Մեքսիկական ոստիկանական մեքենա. արխիվային լուսանկար

Կեղծ «Սպուտնիկ տեղափոխող ինքնաթիռի անձնակազմը թաքնվել է Մեքսիկայի իշխանություններից

58
(Թարմացված է 10:26 25.03.2021)
Մեքսիկայի գլխավոր դատախազությունում դեպքի առթիվ հետաքննություն է սկսվել։

ԵՐԵՎԱՆ, 25 մարտի - Sputnik. Հոնդուրասի քաղաքացիները, որոնց Մեքսիկայում ձերբակալել էին կեղծ «Սպուտնիկ V» պատվաստանյութ տեղափոխելիս, կարողացել են թաքնվել, հայտնում է ՌԻԱ Նովոստին։

Ինչպես նշում է Մեքսիկայի գլխավոր դատախազությունը, տեղի մաքսատան աշխատակիցները ամպուլներով սառնարանը և ինքնաթիռը հանձնել են դատախազության տնօրինությանը, ինչի կապակցությամբ հետաքննություն է սկսվել:

«Միգրացիոն ծառայությանը խնդրել են ներգաղթման ծանուցումներ տրամադրել հյուրանոցում տեղավորված օդաչուին և ուղևորներին, սակայն վերջիններս փախել են» - նշվում է Twitter-ում գերատեսչության հաղորդագրության մեջ:

«Սպուտնիկ V»–ի նոր խմբաքանակ կունենանք. ի՞նչ փուլում է Covid-19-ի դեմ պատվաստումների հարցը

Անցյալ շաբաթ Մեքսիկայի իշխանությունները Կամպեչե նահանգի օդանավակայանում ձերբակալել էին Cessna մասնավոր ինքնաթիռ, որում հայտնաբերել էին ավելի քան հազար ամպուլա նյութ, որը պիտակավորված էր որպես COVID-19-ի դեմ «Սպուտնիկ V» ռուսական պատվաստանյութ։

Ինքնաթիռում են եղել նաև Հոնդուրասի 7 քաղաքացի։

«Անելանելի վիճակ». ո՞վ է ԵՄ-ում հետաքրքրվել «Սպուտնիկ V» պատվաստանյութով

58
թեգերը:
Մեքսիկա, ինքնաթիռ, պատվաստանյութ, Սպուտնիկ V
Ըստ թեմայի
«Սպուտնիկ V»-ն հավանության արժանացրած երկրների թվով երկրորդ տեղում է՝ անցնելով Pfizer-ին
Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը
Ռուսաստանի թշնամիները վախենում են «Սպուտնիկ V»-ի հաջողությունից. Դմիտրիև
F-35

Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից

13
Ամերիկացի պաշտոնյայի փոխանցմամբ՝ ծանուցագրում նշվում է, որ 2007թ. հունվարի 26-ին Թուրքիայի ստորագրած փոխըմբռնման հուշագիրը խզվում է, և նոր համաձայնագրի տեքստում Թուրքիան չի ընդգրկվում:

ԵՐԵՎԱՆ, 22 ապրիլի - Sputnik. Ամերիկայի Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից։ Տեղեկությունը հայտնում է «Anadolu» լրատվական գործակալությանը:
Տեղեկացվում է, որ ԱՄՆ պաշտպանության նախարարությունը՝ Պենտագոնը, Անկարային ծանուցել է ամերիկյան F-35 նոր սերնդի կործանիչների արտադրության ծրագրից Թուրքիային պաշտոնապես հեռացնելու մասին: 

Պենտագոնի պաշտոնյաներից մեկը, որի անունը չի նշվում, թեմայի վերաբերյալ հարցազրույց է տվել թուրքական պետական «Anadolu» լրատվական գործակալությանը:

Ամերիկացի պաշտոնյայի փոխանցմամբ՝ ծանուցագրում նշվում է, որ 2007թ. հունվարի 26-ին Թուրքիայի ստորագրած փոխըմբռնման հուշագիրը, որը 2006թ. ստորագրվել էր մյուս մասնակից երկրների կողմից, խզվում է, և նոր համաձայնագրի տեքստում Թուրքիան չի ընդգրկվում:

Պաշտոնյան նաև հայտնել է, որ պայմանագիրը թարմացվել է 8 գործընկեր երկրների կողմից և որևէ նոր գործընկեր երկիր չի ավելացել: 

Հիշեցնենք` ԱՄՆ-ն Թուրքիայի նկատմամբ արգելք էր սահմանել ռուսական արտադրության S-400 զենիթահրթիռային ՀՕՊ համակարգերի ձեռքբերման համար: 

Թուրքական սերիալում ցուցադրված քարտեզում Արցախը և Ադրբեջանը ներկայացվել են որպես Հայաստան

5-րդ սերնդի գերժամանակակից F-35 կործանիչների նախագիծը  համատեղ իրականացվում էր ՆԱՏՕ-ի անդամ 1 տասնյակ երկրների կողմից։ Ի սկզբանե նախագծին մասնակցում էր նաև Թուրքիան, սակայն Ռուսաստանից S-400 բարձր հեռահարության հակաօդային պաշտպանության համակարգեր գնելու պատճառով 2020թ. հուլիսին Վաշինգտոնի նախաձեռնությամբ կասեցվեց Թուրքիայի մասնակցությունը կործանիչների արտադրության ծրագրին, իսկ այդ երկրի համար արդեն արտադրված կործանիչները չմատակարարվեցին։

Ավելի վաղ Պենտագոնում հայտարարել էին, որ Թուրքիան պետք է S-400  համակարգերը Ռուսաստանին վերադարձնի, եթե Անկարան ցանկանում Է ԱՄՆ-ից ստանալ Patriot հրթիռային համակարգեր: 

13
թեգերը:
Զենք, ԱՄՆ, Թուրքիա
Ըստ թեմայի
ԱՄՆ-ն հերքում է Լուկաշենկոյի սպանության և Բելառուսի հեղաշրջման ծրագրին իր մասնակցությունը
Թուրքիայի արտգործնախարարը սպառնացել է ԱՄՆ-ին ապրիլի 24-ի կապակցությամբ
ԱՄՆ–ի կողմից Ցեղասպանության ճանաչումը կարող է սաստել Թուրքիային. Հարություն Մարության
Ղրիմում լայնածավալ զորավարժություններ են մեկնարկել

Ղրիմում լայնածավալ զորավարժություններ են մեկնարկել

22
(Թարմացված է 14:01 22.04.2021)
Զորավարժությունների ակտիվ փուլում մշակվում են հրթիռաավիացիոն հարվածները, անօդաչու ավիացիայի և թևավոր հրթիռների կիրառումը:

ԵՐԵՎԱՆ, 22 ապրիլի - Sputnik. Ռուսաստանի զինված ուժերն այսօր վարժանքներ են սկսել Ղրիմի «Օպուկ» զորավարժարանում։ Տեղեկությունը հայտնում է Ռուսաստանի պաշտպանության նախարարությունը։

«Ղրիմում մեկնարկած վարժանքների ակտիվ փուլին մասնակցում են ավելի քան 10 հազար զինծառայողներ, գործի է դրված 1,2 հազար միավոր սպառազինություն և ռազմական տեխնիկա ռուսական ռազմակայանի, Սևծովյան նավատորմի, Կասպիական նավատորմի և օդուժի միավորումների կազմից: Այդ թվում՝ ավելի քան 40 մարտական նավ և 20 ապահովման նավ», - տեղեկացրել է ՊՆ–ն։

Դոնբասյան ակնարկներն ու Լուկաշենկոյի պաշտպանությունը․ փորձագետները՝ Պուտինի ուղերձի մասին

Զորավարժություններին ներկա է նաև Ռուսաստանի պաշտպանության նախարար Սերգեյ Շոյգուն։ Վարժանքների ակտիվ փուլից առաջ նա ուղղաթիռով մեկնել է զորքերի տեղակայման շրջան և լսել Հարավային ռազմական օկրուգի զորքերի հրամանատար գեներալ-գնդապետ Ալեքսանդր Դվորնիկովի զեկույցը:

Վարժանքների ընթացքում մշակվում են հրթիռաավիացիոն հարվածներն ու դրանց հետմղումը, անօդաչու ավիացիայի և թևավոր հրթիռների կիրառումը, ինչպես նաև դրանց դեմ պայքարը ՀՕՊ միջոցներով:

Ռուսաստանը տարբեր նավատորմերից նավեր է բերում Սև ծով. ինչո՞ւ

22
թեգերը:
Սերգեյ Շոյգու, Զորավարժություններ, Ղրիմ
Ըստ թեմայի
«ՆԱՏՕ-ի ձեռքի գործն է»․ ի՞նչ է կատարվում ռուսական սահմանների մոտ
«Վառվում» է Ղրիմի պատճառով․ ՆԱՏՕ-ում երազում են արգելել ռուսական բանակի ներկայությունը
ՆԱՏՕ-ն Սև ծով է դուրս գալիս․ դաշինքը կնեղի՞ Ռուսաստանին Ղրիմում