Մելքոնյանը հայտնել է, որ հայ պատմաբանների ընկերակցության և գիտական հանրության նամակը ԱՄՆ նախագահական նստավայր էր հասել ցեղասպանագետ Անահիտ Խոսրոևայի ջանքերով:

Հավելենք, որ Հայ պատմաբանների ընկերակցությունն ու գիտական հանրությունը նամակ էին ուղարկել Ջո Բայդենին, որպեսզի ապրիլի 24-ին ընդառաջ համապատասխան հետևություններ արվեին «ցեղասպանություն» բառը գործածելու համար:

Թուրքերն իրենց գիտաժողովից հետո ցեղասպանության վերաբերյալ կոչ կուղղեն Բայդենին. Մելքոնյան

Մելքոնյանը կարծիքով՝ նամակի պատասխանից կարելի է հուսալ, որ Ջո Բայդենը կօգտագործի «ցեղասպանություն» բառը:

0
թեգերը:
նամակ, Ցեղասպանություն, Հայաստան, ԱՄՆ
Ըստ թեմայի
Ցեղասպանության հերթական տարելիցի նախաշեմին Երևանից ռևերանսներ են արվում դեպի Թուրքիա
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Թուրքիայում ցեղասպանությունը ժխտող միջազգային գիտաժողով կանցկացվի