Անջելինա Ջոլի, Բրեդ Փիթ

Անջելինա Ջոլին փորձում է Բրեդ Փիթին մեղադրել ընտանեկան բռնության մեջ

55
(Թարմացված է 23:42 17.03.2021)
Աղբյուրի համաձայն՝ դերասանուհին մտադիր է բացահայտել Բրեդ Փիթի և իրենց որդու հետ կապված միջադեպի տհաճ մանրամասները։

ԵՐԵՎԱՆ, 18 մարտի - Sputnik. Պատերազմի ժամանակ բոլոր միջոցներն արդարացված են։ Այսպես է կարծում հոլիվուդյան հայտնի դերասանուհի Անջելինա Ջոլին, որը փորձում է իր նախկին ամուսնուն՝ Բրեդ Փիթին, մեղադրել ընտանեկան բռնության մեջ։

Ջոլին և Փիթն ամուսնալուծվել են 2016 թվականի աշնանը, սակայն նրանք չեն դադարում պայքարել երեխաների խնամակալություն համար։ Բազմազավակ ծնողները տարբեր հնարքների են դիմում, սակայն եթե Փիթը երազում է հավասար իրավունքներով խնամակալության մասին, Ջոլին ուզում է ստանալ ամեն ինչ ու միանգամից։

Ինչպես հայտնել է The Blast պարբերականը, Ջոլին փորձում է Փիթին մեղադրել ընտանեկան բռնության համար։ Աղբյուրի համաձայն, դերասանուհին արդեն հավաքել է բոլոր ապացույցները և պատրաստ է ներկայացնել դրանք դատարանում։

Դերասանուհու ցուցմունքների հետ մեկտեղ իրենց դիմումները կարող են ներկայացնել նաև աստղերի ժառանգները։

Անջելինա Ջոլիի կամբոջացի որդին ռուսերեն է խոսում

Բրեդ Փիթի նկատմամբ ընթացող քննության մասին հայտնի դարձավ այն բանից հետո, երբ Ջոլին որոշեց ապահարզանի դիմել։ Փիթի և նրա հոգեզավակի՝ Մեդոքսի միջև տհաճ միջադեպը գրանցվել է մասնավոր նավի վրա։ Ու թեև այն ժամանակ Ընտանիքի գործերով դեպարտամենտը Փիթի մեղքը չէր ճանաչել, այդ ցուցմունքները դեռ կարող են վնասել նրան։

Դատելով ամեն ինչից`Ջոլին այդպիսով որոշել է վրեժխնդիր լինել Փիթից նրա «ընկերուհիների» և իր տնից իրենց դստեր հեռանալու ցանկության համար։


55
թեգերը:
Բռնություն, Մեղադրանք, ամուսնալուծություն, Բրեդ Փիթ, Անջելինա Ջոլի
Ըստ թեմայի
«Շոկի մեջ էի»․ Ալիա Շովքեթը խոսել է Բրեդ Փիթի հետ հարաբերությունների մասին
Նա շատ հեռուն է գնացել․ Բրեդ Փիթը մտադիր է Ջոլիից «վրեժ լուծել»
Բրեդ Փիթը նոր ընկերուհի ունի. նրան «բռնացրել են» մոդելի հետ
Մարիա Զախարովա

ՌԴ–ն ԱՊՀ երկրների հետ կենսանվտանգության հարցերով խորհրդատվական ձևաչափեր կստեղծի. Զախարովա

46
(Թարմացված է 18:48 13.05.2021)
Ռուսական կողմը նախատեսում է կենսանվտանգության մասին հուշագրեր ստորագրել ՀԱՊԿ և ԱՊՀ անդամ բոլոր երկրների հետ։

ԵՐԵՎԱՆ, 13 մայիսի – Sputnik. ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցի ժամանակ հայտարարել է, որ Ռուսաստանը նախատեսում է կենսաբանական անվտանգության ապահովման հարցերով երկկողմ խորհրդատվական ձևաչափեր ստեղծել այն երկրների հետ, որոնց հետ այդ հարցի վերաբերյալ հուշագրեր են ստորագրվել:

Նա նշել է, որ այդ խորհրդատվությունների նպատակը վարակիչ հիվանդությունների կանխամտածված տարածման հնարավորության ռիսկերի նվազեցումն է: Զախարովայի խոսքով ՝ ռուսական կողմի համար այդ խնդիրը կենսանվտանգության ամրապնդման ուղղությամբ տարվող աշխատանքների առաջնահերթություններից է։

«Առանցքային տարրերից մեկը ՀԱՊԿ-ի և ԱՊՀ-ի պետությունների հետ համապատասխան իրավապայմանագրային բազայի ձևավորումն է», - ասել Է Զախարովան:

Ռուսաստանի ԱԳՆ պաշտոնական ներկայացուցիչը հիշեցրել է, որ Հայաստանի, Տաջիկստանի, Թուրքմենստանի հետ արդեն ստորագրվել են կենսանվտանգության ապահովման վերաբերյալ հուշագրեր: Ռուսական կողմը հույս ունի նմանատիպ փաստաթղթեր ստորագրել ՀԱՊԿ-ի, ԱՊՀ-ի բոլոր մասնակից պետությունների հետ ։

Նրա խոսքով ՝ հուշագրերի իրականացումը ծանրակշիռ ներդրում է ունենում երկկողմ հարաբերությունների, պետությունների կենսաբանական անվտանգության ամրապնդման գործում, ինչպես նաև նպաստում է բժշկակենսաբանական, սանիտարահամաճարակային, անասնաբուժական, բուսասանիտարական ոլորտներում համագործակցության զարգացմանը:

«Մեր կարծիքով` դա կնպաստի կենսանվտանգության միասնական տարածքում մեր երկրների անվտանգության ամրապնդմանը», - եզրափակել է Զախարովան:

Հիշեցնենք, որ Հայաստանն ու Ռուսաստանը կենսաբանական անվտանգության մասին հուշագիր են ստորագրել այս տարվա մայիսի 6-ին։ Հուշագիրը կարգավորում է կենսաբանական անվտանգության ապահովման ասպարեզում Հայաստանի և Ռուսաստանի՝ երկու ինքնիշխան պետության համագործակցությունը: Հուշագրով չի նախատեսվում որևէ կողմի համար լաբորատորիաների աշխատանքային տարածքներ մուտքի կամ որևէ այլ միակողմ վերահսկողություն իրականացնելու իրավունքի երաշխավորումը:

46
թեգերը:
Մարիա Զախարովա, Ռուսաստան, Հայաստան
Ստաիսլավ Զաս. արխիվային լուսանկար

Ստանիսլավ Զասը Սյունիքի հարցով զանգել է Վաղարշակ Հարությունյանին և Արա Այվազյանին

362
(Թարմացված է 18:55 13.05.2021)
ՀԱՊԿ–ից հայտնում են, որ ուշադրությամբ հետևում են Սյունիքում տեղի ունեցող իրադարձություններին, որոնց զարգացմանը զուգընթաց անհրաժեշտության դեպքում կձեռնարկվեն համապատասխան գործողություններ։

ԵՐԵՎԱՆ, 13 մայիսի- Sputnik. Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասը հեռախոսազրույց է ունեցել Հայաստանի Հանրապետության պաշտպանության նախարարի պաշտոնակատար Վաղարշակ Հարությունյանի և Հայաստանի Հանրապետության արտաքին գործերի նախարարի պաշտոնակատար Արա Այվազյանի հետ: Տեղեկությունը հայտնում է ՀԱՊԿ մամուլի ծառայությունը։

«ՀԱՊԿ-ում ուշադրությամբ հետևում են Սյունիքի մարզի սահմանամերձ շրջաններում իրավիճակի զարգացմանը, որին զուգընթաց` անհրաժեշտության դեպքում կձեռնարկվեն այնպիսի գործողություններ, որոնք նախատեսված են Հավաքական անվտանգության պայմանագրի և ՀԱՊԿ կանոնադրության դրույթներով»,–նշված է կազմակերպության տարածած հաղորդագրության մեջ։

ՀՀ ԱԳՆ–ն էլ հայտնում է, որ ՀՀ արտգործնախարար Արա Այվազյանն անթույլատրելի է համարել ՀԱՊԿ անդամ Հայաստանի Հանրապետության ինքնիշխան տարածքի նկատմամբ Ադրբեջանի կողմից ոտնձգության փորձը՝ նշելով, որ դա լուրջ սպառնալիք է նաև տարածաշրջանային անվտանգությանն ու կայունությանը:

Զրուցակիցները մտքեր են փոխանակել նմանօրինակ իրավիճակներում Հավաքական անվտանգության պայմանագրի դրույթների և ՀԱՊԿ կանոնադրությամբ նախատեսված գործիքակազմի կիրառման շուրջ:

Հիշեցնենք` ՀԱՊԿ–ի մշտական խորհրդի նիստի ընթացքում կազմակերպությունում ՀՀ մշտական ներկայացուցիչ Վիկտոր Բիյագովը մանրամասն ներկայացրել էր Սյունիքի մարզում ադրբեջանական կողմի սադրիչ գործողությունները և դրանց հետևանքով ստեղծված իրադրությունը:

Նա ընդգծել էր, որ հնարավորինս արագ և ողջամիտ ժամկետներում Ադրբեջանի զինուժի ստորաբաժանումների՝ Հայաստանի տարածքից հետքաշումը չիրականացնելու դեպքում իրավիճակի հետագա էսկալացիայի ողջ պատասխանատվությունն ընկնում է ադրբեջանական կողմի վրա:

Ադրբեջանի զինված ուժերը հատել են Հայաստանի պետական սահմանը և խորացել մինչև 3,5 կիլոմետր՝ Սյունիքի Սև լճի հարակից տարածքում։

Դեռ երեկ` օրվա առաջին կեսին, ՀՀ պաշտպանության նախարարությունը հայտարարել էր, թե տեղում բանակցություններ են ընթանում տարաձայնությունները հարթելու համար։ Երեկ ուշ երեկոյան Անվտանգության խորհրդի նիստ գումարվեց։ Փաշինյանը հայտարարեց՝ իրավիճակն առնվազն մերձճգնաժամային է, եթե ոչ ճգնաժամային։

Այսօր Փաշինյանը հայտնեց, որ երեկվանից Սև լճի հատվածում իրադրության էական փոփոխություն չկա և իրադրությունը շարունակում է մնալ նույնը։ Այսօր ևս ԱԽ նիստ է գումարվել։

Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում. ՊՆ

362
թեգերը:
Սյունիք, Ադրբեջան, Հայաստան, Հավաքական անվտանգության պայմանագիր կազմակերպություն (ՀԱՊԿ), Ստանիսլավ Զաս
Ըստ թեմայի
Լիտվայի ԱԳ նախարարն անհանգստություն է հայտնել Սյունիքում ստեղծված իրավիճակի վերաբերյալ
Տարածաշրջանային անվտանգությունը հարցականի տակ է. Բիյագովը ՀԱՊԿ–ում խոսել է Սյունիքի մասին
ՊՆ ռազմական ոստիկանությունը պարզում է Սյունիքի սահմանին տեղի ունեցած դեպքերը
Արման Թաթոյանի գլխավորած պատվիրակությունը մեկնել է Սյունիք
Արա Այվազյանն ու Սերգեյ Լավրովը

Արա Այվազյանը հայ–ադրբեջանական սահմանին տիրող իրավիճակի մասին խոսել է Սերգեյ Լավրովի հետ

0
(Թարմացված է 23:47 13.05.2021)
Արա Այվազյանն ընդգծել է ադրբեջանական կողմի սադրանքների հրահրման և դրա հետևանքով Հայաստանի Հանրապետության ինքնիշխան տարածքի նկատմամբ ոտնձգության ցանկացած դրսևորման անթույլատրելիությունը։

ԵՐԵՎԱՆ, 13 մայիսի – Sputnik. Մայիսի 13-ին` օրվա առաջին կեսին, ՀՀ ԱԳ նախարարի պաշտոնակատար Արա Այվազյանը զրուցել է ՌԴ արտգործնախարար Սերգեյ Լավրովի հետ։ Տեղեկությունը հայտնում է ՀՀ արտգործնախարարության մամուլի ծառայությունը։

«Զրուցակիցները շարունակեցին քննարկումները ադրբեջանական կողմի գործողությունների հետևանքով ՀՀ պետական սահմանին ստեղծված իրավիճակի և լարվածության թուլացման ուղղությամբ ձեռնարկվելիք քայլերի շուրջ: Նախարարի պաշտոնակատար Արա Այվազյանն ընդգծեց ադրբեջանական կողմի սադրանքների հրահրման և դրա հետևանքով Հայաստանի Հանրապետության ինքնիշխան տարածքի նկատմամբ ոտնձգության ցանկացած դրսևորման անթույլատրելիությունը»,– նշված է հաղորդագրության մեջ:

Հայաստանի և Ռուսաստանի արտաքին գերատեսչությունների ղեկավարները մտքեր են փոխանակել տարածաշրջանային անվտանգության և կայունության պահպանման շուրջ:

Հիշեցնենք` մայիսի 12–ին լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ուշ երեկոյան ՀՀ վարչապետի պաշտոնակատար Նիկոլ Փաշինյանի գլխավորությամբ Անվտանգության խորհրդի նիստ տեղի ունեցավ այս թեմայի շուրջ, որի ընթացքում Փաշինյանը փաստեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն այսօր հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև այսօր։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Ադրբեջանցիները մտածված են եկել, իսկ հիմա պետք է գնան իրենց տեղերը. Սյունիքի մարզպետ

0
թեգերը:
Արա Այվազյան, Սերգեյ Լավրով, Ադրբեջան, Հայաստան