ԱՄՆ-ն Հայաստանին փոխանցեց ԵԱՀԿ Անվտանգության համագործակցության ֆորումի նախագահությունը

ԱՄՆ-ն Հայաստանին փոխանցեց ԵԱՀԿ Անվտանգության համագործակցության ֆորումի նախագահությունը

69
Հայաստանը ԵԱՀԿ Անվտանգության համագործակցության ֆորումում նախագահելու է 2021թ-ի ապրիլ–օգոստոս ամիսներին:

ԵՐԵՎԱՆ, 25 մարտի – Sputnik. ԱՄՆ-ն Հայաստանին է փոխանցել ԵԱՀԿ Անվտանգության համագործակցության ֆորումի (ԱՀՖ) չորսամսյա նախագահությունը: Տեղեկությունը հայտնում են ՀՀ ԱԳՆ մամուլի ծառայությունից և հավելում, որ այն տեղի է ունեցել մարտի 24–ին, ԵԱՀԿ Անվտանգության համագործակցության ֆորումի ԱՄՆ նախագահության եզրափակիչ նիստի ժամանակ։

ԵԱՀԿ-ում ՀՀ առաքելության ղեկավար, դեսպան Արմեն Պապիկյանը շնորհակալություն հայտնեց ԱՀՖ ԱՄՆ նախագահությանը գործադրված ջանքերի և համագործակցության համար: Դեսպան Պապիկյանը նշեց, որ ԵԱՀԿ պատասխանատվության գոտում խաղաղության ու անվտանգության ապահովումը պահանջում է համատեղ ջանքեր, կառուցողական ներգրավվածություն և երկխոսություն՝ որպես ուղենիշ սահմանելով ԵԱՀԿ հանձնառությունների անշեղ կատարումը: 

Խոսելով ԵԱՀԿ ԱՀՖ Հայաստանի նախագահության գերակայությունների մասին՝ դեսպան Արմեն Պապիկյանն առանձնացրեց սպառազինությունների վերահսկման, տարածաշրջանային անվտանգության այլ կազմակերպությունների հետ համագործակցության, վստահության և անվտանգության կառուցման միջոցների և ԵԱՀԿ ռազմաքաղաքական ոլորտի հանձնառությունների ու պարտավորությունների հետևողական իրագործման կարևորությունը:

Այդ համատեքստում նա ընդգծեց, որ ԵԱՀԿ հանձնառությունների և պարտավորությունների խախտումները հանգեցնում են միջազգային անվտանգության համակարգերի խարխլմանը, ռազմական ոլորտում կանխատեսելիության և թափանցիկության նվազմանը, որն իր հերթին ուղղակիորեն վտանգում է մարդու իրավունքները, մասնավորապես՝ կյանքի իրավունքը: Շեշտվեց, որ նման մարտահրավերներին դիմակայելու համար անհրաժեշտ է ԵԱՀԿ-ի և դրա կառույցների արձագանքման ներուժի ամբողջական և արդյունավետ կիրառում: 

Հայաստանը ԵԱՀԿ ԱՀՖ նախագահելու է 2021թ-ի ապրիլ–օգոստոս ամիսներին: 

69
թեգերը:
ԱՄՆ, Արմեն Պապիկյան, ԵԱՀԿ, Հայաստան
Արմեն Սարգսյանը Թբիլիսիում

Արմեն Սարգսյանը Թբիլիսիի Հերոսների հրապարակում ծաղիկներ է խոնարհել անմար կրակի մոտ

2
(Թարմացված է 11:33 16.04.2021)
Հայաստանի նախագահի պաշտոնական այցը Վրաստան շարունակվում է։ Նա արդեն հանդիպում է ունեցել վրացի գործընկերոջ հետ։

ԵՐԵՎԱՆ, 16 ապրիլի – Sputnik. ՀՀ նախագահ Արմեն Սարգսյանը երկօրյա պաշտոնական այցի ընթացքում Թբիլիսիի Հերոսների հրապարակում ծաղիկներ է խոնարհել անմար կրակի մոտ:

Sputnik Արմենիայի թղթակիցը դեպքի վայրից հայտնում է, որ Հայաստանի նախագահին ուղեկցել է Վրաստանի գլխավոր շտաբի պետ, գեներալ-մայոր Գեորգի Մատիաշվիլին: Հուշարձանին ծաղկեպսակ է դրվել։ Հնչել է Վրաստանի հիմնը։

Նշենք, որ Հայաստանի նախագահը Վրաստան է ժամանել ապրիլի 15-ին։ Այցի շրջանակում նա արդեն հանդիպել է իր վրացի գործընկեր Սալոմե Զուրաբիշվիլիի հետ։ Նրանք քննարկել են տարածաշրջանի անվտանգության հարցերը՝ հաշվի առնելով նոր իրողությունները մասնավորապես Թուրքիայի աջակցությամբ և մասնակցությամբ Ադրբեջանի կողմից Արցախի դեմ սանձազերծված ռազմական ագրեսիայի հետևանքների ֆոնին։

Վրաստանի նախագահի նստավայրում Արմեն Սարգսյանի և նրա տիկնոջ` Նունե Սարգսյանի պատվին ճաշկերույթ է կազմակերպվել։ Երկու երկրների ղեկավարները բաժակաճառեր են ասել՝ կարևորելով հայ և վրացի ժողովուրդների բազմադարյա բարեկամությունը, ինչպես նաև հարգանքի և փոխադարձ վստահության վրա հիմնված միջպետական հարաբերությունները, երկկողմ կապերի ամրապնդման հեռանկարները:

2
Президент Армении Армен Саркисян и Католикос-патриарх Грузии Илья II во время официального ужина президента Грузии (16 декабря 2018). Твилиси

Արմեն Սարգսյանն այցելել է Համայն Վրաստանի պատրիարք Իլյա Երկրորդին

7
(Թարմացված է 11:22 16.04.2021)
Նախագահի պաշտոնական այցը Վրաստան շարունակվում է։ Նախատեսված է նաև հանդիպում խորհրդարանի խոսնակ Արչիլ Տալակվաձեի հետ։

ԵՐԵՎԱՆ, 16 ապրիլի — Sputnik. ՀՀ նախագահ Արմեն Սարգսյանը Վրաստան կատարած այցի շրջանակում այցելել է Համայն Վրաստանի պատրիարք Իլյա 2-րդին:

Ինչպես հաղորդում Է Sputnik Արմենիայի թղթակիցը, նախագահը ժամանել է պատրիարքի նստավայր՝ տիկնոջ ՝ Նունե Սարգսյանի ուղեկցությամբ։ Պաշտոնական արարողությունից հետո Արմեն Սարգսյանը զրուցել է Իլյա Երկրորդի հետ։ Նրանք մտքեր են փոխանակել երկու երկրներին հետաքրքրող մի շարք կարևոր հարցերի շուրջ։

Նախատեսված է նաև նախագահի հանդիպումը Վրաստանի խորհրդարանի խոսնակ Արչիլ Տալակվաձեի հետ:

Նշենք, որ Հայաստանի նախագահը Վրաստան է մեկնել ապրիլի 15-ին։ Այցի շրջանակներում նա արդեն հանդիպել է վրացի իր գործընկեր Սալոմե Զուրաբիշվիլիի հետ։ Նրանք քննարկել են տարածաշրջանի անվտանգության հարցերը՝ հաշվի առնելով Թուրքիայի աջակցությամբ և մասնակցությամբ Ադրբեջանի կողմից Արցախի դեմ սանձազերծած ռազմական ագրեսիայի հետևանքները։

Ի՞նչ կտա Արմեն Սարգսյանի թբիլիսյան այցը. Վրաստանի փոխվարչապետի մեկնաբանությունը

Վրաստանի նախագահի նստավայրում Արմեն Սարգսյանի և նրան ուղեկցող Նունե Սարգսյանի պատվին տրվել է հանդիսավոր ճաշ: Սարգսյանը և Զուրաբիշվիլին բաժակաճառերի ընթացքում խոսել են հայ և վրացի ժողովուրդների դարավոր բարեկամության մասին, ինչպես նաև հարգանքի և փոխադարձ վստահության վրա հիմնված միջպետական հարաբերությունների, երկկողմ կապերի ամրապնդման հեռանկարների մասին:

 

7
թեգերը:
Հայաստան, Նախագահ, Արմեն Սարգսյան, Վրաստանի Հանրապետություն, Վրաստանի Պատրիարք Իլյա Երկրորդ