Արխիվային լուսանկար

Եվրոպան վրեժ է լուծում AstraZeneca-ից

101
(Թարմացված է 23:41 17.03.2021)
Արդեն երկու տասնյակից ավելի երկրներ, առավելապես՝ եվրոպական, դադարեցրել են Օքսֆորդի համալսարանի հետ համատեղ AstraZeneca անգլո-շվեդական ընկերության մշակած պատվաստանյութի օգտագործումը: Երեկ ցուցակը համալրել է պատվաստուկի «հայրենիքը»՝ Շվեդիան։

Պաշտոնական պատճառը պատվաստվածների մոտ թրոմբոզի արձանագրված դեպքերն են։

Առողջապահության համաշխարհային կազմակերպությունն իր հերթին, ըստ էության, կանգնել է ընկերության կողքին՝ հայտարարելով, որ «չկան ապացույցներ, որ միջադեպերը պատվաստանյութի պատճառով է եղել» և կոչ է արել շարունակել պատվաստման գորրծընթացը՝ «կյանքեր փրկելու ու հիվանդության ծանր ձևերը զսպելու համար»: Այնուամենայնիվ, ԱՀԿ-ն հավաստիացրել է, որ կուսումնասիրի ստացվող հաղորդագրություններն ու արդյունքները կհրապարակի:

Ցավոք, անիմաստ է դիտարկել AstraZeneca-ի հետ կապված իրավիճակը բժշկության ու անկողմնակալ գիտական հետազոտությունների տեսակետից։ Համաշխարհային դեղագործությունը վաղուց վերածվել է չափազանց կոռումպացված և ամեն ինչ իր շուրջը կոռումպացնող  Կլոնդայկի, որը մահացու կերպով սերտաճել է մոլորակի առանցքային քաղաքական կառույցների և արդիական օրակարգի հետ։ Իսկ համավարակը խորացրեց այդ գործընթացը։

Ըստ այդմ, կարելի է միայն ենթադրել, թե ԱՀԿ-ի դիրքորոշումը որքանով է կապված AstraZeneca-ի անվտանգության իրական մակարդակի հետ ու որքանով է պայմանավորված քաղաքական նպատակահարմարությամբ։ Ի դեպ, դա ԵՄ-ին էլ է վերաբերում։ Ծանր կողմնակի ազդեցությունների ու նույնիսկ պատվաստված մարդկանց մահվան դեպքերի մասին հաղորդումները պարբերաբար եղել են պատվաստումների հենց սկզբից, սակայն այնպիսի արմատական քայլ, ինչպիսին դեղամիջոցի օգտագործման դադարեցումն է, Գերմանիան, Ֆրանսիան ու եվրոպական մյուս առաջատար երկրները արել են, երբ առաջացել են համապատասխան քաղաքական պայմաններ:

«Անելանելի վիճակ». ո՞վ է ԵՄ-ում հետաքրքրվել «Սպուտնիկ V» պատվաստանյութով

ԵՄ-ում պատվաստումը փաստացի ձախողվում է, ինչի մասին արդեն բարձրաձայն խոսում են աշխարհի առաջատար լրատվամիջոցներն ու ազդեցիկ քաղաքական գործիչները։ Հիմնական մեղքը, անշուշտ, Բրյուսելինը, Բեռլինինն ու Արևմտյան Եվրոպայի այլ մայրաքաղաքներինն է․ որոնք ակտիվորեն ներգրավված են համապատասխան որոշումների մշակման մեջ, և ում հիմնական սխալներից մեկը AstraZeneca-ի վրա հույսը դնելն էր։

Դեռ մի կողմ դնենք, որ ընկերությունը պատրաստի արտադրանքը որոշ ուշացումով հանեց շուկա, ինչը խախտեց արտադրության ժամանակացույցը: Գլխավորն այն է, որ այն սկզբունքորեն ի վիճակի չէ կատարել իր պարտավորությունները Եվրամիության հանդեպ։

Առաջին սկանդալը բռնկվել էր դեռ հունվարին, երբ AstraZeneca-ն Բրյուսելին տեղեկացրել էր, որ արտադրական-լոգիստիկ խնդիրների պատճառով առաջիկա ամիսներին ստիպված է կրճատել պայմանագրով նախատեսված մատակարարումները 60 տոկոսով:

Վիճակը սրվում է նաև այն պատճառով, որ Մեծ Բրիտանիան սեփական համաձայնագիրն է կնքել AstraZeneca-ի հետ, որով երկիրն իր տարածքում արտադրված դեղամիջոցի նկատմամբ առաջնային իրավունք է ստանում: Այդ պատճառով Լոնդոնը շատ ավելի լավ է հոգացել իր կարիքները, քան մայրցամաքը: Հասկանալի է, որ ավարտված Brexit-ի լույսի ներքո իրավիճակը բացահայտորեն ԵՄ-ի օգտին չէ։

Այնպես որ, վերջին շաբաթներին Եվրոպան բոլոր հնարավոր լծակներով ճնշում էր գործադրում, որպասզի ընկերությունը կատարի բոլոր պայմանավորվածությունները։

Արդյունքում իրավիճակն էլ ավելի վատացավ։

Անցյալ ուրբաթ Reuters գործակալությունը հաղորդել էր, որ AstraZeneca-ն լրացուցիչ կրճատել է իր պատվաստանյութի մատակարարումները ԵՄ երկրներ: Իսկ երկուշաբթի եվրոպական պետությունները, այդ թվում՝ ԵՄ-ի առաջնորդները, սկսել են դեղամիջոցի անվտանգության ստուգման պատրվակով դադարեցնել AstraZeneca-ի օգտագործումը։

Պատվաստանյութի հեղինակությանը ծանրագույն հարված է հասցվել։

Բայց դժվար թե այն ճակատագրական դառնա։ Մեծ հավանականությամբ խոշոր միջազգային կառույցներն ու արևմտյան այլ ազդեցիկ տերությունները կաջակցեն AstraZeneca-ին։ Ընդ որում, խոսքը ոչ միայն Մեծ Բրիտանիայի մասին է, որի համար դա գլխավոր պատրաստուկն է։ Երեկ ընկերությունը հաղորդագրություն է տարածել, որում հայտնել է ԱՄՆ կառավարության հետ իր դեղորայքի լրացուցիչ մատակարարումների վերաբերյալ համաձայնագրի մասին։

Այս ամբողջ իրավիճակն առավել հետաքրքիր է որպես Արևմուտքի ներսում աճող անհաղթահարելի հակասությունների հերթական հաստատում։ Դեռ մի քանի շաբաթ առաջ տրանսատլանտյան գործընկերների միջև ցանկացած տարաձայնություն ընդունված էր վերագրել Դոնալդ Թրամփի վնասակար գործունեությանը։ Իսկ AstraZeneca-ի շուրջ սկանդալը սկզբունքորեն նոր գործոն է, որի մեղքը ոչ մի կերպ չի կարելի դնել ԱՄՆ-ի հեռացած նախագահի վրա։

Ամեն ինչի հիմքում օբյեկտիվորեն աճող ռեսուրսների դեֆիցիտն է։ Ճիշտ է, հազիվ թե այնտեղ ընդունեն այդքան ճնշող իրականությունը։ Շատ ավելի հավանական է, որ հերթական անգամ կներառվի «Մոսկվայի ձեռքի» մասին ձանձրացրած ձայնասկավառակն այն մասին, թե Ռուսաստանը պառակտում է սերմանում Արևմուտքի նպատակների ու արժեքների մեջ։

Կալիֆոռնիայում հորդորել են հրաժարվել Նուբար Աֆեյանի ընկերության պատվաստանյութի խմբաքանակից

Այս դեպքում դա հատկապես հեշտ է անել, քանի որ նման թշնամական դեմարշ կատարելով AstraZeneca-յի դեմ՝ Եվրոպան ունի մի քանի պահեստային տարբերակներ, որոնք կարող են փոխարինել բարձր վստահությունը չարդարացրած պատվաստանյութին: Իսկ ռուսական «Սպուտնիկ V» -ն գլխավորում է այդ ցուցակը։

101
թեգերը:
«AstraZeneca» պատվաստանյութ, պատվաստանյութ, կորոնավիրուս, Եվրոպա
Ըստ թեմայի
COVID-19-ի դեմ «ԿովիՎակ» պատվաստանյութը ստեղծել է հայ գիտնականը
Հայաստանը որոշել է չհրաժարվել ամերիկյան պատվաստանյութից
Հայաստանում արդեն 300 անձ է պատվաստվել կորոնովիրուսի դեմ. նախարար
Երուսաղեմ

Հրթիռի առաջ բոլորը հավասար են. Իսրայելի հայերը` ռմբակոծության տակ կյանքի մասին

75
(Թարմացված է 00:00 18.05.2021)
Պաղեստինա-իսրայելական հակամարտության սրումը չէր կարող չանդրադառնալ Իսրայելի հայ համայնքի վրա։ Թե ինչով և ինչպես են ապրում հայերն այս օրերին, պարզել է Sputnik Արմենիան։

ԵՐԵՎԱՆ, 17 մայիսի – Sputnik. Իսրայելի հայ համայնքը փորձում է որքան հնարավոր է` սովորական ռեժիմով ապրել, զբաղվել առօրյա հոգսերով։ Բնակչությունը, չնայած ռմբակոծություններին և ավերածություններին, խուճապահար չէ, և այս հարցում Իսրայելի իշխանությունների հսկայական վաստակը կա, որոնք, մեր հայրենակիցների կարծիքով, պատրաստ էին ստեղծված իրավիճակին։

Հայկական թաղամասը

Երուսաղեմի հայոց թեմի գրասենյակի ղեկավար Հովնան Բաղդասարյանը Sputnik Արմենիայի թղթակցի հետ զրույցում նշեց, որ հայկական թաղամասը Երուսաղեմի ուղղությամբ հրթիռային հարվածից չի տուժել: Ընդհանուր առմամբ, հոգևոր և աշխարհիկ կյանքն այստեղ սովորական հունով է ընթանում։

«Այստեղ ամեն ինչ հանգիստ է, ավերածություններ, տուժածներ, տարհանվածներ չկան։ Սակայն հրթիռային հարվածները շարունակվում են Իսրայելի հարավում, որտեղ նույնպես կան մեր հայրենակիցներից»,-ասաց Բաղդասարյանը` ավելացնելով, որ հայրապետության տվյալներով՝ այնտեղ ևս տուժած հայեր չկան։

Հոգևորականը պատմեց, որ պետությունը հոգ է տարել իր քաղաքացիների մասին և բոլոր բնակելի շենքերը հագեցած են ռմբապաստարաններով։ Ազդանշանը լսելուն պես բնակիչներն անմիջապես իջնում են այնտեղ։

Արյունախեղդ Պաղեստինը. Գազայի հատվածին հասցված հարվածների զոհերը` լուսանկարներում

Բաղդասարյանը նշեց, որ արաբների և հրեաների միջև բախումներն Իսրայելի ներսում տեղի են ունեցել «խառը» քաղաքներում (այդպես են անվանում քաղաքները, որտեղ կողք-կողքի հրեաներ և արաբներ են ապրում)։ Ընդհանուր առմամբ` նա նշեց, որ հայ համայնքում սրացման առաջին օրվանից խուճապ չի եղել, հայկական վարժարանները շարունակում են գործել, եկեղեցիներն ու գրասենյակներն աշխատում են։

«Մեզ մոտ խուճապ ու վախ չկա»,-ասաց Բաղդասարյանը։

Հրթիռի առաջ բոլորը հավասար են

Հրթիռի առաջ բոլորը հավասար են, և դա հստակ գիտակցում են Իսրայելի իշխանությունները, որոնք միանման հոգածությամբ են վերաբերում բոլոր քաղաքացիներին՝ անկախ նրանց էթնիկ պատկանելությունից։ Sputnik Արմենիայի հետ զրույցում նման կարծիք հայտնեց տեղի հայ համայնքի ներկայացուցիչ Տիգրան Մամաջանյանը։

Թուրքիան կաջակցի պաղեստինցիներին այնպես, ինչպես Ղարաբաղում սատարեց Բաքվին. Էրդողան

Նրա խոսքով` հիանալի են աշխատում նաև փրկարար ծառայությունները, որոնք շատ արագ արձագանքում են արտակարգ իրավիճակներին։ Օրինակ՝ հրթիռը որոշակի վայր ընկնելու դեպքում փրկարարներն անմիջապես գալիս են դեպքի վայր, մարում հրդեհը, անհրաժեշտության դեպքում ՝ տարհանում մարդկանց։

«Մենք փորձում ենք սովորական ռեժիմով ապրել։ Ովքեր աշխատում են` շարունակում են աշխատանքի գնալ, շատերը ստիպված են տանը մնալ և երեխաներին հետևել, քանի որ որոշ քաղաքներում դպրոցներն ու մանկապարտեզները փակ են»,-ասաց Մամաջանյանը։

Իսրայելի բոլոր սփյուռքահայկական կազմակերպությունները սերտ կապ են պահպանում։ Ճշտված տվյալներով՝ մինչ այժմ էթնիկ հայերի շրջանում հրթիռային հարձակումների հետևանքով տուժածներ չկան: Մամաջյանը նաև ընդգծեց, որ չեն տուժել նաև հայկական ճարտարապետական հուշարձանները:

Ընդհանուր առմամբ, ըստ նրա, կարելի է հանգել այն եզրակացության, որ պետությունը պատրաստ է այս տեսակի պատերազմին։ Միակ բանը, որ մեր հայրենակիցներին անհանգստացնում է այս օրերին, այն է, որ Իսրայելի տարբեր քաղաքներում արաբ բնակչությունը ջարդեր է կազմակերպում ի աջակցություն պաղեստինցիների։

Ըստ հայկական աղբյուրների՝ հայկական արքայական տոհմերի ներկայացուցիչները Երուսաղեմ են ժամանել դեռևս 4-րդ դարում։ Նրանք այստեղ տներ են կառուցել, որոնց նմանությամբ էլ հետագայում կառուցվել է ամբողջ հայկական թաղամասը։

Պաղեստինը չի ուզում, որ Անկարան պաղեստինյան սրացումը համեմատի Ղարաբաղի իրավիճակի հետ

75
թեգերը:
հայեր, ռմբակոծություն, Պաղեստին, Իսրայել
Ըստ թեմայի
Որո՞նք են իսրայելա-պաղեստինյան առճակատման պատճառները
3 երկիր ՄԱԿ-ի ԱԽ-ի նիստ անցկացնելու առաջարկ է արել իսրայելա-պաղեստինյան հարցի առնչությամբ
«Ուժեղ ու զսպող դաս տալ Իսրայելին». Պուտինն ու Էրդողանը քննարկել են իրավիճակը Պաղեստինում
Ջեյք Սալիվան

ԱՄՆ-ն Ադրբեջանից պահանջելու է դուրս բերել իր ուժերը ՀՀ տարածքից. Ջեյք Սալիվան

160
(Թարմացված է 23:31 17.05.2021)
Միացյալ Նահանգները բարձր է գնահատել հայկական կողմի ցուցաբերած զսպվածությունը՝ հարցը լուծելու դիվանագիտական, այլ ոչ թե ռազմական ճանապարհով։

ԵՐԵՎԱՆ, 17 մայիսի – Sputnik․ ԱՄՆ-ն անընդունելի և սադրիչ է համարում Հայաստանի սահմանից ներս ադրբեջանական ուժերի իրականացրած գործողությունները։ Միացյալ Նահանգներն իր դիրքորոշումը ներկայացնելու է նաև ադրբեջանական ղեկավարությանը՝ պահանջով դուրս բերել ուժերը ՀՀ տարածքից: Վարչապետի պաշտոնակատար Նիկոլ Փաշինյանի հետ հեռախոսազրույցում այս մասին հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։

Վարչապետի մամուլի ծառայությունից հայտնում են, որ ամերիկյան կողմի նախաձեռնությամբ կայացած հեռախոսազրույցի ընթացքում զրուցակիցները խոսել են հայ-ադրբեջանական սահմանին ստեղծված իրավիճակին։

«Խորհրդական Սալիվանը բարձր է գնահատել տվյալ իրավիճակում հայկական կողմի ցուցաբերած զսպվածությունը և հարցերը ոչ թե ռազմական, այլ դիվանագիտական ճանապարհով լուծելու քայլերը: Ամերիկյան կողմն իր մտահոգությունն է հայտնել նաև Ադրբեջանում պահվող հայ գերիների առնչությամբ և ընդգծել նրանց վերադարձի ապահովման կարևորությունը»,- նշված է հաղորդագրության մեջ։

ՀՀ ԱԽ քարտուղարը խոսել է սահմանային խնդրի լուծման հնարավոր ռազմական սցենարի մասին

ԱՄՆ նախագահի ազգային անվտանգության հարցերով խորհրդականը բարձր է գնահատել ժողովրդավարության ամրապնդման հարցում Հայաստանի կառավարության հանձնառությունը։ Ամերիկացի պաշտոնյան հավաստիացրել է, որ ԱՄՆ-ն շարունակելու է աջակցել Հայաստանին ժողովրդավարական օրակարգի առաջմղման հարցերում:

Օգտվելով առիթից, Նիկոլ Փաշինյանը շնորհակալություն է հայտնել ԱՄՆ նախագահի կողմից Հայոց ցեղասպանության տարելիցին արված հայտարարության կապակցությամբ։ Վարչապետի պաշտոնակատարն ընդգծել է այդ հայտարարության դրա առանցքային նշանակությունը:

Ադրբեջանի պահանջները հիմնավորվածություն չունեն․ Գրիգորյանն ու Զասը մտքեր են փոխանակել

160
թեգերը:
զորք, Ադրբեջան, Հայաստան, Սյունիք, ԱՄՆ
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Սյունիքյան դեպքերը կազդեն նախընտրական տրամադրությունների վրա. քաղտեխնոլոգն ասաց` ինչպես
Այսօր որոշ ադրբեջանցիներ հետ են գնացել. ՀԱՊԿ–ում կքննարկվի Սյունիքում ստեղծված իրավիճակը
Լավրովը հայտարարել է, որ Սյունիքի վերաբերյալ պայմանավորվածություն է ձեռք բերել