ՄԻԵԴ

249 գերիներից 112-ին Ադրբեջանը չի կարողացել նույնականացնել այնտեղ պահվող անձանց հետ

379
(Թարմացված է 20:50 17.03.2021)
72 անձ դեռևս գտնվում են Ադրբեջանում, որոնց գերության և պահման փաստը հաստատվել է։ ՄԻԵԴ–ը ԵԽ Նախարարների կոմիտեին ծանուցել է գերիների առնչությամբ արված աշխատանքի մասին։

ԵՐԵՎԱՆ, 17 մարտի - Sputnik. Մարդու իրավունքների եվրոպական դատարանը (յոթ դատավորներից կազմված Պալատի կազմով) Եվրոպայի Խորհրդի նախարարների կոմիտեին ծանուցել է Հայաստանի և Ադրբեջանի միջև տեղի ունեցած պատերազմից հետո  կիրառված  միջանկյալ միջոցների մասին։ Տեղեկությունը հայտնում է ՄԻԵԴ–ում ՀՀ ներկայացուցչությունը։

Դատարանը Նախարարների կոմիտեին մասնավորապես տեղեկացրել է Ադրբեջանի կողմից ենթադրաբար գերեվարված 249 հայերի առնչությամբ միջանկյալ միջոցի կիրառման դիմումներ ստանալու մասին:

«ՄԻԵԴ-ը Նախարարների կոմիտեին հայտնել է, որ համաձայն ՀՀ կառավարության տրամադրած տեղեկատվության` վերոնշյալ անձանցից 58-ը վերադարձվել են 2020–ի դեկտեմբեր և 2021–ի փետրվար ամիսների ընթացքում, իսկ 7 անձինք գտնվել են մահացած։ 249 հայերից 72-ը դեռևս գտնվում են Ադրբեջանում, որոնց գերության և պահման փաստը հաստատվել է Ադրբեջանի կառավարության կողմից»,–նշված է հաղորդագրության մեջ։

Ինչ վերաբերվում է մյուս 112 անձանց, ապա Ադրբեջանի կառավարությունը պնդում է, որ իրենք չեն կարողացել նույնականացնել այդ անձանց իրենց մոտ պահվող անձանց շրջանում:

Դատարանը որոշել է Նախարարների կոմիտեին ծանուցել կիրառված միջանկյալ միջոցների վերաբերյալ՝ հաշվի առնելով այն հանգամանքները, որ Ադրբեջանի կառավարությունը խախտել է քննարկվող անձանց վերաբերյալ տեղեկատվություն տրամադրելու համար սահմանած ժամկետները և տրամադրել է ընդհանրական տեղեկատվություն:

ՄԻԵԴ–ը նաև ստացել է Ադրբեջանի կառավարությունից՝ Հայաստանի կողմից ենթադրաբար գերեվարված 16  ադրբեջանցի անձանց վերաբերյալ դիմումներ: Նշված խմբից 12–ի գերի լինելու փաստը հաստատվել է ՀՀ կառավարության կողմից, և այդ անձինք 2020 թվականի դեկտեմբերին վերադարձվել են։ Մնացյալ 4 անձանց գերի լինելու հանգամանքը չի հաստատվել ՀՀ կառավարության կողմից:

Ադրբեջանում առնվազն 188 հայ գերի կա. ԱԳՆ խոսնակը հակադարձել է Բայրամովին

Նշվում է նաև, որ արդեն իսկ կիրառված միջոցներն ուժի մեջ են մնում մինչև հակառակի վերաբերյալ որոշման կայացումը:

379
թեգերը:
ռազմագերի, գերի, Հայաստան, Ադրբեջան, Մարդու Իրավունքների Եվրոպական դատարան (ՄԻԵԴ)
Ըստ թեմայի
Նոր զարգացումներ. ՄԻԵԴ-ը հայ գերիների հարցով ծանուցել է ԵԽ նախարարների կոմիտեին
«Իբր գերիների հետ կոպիտ եմ խոսել». Ադրբեջանը բողոք է ներկայացրել ՀՀ ՄԻՊ գրասենյակի դեմ
Շղթայակապ աղջիկներն ԱԺ-ի մոտ պահանջում են անհապաղ վերադարձնել գերիներին
Արման Թաթոյան. արխիվային լուսանկար

Վազգեններին շան պես կապել ենք. Թաթոյանը ներկայացրել է հայատյացության նոր դրսևորումները

91
(Թարմացված է 00:19 06.05.2021)
Թաթոյանի այս զեկույցը կուղարկվի միջազգային կառույցներին՝ հատուկ նշումով այն մասին, որ տասնամյակներ շարունակ ադրբեջանական իշխանությունների նման հայատյաց ու թշնամանքի քարոզի քաղաքականությունն է, որ հանգեցրել է պատերազմի ընթացքում խոշտանգումների, դաժանությունների։

ԵՐԵՎԱՆ, 5 մայիսի  - Sputnik. «Սպանված հայ զինվորների և շղթայված գերիների պուրակ Բաքվում. մարդկային տառապանքների թանգարան և ռասիզմի խթանում»։ ՀՀ մարդու իրավունքների պաշտպանն այսպես է վերնագրել իր նոր արտահերթ զեկույցը (անգլերենով): Տեղեկությունը ՀՀ ՄԻՊ Արման Թաթոյանը հրապարակել է Facebook–ի իր էջում։

Բաքվում ոչ միայն հայ զինվորների սաղավարտներն են. գերիների ու պուրակի հարցերը՝ ԵԽԽՎ–ում

Այս զեկույցն այն մասին է, թե ինչ ազդեցություն է ունեցել 2021 թվականի ապրիլի 12-ին Բաքվում բացված, այսպես կոչված «Ռազմավարի պուրակը» ադրբեջանական ընկալումներում:

Թաթոյանը ներկայացրել է ադրբեջանականդ ընկալումների մի քանի օրինակ։

  • Վազգեններին շան պես կապել են, որ չփախչեն:
  •  Շնորհակալություն այն մարդկանց, ովքեր աշխատել, պատրաստել են այս մոդելները: Ստորներին, անամոթներին, անբարոյականներին, դավաճաններին, խորամանկներին, դահիճներին բնորոշ բոլոր գծերը ամենայն ճշգրտությամբ պատկերել են:
  • Ռազմական ավարի պուրակը ռևանշիստների համար խրատ է, դաս, հերթական «Երկաթե բռունցքի» մասին նախազգուշացում է:
  • Հաջորդ կանգառը՝ Երևան, Զանգեզուր, Գյոյչա (Սևան):
  •  Ցանկանում եմ, որ այս ավարի ու մոդելների ցուցադրությունը երկարաժամկետ լինի, որովհետև ապագա սերունդը պետք է ճանաչի ազգի թշնամուն և ատելությամբ հիշի:
  • Ընկերներ, ասեք տեսնեմ այս մոդելների վրա անամոթների աչքերը ինչ էլ մեծ են: Կեցցեն ստեղծողները: Կարծես անօդաչուի գալուց են վախենում: Երկրորդ մոդելի դեպքում մեր պարոն Նախագահի իրավացի խոսքն է. «Ի՞նչ եք առնետի պես թաքնվել այստեղ-այնտեղ» և այլն:

«Այս զեկույցում տեղ են գտել կոնկրետ օգտատերերի, այդ թվում` հանրային գործիչների խոսքերը: Այն կոնկրետ ապացույցներով` տեսանյութերով ու լուսանկարներով ցույց է տալիս, որ պուրակը հայատյացության և թշնամանքի գեներացիայի հերթական աղբյուրն է, որ ունի պետական բացահայտ հովանավորչություն»,–գրել է Թաթոյանը:

Հայաստանի մարդու իրավունքների պաշտպանի այս զեկույցը կուղարկվի միջազգային կառույցներին՝ հատուկ նշումով այն մասին, որ տասնամյակներ շարունակ ադրբեջանական իշխանությունների նման հայատյաց ու թշնամանքի քարոզի քաղաքականությունն է, որ հանգեցրել է պատերազմի ընթացքում խոշտանգումների, դաժանությունների, իսկ այժմ բացարձակ խաթարում են խաղաղությունն ու համերաշխությունը տարածաշրջանում:

Հիշեցնենք` Բաքվում բացվել է ավար վերցված հայկական զրահատեխնիկայի «պուրակ», որը տեղակայվել է հինգ հեկտար տարածքում։ Ըստ ադրբեջանական լրատվամիջոցների` այգու մուտքի մոտ կարելի է տեսնել ադրբեջանական բանակի կողմից վերցված ավելի քան 2000 ավտոմեքենաների համարանիշներ, ինչպես նաև բազմաթիվ սաղավարտներ։ Տարածքում կան նաև հայ զինվորների մանեկեններ։

91
թեգերը:
Բաքու, պուրակ, զինծառայող, միջազգային կառույցներ, Ադրբեջան, Հայաստան, Արման Թաթոյան, ՀՀ ՄԻՊ
Ըստ թեմայի
«Նորոգման աշխատանքների» քողի տակ Ադրբեջանն աղավաղում է Շուշիի Ղազանչեցոցը. Արցախի ՄԻՊ
Գլխատումներ, մահացածների նկատմամբ անարգանք․ ՄԻՊ-ը 297 տեսանյութ ու լուսանկար է վերլուծել
ՄԻՊ ներկայացուցիչներն այցելել են գերությունից վերադարձած անձանց
Նորատ Տեր–Գրիգորյանց

ԱՄՆ-ն օգնում է ագրեսորին, որ նա ավելի ագրեսիվ դառնա. Տեր-Գրիգորյանցը՝Բայդենի որոշման մասին

172
(Թարմացված է 23:44 05.05.2021)
Գեներալը հիշեցնում է, որ Վաշինգտոնն ամրացնում է մի երկրի «հակաահաբեկչական հնարավորությունները», որն Արցախի դեմ պատերազմում ակտիվորեն ահաբեկիչներ էր օգտագործում։

ԵՐԵՎԱՆ, 5 մայիսի  - Sputnik. Ադրբեջանին ռազմական օգնություն տրամադրելու մասին Ջո Բայդենի վարչակազմի որոշումը վկայում է Անդրկովկասում Թուրքիայի հետ միասին ամրապնդվելու ԱՄՆ-ի ցանկության մասին։ Sputnik Արմենիային տված հարցազրույցում նման կարծիք է հայտնել հայկական բանակի հիմնադիրներից մեկը՝ գեներալ-լեյտենանտ Նորատ Տեր-Գրիգորյանցը։

Ինչպես արդեն հայտնել ենք, ԱՄՆ նախագահը Կոնգրեսին ասել էր, որ վարչակազմը երկարացնում է «Ազատության աջակցության ակտի» 907-րդ բանաձևի կասեցումը։ Բանաձևն ընդունվել էր 1992թ․-ին՝ հայկական լոբբիի ճնշման արդյունքում։ Փաստաթուղթը սահմանափակում էր ԱՄՆ-ի կողմից Ադրբեջանին պետական մակարդակով օգնություն ցուցաբերելը։ Սակայն 2001 թ․-ից ամերիկյան վարչակազմերը ժամանակավորապես դադարեցնում էին ակտի գործողությունը։ Նախագահի թեկնածու եղած ժամանակ Բայդենը խոստացել էր վերանայել այդ սովորությունը, բայց  խոստումը, ըստ էության, չկատարեց։

Վաշինգտոնում հայտարարում են, որ օգնությունն անհրաժեշտ է միջազգային ահաբեկչության դեմ պայքարին աջակցելու, ինչպես նաև «Ադրբեջանի սահմանների անվտանգության ամրապնդման» համար։

Տեր-Գրիգորյանցը նշում է, որ խնդիրը պետք է ավելի լայն համատեքստում դիտարկել։ Ռուսաստանին տարածաշրջանից դուրս մղելը միշտ էլ եղել է ԱՄՆ-ի ծրագրերում, և հիմա, հատկապես հաշվի առնելով Թուրքիայի ռազմաքաղաքական «ներխուժումը», Վաշինգտոնը որոշել է խառնաշփոթի մեջ իր համար էլ տեղ գտել այս արևի տակ։

 «Ադրբեջանն այս բոլոր տարիներին պատրաստվել է պատերազմի և իրավիճակը հասցրել է պատերազմականի` Թուրքիայի անմիջական աջակցությամբ ագրեսիա սանձազերծելով ընդդեմ Ղարաբաղի։ Ներկայիս գործընթացները վկայում են, որ այդ ամենի հետևում ԱՄՆ-ն էր կանգնած։ Դա, իհարկե, ամերիկացիներին պատիվ չի բերում»,-ասում է նա։

Անակնկալ արդեն մատուցել է. Բայդենը խոստումներից ո՞րն է կատարել ու ո՞րը չի արել 100 օրում

Գեներալն աբսուրդային է համարում այն, որ «հակաահաբեկչական» հնարավորություններն ուժեղացնելու շիրմայի հետևում ամերիկացիներն օգնում են մի երկրի, որը ահաբեկիչներ է օգտագործել Արցախի դեմ։ Թուրքիան ու Ադրբեջանը հակամարտության գոտի հազարավոր ծայրահեղականներ են բերել Մերձավոր Արևելքից՝ տարածաշրջանում լուրջ ահաբեկչական վտանգ ստեղծելով, իսկ մի քանի ամիս անց ԱՄՆ-ն նրանց օգնություն է ցուցաբերում, իբր ահաբեկչության դեմ պայքարում։

«ԱՄՆ-ն առհասարակ պետք է պատժամիջոցներ կիրառեր Թուրքիայի և Ադրբեջանի նկատմամբ՝ Ղարաբաղում բազմաթիվ պատերազմական հանցագործությունների համար, հայ գերիների և քաղաքացիական անձանց գլխատման, խաղաղ բնակավայրերի գնդակոծման համար: Սակայն, ցավոք, ամերիկացիները որոշել են օգնել ագրեսորին, որպեսզի նա ավելի ագրեսիվ դառնա»,-հայտարարեց մեր զրուցակիցը։

Գեներալը կարծում է, որ Հայաստանն իր հերթին պետք է Բաքվի այդ «նախապատրաստություններին» հակադրի սեփական զինված ուժերում լայնածավալ բարեփոխումները, Ռուսաստանի հետ սերտ համակարգումը և ժամանակակից սպառազինությունների գնումը:

Նրա կարծիքով՝ հայկական բանակին նոր դոկտրին է անհրաժեշտ, զարգացման հայեցակարգ։ Պետք է բանակը վերակառուցել՝ հաշվի առնելով նախորդ փորձը։ Եվ այս առումով Ռուսաստանի՝ որպես հիմնական ռազմական և ռազմատեխնիկական գործընկերոջ դերը դժվար է գերագնահատել։ Հայաստանին անհրաժեշտ են անօդաչու թռչող սարքեր, հակաօդային պաշտպանության ցամաքային համակարգեր, մարտավարական հրթիռային համալիրներ, ռեակտիվ հրետանի, սովորական հրետանի։ Ռուսաստանն այս ամենն ունի, ընդ որում, նրա ունեցածը լավագույնն է աշխարհում։ Դրանից պետք է օգտվել։

172
թեգերը:
Նորատ Տեր–Գրիգորյանց, սպառազինություն, Զենք, Ադրբեջան, Ջո Բայդեն, ԱՄՆ
Ըստ թեմայի
Էջմիածինը դատապարտում է Ադրբեջանի կողմից իրականացվող մշակութային եղեռնագործությունը
Ադրբեջանից վերադարձած գերիների համար վերասոցիալականացման ծրագրեր են մշակվում
Ադրբեջանը խոչընդոտելու է տարածաշրջանի ապաշրջափակմանը. ՀՀ վարչապետի պաշտոնակատար