Եգիպտոս

Զբոսաշրջային սեզոնը մոտենում է․ ո՞ր երկրներ կարող են մեկնել հայաստանցիները

425
(Թարմացված է 18:59 25.03.2021)
Բոլոր առումներով շատ ծանր տարվանից հետո ուղևորությունն արտերկիր կարևոր է Հայաստանի շատ բնակիչների համար։ Բայց համավարակի հետ կապված չթուլացող իրավիճակը լրջորեն խանգարում է զբոսաշրջությանը։ Մենք փորձել ենք պարզել, թե որ երկրների մուտքն է բաց հայաստանցիների համար։

Լիլիթ Հարությունյան, Sputnik Արմենիա

Զբոսաշրջության սեզոնը կամաց-կամաց «թեժանում» է։ Եվ չնայած Հայաստանն Արցախյան վերջին պատերազմից և կորոնավիրուսի համավարակից հետո ոչ մի կերպ դուրս չի գալիս ճգնաժամից, արձակուրդն արտերկրում անցկացնելու ցանկություն ունեցողները, կարծում ենք` քիչ չեն լինի։

Ոմանց համար ճամփորդելը 2020թ․-ի ծանր հիշողություններից ցրվելու միջոց է, մյուսներն էլ ուղղակի չեն դավաճանում ճամփորդելու իրենց սովորությանը։

Եվ այսպես` ո՞ր զբոսաշրջային ուղղություններն են այս պահին հասանելի ՀՀ բնակիչների համար։

Ինչպես մեզ հայտնեցին Երևանի առաջատար տուրիստական գործակալություններից մեկում, ՀՀ քաղաքացիները հանգստանալու համար կարող են մուտք գործել ընդամենը 4 երկիր` Եգիպտոս (առայժմ միայն Շարմ-Էլ-Շեյխ, բայց հունիսի 1-ից կբացվի նաև Հուրգադան), ԱՄԷ(Դուբայ և Շարժա), Շրի-Լանկա և Մալդիվներ։

Այս երկրներ այցելելու համար ընդամենը պահանջվում է COVID-19-ի թեստի բացասական պատասխան ունենալ։  

Մեկ այլ գործակալությունում պարզաբանեցին, որ հենց Եվրամիությունը բացվի, չվերթներ կլինեն նաև դեպի Հունաստան և Խորվաթիա։

«Հունաստանն առայժմ փակ է, բայց լավ նորությունների ենք սպասում։ Մեր տվյալներով՝ Հունաստանը կարող է բացվել մայիսի սկզբին»,-ասաց գործակալության աշխատակցուհին։

Նա ավելացրեց, որ ՀՀ քաղաքացիները կարող են մեկնել նաև ԱՄՆ, բնականաբար՝ գործող վիզայի առկայության դեպքում։ Իսկ ԱՄՆ-ի նոր վիզա ստանալ առայժմ հնարավոր չէ։ ՀՀ քաղաքացիների  համար հասանելի է նաև Ռուսաստանը։ Համենայն դեպս` մինչև ապրիլի 1-ը, բայց ժամկետներն ամենայն հավանականությամբ կերկարացնեն։ Հիշեցնենք՝ ՀՀ քաղաքացիները ՌԴ տարածք մուտք գործելու հնարավորություն են ստացել փետրվարի 1-ից։ Հայերը կարող են անարգել հատել Ռուսաստանի սահմանը օդային ճանապարհով՝  «Ճամփորդում եմ առանց Covid-ի» հավելվածում կորոնավիրուսի թեստի բացասական պատասխան ներկայացնելուց հետո։

Մեկի փոխարեն երկու անձնագիր՝ հանուն զբոսաշրջության ու ընդդեմ կորոնավիրուսի

Սակայն, ինչպես գիտենք,  հայերը մեծամասամբ Ռուսաստան մեկնում են ոչ թե հանգստանալու, այլ աշխատելու համար։ Այնուամենայնիվ, ստեղծված իրավիճակում Ռուսաստանը ևս կարելի է դիտարկել որպես զբոսաշրջային ուղղություն։

Սև ծովի վրացական հատվածը նախընտրող մեր քաղաքացիներին ասենք, որ մարտի 1-ից նրանք կարող են օդային ճանապարհով Վրաստան մեկնել կորոնավիրուսային վարակի բացասական ՊՇՌ թեստի առկայության դեպքում: Ցամաքային ճանապարհի համար սահամանփակումները շարունակում են գործել։ Այդկերպ Վրաստան կարող են մեկնել միայն պատվաստում անցած քաղաքացիները, կամ նրանք, ում կինը կամ ամուսինը Վրաստանի քաղաքացի է։

Իսկ Եվրոպա՞ն

Պետք է նշել, որ այս պահին Եվրոպայում լիակատար անորոշություն է ներքին զբոսաշրջության հարցում։ Արձակուրդների սեզոնին ընդառաջ երկրների միջև լուրջ բանավեճ է սկսվել զբոսաշրջային քաղաքականության վերաբերյալ։

Իսկ մի շարք եվրոպական ուղղություններ՝ Ֆրանսիան, Իտալիան, Պորտուգալիան, Խորվաթիան, Հունաստանը, Մոնտենեգրոն, Իսպանիան և այլն վերջին տարիներին պահանջված ուղղություններ են դարձել հայ զբոսաշրջիկների համար։

Ըստ Bloomberg-ի տեղեկությունների՝ Եվրոպական Միության մի շարք պետություններ, որոնք ավելի շատ են կախված զբոսաշրջային հոսքից, դիվանագիտական ալիքներով սկսել են ակտիվորեն առաջ մղել իրենց շահերը` պահանջելով հնարավորինս արագ մեղմացնել գործող կանոնները` բացել սահմանները պատվաստվածների համար, ինչպես նաև հակամարմիններ ունեցող արդեն առողջացած և բացասական թեստ ունեցող զբոսաշրջիկների համար։

Բացի դա, այդ երկրներից մի քանիսը հայտարարում են, որ եթե Բրյուսելն ընդառաջ չգնա, իրենք կբացեն սահմանները միակողմանի կարգով։ Միևնույն ժամանակ այն երկրները, որոնք ԵՄ-ում «առաջին ջութակ» են համարվում և որոնց տնտեսությունը շատ կախված չէ զբոսաշրջությունից, օրինակ՝ Գերմանիան, այդ առումով կոշտ դիրքորոշում են զբաղեցնում։ Նրանք պնդում են նաև, որ զբոսաշրջիկների մուտքի հարցում ամբողջ Եվրամիությունում միացյալ մոտեցում է պետք։

425
թեգերը:
թեստ, կորոնավիրուս, Վրաստանի Հանրապետություն, Ռուսաստան, ԱՄՆ, Արաբական միացյալ էմիրություններ (ԱՄԷ), Դուբայ, Եգիպտոս, Հայաստան, զբոսաշրջություն, Զբոսաշրջիկ
Ըստ թեմայի
Դուբայ, Շարժա, Աբու Դաբի. որտեղ և ինչպես անցկացնել ձմեռային անմոռանալի հանգիստ
Դուբայն աշխատանքի համար է, Հայաստանը` հանգստի. իրաքցի խոհարարը մեծ ծրագրեր ունի այստեղ
Դատարանի մուրճ

Կանադական ընկերությունը ավելի քան 1 մլրդ դոլարի հայց է ներկայացրել Թուրքիայի դեմ

41
(Թարմացված է 23:46 20.04.2021)
Ընկերությունը հայտարարել է, որ 10 տարվա ընթացքում Թուրքիայում ներդրել է ավելի քան 250 մլն դոլար և բացել է ավելի քան 1 մլրդ դոլար արժողությամբ նախագիծ։

ԵՐԵՎԱՆ, 20 ապրիլի – Sputnik. Կանադական Alamos Gold Inc. ընկերությունը Թուրքիայի դեմ հայց է ներկայացրել ոսկու արդյունահանման նախագծի նկատմամբ վերաբերմունքի համար, հաղորդում Է Bloomberg-ը՝ վկայակոչելով ընկերության հայտարարությունը:

Հայցը հոլանդական դուստր ընկերության կողմից կներկայացվի Նիդեռլանդների և Թուրքիայի միջեւ երկկողմ ներդրումային համաձայնագրին համապատասխան։

Սպասվում է, որ այն կգերազանցի 1 մլրդ դոլարը, ինչը համապատասխանում է ընկերության թուրքական ակտիվների արժեքին։

2019 թվականի հոկտեմբերին Թուրքիայի կառավարությունը չի կարողացել սովորական կարգով երկարացնել օգտակար հանածոների արդյունահանման լիցենզիաները, չնայած այն բանին, որ Alamos Gold Inc-ը կատարել է դրանք երկարաձգելու համար բոլոր իրավական և նորմատիվ պահանջները: Իշխանությունները չեն նշել չվերկնքման կամ ժամկետները չերկարաձգելու պատճառները։

Ընկերությունը հայտարարել է, որ 10 տարվա ընթացքում Թուրքիայում ներդրել է ավելի քան 250 մլն դոլար և բացել է ավելի քան 1 մլրդ դոլար արժողությամբ նախագիծ։ Ակնկալվում է, որ նախագծի իրականացման ընթացքում պետական եկամուտները կկազմեն 551 մլն դոլար:

«Մեր աշխատանքը կանգնեցվել է ավելի քան 18 ամսով Թուրքիայի համար աննախադեպ եղանակով, չնայած այն բանին, որ մենք ստացել ենք հանքի կառուցման և շահագործման համար անհրաժեշտ բոլոր թույլտվությունները», - ասված է հաղորդագրության մեջ:

Նյութական շահը գերակշիռ է բոլորի համար. ինչու են Թուրքիայում քանդվում հայկական շենքերը

2019 - ի ընթացքում բնապահպանական խմբերը եւ տեղացիները բողոքել են Իդայի լեռներում Alamos Gold Inc նախագծի դեմ` հայտարարելով, որ այն հանգեցրել է 200.000 ծառերի հատման: Նրանք նաև պայքարում են ոսկու արդյունահանման համար նախատեսված ցիանիդի օգտագործման դեմ։

Alamos Gold Inc-ը հույս է հայտնել, որ արբիտրաժային գործընթացը արդար լուծում կբերի:

41
թեգերը:
դատ, Ոսկի, արտահանում, Թուրքիա, Կանադա
Ըստ թեմայի
«Բացահայտ մեղադրանք». Ալիևը հերքում է «Իսկանդեր-Մ»- ն Սիրիայից Արցախ տեղափոխելու վարկածը
Խստորեն դատապարտում ենք Հայաստանի տարածքային ամբողջականության դեմ Ալիևի նկրտումները․ ԱԳՆ
«Մենք ավելի լիարժեք պատասխանի էինք սպասում»․Ալիևը դժգոհ է Ռուսաստանից
Իլհամ Ալիև

«Մենք ավելի լիարժեք պատասխանի էինք սպասում»․Ալիևը դժգոհ է Ռուսաստանից

282
(Թարմացված է 23:19 20.04.2021)
Ալիևի խոսքով ՝ ռուսական խաղաղապահ զորախումբը իրենց կողմից հրավիրվել է Ղարաբաղ և հարակից տարածքներ։ Եվ իրենք կարծում էին, որ համագործակցության այս նոր ձևաչափը կամրապնդի հարաբերությունները։

ԵՐԵՎԱՆ, 20 ապրիլի - Sputnik․ Բաքուն ակնկալում է ավելի ամբողջական պատասխան ստանալ Ռուսաստանից Արցախում «Իսկանդեր-Մ» հրթիռների հայտնվելու վերաբերյալ։ Այս մասին տեղեկացնում է ՌԻԱ Նովոստին՝ հղում անելով Ադրբեջանի պետական հեռուստատեսությանը տրված նախագահ Իլհամ Ալիևի հարցազրույցին։

«Մեզ պետք է պաշտոնապես պատասխան տան։ Կա՛մ այդ հրթիռները փոխանցվել են Հայաստանին, կա՛մ անօրինական ճանապարհով դուրս են բերվել Ռուսաստանից։ Այս հարցերի պատասխանները չկան։ Տհաճ իրավիճակ է», - ասել է Ալիևը։

Նրա խոսքով ՝ Ռուսաստանի և Ադրբեջանի միջև գոյություն ունի ռազմավարական գործընկերություն։

«Ռուսական խաղաղապահ զորախումբը մեր կողմից հրավիրվել է Ղարաբաղ և հարակից տարածքներ։ Մենք կարծում էինք, որ համագործակցության այս նոր ձևաչափը կամրապնդի մեր հարաբերությունները։ Շուշիում «Իսկանդեր-Մ» հրթիռների բեկորների հայտնաբերման վերաբերյալ ամբողջական պատասխանի բացակայությունն, իհարկե, ափսոսանք ու զարմանք է առաջացնում ինչպես ադրբեջանական ժողովրդի, այնպես էլ ադրբեջանական ղեկավարության մոտ։ Մենք հույս ունենք, որ այդ հարցը կպարզվի», — հավելել է Ադրբեջանի նախագահը։

«Բացահայտ մեղադրանք». Ալիևը հերքում է «Իսկանդեր-Մ»- ն Սիրիայից Արցախ տեղափոխելու վարկածը

Մարտի վերջին ադրբեջանական ԶԼՄ-ներում տեղեկություն էր հայտնվել «Իսկանդեր» ռազմամթերքի բեկորների հայտնաբերման մասին: Ադրբեջանական ականազերծման գործակալության (ANAMA) պնդմամբ ՝ Շուշի քաղաքում մարտի 15-ին հայտնաբերվել էին երկու հրթիռի բեկորներ։ Սակայն պետք է նշել, որ Հայաստանի սպառազինության մեջ կա «Իսկանդեր-Է» տեսակի զենքը, ոչ թե «Իսկանդեր-Մ»։ Բաքվում սկսեցին գրել, որ ադրբեջանական զինուժի դեմ Ռուսաստանի կողմից են կիրառվել այդ հրթիռները։ Իսկ Մոսկվան ի պատասխան հայտարարել է, որ Ղարաբաղում Իսկանդեր հրթիռներ ընդհանրապես չեն կիրառվել։

Ալիևը հայտնել է, որ Ղարաբաղում «Իսկանդեր-Մ»-ի կիրառման մասին Մոսկվայից պատասխան են ստացել

Այդ կապակցությամբ շատ ռուս և հայ փորձագետներ պնդում են, որ «Իսկանդերների» բեկորները կարող էին բերվել թուրք մասնագետների կողմից Սիրիայից ՝ սադրանքի նպատակով։

282
թեգերը:
Լեռնային Ղարաբաղ, Արցախյան պատերազմ, Շուշի, Ռուսաստան, Իսկանդեր, Իլհամ Ալիև
Ըստ թեմայի
Ադրբեջանում պահվող հայերը պետք է վերադարձվեն առանց «բայց»-երի. Ավստրիայի ներկայացուցիչ
Ընդդիմության նվերը, կամ ինչպե՞ս կընթանա Փաշինյան-Քոչարյան «շախմատային պարտիան»
Ադրբեջանցիները Սյունիքի ուղղությամբ կրակոցներ են արձակում ու ահաբեկում մարդկանց․ Թաթոյան
Նատալյա Եփրիկյանը. արխիվային լուսանկար

Comedy Woman-ի աստղերը եգիպտացորեն են վայելում Դիլիջանում

0
(Թարմացված է 00:00 21.04.2021)
Դիլիջանում են Comedy Woman-ի հեղինակ Նատալյա Եփրիկյանը, ռեզիդենտ Ալեքսանդր Գուդկովը և «Պուտինի նմանակ» Դմիտրի Գրաչովը:

ԵՐԵՎԱՆ, 21 ապրիլի - Sputnik․ Comedy Woman հանրահայտ ռուսական նախագծի աստղերը այժմ Դիլիջանում են։ Նախագծի հեղինակ Նատալյա Եփրիկյանը լուսանկար է հրապարակել Դիլիջանի «պավառոտներից»։

Նկարում իր գործընկերները, այդ թվում՝ հայտնի հումորիստ Ալեքսանդր Գուդկովը եւ «Պուտինի նմանակ» Դմիտրի Գրաչովը, վայելում են եփած եգիպտացորեն։ Եփրիկյանի գրառումից պարզ է դառնում, որ նա այդ օրը նշել է իր ծննդյան օրը։

«Ամեն անգամ ասում եմ ինքս ինձ, որ սա իմ լավագույն ծննդյան օրն էր։ Բոլորին շնորհակալություն շնորհավորանքների համար», - գրել է նա։

Եփրիկյանը նաև Story է տեղադրել Գուդկովի հետ։ Նրանք երկուսով հայկական գորգի ֆոնին են, իսկ նկարը մակագրված է. «Իսկական տժվժիկ»։

«Ես Հայաստանում եմ, «ձետկա»»․ Նատալյա Եփրիկյանը կարանտինն անցկացնում է Ջերմուկում

Comedy Woman հաղորդավարուհի Նատալյա Եփրիկյանը վերջին անգամ հայրենիքում եղել էր անցած տարվա օգոստոսին։ Այն ժամանակ էլ նա ակտիվ հանգիստ էր անցկացնում Հայաստանում և տարբեր տեղերից լուսանկարներ հրապարակում։

Instagram story Натальи Еприкян
Նատալյա Եփրիկյանի «սթորին»
0
թեգերը:
Comedy club, Նատալյա Եփրիկյան, Դիլիջան
Ըստ թեմայի
«Գարիկ Մարտիրոսյան, տար ինձ Comedy Club». հայտնվել է Զելենսկու նմանակը
Ախպերս, փող չկա իրավիճակը թող երբեք մեզ չառնչվի. Comedy Club-ի շնորհավորանքը Ջանիբեկյանին
Կարեն Ադամյանը «հարցաքննել է» Comedy Club-ի անդամներին