Twitter

Twitter-ը վերանայում է իր քաղաքականությունը համաշխարհային առաջնորդների նկատմամբ

16
(Թարմացված է 12:51 19.03.2021)
Twitter-ը խորհրդակցություններ է անցկացնում մարդու իրավունքների ոլորտի մի շարք փորձագետների ու գիտնականների հետ, որոնց կարծիքները հաշվի կառնվեն միկրոբլոգի քաղաքականության առաջիկա վերանայման մեջ:

ԵՐԵՎԱՆ, 19 մարտի -Sputnik. Twitter միկրոբլոգի ծառայությունը հայտնել է, որ վերանայում է իր քաղաքականությունը համաշխարհային առաջնորդների նկատմամբ, որպեսզի որոշի` ինչպես վարվել այն քաղաքական գործիչների հետ, որոնք կխախտեն սոցիալական ցանցի օգտագործման կանոնները:

«Հաշվի առնելով Twitter-ում մշտապես փոփոխվող քաղաքական դիսկուրսի բնույթը՝ ուզում ենք, որ մեր մոտեցումը միշտ մնա արդիական։ Այդ պատճառով վերանայում ենք մեր մոտեցումը համաշխարհային առաջնորդների նկատմամբ», — նշված է միկրոբլոգի կայքում հրապարակված հաղորդագրության մեջ:

Twitter-ը մտադիր է այս հարցի լուծման համար իր օգտատերերից օգնություն խնդրել։

 «Ընդհանուր առմամբ ուզում ենք լսել հասարակությունից, թե արդյոք նրանք կարծում են, որ համաշխարհային առաջնորդները պետք է ենթարկվեն նույն կանոններին, ինչ Twitter-ի մյուս օգտատերերը։ Եվ ինչ հարկադրանքի միջոցներ կիրառել, երբ համաշխարհային առաջնորդը խախտի կանոնները», - հայտնել է Twitter-ը։

Հաղորդագրության համաձայն՝ մարտի 19-ից ապրիլի 12-ը ծառայությունն իր օգտատերերի շրջանում հարցում կանցկացնի։ Այն հասանելի կլինի 14 լեզուներով, ներառյալ ռուսերենը: Twitter-ի ղեկավարության խոսքով՝ դա արվում է, որ արձագանքներում արտացոլվեն «գլոբալ հեռանկարները»: Twitter-ը նաև խորհրդակցություններ է անցկացնում մարդու իրավունքների մի շարք փորձագետների, հասարակական կազմակերպությունների ղեկավարների ու գիտնականների հետ, որոնց կարծիքները հաշվի կառնվեն միկրոբլոգի քաղաքականության առաջիկա վերանայման մեջ:

Twitter-ը հունվարի սկզբին «ընդմիշտ» արգելափակել է ԱՄՆ նախկին նախագահ Դոնալդ Թրամփի մուտքն իր հարթակ՝ նրա կողմնակիցների կողմից Կապիտոլիումի գրավումից հետո: Մինչ այդ ընկերությունը ժամանակավոր արգելափակել էր նախագահի էջը, սակայն Կապիտոլիումի վրա հարձակումից հետո արգելքը մշտական է դարձրել։ Թվիթերն իր գործողությունները բացատրել է այն մտավախությամբ, որ Թրամփի արտահայտությունները «կշարունակեն բռնության դրդել»:

16
թեգերը:
Նախագահ, Twitter
Ըստ թեմայի
Twitter-ն արգելափակել է. որոնման արդյունքում ցանցում հնարավոր չէ գտնել Sputnik-ի էջերը
Ջալալ Հարությունյանը Twitter-ում միկրոբլոգ չունի. հրամանատարի անունով կեղծ էջ են բացել
Չշփոթել. Շուշան Ստեփանյանի անունով Twitter-ում կեղծ էջ է բացվել. տարբերությունը մեկ տառ է
Մոսկվայի ճոպանուղում 30 զույգ ամուսնացել ու համաշխարհային ռեկորդ են սահմանել

Մոսկվայի ճոպանուղում 30 զույգ ամուսնացել ու համաշխարհային ռեկորդ են սահմանել

17
(Թարմացված է 22:25 08.05.2021)
Նորապսակները 23-60 տարեկան են եղել։ Լոնդոնի Գինեսի ռեկորդների գրքի ներկայացուցիչներն ամուսնությունների գրանցմանը հետևել են տեսակապով։

ԵՐԵՎԱՆ, 8 մայիսի  – Sputnik. Մոսկվայի ճոպանուղին այսօր զագսի է «վերածվել», այնտեղ միանգամից 30 ամուսնություն է գրանցվել։ Տեղեկությունը հրապարակվել է  մայրաքաղաքի տրանսպորտի դեպարտամենտի Telegram-ալիքում:

Անի Լորակին քննադատել են դավաճանությունը ներելու և թուրք ամուսնու մոտ վերադառնալու համար

«Ճոպանուղին կարող է հայտնվել Գինեսի ռեկորդների գրքում։ Երկնքում իրենց միությունն են կնքել 23-ից մինչև 60 տարեկան 30 զույգեր։ Աշխարհի ոչ մի վայրում դեռ այդքան ամուսնություն չի գրանցվել ճոպանուղում», - ասված է հաղորդագրության մեջ։

Գոհար Ավետիսյանը պատմել է` ինչու է բաժանվել նախկին ամուսնուց

Նշվում է, որ յուրաքանչյուր խցիկում ամուսնությունն արձանագրել են անկախ փորձագետները։ Ականատեսների շարքում են եղել նաև Լոնդոնի Գինեսի ռեկորդների գրքի ներկայացուցիչները, որոնք արարողությունը դիտել են տեսակապով։

Ֆրանսիացին ամուսնացել է հայուհու հետ և Գուգարքում խաղ–գրքեր է ստեղծում երեխաների համար

17
թեգերը:
ճոպանուղի, Մոսկվա, Ռուսաստան
Ըստ թեմայի
Նարե ու Դավիթ անունները կրկին գլխավորում են նորածինների անունների վարկանիշային ցանկը
Ամուսնալուծությունից 3 ամիս անց Արշակ Կորյանը կրկին ամուսնացել է. լուսանկար
«Բաժանումը բարդ էր»․ երգչուհի Անաստասիա Ստոցկայան բաժանվել է հայ ամուսնուց
Միգրանտների աջակցության կենտրոն

ՌՀՄ-ն Ռուսաստանի միգրացիոն ծառայության հետ քննարկել է ՀՀ քաղաքացիների իրավական կարգավիճակը

152
(Թարմացված է 21:05 08.05.2021)
Հայաստանի քաղաքացիներից շատերը համավարակի պատճառով չեն կարողացել հայրենիք վերադառնալ։ Այժմ նրանք կարող են իրենց իրավական կարգավիճակը կարգավորել արտաքսումից խուսափելու համար։

ԵՐԵՎԱՆ, 8 մայիսի – Sputnik. Ռուսաստանի հայերի միության (ՌՀՄ) ներկայացուցիչները ՌԴ ՆԳՆ միգրացիոն ծառայությունների հետ քննարկել են ՌԴ տարածքում գտնվող ՀՀ քաղաքացիների իրավական կարգավիճակի կարգավորման խնդիրները: Տեղեկությունը հայտնում է ՌՀՄ մամուլի ծառայությունը։

Նշվում է, որ միության փոխնախագահ Լևոն Մուկանյանը հանդիպել է Ռուսաստանի Դաշնության Դաշնային ժողովի միգրացիայի հարցերի գլխավոր վարչության պետ, ոստիկանության գեներալ-լեյտենանտ Վալենտինա Կազակովայի հետ։ Հանդիպման օրակարգում եղել է ՌԴ նախագահ Վլադիմիր Պուտինի` 2020 թվականի ապրիլի 18-ի հրամանագրի իրականացման կարգը։

Խոսքը Ռուսաստանի Դաշնությունում օտարերկրյա քաղաքացիների և քաղաքացիություն չունեցող անձանց իրավական կարգավիճակի կարգավորման ժամանակավոր միջոցների մասին է՝ կապված կորոնավիրուսի (COVID-19) հետագա տարածման սպառնալիքի հետ:

Հայաստանցի անօրինական միգրանտները պետք է մինչև հունիսի 15-ը լքեն Ռուսաստանը. ՌԴ ՆԳՆ

Կազակովան տեղեկացրել է Ռուսաստանի Դաշնության տարածքում ընդունված աննախադեպ միջոցառումների մասին, որոնք թույլ են տալիս օտարերկրյա քաղաքացիներին (նրանք, ովքեր հայրենիք չեն մեկնել մինչև սահմանների փակումը) կարգավորել իրենց իրավական վիճակը և օրինական հիմունքներով աշխատանքային գործունեություն իրականացնել:

ՌԴ նախագահի` 2020 թվականի ապրիլի 18-ի հրամանագրի համաձայն ՝ նրանք, ովքեր գտնվում են Ռուսաստանի Դաշնության տարածքում՝ խախտելով միգրացիոն օրենսդրությամբ սահմանված կացության կարգը, կկարողանան կարգավորել իրավական կարգավիճակը՝ առանց նման դեպքերում նախատեսված պատժամիջոցների կիրառման:

Ուստի Ռուսաստանի Դաշնության տարածքում գտնվելու համար օրինական հիմքեր չունեցող անձանց խորհուրդ է տրվում դիմել Ռուսաստանի ՆԳՆ տարածքային մարմիններ։ Նման քաղաքացիների և նրանց ընտանիքների անդամների նկատմամբ ժամանակավոր կացության ժամկետը երկարաձգելու, գտնվելու վայրում հաշվառվելու մասին որոշում կկայացվի, և կտրվեն համապատասխան փաստաթղթեր:

Հայաստանի քաղաքացիների համար Ռուսաստանի ՆԳՆ մարմիններում իրենց իրավական կարգավիճակի կարգավորման ժամկետը սահմանվել է մինչև 2021 թվականի մայիսի 15-ը:

Հանդիպման արդյունքում պայմանավորվածություններ են ձեռք բերվել աշխատանքային սերտ շփումներ հաստատել ՌԴ տարածքում ՀՀ քաղաքացիների իրավական կարգավիճակի կարգավորման հարցում առկա դժվարությունների մասին տեղեկատվության փոխանակման նպատակով:

Հիշեցնենք՝ դեռ նախորդ տարվա դեկտեմբերի կեսերին Ռուսաստանի նախագահը, հաշվի առնելով կորոնավիրուսի համավարակը, Ռուսաստանում միգրանտների ժամանակավոր բնակության ժամկետը երկարացրել էր մինչև 2021 թվականի հունիսի 15-ը:

Օտարերկրացիներն ավելի հեշտությամբ կկարողանան ՌԴ քաղաքացիություն ստանալ

152
թեգերը:
Ռուսաստանի հայերի միություն, միգրանտ, հայեր, Ռուսաստան

Փաշինյանի «չընտրությունից» մինչև Լավրով և պատվաստում․ անցնող շաբաթվա ամենավառ կադրերը

0
(Թարմացված է 00:24 09.05.2021)
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 2021., Երևան)
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 20212., Երևան)
  • ՌԴ ԱԳ նախարար Սերգեյ Լավրովը պաշտոնական այցով ժամանեց Հայաստան (մայիսի 5, 2021թ․, Երևան)
  • Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում  (մայիսի 5, 2021թ․, Երևան)
  • Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
  • Խարբերդի մասնագիտացված մանկատան սաներ
  • ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը
  • Արցախի հերոս, գեներալ-մայոր Վիտալի Բալասանյանը ժամերգության ժամանակ
  • Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
Այս շաբաթը սկսվեց ԱԺ արտահերթ նիստով․ ներքին պայմանավորվածությունը խախտողներ չեղան, խորհրդարանն էլ չընտրեց վարչապետի՝ առաջադրված միակ թեկնածուին։ Թե ինչ իրադարձություններ տեղի ունեցան շաբաթվա ընթացքում, կարող եք տեսնել Sputnik Արմենիայի ֆոտոշարքում։

Այս շաբաթ աշխատանքային այցով մեր երկիր ժամանեց ՌԴ արտաքին գերատեսչության ղեկավար Սերգեյ Լավրովը։ Հայաստանում Լավրովը խոսեց «Զանգեզուրի միջանցքի», գերիների վերադարձի խնդրի մասին... Նա այցելեց Ծիծեռնակաբերդ ու «Հաղթանակ» զբոսայգի։

Մեր երկրում ակտիվորեն շարունակվում է կորոնավիրուսի դեմ պատվաստումային ծրագիրը։ Ցանկացողները կարող են պատվաստվել ոչ միայն պոլիկլինիկաներում, այլև Երևանի բանուկ հատվածներում գործող շարժական կետերում։ Առայժմ դրանք երեքն են․ մեկը Հյուսիսային պողոտայում է, երկուսն էլ՝ խոշոր առևտրային կենտրոնների մոտ։

Պատերազմից գրեթե 7 ամիս անց վիրավոր զինծառայողներն ու նրանց հարազատները դեռևս հոգեբանական աջակցության կարիք ունեն։ Նախագահական նստավայրում մեկնարկեց «Զարթոնք» ծրագիրը։ Նպատակը պատերազմի դժոխքով անցած հերոսներին բնականոն կյանք վերադարձնելն է։

Այս ամենը ներկայացնում ենք լուսանկարներով։ Sputnik Արմենիայի ֆոտոխցիկը շաբաթվա ընթացքում այլ հետաքրքիր դրվագներ էլ է որսացել։

0
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 2021., Երևան)
    © Sputnik / Aram Nersesyan

    Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (2021թ մայիսի 3)։ Երևան
    Երկուշաբթի՝ մայիսի 3-ին, ՀՀ Ազգային ժողովը հատուկ նիստ գումարեց, որի հիմնական հարցը երկրի վարչապետի ընտրությունն էր։ Քվեարկության գործընթացը նախաձեռնել էին խորհրդարանը լուծարելու և Հայաստանում արտահերթ խորհրդարանական ընտրություններ անցկացնելու նպատակով։

  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 20212., Երևան)
    © Sputnik / Aram Nersesyan

    Վարչապետ Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (2021թ. մայիսի 3)։ Երևան
    Պատգամավորների քվեարկության արդյունքում միակ թեկնածու Փաշինյանը վարչապետ չընտրվեց: 75–ը ձեռնպահ մնացին, 3–ը` դեմ, 1–ը` կողմ։

  • ՌԴ ԱԳ նախարար Սերգեյ Լավրովը պաշտոնական այցով ժամանեց Հայաստան (մայիսի 5, 2021թ․, Երևան)
    © Sputnik / Asatur Yesayants

    ՀՀ արտգործնախարարի պաշտոնակատար Արա Այվազյանը դիմավորեց ռուս գործընկերոջը «Զվարթնոց» օդանավակայանում։
    Ռուսաստանի արտգործնախարար Սերգեյ Լավրովը պաշտոնական այցով Հայաստան ժամանեց մայիսի 5-ին։

  • Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում  (մայիսի 5, 2021թ․, Երևան)
    © Sputnik / Asatur Yesayants

    Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում (մայիսի 5, 2021թ․, Երևան)
    Նախարարի հիմնական միջոցառումները նախատեսված էին մայիսի 6-ին։ Առաջին հերթին Սերգեյ Լավրովը հարգանքի տուրք մատուցեց Ցեղասպանության զոհերի հիշատակին:

  • Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
    © Sputnik / Asatur Yesayants

    Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
    Պաշտոնական հանդիպումից և մամուլի ասուլիսից հետո նախարարները Հաղթանակի զբոսայգում հարգանքի տուրք մատուցեցին Հայրենական մեծ պատերազմում զոհվածների հիշատակին։

  • Խարբերդի մասնագիտացված մանկատան սաներ
    © Sputnik / Asatur Yesayants

    Խարբերդի մասնագիտացված մանկատան աշխատակցուհին անցնում է պատուհանի մոտով, որտեղից երևում են մանկատան սաները։

    Այս շաբաթ այցելեցինք Խարբերդի մանկատուն, որի աշխատանքը նախապես ուսումնասիրել էին Հաշվեքննիչ պալատի աուդիտորները։ ՀՀ աշխատանքի և սոցիալական հարցերի նախարարության ֆինանսատնտեսական գործունեության աուդիտի արդյունքները պալատն ուղարկել է ՀՀ գլխավոր դատախազություն:

  • ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը
    © Sputnik / Asatur Yesayants

    ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը (2021թ., մայիսի 5, Երևան)
    «Զարթոնք» ծրագրի նպատակը պատերազմի դժոխքով անցած հերոսներին բնականոն կյանք վերադարձնելն է։

  • Արցախի հերոս, գեներալ-մայոր Վիտալի Բալասանյանը ժամերգության ժամանակ
    © Sputnik / Aram Nersesyan

    Արցախի հերոս, գեներալ-մայոր Վիտալի Բալասանյանը ժամերգության ժամանակ:
    Արցախի անվտանգության խորհրդի քարտուղարը ներկայացրել է Կարմիր շուկա համայնքի շուրջ ստեղծված իրավիճակը, ինչպես նաև խոսել ադրբեջանական սադրանքների մասին:

  • Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
    © Sputnik / Andranik Ghazaryan

    Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
    Կորոնավիրուսի դեմ պատվաստումների շարժական կետերը նախատեսված են ինչպես Հայաստանի քաղաքացիների, այնպես էլ զբոսաշրջիկների համար:

թեգերը:
պատվաստումներ, Սերգեյ Լավրով, Նիկոլ Փաշինյան, Հայաստան