Կալանավորված կին

Ուզբեկստանում 3 կին Նովրուզի ուտեստ են պատրաստել ներքնազգեստով և ճաղերի հետևում հայտնվել

93
(Թարմացված է 09:32 26.03.2021)
Սոցիալական ցանցերի շատ օգտատերեր պահանջել են պատժել կանանց ազգային ավանդույթներին չհամապատասխանող պահվածքի համար։

ԵՐԵՎԱՆ, 25 մարտի - Sputnik. Ուզբեկ 3 կին 15 օր վարչական կալանք են ստացել այն բանի համար, որ ներքնազգեստով սումալյակ (Նովրուզի ազգային գլխավոր ուտեստ) են եփել։ ՌԻԱ Նովոստին հայտնում է, որ չգնահատված խոհարարական միջոցառման ևս երեք մասնակիցների տուգանել են 120 դոլարով:

«Դատարանը երեք կանանց մեղավոր է ճանաչել վարչական պատասխանատվության մասին օրենսգրքի «մանր խուլիգանություն» հոդվածով ու նրանց 15 օր վարչական կալանք է նշանակել», - ասել է Ուրգենչի քաղաքային դատարանի ներկայացուցիչը: Նրանցից բռնագանձելու են նաև կալանքի տակ պահելու հետ կապված ծախսերը՝ շուրջ 50 դոլար։

Նրա խոսքով՝ մյուս երեք մասնակիցները միայն տուգանք են ստացել, քանի որ երեխաներ ունեն։

Այս շաբաթ սոցցանցերում տեսանյութ էր տարածվել, որտեղ ներքնազգեստով վեց կանայք մարտի 21-ին՝ Նովրուզի գարնանային գիշերահավասարի տոնի նախօրեին մասնակցել են սումալյակի պատրաստմանը: Տեսանյութը հասարակական լայն արձագանք է առաջացրել Ուզբեկստանում։ Բազմաթիվ օգտատերեր պահանջել են պատժել կանանց ազգային ավանդույթներին չհամապատասխանող պահվածքի համար։ Միևնույն ժամանակ, օգտատերերի զգալի մասը հումորով է վերաբերվել դրան և կանանց պահվածքում ոչ մի դատապարտելի բան չի տեսել։

Սումալյակը, ավանդույթի համաձայն, Նովրուզի գլխավոր ուտեստն է: Այն եփում են նախատոնական գիշերը ցորենի սերմերից, շաքարավազի, ալյուրի ու բուսական յուղի ավելացմամբ:

93
թեգերը:
կալանք, Ներքնազգեստ, Կին, Նովրուզ, Ուզբեկստան
Ռեջեփ Թայիփ Էրդողան

«Վիրավորված» Թուրքիան սառեցրել է Իտալիայի հետ 70 միլիոն եվրոյի գործարքը

112
(Թարմացված է 16:19 11.04.2021)
Թուրքիան կոշտ քայլերի է գնացել աղմկահարույց դիվանագիտական սկանդալի պատճառով։ Անկարան Հռոմից պաշտոնական ներողություն է պահանջում։

ԵՐԵՎԱՆ, 11 ապրիլի – Sputnik. Անկարան սառեցրել է իտալական Leonardo ընկերությունից 70 մլն եվրո արժողությամբ ուղղաթիռների գնման գործարքը։ Այս մասին հայտնում է ՌԻԱ Նովոստին՝ հղում անելով la Repubblica և Il Fatto Quotidiano պարբերականներին։

Այդ որոշումը կայացվել է երկրների միջև դիվանագիտական սկանդալից հետո, նշում են աղբյուրները։

Ավելի վաղ Իտալիայի վարչապետ Մարիո Դրագին Թուրքիայի նախագահ Ռեջեփ Թայիփ Էրդողանին բռնապետ էր անվանել:

Միաժամանակ Իտալիայի կառավարության ղեկավարն ընդգծել էր նրա հետ համագործակցության անհրաժեշտությունը: Դրագին նաև հայտարարել էր, որ «չի կիսում Էրդողանի անվայել պահվածքը» Եվրահանձնաժողովի ղեկավար Ուրսուլա ֆոն դեր Լյայենի նկատմամբ:

Թուրքիայի արտգործնախարար Մևլութ Չավուշօղլուն անընդունելի և պոպուլիստական հռետորաբանություն է անվանել Թուրքիայի նախագահի հասցեին Դրագիի արտահայտությունները, Թուրքիայի ԱԳՆ-ն հայտնել Է Իտալիայի դեսպանին կանչելու մասին:

Պարբերականի տեղեկություններով՝ թուրքական իշխանությունները Իտալիայի կառավարությունից պաշտոնական ներողություն են պահանջում և չեն պատրաստվում բավարարվել դիվանագիտական ալիքներով ստացված պարզաբանումներով։ «Քանի դեռ Հռոմից պատասխան չկան, Թուրքիայի իշխանությունները սկսել են սպառնալից ազդակներ փոխանցել»,- ասվում է la Repubblica-ի հոդվածում:

Պայքար մաֆիայի դեմ. Իտալիայում հատուկ գործողության ժամանակ մոտ 70 մարդ է ձերբակալվել

Այսպես, այս պահին սառեցվել է ուսումնական ուղղաթիռների գնման 70 մլն եվրո արժողությամբ գործարքը, որը պետք է ստորագրվեր առաջիկա օրերին։ Բացի այդ, նախազգուշացումներ են ստացել երեք այլ իտալական ընկերություններ, որոնց թվում է Թուրքիայում էլեկտրակայաններ կառուցող Ansaldo Energia խոշոր էներգետիկ ընկերությունը։

112
թեգերը:
Իտալիա, Թուրքիա, Ռեջեփ Թայիփ Էրդողան
Ըստ թեմայի
Ժիրինովսկին ՌԴ-ի իշխանությանը կոչ է արել դադարեցնել ավիահաղորդակցությունը Թուրքիայի հետ
Թուրքիայում ռուս զբոսաշրջիկ է մահացել. ավելի քան 25 տուժած կա
Մեծ Թուրանի հավաք էր. Էրդողանի` քարտեզը վերաձևելու քայլերը և ՀՀ իշխանություններ «սիրախաղը»
Արխիվային լուսանկար

Մալթան պատրաստ է մինչև 200 եվրո վճարել յուրաքանչյուր զբոսաշրջիկի

58
(Թարմացված է 12:53 11.04.2021)
Կորոնավիրուսի համավարակից հետո տուրիզմը վերականգնելու համար երկիրը պատրաստ է լուրջ ֆինանսական ներդրումներ կատարել։

ԵՐԵՎԱՆ, 11 ապրիլի – Sputnik․ Մալթան պատրաստ է յուրաքանչյուր զբոսաշրջիկի մինչև 200 եվրո վճարել՝ այդ կղզում առնվազն 3 օր անցկացնելու դեպքում։ Reuters-ի հաղորդմամբ՝ երկիրը լուրջ ֆինանսական ներդրումներ է կատարում՝ կորոնավիրուսի համավարակի հետևանքով տուժած զբոսաշրջային ոլորտը վերականգնելու համար։

Մալթայի զբոսաշրջության նախարար Քլեյթոն Բարտոլոն հայտարարել է, որ, ինչպես ակնկալվում է, կորոնավիրուսով պայմանավորված սահմանափակումները կչեղարկվեն հունիսի 1-ին։ Ուստի այն զբոսաշրջիկները, որոնք ամրագրումներ կանեն անմիջապես տեղական հյուրանոցներից, կստանան «պարգևատրում-փոխհատուցում»։

Նախարարի խոսքով՝ 5-աստղանի հյուրանոցում առնվազն 3 օր համար ամրագրած զբոսաշրջիկները Տուրիզմի նախարարությունից կստանան 100 եվրո, որը կկրկնապատկի հյուրանոցը, արդյունքում, ընդհանուր առմամբ զբոսաշրջիկը 200 եվրո կստանա։ 4-աստղանի հյուրանոցում ամրագրում կատարած զբոսաշրջիկը կստանա 150 եվրո, իսկ 3-աստղանիում՝ 100 եվրո։

«Այս ծրագրի նպատակն է Մալթայի հյուրանոցների համար ապահովել մրցակցային պայմաններ, քանի որ միջազգային զբոսաշրջությունը վերսկսվում է», - ասել է Բարտոլոն:

Ակնկալվում է, որ այս ծրագիրն «օգուտ կբերի» մոտ 35 000 այցելուի:

Նշենք, որ զբոսաշրջությունը կազմում է միջերկրածովյան այս կղզու տնտեսության ավելի քան 27 տոկոսը։ 2019 թվականի ընթացքում Մալթա էր այցելել մոտ 2,7 միլիոն մարդ։ Այս ցուցանիշը 2020-ի ընթացքում գրեթե 80 տոկոսով անկում է ապրել։
Եվրոպական Միությունում կորոնավիրուսի դեմ պատվաստումների ամենաբարձր ցուցանիշը հենց Մալթայինն է՝ առնվազն մեկ չափաբաժին 42% մեծահասակների համար։

Զբոսաշրջային սեզոնը մոտենում է․ ո՞ր երկրներ կարող են մեկնել հայաստանցիները

Ի դեպ, Մալթայի կառավարությունը կոչ է արել ԵՄ-ին՝ պատվաստումների անձնագրեր ներմուծել ուղևորությունները դյուրացնելու համար:

58
թեգերը:
Զբոսաշրջիկ, Մալթա
Ըստ թեմայի
Մեկի փոխարեն երկու անձնագիր՝ հանուն զբոսաշրջության ու ընդդեմ կորոնավիրուսի
Ի՞նչ անել, որ զբոսաշրջիկների համար Հայաստանը վտանգավոր երկրների ցանկից դուրս գա
Գորիսում զբոսաշրջությունը ծանր վիճակում է. ի՞նչ է առաջարկում իմքայլական պատգամավորը
Մարիամ Դիլբանդյան

Քնապարկերից մինչև միջնադարյան նախշեր․ երևանցի կնոջ բացառիկ նախագիծը արցախցիների համար

0
(Թարմացված է 20:32 11.04.2021)
Անցած տարվա ամենածանր օրերին երիտասարդ հայուհուն հաջողվեց ոչ միայն հուսահատության գիրկը չընկնել, այլև նոր գործ սկսել, որը կարող է հուզական և ֆինանսական ճգնաժամից դուրս բերել պատերազմից ամենաշատը տուժած մարդկանց։

Լիլիթ Հարությունյան, Sputnik Արմենիա

Մարիամ Դիլբանդյանի բացառիկ նախագիծը ծնունդ է առել պատերազմի օրերին։ Առաջնագծի մարտիկներին այն ժամանակ քնապարկեր էին հարկավոր։ Երկու փոքր երեխաների մայրն անհապաղ հավաքեց հարկադրված Երևան տեղափոխված արցախցի կանանց և հենց իր տանը քնապարկերի ու անձրևանոցների կարուձևի փոքրիկ արհեստանոց բացեց։ Միասին նրանք կարողացան ռազմաճակատ ուղարկել զինվորներին անհրաժեշտ բավականին մեծ քանակությամբ իրեր։

Основательница бренда Лорик Мариам Дилбандян показывает альбом с армянскими орнаментами корреспонденту Sputnik Армения
© Sputnik / Aram Nersesyan
Մարիամ Դիլբանդյանը հայկական նախշազարդեր է ցույց տալիս

Երբ պատերազմն ավարտվեց, հարկադիր տեղահանվածների մոտ կեսը հետ վերադարձավ հայրենի Արցախ։ Դե, իսկ մյուսները պարզապես վերադառնալու տեղ չունեին՝ նրանց տները մնացել են մյուս կողմում՝ Ադրբեջանի գրաված տարածքներում։

Մարիամը չէր ուզում թողնել գործը, որը կարող էր աշխատանքով ապահովել առանց տանիքի մնացած մարդկանց։ Մի քիչ մտածելուց հետո նրա գլխում միտք ծագեց՝ ստեղծել ինչ-որ պետքական բան, որը միաժամանակ իր տեսքով և ոգով շատ հայկական կլինի։

«Քանի դեռ Հայաստանում լիակատար հիասթափություն և ապատիա էր տիրում, շատերը չարացած էին, ես որոշեցի այդ էներգիան վերածել ինչ-որ դրական բանի, արարման»,-ասում է նա։

Оцифрованные армянские орнаменты
© Sputnik / Aram Nersesyan
Հայկական նախշեր

Նրա մասնագիտություններից մեկը գրաֆիկական դիզայնն է։ Հենց այդ փաստն առանցքային դեր խաղաց «Լորիկ» բրենդի ստեղծման գործում (լորը, ինչպես հայտնի է, հաճախակի հանդիպող խորհրդանիշ է հայկական մշակույթում, մասնավորապես՝ զարդանկարչության և երաժշտության մեջ)։

Այժմ Մարիամը արցախցի կանանց հետ միասին ստեղծում է պայուսակներ, սփռոցներ, բարձեր՝ զարդարված հայկական հնագույն և միջնադարյան նախշերով և ազգային զարդանկարչության տարրերով։

Երբ զարդը հայտնվում է կտորի վրա

Մոտ մեկ ամիս շարունակ երիտասարդ կինն ուսումնասիրում էր հայկական նախշերը և զարդանկարների տարրերը, անհրաժեշտ գրքերը գտել էր «Վերնիսաժում»։ Հաջորդ քայլը սարքավորումներ ձեռքբերելն էր։

Իսկ երբ ամեն ինչ պատրաստ էր՝ սկսվեց գրքի զարդապատկերը կտորին փոխանցելու մանրակրկիտ աշխատանքը։ Եթե փորձենք գործընթացը շատ կարճ նկարագրել, կստացվի մոտավորապես այսպես․ սկզբում հարկավոր է պատկերը թվայնացանել, այնուհետև սարքել պիքսել ֆորմատի, ապա՝ վեկտորային ֆորմատի։

Этикетка с логотипом бренда Лорик
© Sputnik / Aram Nersesyan
«Լորիկ»

Պրինտը ստանալուց հետո Մարիամը սկսում է մշակումը՝ հարմարեցնում է նախշը ժամանակակից դիզայնին։ Ամբողջ գործընթացը կարող է մեկից մինչև մի քանի շաբաթ տևել՝ կախված պատկերի բարդությունից։

Եվ միայն դրանից հետո ժամանակակից սարքավորումների օգնությամբ պատկերը տեղափոխվում է կտորի վրա՝ կա՛մ սուբլիմացիոն տպիչի, կա՛մ ասեղնագործությաh միջոցով։

Իսկ պատրաստվող իրերի համար օգտագործվում է բարձրորակ պարկակտոր («մեշկովինա»), որը ներկրվում է Եգիպտոսից։ Երիտասարդ կինը խոստովանում է, որ դժվարությամբ է կարողացել մատակարար գտնել, քանի որ գործվածքները ներկրվում են հիմնականում Թուրքիայից, ինչը միանգամայն անընդունելի էր «Լորիկ» ապրանքանիշի համար։

Եռակի օգուտ

Առայժմ Մարիամի մոտ վեց կին է աշխատում, հինգը՝ Արցախից և մեկը՝ Երևանից։ Նրանք ձեռքով պայուսակներ, բարձեր և սփռոցներ են կարում։ Հենց այդ պատճառով մեր զրուցակիցն իր արտադրանքն անվանում է half-hand-made՝ կիսաձեռագործ։

Основательница бренда Лорик Мариам Дилбандян
© Sputnik / Aram Nersesyan
Մարիամ Դիլբանդյան

Պատվերների պակաս չկա․ հայկական շեշտով յուրօրինակ աշխատանքները գրավում են հյուրատների, ռեստորանների սեփականատերերին, ինչպես նաև նրանց, ովքեր ցանկանում է առանձնահատուկ նվեր գտնել ընկերների կամ գործընկերների համար։

Հետագայում նաև առցանց վաճառք կլինի՝ հիմնականում սփյուռքի ներկայացուցիչների համար։ Իսկ հիմա նախագծի ամբողջ եկամուտն ուղղվում է արտադրության պահպանմանը ու վարպետ կանանց աշխատավարձերին։

Մարիամը դերձակուհիներ է փնտրում, ընդ որում՝ բոլորովին պարտադիր չէ, որ նոր աշխատակիցներն իսկական վարպետներ լինեն․ նա ինքը ամեն ինչ սովորեցնում է։ Ամենակարևորն այստեղ ցանկությունն է և աշխատասիրությունը։

Вынужденно переехавшая из Карабаха в Ереван Рузанна с сумкой бренда Лорик
© Sputnik / Aram Nersesyan
Արցախցի Ռուզաննան «Լորիկ» բրենդի պայուսակով

Ռուզաննան նոր արհեստը սովորած մարդկանցից մեկն է։ Ծնունդով Արցախի Հադրութի շրջանից է, որն այժմ Ադրբեջանի վերահսկողության տակ է։ Ռուզաննան կրտսեր դասարանների ուսուցչուհի էր։ Հայրենի տունը լքելիս նա չէր մտածում, որ դեռ երկար չի կարողանա վերադառնալ։ Նրան թվում էր, որ ամեն ինչ շատ արագ կվերջանա, ինչպես 2016թ․-ին։

«Տեղափոխվելուց հետո մշտական տագնապի մեջ էի, օրերով լացում էի։ Ամուսինս ու տղաս առաջնագծում էին․․․ Անընդհատ մտածում էի, որ պետք է սկսել աշխատել, մի քիչ ցրվել։ Հետո ինձ փոխանցեցին Մարիամի համարը։ Նա ինձ իսկույն դուր եկավ։ Այստեղ սովորեցի կարել և ասեղնագործել։ Եվ ահա արդեն երկու ամիս է՝ հաճույքով աշխատում եմ նրա մոտ»,-պատմում է կինը։

Нанесение армянского орнамента вышивальной машиной
© Sputnik / Aram Nersesyan
Աշխատանքի պահին

Ռուզաննան խոստովանում է, որ Մարիամի հետ ծանոթությունն իրեն ոչ միայն աշխատանքով է ապահովել, այլև դուրս է բերել խորը սրթեսից։ Ամուսինն ու որդին արդեն վերադարձել են, բայց առայժմ ինքն է ընտանիքի միակ կերակրողը։

Մարիամ Դիլբանդյանն ուզում է իր թիմում տեսնել ինչպես արցախցիների, այնպես էլ՝ տեղացիների։

«Դա շատ կօգնի ինտեգրացիայի գործընթացին, քանի որ մեզնից շատերի մեջ դեռ ուժեղ են կարծրատիպերն ու հայերին ըստ բնակության վայրի բաժանելու վատ սովորությունը»,-ասում է նա։

Вынужденно переехавшая из Карабаха в Ереван Рузанна за работой
© Sputnik / Aram Nersesyan
Աշխատանքի պահին

Ինչ վերաբերում է գործին՝ նա բավականին հավակնոտ ծրագրեր ունի։ Հիմա իր դերձակուհիների հետ միասին աշխատում է հղիների համար թեթև և հարմարավետ շրջազգեստների ստեղծման վրա, բնականաբար՝ համապատասխան ոճավորմամբ։ Իսկ հետագայում, հավանաբար, կհայտնվեն նույնիսկ հայկական նախշերով և ազգային զարդանկարչության տարրերով կերամիկական սալիկներ։

0
թեգերը:
աշխատանք, բրենդ, Երևան, Արցախ
Ըստ թեմայի
Հերոս՝ անհայտ մարտական ուղով. Սամվել Աթոյանի ընտանիքն ուզում է գտնել նրա ընկերներին
Ռուսաստանից եկած հայը հեքիաթային տնակներ է կառուցում Արցախում
«Մաճառ 44»․ ինչպես Լոնդոնից եկած հայուհին բարեգործական ռեստորան բացեց Երևանում